देगलूर तालुक्यातील हणेगाव आणि परिसरात पिसाळलेल्या कुत्र्यांचा मोठा सुळसुळाट झाला असून, त्यांनी गावातील अनेक नागरिकांना चावा घेतला आहे. यामुळे नागरिक आणि शाळकरी विद्यार्थ्यांमध्ये प्रचंड भीतीचे वातावरण पसरले आहे. धक्कादायक बाब म्हणजे, कुत्र्याने चावा घेतल्यानंतर दिली जाणारी रेबीज प्रतिबंधक लस हणेगाव प्राथमिक आरोग्य केंद्रात गेल्या एक वर्षापासून उपलब्ध नाही. लसींच्या या तुटवड्यामुळे रुग्णांचे प्रचंड हाल होत असून गंभीर दुर्घटना घडत आहेत. हणेगाव येथील सुनीता सुर्यकांत पटणे या महिलेला १७ जुलै २०२६ रोजी दुपारी १ वाजताच्या सुमारास शेतात सोयाबीन पिकात खुरपणी करताना सर्पदंश झाला होता. प्राथमिक उपचारानंतर कर्नाटक राज्यातील बिदर येथील रुग्णालयात उपचारादरम्यान त्यांचा मृत्यू झाला. हणेगाव, मरखेल आणि शहापूर येथील प्राथमिक आरोग्य केंद्रांमध्ये रेबीज, स्नेक व्हेनम (सर्पदंश प्रतिबंधक लस), इम्युनोग्लोबुलिन किंवा सिरम, न्युमोनिया, पोलिओ आणि धनुर्वात यांसारख्या अत्यंत आवश्यक प्रतिबंधक लसींचा साठा संपला आहे. स्थानिक पातळीवर वेळेवर उपचार मिळत नसल्याने रुग्णांना आणि त्यांच्या नातेवाईकांना मानसिक, शारीरिक व आर्थिक त्रासाला सामोरे जावे लागत आहे. लोकांना उपचारासाठी इतर शहरांमध्ये धाव घ्यावी लागत आहे; परंतु शेजारील कर्नाटक राज्यातील औराद, बिदर, मदनूर तसेच तेलंगणा राज्यातील बासवाड आणि बोधन येथेही कधीकधी लस उपलब्ध नसते. या परिस्थितीमुळे संतप्त झालेल्या नागरिकांनी ग्रामपंचायतीचे सरपंच, उपसरपंच आणि ग्राम विस्तार अधिकाऱ्यांनी तातडीने उपाययोजना करून पिसाळलेल्या कुत्र्यांचा बंदोबस्त करावा, तसेच वरिष्ठ आरोग्य अधिकाऱ्यांशी संपर्क साधून प्राथमिक आरोग्य केंद्रांमध्ये त्वरित लसींचा साठा उपलब्ध करून द्यावा, अशी आग्रही मागणी केली आहे.

जयपाल दावनगीरकर

Social worker देगलूर, नांदेड, महाराष्ट्र•

8 hrs ago

देगलूर तालुक्यातील हणेगाव आणि परिसरात पिसाळलेल्या कुत्र्यांचा मोठा सुळसुळाट झाला असून, त्यांनी गावातील अनेक नागरिकांना चावा घेतला आहे. यामुळे नागरिक आणि शाळकरी विद्यार्थ्यांमध्ये प्रचंड भीतीचे वातावरण पसरले आहे. धक्कादायक बाब म्हणजे, कुत्र्याने चावा घेतल्यानंतर दिली जाणारी रेबीज प्रतिबंधक लस हणेगाव प्राथमिक आरोग्य केंद्रात गेल्या एक वर्षापासून उपलब्ध नाही. लसींच्या या तुटवड्यामुळे रुग्णांचे प्रचंड हाल होत असून गंभीर दुर्घटना घडत आहेत. हणेगाव येथील सुनीता सुर्यकांत पटणे या महिलेला १७ जुलै २०२६ रोजी दुपारी १ वाजताच्या सुमारास शेतात सोयाबीन पिकात खुरपणी करताना सर्पदंश झाला होता. प्राथमिक उपचारानंतर कर्नाटक राज्यातील बिदर येथील रुग्णालयात उपचारादरम्यान त्यांचा मृत्यू झाला. हणेगाव, मरखेल आणि शहापूर येथील प्राथमिक आरोग्य केंद्रांमध्ये रेबीज, स्नेक

व्हेनम (सर्पदंश प्रतिबंधक लस), इम्युनोग्लोबुलिन किंवा सिरम, न्युमोनिया, पोलिओ आणि धनुर्वात यांसारख्या अत्यंत आवश्यक प्रतिबंधक लसींचा साठा संपला आहे. स्थानिक पातळीवर वेळेवर उपचार मिळत नसल्याने रुग्णांना आणि त्यांच्या नातेवाईकांना मानसिक, शारीरिक व आर्थिक त्रासाला सामोरे जावे लागत आहे. लोकांना उपचारासाठी इतर शहरांमध्ये धाव घ्यावी लागत आहे; परंतु शेजारील कर्नाटक राज्यातील औराद, बिदर, मदनूर तसेच तेलंगणा राज्यातील बासवाड आणि बोधन येथेही कधीकधी लस उपलब्ध नसते. या परिस्थितीमुळे संतप्त झालेल्या नागरिकांनी ग्रामपंचायतीचे सरपंच, उपसरपंच आणि ग्राम विस्तार अधिकाऱ्यांनी तातडीने उपाययोजना करून पिसाळलेल्या कुत्र्यांचा बंदोबस्त करावा, तसेच वरिष्ठ आरोग्य अधिकाऱ्यांशी संपर्क साधून प्राथमिक आरोग्य केंद्रांमध्ये त्वरित लसींचा साठा उपलब्ध करून द्यावा, अशी आग्रही मागणी केली आहे.