భద్రాచలం శ్రీ సీతారామచంద్రస్వామి దేవస్థానం సమీపంలోని కల్పవృక్ష నరసింహస్వామి ఆలయంలో గురువారం మూడు రోజుల భూ వరాహ మహాయాగం వైభవంగా ప్రారంభమైంది. ప్రముఖ జ్యోతిష్యులు, నృసింహ ఉపాసకులు డాక్టర్ శ్రీ కృష్ణ చైతన్య స్వామి ఆధ్వర్యంలో రైతుల సంక్షేమం కోసం ఈ మహాయాగాన్ని నిర్వహిస్తున్నారు. డాక్టర్ కృష్ణ చైతన్య స్వామి మాట్లాడుతూ, తెలంగాణ రాష్ట్రంలోని రైతులందరికీ సకాలంలో వర్షాలు కురిసి, పంటలు సమృద్ధిగా పండాలని, వ్యవసాయం అభివృద్ధి చెందాలని, అన్నదాతల కుటుంబాలు ఆయురారోగ్యాలతో, ఐశ్వర్యంతో ఉండాలని సంకల్పించి ఈ యాగాన్ని నిర్వహిస్తున్నట్లు తెలిపారు. రైతు బాగుంటేనే రాష్ట్రం సుభిక్షంగా ఉంటుందని, వ్యవసాయ అభివృద్ధి సమాజ ప్రగతికి పునాదని ఆయన పేర్కొన్నారు. ఈ మహాయాగ ప్రారంభ కార్యక్రమానికి భద్రాచలం ఎమ్మెల్యే డాక్టర్ తెల్లం వెంకట్రావు, భద్రాచలం మేజర్ గ్రామపంచాయతీ సర్పంచ్ పూనెం కృష్ణ ముఖ్య అతిథులుగా హాజరయ్యారు. వేద పండితుల ఆశీర్వచనాల మధ్య వారు యాగాన్ని ప్రారంభించారు. అనంతరం రైతుల శ్రేయస్సు, ప్రకృతి అనుగ్రహం, రాష్ట్ర ప్రజల సుఖశాంతి కోసం నిర్వహించిన ప్రత్యేక హోమాలు, పూజా కార్యక్రమాల్లో పాల్గొని ప్రార్థనలు చేశారు. ఈ కార్యక్రమంలో వార్డు సభ్యులు, ప్రజాప్రతినిధులు, వివిధ రాజకీయ పార్టీల నాయకులు, గ్రామ పెద్దలు, రైతులు, భక్తులు పెద్ద సంఖ్యలో పాల్గొన్నారు. మూడు రోజుల పాటు కొనసాగే ఈ మహాయాగంలో రైతుల సంక్షేమం, సమృద్ధిగా వర్షాలు, పంటల అభివృద్ధి కోసం ప్రత్యేక హోమాలు, వేద పారాయణాలు, పూజా కార్యక్రమాలు నిర్వహించి నిరంతరం ప్రార్థనలు చేయనున్నట్లు నిర్వాహకులు తెలిపారు.

Shivaram

Local News Reporter బుర్గుంపహాడ్, భద్రాద్రి కొత్తగూడెం, తెలంగాణ•

5 hrs ago

భద్రాచలం శ్రీ సీతారామచంద్రస్వామి దేవస్థానం సమీపంలోని కల్పవృక్ష నరసింహస్వామి ఆలయంలో గురువారం మూడు రోజుల భూ వరాహ మహాయాగం వైభవంగా ప్రారంభమైంది. ప్రముఖ జ్యోతిష్యులు, నృసింహ ఉపాసకులు డాక్టర్ శ్రీ కృష్ణ చైతన్య స్వామి ఆధ్వర్యంలో రైతుల సంక్షేమం కోసం ఈ మహాయాగాన్ని నిర్వహిస్తున్నారు. డాక్టర్ కృష్ణ చైతన్య స్వామి మాట్లాడుతూ, తెలంగాణ రాష్ట్రంలోని రైతులందరికీ సకాలంలో వర్షాలు కురిసి, పంటలు సమృద్ధిగా పండాలని, వ్యవసాయం అభివృద్ధి చెందాలని, అన్నదాతల కుటుంబాలు ఆయురారోగ్యాలతో, ఐశ్వర్యంతో ఉండాలని సంకల్పించి ఈ యాగాన్ని నిర్వహిస్తున్నట్లు తెలిపారు. రైతు బాగుంటేనే రాష్ట్రం సుభిక్షంగా ఉంటుందని, వ్యవసాయ అభివృద్ధి సమాజ ప్రగతికి పునాదని ఆయన పేర్కొన్నారు. ఈ మహాయాగ ప్రారంభ కార్యక్రమానికి భద్రాచలం ఎమ్మెల్యే డాక్టర్ తెల్లం వెంకట్రావు, భద్రాచలం మేజర్ గ్రామపంచాయతీ సర్పంచ్ పూనెం కృష్ణ ముఖ్య అతిథులుగా హాజరయ్యారు. వేద పండితుల ఆశీర్వచనాల మధ్య వారు యాగాన్ని ప్రారంభించారు. అనంతరం రైతుల శ్రేయస్సు, ప్రకృతి అనుగ్రహం, రాష్ట్ర ప్రజల సుఖశాంతి కోసం నిర్వహించిన ప్రత్యేక హోమాలు, పూజా కార్యక్రమాల్లో పాల్గొని ప్రార్థనలు చేశారు. ఈ కార్యక్రమంలో వార్డు సభ్యులు, ప్రజాప్రతినిధులు, వివిధ రాజకీయ పార్టీల నాయకులు, గ్రామ పెద్దలు, రైతులు, భక్తులు పెద్ద సంఖ్యలో పాల్గొన్నారు. మూడు రోజుల పాటు కొనసాగే ఈ మహాయాగంలో రైతుల సంక్షేమం, సమృద్ధిగా వర్షాలు, పంటల అభివృద్ధి కోసం ప్రత్యేక హోమాలు, వేద పారాయణాలు, పూజా కార్యక్రమాలు నిర్వహించి నిరంతరం ప్రార్థనలు చేయనున్నట్లు నిర్వాహకులు తెలిపారు.