वळद येथील राजीव गांधी विद्यालय व कनिष्ठ महाविद्यालयाच्या मुख्य प्रवेशद्वारासमोर महावितरणतर्फे ट्रान्सफॉर्मर (DP) उभारण्याचे काम सुरू आहे. विद्यार्थ्यांच्या सुरक्षेच्या दृष्टीने हा निर्णय अत्यंत धोकादायक असल्याचे सांगत शाळा प्रशासन, पालक आणि स्थानिक नागरिकांनी हे काम थांबवले असून, ट्रान्सफॉर्मर त्वरित अन्यत्र हलवण्याची मागणी केली आहे. या विद्यालयात इयत्ता ८ वी ते १२ वीचे शेकडो विद्यार्थी शिक्षण घेत असून ते दररोज याच गेटमधून ये-जा करतात, असे शाळेचे संचालक सुभाष गजानन यावलकर यांनी सांगितले. त्यांनी तीव्र प्रतिक्रिया व्यक्त करत म्हटले की, शाळा प्रशासनाने सुमारे १५ दिवसांपूर्वीच महावितरणच्या अधिकाऱ्यांना यासंदर्भात पूर्वसूचना देऊन ट्रान्सफॉर्मर शाळेपासून सुरक्षित अंतरावर उभारण्याची विनंती केली होती, तरीही महावितरणने गेटसमोरच काम सुरू केले. विद्यार्थ्यांनी खेळताना किंवा ये-जा करताना ट्रान्सफॉर्मरला चुकून स्पर्श केल्यास किंवा कोणतीही अनुचित घटना घडल्यास त्यास जबाबदार कोण, असा संतप्त सवाल यावलकर यांनी उपस्थित केला आहे. शाळेचे मुख्याध्यापक ए. टी. डुमरे यांनीही गंभीर प्रकारावर बोलताना सांगितले की, शालेय परिसरामध्ये ट्रान्सफॉर्मरसाठी पुरेशी मोकळी जागा उपलब्ध असतानाही महावितरणने जाणूनबुजून गेटसमोर काम सुरू केल्याने विद्यार्थ्यांच्या सुरक्षिततेचा प्रश्न ऐरणीवर आला आहे. शाळा प्रशासनाचा या उभारणीला तीव्र विरोध आहे. या प्रकारामुळे संतप्त झालेल्या पालकांनी आणि स्थानिक नागरिकांनी महावितरणच्या कारभारावर तीव्र नाराजी व्यक्त केली आहे. त्यांनी एकमुखी मागणी केली आहे की, महावितरणने तात्काळ दखल घेऊन विद्यार्थ्यांच्या सुरक्षिततेसाठी हा ट्रान्सफॉर्मर अन्य सुरक्षित ठिकाणी हलवावा. शाळा प्रशासन, कर्मचारी आणि ग्रामस्थांनी ही मागणी पूर्ण होईपर्यंत काम रोखले असून, वरिष्ठ अधिकाऱ्यांनी या प्रकरणाची तातडीने दखल घ्यावी अशी अपेक्षा व्यक्त केली आहे.

नरेश बोपचे

Journalist आमगाव, गोंदिया, महाराष्ट्र•

4 hrs ago

वळद येथील राजीव गांधी विद्यालय व कनिष्ठ महाविद्यालयाच्या मुख्य प्रवेशद्वारासमोर महावितरणतर्फे ट्रान्सफॉर्मर (DP) उभारण्याचे काम सुरू आहे. विद्यार्थ्यांच्या सुरक्षेच्या दृष्टीने हा निर्णय अत्यंत धोकादायक असल्याचे सांगत शाळा प्रशासन, पालक आणि स्थानिक नागरिकांनी हे काम थांबवले असून, ट्रान्सफॉर्मर त्वरित अन्यत्र हलवण्याची मागणी केली आहे. या विद्यालयात इयत्ता ८ वी ते १२ वीचे शेकडो विद्यार्थी शिक्षण घेत असून ते दररोज याच गेटमधून ये-जा करतात, असे शाळेचे संचालक सुभाष गजानन यावलकर यांनी सांगितले. त्यांनी तीव्र प्रतिक्रिया व्यक्त करत म्हटले की, शाळा प्रशासनाने सुमारे १५ दिवसांपूर्वीच महावितरणच्या अधिकाऱ्यांना यासंदर्भात पूर्वसूचना देऊन ट्रान्सफॉर्मर शाळेपासून सुरक्षित अंतरावर उभारण्याची विनंती केली होती, तरीही महावितरणने गेटसमोरच काम सुरू केले. विद्यार्थ्यांनी खेळताना किंवा ये-जा करताना ट्रान्सफॉर्मरला चुकून स्पर्श केल्यास किंवा कोणतीही अनुचित घटना घडल्यास त्यास जबाबदार कोण, असा संतप्त सवाल यावलकर यांनी उपस्थित केला आहे. शाळेचे मुख्याध्यापक ए. टी. डुमरे यांनीही गंभीर प्रकारावर बोलताना सांगितले की, शालेय परिसरामध्ये ट्रान्सफॉर्मरसाठी पुरेशी मोकळी जागा उपलब्ध असतानाही महावितरणने जाणूनबुजून गेटसमोर काम सुरू केल्याने विद्यार्थ्यांच्या सुरक्षिततेचा प्रश्न ऐरणीवर आला आहे. शाळा प्रशासनाचा या उभारणीला तीव्र विरोध आहे. या प्रकारामुळे संतप्त झालेल्या पालकांनी आणि स्थानिक नागरिकांनी महावितरणच्या कारभारावर तीव्र नाराजी व्यक्त केली आहे. त्यांनी एकमुखी मागणी केली आहे की, महावितरणने तात्काळ दखल घेऊन विद्यार्थ्यांच्या सुरक्षिततेसाठी हा ट्रान्सफॉर्मर अन्य सुरक्षित ठिकाणी हलवावा. शाळा प्रशासन, कर्मचारी आणि ग्रामस्थांनी ही मागणी पूर्ण होईपर्यंत काम रोखले असून, वरिष्ठ अधिकाऱ्यांनी या प्रकरणाची तातडीने दखल घ्यावी अशी अपेक्षा व्यक्त केली आहे.