सिंदखेड राजा तालुक्यातील किनगावं राजा पोलीस स्टेशनच्या हद्दीतील सोयनदेव गावामध्ये अवैध देशी दारूची विक्री सुरू असल्याची माहिती समोर आली आहे.

साताऱ्यातील कोरेगाव-रहिमतपूर रोड परिसरात एका बोगस कॉल सेंटरवर स्थानिक गुन्हे शाखेने मध्यरात्री मोठी कारवाई करत एका आंतरराज्यीय सायबर टोळीचा पर्दाफाश केला आहे. अमेरिकन नागरिकांना 'डिजिटल अरेस्ट'ची भीती दाखवून लाखो डॉलरची फसवणूक केल्याच्या गंभीर आरोपाखाली या धाडीत १७ आरोपींसह चार महिलांना ताब्यात घेण्यात आले आहे. पोलिसांनी दिलेल्या माहितीनुसार, ही टोळी अमेरिकन नागरिकांना फोन करून 'तुमच्या नावाने अमेझॉनवरून ऑर्डर करण्यात आली आहे' अशी खोटी माहिती देत असे. त्यानंतर बनावट मेसेज आणि बनावट ऑर्डर नंबर वापरून, त्यांना 'डिजिटल अरेस्ट'ची भीती दाखवली जात होती. याच भीतीचा फायदा घेत, गिफ्ट व्हाऊचरच्या माध्यमातून डॉलरमध्ये मोठी रक्कम उकळली जात होती. ही कारवाई पोलीस अधीक्षक निखील पिंगळे आणि अपर पोलीस अधीक्षक वैशाली कडुकर यांच्या मार्गदर्शनाखाली करण्यात आली. स्थानिक गुन्हे शाखा आणि कोरेगाव पोलिसांच्या संयुक्त पथकाने रिलायबल अपार्टमेंटमध्ये सुरू असलेले हे बोगस कॉल सेंटर उघडकीस आणले. या प्रकरणी भारतीय न्याय संहिता आणि माहिती तंत्रज्ञान कायद्यांतर्गत गुन्हा दाखल करण्यात आला आहे. ताब्यात घेतलेल्या आरोपींमध्ये मुंबई, नवी मुंबई, ठाणे, रायगड आणि राजस्थानमधील व्यक्तींचा समावेश आहे. सायबर फसवणुकीच्या वाढत्या जाळ्यावर सातारा पोलिसांनी दिलेला हा एक मोठा धक्का मानला जात असून, तपास सुरू असल्याने आणखी धक्कादायक माहिती समोर येण्याची शक्यता व्यक्त केली जात आहे.

बुलढाणा जिल्ह्यात डिझेल भरण्याच्या कारणावरून एका पेट्रोल पंपावर हाणामारी झाल्याची घटना समोर आली आहे. या घटनेमुळे नागरिकांमध्ये 'इंधन टंचाईमुळे हा प्रकार घडला की लोकांच्या संयमाचा अंत झाला?' असा प्रश्न निर्माण झाला आहे.

चंद्रपूर जिल्ह्यात गेल्या काही दिवसांपासून दहशत माजवून चार महिलांचा जीव घेणारी टी-२ वाघीण अखेर वनविभागाच्या विशेष पथकाने यशस्वीरित्या जेरबंद केली आहे. शनिवारी रात्री (२३ मे) सुमारे ७.१५ वाजता सिंदेवाही तालुक्यातील पवनपार तलाव परिसरातील (वनक्षेत्र क्र. २८२) ट्रॅन्क्युलायझर डार्टच्या सहाय्याने तिला बेशुद्ध करण्यात आले. रात्री ८ वाजेपर्यंत ही संपूर्ण कारवाई यशस्वीपणे पूर्ण झाली. वनविभागाने अवघ्या दोन दिवसांत ट्रॅप कॅमेरे, सीसीटीव्ही, पायी गस्त आणि डार्ट गनचा वापर करून ही मोठी मोहीम फत्ते केली. सुमारे १४ वर्षांची ही प्रौढ वाघीण असल्याचे समोर आले आहे. विशेष म्हणजे, जेरबंद करताना तिच्यासोबत कोणतेही बछडे आढळून आले नाहीत, मात्र संभाव्य बछड्यांच्या शोधासाठी वनविभागाकडून स्वतंत्र मोहीम सुरू करण्यात आली आहे. पकडण्यात आलेल्या वाघिणीला पुढील उपचार व देखरेखीसाठी नागपूर येथील गोरेवाडा वन्यजीव बचाव केंद्रात हलवण्यात आले आहे. चंद्रपूर जिल्ह्यात मानवी व वाघ यांच्यातील वाढत्या संघर्षामुळे निर्माण झालेल्या भीतीवर या कारवाईने मोठा दिलासा मिळाला असून, परिसरातील ग्रामस्थांनी समाधान व्यक्त केले आहे.

वक्तृत्व कलेमुळे एका व्यक्तीचा प्रवास महाराष्ट्रातून बिहारपर्यंत पोहोचला. या प्रवासात मिळालेले लोकांचे प्रेमच त्यांच्यासाठी सर्वात महत्त्वाचे आहे.

बुलढाणा जिल्ह्यातील जळगाव जामोद येथे नगरपरिषदेच्या कचरा डेपोला भीषण आग लागल्याची घटना घडली आहे. या आगीमुळे परिसरात धुराचे लोट पसरले होते.

औरंगाबाद जिल्ह्यातील सिल्लोड येथे डिझेलसाठी नागरिकांची तुफान झुंबड उडाल्याचे समोर आले आहे. यामुळे परिसरात गोंधळाची परिस्थिती निर्माण झाली असून, लोकांना अडचणींचा सामना करावा लागत आहे.

अकोला जिल्ह्यातील शिवणी परिसरात असलेल्या आयशर ट्रॅक्टरच्या शोरूमला भीषण आग लागली आहे. या आगीत संपूर्ण शोरूम जळून खाक झाले असून, लाखो रुपयांचे मोठे नुकसान झाले आहे. आग विझवताना अग्निशामक दलाचा एक कर्मचारी गंभीररीत्या भाजला असून, त्याला उपचारासाठी रुग्णालयात दाखल करण्यात आले आहे.

सिंदखेड राजा तालुक्यातील किनगावं राजा पोलीस स्टेशनच्या हद्दीतील सोयनदेव गावामध्ये अवैध देशी दारूची विक्री सुरू असल्याची माहिती समोर आली आहे.