കാടുമൂടിയ ഗ്രാമവഴികൾ വൃത്തിയാക്കാൻ പഞ്ചായത്ത് മെമ്പർമാർ നേരിട്ട് രംഗത്ത് വടക്കഞ്ചേരി: കാടുമൂടിയ ഗ്രാമവഴികൾ യാത്രായോഗ്യമാക്കാൻ പഞ്ചായത്ത് മെമ്പർമാർ നേരിട്ട് രംഗത്ത്. വടക്കഞ്ചേരി പഞ്ചായത്ത് ഉൾപ്പെടെയുള്ള വിവിധ പഞ്ചായത്തുകളിലെ വാർഡുകളിലാണ് യന്ത്രസംവിധാനങ്ങളുടെ സഹായത്തോടെ റോഡരികിലെ പൊന്തക്കാടുകൾ വെട്ടിത്തെളിച്ച് വൃത്തിയാക്കുന്നത്. ഇതോടെ കാടുമൂടി കിടന്നിരുന്ന പല ഗ്രാമവഴികളും വീണ്ടും സഞ്ചാരയോഗ്യമാകുകയാണ്. നേരത്തെ തൊഴിലുറപ്പ് പദ്ധതിയിലെ തൊഴിലാളികളെ ഉപയോഗിച്ചായിരുന്നു റോഡരികിലെ കാടുവെട്ടൽ ഉൾപ്പെടെയുള്ള പ്രവൃത്തികൾ നടത്തിയിരുന്നത്. എന്നാൽ നിലവിൽ ഫണ്ടിന്റെ അഭാവം മൂലം ഈ പ്രവർത്തനങ്ങൾ മുടങ്ങിയതോടെയാണ് പല റോഡുകളും കാടുമൂടിയത്. ഇതോടെ ജനങ്ങളുടെ യാത്രയ്ക്കും ബുദ്ധിമുട്ട് നേരിടുന്ന സാഹചര്യമാണ്. കാടുമൂടിയ പ്രദേശങ്ങളിൽ പാമ്പ്, കാട്ടുപന്നി തുടങ്ങിയവയുടെ ശല്യവും വർധിച്ചിട്ടുണ്ട്. ഓരോ വാർഡിലും അഞ്ച് മുതൽ ആറ് കിലോമീറ്റർ വരെ ദൂരത്തിൽ കാടുവെട്ടി വൃത്തിയാക്കേണ്ട സ്ഥിതിയാണുള്ളത്. മംഗലം മൂച്ചിത്തൊടി, എസ്.സി. ഉന്നതി റോഡ്, ചോഴിയംകാട് തുടങ്ങിയ ഭാഗങ്ങളിലായി ഏകദേശം നാല് കിലോമീറ്റർ ദൂരത്തിൽ കാടുവെട്ടൽ നടത്തേണ്ടിവരുന്നുണ്ടെന്ന് മംഗലം വടുകൻതൊടി വാർഡ് മെമ്പർ കെ. ശിവദാസൻ പറഞ്ഞു. നിലവിൽ തൊഴിലാളികൾക്ക് ആവശ്യക്കാർ ഏറെയുള്ളതിനാൽ കാടുവെട്ടാൻ ആളുകളെ ലഭിക്കുന്നതിനും ബുദ്ധിമുട്ടുണ്ട്. മുൻകൂട്ടി ബുക്ക് ചെയ്താണ് മെമ്പർമാർ തൊഴിലാളികളെ എത്തിച്ച് വിവിധ ഭാഗങ്ങളിൽ പ്രവൃത്തി നടത്തുന്നത്. റോഡുകൾ വൃത്തിയാക്കുന്നതിനായി ചെലവാകുന്ന തുക പിന്നീട് പഞ്ചായത്തിൽനിന്ന് നൽകുമെന്ന് പഞ്ചായത്ത് മെമ്പർ സെക്രട്ടറി ഉമ്മർ ഫാറൂഖ് അറിയിച്ചു.

Risban Mohamed

ആലത്തൂർ, പാലക്കാട്, കേരളം•

4 hrs ago

കാടുമൂടിയ ഗ്രാമവഴികൾ വൃത്തിയാക്കാൻ പഞ്ചായത്ത് മെമ്പർമാർ നേരിട്ട് രംഗത്ത് വടക്കഞ്ചേരി: കാടുമൂടിയ ഗ്രാമവഴികൾ യാത്രായോഗ്യമാക്കാൻ പഞ്ചായത്ത് മെമ്പർമാർ നേരിട്ട് രംഗത്ത്. വടക്കഞ്ചേരി പഞ്ചായത്ത് ഉൾപ്പെടെയുള്ള വിവിധ പഞ്ചായത്തുകളിലെ വാർഡുകളിലാണ് യന്ത്രസംവിധാനങ്ങളുടെ സഹായത്തോടെ റോഡരികിലെ പൊന്തക്കാടുകൾ വെട്ടിത്തെളിച്ച് വൃത്തിയാക്കുന്നത്. ഇതോടെ കാടുമൂടി കിടന്നിരുന്ന പല ഗ്രാമവഴികളും വീണ്ടും സഞ്ചാരയോഗ്യമാകുകയാണ്. നേരത്തെ തൊഴിലുറപ്പ് പദ്ധതിയിലെ തൊഴിലാളികളെ ഉപയോഗിച്ചായിരുന്നു റോഡരികിലെ കാടുവെട്ടൽ ഉൾപ്പെടെയുള്ള പ്രവൃത്തികൾ നടത്തിയിരുന്നത്. എന്നാൽ നിലവിൽ ഫണ്ടിന്റെ അഭാവം മൂലം ഈ പ്രവർത്തനങ്ങൾ മുടങ്ങിയതോടെയാണ് പല റോഡുകളും കാടുമൂടിയത്. ഇതോടെ ജനങ്ങളുടെ യാത്രയ്ക്കും ബുദ്ധിമുട്ട് നേരിടുന്ന സാഹചര്യമാണ്. കാടുമൂടിയ പ്രദേശങ്ങളിൽ പാമ്പ്, കാട്ടുപന്നി തുടങ്ങിയവയുടെ ശല്യവും വർധിച്ചിട്ടുണ്ട്. ഓരോ വാർഡിലും അഞ്ച് മുതൽ ആറ് കിലോമീറ്റർ വരെ ദൂരത്തിൽ കാടുവെട്ടി വൃത്തിയാക്കേണ്ട സ്ഥിതിയാണുള്ളത്. മംഗലം മൂച്ചിത്തൊടി, എസ്.സി. ഉന്നതി റോഡ്, ചോഴിയംകാട് തുടങ്ങിയ ഭാഗങ്ങളിലായി ഏകദേശം നാല് കിലോമീറ്റർ ദൂരത്തിൽ കാടുവെട്ടൽ നടത്തേണ്ടിവരുന്നുണ്ടെന്ന് മംഗലം വടുകൻതൊടി വാർഡ് മെമ്പർ കെ. ശിവദാസൻ പറഞ്ഞു. നിലവിൽ തൊഴിലാളികൾക്ക് ആവശ്യക്കാർ ഏറെയുള്ളതിനാൽ കാടുവെട്ടാൻ ആളുകളെ ലഭിക്കുന്നതിനും ബുദ്ധിമുട്ടുണ്ട്. മുൻകൂട്ടി ബുക്ക് ചെയ്താണ് മെമ്പർമാർ തൊഴിലാളികളെ എത്തിച്ച് വിവിധ ഭാഗങ്ങളിൽ പ്രവൃത്തി നടത്തുന്നത്. റോഡുകൾ വൃത്തിയാക്കുന്നതിനായി ചെലവാകുന്ന തുക പിന്നീട് പഞ്ചായത്തിൽനിന്ന് നൽകുമെന്ന് പഞ്ചായത്ത് മെമ്പർ സെക്രട്ടറി ഉമ്മർ ഫാറൂഖ് അറിയിച്ചു.