नियतीचा क्रूर खेळ! लग्नानंतर अवघ्या १० दिवसांत नवदाम्पत्याचा मृत्यू नियतीचा क्रूर खेळ! लग्नानंतर अवघ्या १० दिवसांत नवदाम्पत्याचा मृत्यू कराड-चिपळूण राष्ट्रीय महामार्गावर येरफळे गावाच्या हद्दीत झालेल्या भीषण अपघातात अवघ्या दहा दिवसांपूर्वी विवाहबंधनात अडकलेल्या नवदाम्पत्याचा जागीच मृत्यू झाला. या हृदयद्रावक घटनेमुळे संपूर्ण पाटण तालुक्यावर शोककळा पसरली आहे. मिळालेल्या माहितीनुसार, सडादाढोली (ता. पाटण) येथील राजू झोरे (वय २५) आणि त्यांची पत्नी राणी झोरे (वय २३) हे दोघे दुचाकीवरून प्रवास करत होते. येरफळे गावाजवळ एका ट्रकला ओव्हरटेक करण्याच्या प्रयत्नात त्यांच्या दुचाकीला समोरून येणाऱ्या भरधाव पिकअप वाहनाने जोरदार धडक दिली. ही धडक इतकी भीषण होती की दुचाकीचे पुढील चाक तुटून दूर फेकले गेले, तर पिकअप गाडीच्या समोरील काच पूर्णपणे फुटली. अपघातात राजू आणि राणी यांचा जागीच मृत्यू झाला. विशेष म्हणजे या दोघांचा विवाह अवघ्या १० दिवसांपूर्वीच झाला होता. नव्या आयुष्याची स्वप्ने डोळ्यांत घेऊन संसाराला सुरुवात केलेल्या या जोडप्यावर काळाने अचानक झडप घातल्याने परिसरात हळहळ व्यक्त होत आहे. घटनेची माहिती मिळताच सडादाढोली गावावर दुःखाचा डोंगर कोसळला. काही दिवसांपूर्वी ज्या घरातून लग्नाची वरात निघाली होती, त्याच घरात आज अंत्यविधीचे वातावरण निर्माण झाले. कुटुंबीयांचा आक्रोश पाहून उपस्थितांच्या डोळ्यांत अश्रू अनावर झाले. प्राथमिक तपासात हा अपघात वेग आणि बेफिकीर ओव्हरटेकिंगमुळे झाल्याचे समोर आले आहे. या प्रकरणी पोलिसांनी पिकअप चालकाविरोधात गुन्हा दाखल केला असून पुढील तपास सुरू आहे.

पत्रकार ओमप्रकाश उढाण

घनसावंगी, जालना, महाराष्ट्र•

7 hrs ago

नियतीचा क्रूर खेळ! लग्नानंतर अवघ्या १० दिवसांत नवदाम्पत्याचा मृत्यू नियतीचा क्रूर खेळ! लग्नानंतर अवघ्या १० दिवसांत नवदाम्पत्याचा मृत्यू कराड-चिपळूण राष्ट्रीय महामार्गावर येरफळे गावाच्या हद्दीत झालेल्या भीषण अपघातात अवघ्या दहा दिवसांपूर्वी विवाहबंधनात अडकलेल्या नवदाम्पत्याचा जागीच मृत्यू झाला. या हृदयद्रावक घटनेमुळे संपूर्ण पाटण तालुक्यावर शोककळा पसरली आहे. मिळालेल्या माहितीनुसार, सडादाढोली (ता. पाटण) येथील राजू झोरे (वय २५) आणि त्यांची पत्नी राणी झोरे (वय २३) हे दोघे दुचाकीवरून प्रवास करत होते. येरफळे गावाजवळ एका ट्रकला ओव्हरटेक करण्याच्या प्रयत्नात त्यांच्या दुचाकीला समोरून येणाऱ्या भरधाव पिकअप वाहनाने जोरदार धडक दिली. ही धडक इतकी भीषण होती की दुचाकीचे पुढील चाक तुटून दूर फेकले गेले, तर पिकअप गाडीच्या समोरील काच पूर्णपणे फुटली. अपघातात राजू आणि राणी यांचा जागीच मृत्यू झाला. विशेष म्हणजे या दोघांचा विवाह अवघ्या १० दिवसांपूर्वीच झाला होता. नव्या आयुष्याची स्वप्ने डोळ्यांत घेऊन संसाराला सुरुवात केलेल्या या जोडप्यावर काळाने अचानक झडप घातल्याने परिसरात हळहळ व्यक्त होत आहे. घटनेची माहिती मिळताच सडादाढोली गावावर दुःखाचा डोंगर कोसळला. काही दिवसांपूर्वी ज्या घरातून लग्नाची वरात निघाली होती, त्याच घरात आज अंत्यविधीचे वातावरण निर्माण झाले. कुटुंबीयांचा आक्रोश पाहून उपस्थितांच्या डोळ्यांत अश्रू अनावर झाले. प्राथमिक तपासात हा अपघात वेग आणि बेफिकीर ओव्हरटेकिंगमुळे झाल्याचे समोर आले आहे. या प्रकरणी पोलिसांनी पिकअप चालकाविरोधात गुन्हा दाखल केला असून पुढील तपास सुरू आहे.