शेगाव शहरातील अकोट रोडवरील शर्मा प्लॉट परिसरात ४२ वर्षीय व्यक्तीचा संशयास्पद मृत्यू झाल्याची घटना समोर आल्याने परिसरात मोठी खळबळ उडाली आहे. रमेश दत्ताप्पा जतकर असे मृत व्यक्तीचे नाव असून, शेगाव शहर पोलिसांनी या प्रकरणी बीएनएसएस (BNSS) कलम १९४ अंतर्गत अकस्मात मृत्यूची नोंद करून पुढील तपास सुरू केला आहे. कौटुंबिक माहितीनुसार, रमेश जतकर यांना दारूचे व्यसन होते, ज्यामुळे त्यांची पत्नी आणि दोन मुली धाराशिव येथे त्यांच्यापासून वेगळ्या राहत होत्या. शनिवार, ११ जुलै २०२६ रोजी सकाळी सुमारे ६:४५ वाजता फिर्यादी दिगंबर मलकाप्पा जतकर यांनी नेहमीप्रमाणे दुकान उघडल्यानंतर आपल्या पुतण्याला म्हणजेच रमेश यांना आवाज दिला, मात्र त्यांच्याकडून कोणताही प्रतिसाद मिळाला नाही. त्यानंतर त्यांनी तातडीने शेगाव शहर पोलीस व परिसरातील नागरिकांना याबाबत माहिती दिली. घटनास्थळी पोहोचलेल्या पोलिसांनी रमेश जतकर यांना तातडीने शासकीय रुग्णालय, शेगाव येथे दाखल केले, परंतु वैद्यकीय अधिकाऱ्यांनी तपासणीनंतर त्यांना मृत घोषित केले. दारूचे व्यसन आणि आजारपणामुळे आलेल्या नैराश्यातून त्यांनी हे टोकाचे पाऊल उचलल्याची प्राथमिक शक्यता फिर्यादीच्या तक्रारीत व्यक्त करण्यात आली आहे. या प्रकरणाचा पुढील तपास पोलीस हेड कॉन्स्टेबल सुरेंद्रसिंग चव्हाण करत असून मृत्यूचे नेमके कारण तपासानंतरच स्पष्ट होईल, असे पोलिसांनी सांगितले आहे.

Sachin kadukar

Photographer Shegaon, Buldhana•

4 hrs ago

शेगाव शहरातील अकोट रोडवरील शर्मा प्लॉट परिसरात ४२ वर्षीय व्यक्तीचा संशयास्पद मृत्यू झाल्याची घटना समोर आल्याने परिसरात मोठी खळबळ उडाली आहे. रमेश दत्ताप्पा जतकर असे मृत व्यक्तीचे नाव असून, शेगाव शहर पोलिसांनी या प्रकरणी बीएनएसएस (BNSS) कलम १९४ अंतर्गत अकस्मात मृत्यूची नोंद करून पुढील तपास सुरू केला आहे. कौटुंबिक माहितीनुसार, रमेश जतकर यांना दारूचे व्यसन होते, ज्यामुळे त्यांची पत्नी आणि दोन मुली धाराशिव येथे त्यांच्यापासून वेगळ्या राहत होत्या. शनिवार, ११ जुलै २०२६ रोजी सकाळी सुमारे ६:४५ वाजता फिर्यादी दिगंबर मलकाप्पा जतकर यांनी नेहमीप्रमाणे दुकान उघडल्यानंतर आपल्या पुतण्याला म्हणजेच रमेश यांना आवाज दिला, मात्र त्यांच्याकडून कोणताही प्रतिसाद मिळाला नाही. त्यानंतर त्यांनी तातडीने शेगाव शहर पोलीस व परिसरातील नागरिकांना याबाबत माहिती दिली. घटनास्थळी पोहोचलेल्या पोलिसांनी रमेश जतकर यांना तातडीने शासकीय रुग्णालय, शेगाव येथे दाखल केले, परंतु वैद्यकीय अधिकाऱ्यांनी तपासणीनंतर त्यांना मृत घोषित केले. दारूचे व्यसन आणि आजारपणामुळे आलेल्या नैराश्यातून त्यांनी हे टोकाचे पाऊल उचलल्याची प्राथमिक शक्यता फिर्यादीच्या तक्रारीत व्यक्त करण्यात आली आहे. या प्रकरणाचा पुढील तपास पोलीस हेड कॉन्स्टेबल सुरेंद्रसिंग चव्हाण करत असून मृत्यूचे नेमके कारण तपासानंतरच स्पष्ट होईल, असे पोलिसांनी सांगितले आहे.