భారతీయ జనతా పార్టీ (బీజేపీ) నిర్వహిస్తున్న “జనతా వారధి” కార్యక్రమంలో భాగంగా ప్రజల నుండి అత్యంత ఆందోళనకరమైన ఫిర్యాదులలో కల్తీ ఆహారం మరియు ఆహార భద్రత సంక్షోభం ప్రధానంగా ఉన్నాయని పార్టీ తెలిపింది. ప్రజలు తీసుకునే ఆహారం సురక్షితం కాకపోతే అది ఆరోగ్యంపైనే కాకుండా కుటుంబాల ఆర్థిక స్థితిగతులపై కూడా తీవ్ర ప్రభావం చూపుతోందని, వైద్య ఖర్చులు పెరిగి సాధారణ కుటుంబాలు ఆర్థిక ఇబ్బందుల్లోకి నెట్టబడుతున్నాయని బీజేపీ పేర్కొంది. ప్రస్తుతం రాష్ట్రంలో కల్తీ పాలు, నకిలీ మసాలాలు, నాసిరకం ప్యాకేజ్డ్ ఫుడ్, అపరిశుభ్ర మాంసం విక్రయాలు, నాణ్యతలేని ప్యాకేజ్డ్ వాటర్ వంటి సమస్యలు విస్తృతంగా ఉన్నాయని, ఇవి ప్రజారోగ్యాన్ని తీవ్ర ప్రమాదంలోకి నెడుతున్నాయని ఆందోళన వ్యక్తం చేసింది. ఆహార భద్రత అమలులో సిబ్బంది కొరత తీవ్రమైన సమస్యగా ఉందని, FSSAI ప్రమాణాల ప్రకారం రాష్ట్రానికి అవసరమైన ఫుడ్ సేఫ్టీ ఆఫీసర్ల (FSO) సంఖ్యతో పోలిస్తే భారీ కొరత ఉందని బీజేపీ హైలైట్ చేసింది. మొత్తం 723 FSO పోస్టులు మంజూరైతే, కేవలం 144 మంది మాత్రమే విధుల్లో ఉన్నారని, 500కు పైగా పోస్టులు ఖాళీగా ఉన్నాయని, ఇది కోట్లాది ప్రజల ఆహార భద్రతను పర్యవేక్షించడం కష్టసాధ్యం చేస్తుందని వివరించింది. 2023–2026 మధ్య పరీక్షించిన 16,700 ఫుడ్ శాంపిల్స్‌లో సుమారు 1,400 కల్తీ నమూనాలు గుర్తించబడినట్లు సమాచారం సమస్య తీవ్రతను స్పష్టంగా తెలియజేస్తోందని తెలిపింది. ఇటీవలి సంవత్సరాల్లో రాష్ట్రాన్ని కుదిపేసిన కొన్ని ప్రధాన సంఘటనలను బీజేపీ ప్రస్తావించింది: రాజమహేంద్రవరంలో కల్తీ పాలు ఘటన వల్ల పలువురు మృతి చెందడం, ఏలూరు నీటి కాలుష్య సంక్షోభం, శ్రీకాకుళంలో డయేరియా వ్యాప్తి, తిరుమల లడ్డు వ్యవహారంలో కల్తీ నెయ్యి ఆరోపణలు, విజయవాడలో పాడైన మాంసం రాకెట్లు, అనకాపల్లి హాస్టల్‌లో ఫుడ్ పాయిజనింగ్. గంటప్రభుత్వం ఆహార నాణ్యత పరిరక్షణ విభాగాన్ని విస్మరించిన కారణంగానే ఈ దుష్పరిణామాలు చోటు చేసుకుంటున్నాయని, ఈ విషయంలో పురోగతి లేదని బీజేపీ ఆరోపించింది. జిల్లావ్యాప్తంగా పాలలో డిటర్జెంట్, స్టార్చ్, యూరియా కలపడం, ప్యాకేజ్డ్ వాటర్‌లో బాక్టీరియల్ కాలుష్యం, గడువు ముగిసిన ప్యాకేజ్డ్ ఫుడ్ రీలేబులింగ్, కోల్డ్ స్టోరేజ్ లేకుండా మాంసం విక్రయం, స్వీట్లు, స్ట్రీట్ ఫుడ్‌లో సింథటిక్ కలర్స్, వాడిన నూనెను పదేపదే వినియోగించడం, డ్రైనేజ్ పక్కన వంటలు, అపరిశుభ్ర కిచెన్‌ల నిర్వహణ వంటి ఇతర సమస్యలు తరచుగా గుర్తిస్తున్నట్లు పేర్కొంది. మాంసం దుకాణాల పరిస్థితి మరింత ఆందోళనకరంగా ఉందని, లైసెన్స్ లేకుండా నడుస్తున్న దుకాణాలు, బహిరంగంగా మాంసం వేలాడదీయడం, వ్యర్థాల నిర్వహణ లోపం, అక్రమ స్లాటర్ పాయింట్ల వల్ల సాల్మొనెల్లా, ఈ.కోలై, హెపటైటిస్ వంటి వ్యాధులు ప్రబలే అవకాశం ఉందని హెచ్చరించింది. ఫుడ్ టెస్టింగ్ మౌలిక సదుపాయాలు కూడా అవసరానికి తగిన స్థాయిలో లేవని, జిల్లాల వారీగా ల్యాబ్‌లు లేకపోవడం వల్ల శాంపిల్ సేకరణ, పరీక్షా నివేదికలు ఆలస్యం అవుతున్నాయని బీజేపీ వివరించింది. అనేక సందర్భాల్లో పక్క రాష్ట్రాల ల్యాబ్‌లపై ఆధారపడాల్సి వస్తోందని, విశాఖపట్నంలో రూ.4.77 కోట్లతో నిర్మించిన స్టేట్ ఫుడ్ లేబొరేటరీ సైతం సిబ్బంది కొరతతో పూర్తి స్థాయిలో పనిచేయడం లేదని పేర్కొంది. JNTU కాకినాడ, TTD అడ్వాన్స్‌డ్ ఫుడ్ ల్యాబ్, కొన్ని ప్రైవేట్ NABL ల్యాబ్‌లు ఉన్నప్పటికీ, జిల్లావ్యాప్తంగా ఉన్న అవసరాలకు అవి సరిపోవడం లేదని తెలిపింది. ఈ సమస్యల పరిష్కారం కోసం బీజేపీ పలు డిమాండ్లను చేసింది: జిల్లాలో అన్ని ఫుడ్ సేఫ్టీ ఆఫీసర్ ఖాళీలను తక్షణమే భర్తీ చేయాలి, కనీసం ఒక మినీ ఫుడ్ టెస్టింగ్ లేబొరేటరీని ఏర్పాటు చేయాలి, అన్ని ఆహార వ్యాపార సంస్థల్లో QR-ఆధారిత ఫుడ్ లైసెన్స్ డిస్‌ప్లే తప్పనిసరి చేయాలి. అలాగే, హోటళ్లు, రెస్టారెంట్లు, మాంసం దుకాణాల్లో వారానికొకసారి పరిశుభ్రత తనిఖీలు నిర్వహించాలి, అక్రమ స్లాటర్ పాయింట్లను గుర్తించి తక్షణమే మూసివేయాలి, ప్రైవేట్ కార్పొరేట్ స్కూల్స్, ప్రభుత్వ పాఠశాలలు, హాస్టళ్లు, అంగన్‌వాడీలలో ప్రత్యేక ఆహార భద్రత తనిఖీలు చేపట్టాలి. నిబంధనలు పునరావృతంగా ఉల్లంఘించే వారిపై భారీ జరిమానాలు, క్రిమినల్ కేసులు నమోదు చేయాలని, ప్రజల ఫిర్యాదుల కోసం 24×7 ఫుడ్ సేఫ్టీ హెల్ప్‌లైన్ ఏర్పాటు చేయాలని డిమాండ్ చేసింది. ప్రజల ఆరోగ్యం రాష్ట్ర అభివృద్ధికి మూలస్తంభమని పేర్కొంటూ, ఈ అత్యంత కీలక అంశాన్ని అత్యవసరంగా పరిగణించి తక్షణ చర్యలు తీసుకోవాలని వినమ్రంగా అభ్యర్థించింది. ఈ కార్యక్రమంలో బీజేపీ ఉపాధ్యక్షుడు తూములూరి చైతన్య శర్మ, జిల్లా సెక్రటరీ కోటేశ్వరరావు (నాని), మండలాధ్యక్షులు ప్రవీణ్ రాంకా, చంద్రశేఖర్, మండల ప్రధాన కార్యదర్శి ఐ.దుర్గ తదితరులు పాల్గొన్నారు.

పల్లె నరేష్

ఇబ్రహీంపట్నం, ఎన్టీఆర్, ఆంధ్రప్రదేశ్•

2 hrs ago

భారతీయ జనతా పార్టీ (బీజేపీ) నిర్వహిస్తున్న “జనతా వారధి” కార్యక్రమంలో భాగంగా ప్రజల నుండి అత్యంత ఆందోళనకరమైన ఫిర్యాదులలో కల్తీ ఆహారం మరియు ఆహార భద్రత సంక్షోభం ప్రధానంగా ఉన్నాయని పార్టీ తెలిపింది. ప్రజలు తీసుకునే ఆహారం సురక్షితం కాకపోతే అది ఆరోగ్యంపైనే కాకుండా కుటుంబాల ఆర్థిక స్థితిగతులపై కూడా తీవ్ర ప్రభావం చూపుతోందని, వైద్య ఖర్చులు పెరిగి సాధారణ కుటుంబాలు ఆర్థిక ఇబ్బందుల్లోకి నెట్టబడుతున్నాయని బీజేపీ పేర్కొంది. ప్రస్తుతం రాష్ట్రంలో కల్తీ పాలు, నకిలీ మసాలాలు, నాసిరకం ప్యాకేజ్డ్ ఫుడ్, అపరిశుభ్ర మాంసం విక్రయాలు, నాణ్యతలేని ప్యాకేజ్డ్ వాటర్ వంటి సమస్యలు విస్తృతంగా ఉన్నాయని, ఇవి ప్రజారోగ్యాన్ని తీవ్ర ప్రమాదంలోకి నెడుతున్నాయని ఆందోళన వ్యక్తం చేసింది. ఆహార భద్రత అమలులో సిబ్బంది కొరత తీవ్రమైన సమస్యగా ఉందని, FSSAI ప్రమాణాల ప్రకారం రాష్ట్రానికి అవసరమైన ఫుడ్ సేఫ్టీ ఆఫీసర్ల (FSO) సంఖ్యతో పోలిస్తే భారీ కొరత ఉందని బీజేపీ హైలైట్ చేసింది. మొత్తం 723 FSO పోస్టులు మంజూరైతే, కేవలం 144 మంది మాత్రమే విధుల్లో ఉన్నారని, 500కు పైగా పోస్టులు ఖాళీగా ఉన్నాయని, ఇది కోట్లాది ప్రజల ఆహార భద్రతను పర్యవేక్షించడం కష్టసాధ్యం చేస్తుందని వివరించింది. 2023–2026 మధ్య పరీక్షించిన 16,700 ఫుడ్ శాంపిల్స్‌లో సుమారు 1,400 కల్తీ నమూనాలు గుర్తించబడినట్లు సమాచారం సమస్య తీవ్రతను స్పష్టంగా తెలియజేస్తోందని తెలిపింది. ఇటీవలి సంవత్సరాల్లో రాష్ట్రాన్ని కుదిపేసిన కొన్ని ప్రధాన సంఘటనలను బీజేపీ ప్రస్తావించింది: రాజమహేంద్రవరంలో కల్తీ పాలు ఘటన వల్ల పలువురు మృతి చెందడం, ఏలూరు నీటి కాలుష్య సంక్షోభం, శ్రీకాకుళంలో డయేరియా వ్యాప్తి, తిరుమల లడ్డు వ్యవహారంలో కల్తీ నెయ్యి ఆరోపణలు, విజయవాడలో పాడైన మాంసం రాకెట్లు, అనకాపల్లి హాస్టల్‌లో ఫుడ్ పాయిజనింగ్. గంటప్రభుత్వం ఆహార నాణ్యత పరిరక్షణ విభాగాన్ని విస్మరించిన కారణంగానే ఈ దుష్పరిణామాలు చోటు చేసుకుంటున్నాయని, ఈ విషయంలో పురోగతి లేదని బీజేపీ ఆరోపించింది. జిల్లావ్యాప్తంగా పాలలో డిటర్జెంట్, స్టార్చ్, యూరియా కలపడం, ప్యాకేజ్డ్ వాటర్‌లో బాక్టీరియల్ కాలుష్యం, గడువు ముగిసిన ప్యాకేజ్డ్ ఫుడ్ రీలేబులింగ్, కోల్డ్ స్టోరేజ్ లేకుండా మాంసం విక్రయం, స్వీట్లు, స్ట్రీట్ ఫుడ్‌లో సింథటిక్ కలర్స్, వాడిన నూనెను పదేపదే వినియోగించడం, డ్రైనేజ్ పక్కన వంటలు, అపరిశుభ్ర కిచెన్‌ల నిర్వహణ వంటి ఇతర సమస్యలు తరచుగా గుర్తిస్తున్నట్లు పేర్కొంది. మాంసం దుకాణాల పరిస్థితి మరింత ఆందోళనకరంగా ఉందని, లైసెన్స్ లేకుండా నడుస్తున్న దుకాణాలు, బహిరంగంగా మాంసం వేలాడదీయడం, వ్యర్థాల నిర్వహణ లోపం, అక్రమ స్లాటర్ పాయింట్ల వల్ల సాల్మొనెల్లా, ఈ.కోలై, హెపటైటిస్ వంటి వ్యాధులు ప్రబలే అవకాశం ఉందని హెచ్చరించింది. ఫుడ్ టెస్టింగ్ మౌలిక సదుపాయాలు కూడా అవసరానికి తగిన స్థాయిలో లేవని, జిల్లాల వారీగా ల్యాబ్‌లు లేకపోవడం వల్ల శాంపిల్ సేకరణ, పరీక్షా నివేదికలు ఆలస్యం అవుతున్నాయని బీజేపీ వివరించింది. అనేక సందర్భాల్లో పక్క రాష్ట్రాల ల్యాబ్‌లపై ఆధారపడాల్సి వస్తోందని, విశాఖపట్నంలో రూ.4.77 కోట్లతో నిర్మించిన స్టేట్ ఫుడ్ లేబొరేటరీ సైతం సిబ్బంది కొరతతో పూర్తి స్థాయిలో పనిచేయడం లేదని పేర్కొంది. JNTU కాకినాడ, TTD అడ్వాన్స్‌డ్ ఫుడ్ ల్యాబ్, కొన్ని ప్రైవేట్ NABL ల్యాబ్‌లు ఉన్నప్పటికీ, జిల్లావ్యాప్తంగా ఉన్న అవసరాలకు అవి సరిపోవడం లేదని తెలిపింది. ఈ సమస్యల పరిష్కారం కోసం బీజేపీ పలు డిమాండ్లను చేసింది: జిల్లాలో అన్ని ఫుడ్ సేఫ్టీ ఆఫీసర్ ఖాళీలను తక్షణమే భర్తీ చేయాలి, కనీసం ఒక మినీ ఫుడ్ టెస్టింగ్ లేబొరేటరీని ఏర్పాటు చేయాలి, అన్ని ఆహార వ్యాపార సంస్థల్లో QR-ఆధారిత ఫుడ్ లైసెన్స్ డిస్‌ప్లే తప్పనిసరి చేయాలి. అలాగే, హోటళ్లు, రెస్టారెంట్లు, మాంసం దుకాణాల్లో వారానికొకసారి పరిశుభ్రత తనిఖీలు నిర్వహించాలి, అక్రమ స్లాటర్ పాయింట్లను గుర్తించి తక్షణమే మూసివేయాలి, ప్రైవేట్ కార్పొరేట్ స్కూల్స్, ప్రభుత్వ పాఠశాలలు, హాస్టళ్లు, అంగన్‌వాడీలలో ప్రత్యేక ఆహార భద్రత తనిఖీలు చేపట్టాలి. నిబంధనలు పునరావృతంగా ఉల్లంఘించే వారిపై భారీ జరిమానాలు, క్రిమినల్ కేసులు నమోదు చేయాలని, ప్రజల ఫిర్యాదుల కోసం 24×7 ఫుడ్ సేఫ్టీ హెల్ప్‌లైన్ ఏర్పాటు చేయాలని డిమాండ్ చేసింది. ప్రజల ఆరోగ్యం రాష్ట్ర అభివృద్ధికి మూలస్తంభమని పేర్కొంటూ, ఈ అత్యంత కీలక అంశాన్ని అత్యవసరంగా పరిగణించి తక్షణ చర్యలు తీసుకోవాలని వినమ్రంగా అభ్యర్థించింది. ఈ కార్యక్రమంలో బీజేపీ ఉపాధ్యక్షుడు తూములూరి చైతన్య శర్మ, జిల్లా సెక్రటరీ కోటేశ్వరరావు (నాని), మండలాధ్యక్షులు ప్రవీణ్ రాంకా, చంద్రశేఖర్, మండల ప్రధాన కార్యదర్శి ఐ.దుర్గ తదితరులు పాల్గొన్నారు.