புதுக்கோட்டை மாவட்டம் அறந்தாங்கி அருகே உள்ள திருவாடுதுறை ஆதினத்திற்குச் சொந்தமான ஆத்மநாதர் சுவாமி திருக்கோயிலில், ஆனித் திருமஞ்சன தேரோட்டம் இன்று வெகு விமர்சையாக நடைபெற்றது. மாணிக்கவாசகரால் பாடப்பட்டுப் புகழ்பெற்ற இக்கோயிலில், ஆண்டுக்கு இருமுறை மாணிக்கவாசகருக்காக ஆனித் திருமஞ்சன தேரோட்டம் மற்றும் மார்கழி திருவாதிரை திருவிழா தேரோட்டம் என இரண்டு தேரோட்டங்கள் நடைபெறுவது வழக்கம். இந்த ஆண்டின் ஆனித் திருமஞ்சன திருவிழா ஒன்பது நாட்களுக்கு முன்பு கொடியேற்றத்துடன் தொடங்கியது. அதன்பின்னர் நாள்தோறும் சுவாமி வீதி உலா காட்சிகளும், சிறப்பு அபிஷேக ஆராதனை பூஜைகளும் தொடர்ந்து நடைபெற்று வந்தன. இன்று நடைபெற்ற விழாவின் முக்கிய நிகழ்வான தேரோட்டத்தில், அழகாக அலங்கரிக்கப்பட்ட திருத்தேரில் மாணிக்கவாசகர் வீற்றிருக்க, சிவனடியார்கள் மற்றும் சிவாச்சாரியார்கள் தேவாரம், திருவாசகம் உள்ளிட்ட திருமந்திரங்களைப் பாட, பல்லாயிரக்கணக்கான பக்தர்கள் தேரை வடம் பிடித்து இழுத்துச் சென்றனர். கோயில் அமைந்துள்ள நான்கு வீதிகளிலும் தேர் ஆடி அசைந்து பவனி வந்தபோது, பக்தர்கள் சிவசிவா கரகோஷங்களை எழுப்பினர். இந்த தேரோட்டத் திருவிழாவில் தமிழ்நாட்டின் பல்வேறு பகுதிகளில் இருந்து வந்திருந்த சிவனடியார்கள், சிவ பக்தர்கள் மற்றும் பொதுமக்கள் என பல்லாயிரக்கணக்கானோர் பங்கேற்று தரிசனம் செய்தனர். தமிழ்நாடு தொழிலாளர் நலத்துறை அமைச்சர் முகமது பர்வேஸ் இந்நிகழ்வில் கலந்துகொண்டு தேரை வடம் பிடித்து இழுத்தார். ஆவுடையார்கோவில் காவல்துறையினர் பாதுகாப்புப் பணிகளில் ஈடுபட்டிருந்தனர்.

P.Senthilvelan

Insurance Agent அறந்தாங்கி, புதுக்கோட்டை, தமிழ்நாடு•

17 hrs ago

புதுக்கோட்டை மாவட்டம் அறந்தாங்கி அருகே உள்ள திருவாடுதுறை ஆதினத்திற்குச் சொந்தமான ஆத்மநாதர் சுவாமி திருக்கோயிலில், ஆனித் திருமஞ்சன தேரோட்டம் இன்று வெகு விமர்சையாக நடைபெற்றது. மாணிக்கவாசகரால் பாடப்பட்டுப் புகழ்பெற்ற இக்கோயிலில், ஆண்டுக்கு இருமுறை மாணிக்கவாசகருக்காக ஆனித் திருமஞ்சன தேரோட்டம் மற்றும் மார்கழி திருவாதிரை திருவிழா தேரோட்டம் என இரண்டு தேரோட்டங்கள் நடைபெறுவது வழக்கம். இந்த ஆண்டின் ஆனித் திருமஞ்சன திருவிழா ஒன்பது நாட்களுக்கு முன்பு

கொடியேற்றத்துடன் தொடங்கியது. அதன்பின்னர் நாள்தோறும் சுவாமி வீதி உலா காட்சிகளும், சிறப்பு அபிஷேக ஆராதனை பூஜைகளும் தொடர்ந்து நடைபெற்று வந்தன. இன்று நடைபெற்ற விழாவின் முக்கிய நிகழ்வான தேரோட்டத்தில், அழகாக அலங்கரிக்கப்பட்ட திருத்தேரில் மாணிக்கவாசகர் வீற்றிருக்க, சிவனடியார்கள் மற்றும் சிவாச்சாரியார்கள் தேவாரம், திருவாசகம் உள்ளிட்ட திருமந்திரங்களைப் பாட, பல்லாயிரக்கணக்கான பக்தர்கள் தேரை வடம் பிடித்து இழுத்துச் சென்றனர். கோயில் அமைந்துள்ள நான்கு வீதிகளிலும்

தேர் ஆடி அசைந்து பவனி வந்தபோது, பக்தர்கள் சிவசிவா கரகோஷங்களை எழுப்பினர். இந்த தேரோட்டத் திருவிழாவில் தமிழ்நாட்டின் பல்வேறு பகுதிகளில் இருந்து வந்திருந்த சிவனடியார்கள், சிவ பக்தர்கள் மற்றும் பொதுமக்கள் என பல்லாயிரக்கணக்கானோர் பங்கேற்று தரிசனம் செய்தனர். தமிழ்நாடு தொழிலாளர் நலத்துறை அமைச்சர் முகமது பர்வேஸ் இந்நிகழ்வில் கலந்துகொண்டு தேரை வடம் பிடித்து இழுத்தார். ஆவுடையார்கோவில் காவல்துறையினர் பாதுகாப்புப் பணிகளில் ஈடுபட்டிருந்தனர்.