ବିଜେପି ସରକାରର ଦୁଇ ବର୍ଷର କାର୍ଯ୍ୟକାଳରେ ବିଫଳତା ଏବଂ ପ୍ରତିଶ୍ରୁତି ପାଳନରେ ଅସଫଳତାକୁ ବିରୋଧ କରି କଂଗ୍ରେସ ରାଜରାସ୍ତାକୁ ଓହ୍ଲାଇବ।

ବିଜେପି ସରକାରର ଦୁଇ ବର୍ଷର କାର୍ଯ୍ୟକାଳରେ ବିଫଳତା ଏବଂ ପ୍ରତିଶ୍ରୁତି ପାଳନରେ ଅସଫଳତାକୁ ବିରୋଧ କରି କଂଗ୍ରେସ ରାଜରାସ୍ତାକୁ ଓହ୍ଲାଇବ।

ଓଡ଼ିଶା ଡ୍ରାଇଭର ମହାସଂଘ ପୁଣିଥରେ ମାନବିକତା ଓ ଭାଇଚାରାର ଏକ ମହାନ ଉଦାହରଣ ସୃଷ୍ଟି କରିଛି। ବାଲେଶ୍ୱର ଜିଲ୍ଲା ରେମୁଣା ବ୍ଲକ ଶାଖା ଅନ୍ତର୍ଗତ ରେମୁଣା ପଞ୍ଚାୟତର ବୃତ୍ତିଗତ ଡ୍ରାଇଭର ଦିଲ୍ଲୀପ ବାରିକ ଦୀର୍ଘଦିନ ଧରି ଅସୁସ୍ଥ ରହିବା ପରେ ଗତ ୫ ଜୁନ୍ ୨୦୨୬ ରେ ତାଙ୍କର ଦେହାନ୍ତ ଘଟିଥିଲା। ପରିବାର ଓ ଜ୍ଞାତି-କୁଟୁମ୍ବଙ୍କ ଠାରୁ ସହଯୋଗ ନ ମିଳିଥିବା ବେଳେ ଓଡ଼ିଶା ଡ୍ରାଇଭର ମହାସଂଘର ସଦସ୍ୟମାନେ ଦିଲ୍ଲୀପ ବାରିକଙ୍କ ପରିବାର ସହ ଛିଡ଼ା ହୋଇଥିଲେ। ମହାସଂଘର ରେମୁଣା ଶାଖାର ସଦସ୍ୟମାନେ ନିଜସ୍ୱ ଅର୍ଥ ବ୍ୟୟ କରି ମୃତ ଦିଲ୍ଲୀପ ବାରିକଙ୍କ ଶବଦାହ ଠାରୁ ଆରମ୍ଭ କରି ଶୁଦ୍ଧିକ୍ରିୟା ପର୍ଯ୍ୟନ୍ତ ସମସ୍ତ କାର୍ଯ୍ୟ ସମ୍ପନ୍ନ କରିଥିଲେ। ଏକାଦଶାହ ଦିନ ଏକ କ୍ୟାଣ୍ଡେଲ ଶୋଭାଯାତ୍ରା ଆୟୋଜନ କରାଯାଇ ମୃତ ଆତ୍ମାର ସଦଗତି କାମନା କରାଯାଇଥିଲା। ଏହାସହ, ମହାସଂଘର ସଦସ୍ୟ ହୋଇଥିବାରୁ ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ମୃତ ଦିଲ୍ଲୀପ ବାରିକଙ୍କ ସହଧର୍ମିଣୀ ହୀରାବତୀ ସିଂଙ୍କୁ ₹୩୦,୦୦୦ ଟଙ୍କାର ସହାୟତା ରାଶି ଏକ ଚେକ୍ ମାଧ୍ୟମରେ ପ୍ରଦାନ କରାଯାଇଥିଲା। ଏହି ମହତ କାର୍ଯ୍ୟରେ ଜିଲ୍ଲା କୋଷାଧ୍ୟକ୍ଷ ତଥା ରେମୁଣା ବ୍ଲକ ସଭାପତି ଅଶ୍ୱିନୀ କୁମାର ସ୍ୱାଇଁ ନେତୃତ୍ୱ ନେଇଥିବା ବେଳେ ଜିଲ୍ଲା ସମ୍ପାଦକ ଦିଲ୍ଲୀପ କୁମାର ବାରିକଙ୍କ ସହ ସଦର, ବାଲିଆପାଳ ଓ ବାହାନଗା ବ୍ଲକର ସଦସ୍ୟମାନେ ଉପସ୍ଥିତ ଥିଲେ। ରେମୁଣା ବ୍ଲକ ଉପସଭାପତି ବଳରାମ ବେହେରା, ସମ୍ପାଦକ ମେହେବୁବ ଖାନ, ସହ-ସମ୍ପାଦକ ପ୍ରଭାକର ବେହେରା, କୋଷାଧ୍ୟକ୍ଷ ରମାକାନ୍ତ ଶିଅଳ, ଏଡମିନ ନିରଞ୍ଜନ ଦାସ, ଓ ସିଦ୍ଧେଶ୍ୱର ନନ୍ଦୀ ପ୍ରମୁଖ ମଧ୍ୟ ଏହି କାର୍ଯ୍ୟରେ ସହଯୋଗ କରି ଡ୍ରାଇଭର ଭାଇମାନଙ୍କ ପାଇଁ ମାନବିକତାର ଏକ ଦୃଷ୍ଟାନ୍ତ ସୃଷ୍ଟି କରିଥିଲେ।

ମୟୂରଭଞ୍ଜ ଜିଲ୍ଳା ଦିବ୍ୟାଙ୍ଗ ଓ ସାମାଜିକ ସୁରକ୍ଷା ଭତ୍ତା ମହାସଂଘ ପକ୍ଷରୁ ବାରିପଦାରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଛି। ଏହି ସମ୍ମିଳନୀରେ ଅରୁଣ କୁମାର ବେହେରା ନିଜର ପ୍ରତିକ୍ରିୟା ପ୍ରକାଶ କରିଛନ୍ତି।

ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ଜୁନ୍ ୧୯ ଓ ୨୦ ତାରିଖରେ ମୟୂରଭଞ୍ଜ ଜିଲ୍ଲା ଗସ୍ତରେ ଆସୁଛନ୍ତି। ଏହି ହାଇ-ପ୍ରୋଫାଇଲ୍ ଗସ୍ତକୁ ନେଇ ଜିଲ୍ଲା ପ୍ରଶାସନ ଓ ପୋଲିସ ପକ୍ଷରୁ କଡ଼ାକଡ଼ି ସୁରକ୍ଷା ବ୍ୟବସ୍ଥା କରାଯାଇଛି। ଏହି ଗସ୍ତ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି। ସୁରକ୍ଷାଗତ କାରଣରୁ ଜୁନ୍ ୨୦ ତାରିଖରେ ଉଭୟ ଭିଭିଆଇପିଙ୍କ ପାହାଡ଼ପୁର ଗସ୍ତ ସମୟରେ ସେଠାକୁ ଗଣମାଧ୍ୟମ ପ୍ରତିନିଧିମାନଙ୍କ ପ୍ରବେଶ ଉପରେ କଟକଣା ଜାରି କରାଯାଇଛି। ଏହି ପ୍ରସଙ୍ଗରେ ଜିଲ୍ଲାପାଳଙ୍କ କାର୍ଯ୍ୟାଳୟ ପକ୍ଷରୁ ମଙ୍ଗଳବାର ସନ୍ଧ୍ୟା ପ୍ରାୟ ୬ ଟାରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀଙ୍କ ଜରିଆରେ ସମସ୍ତ ଗଣମାଧ୍ୟମ ପ୍ରତିନିଧିମାନଙ୍କୁ ପୂର୍ବରୁ ଚିଠି ମାଧ୍ୟମରେ ସୂଚିତ କରାଯାଇଛି। ସୁରକ୍ଷା ବ୍ୟବସ୍ଥାରେ ଯେପରି କୌଣସି ତ୍ରୁଟି ନରୁହେ, ସେଥିପାଇଁ ପୋଲିସ ଓ ପ୍ରଶାସନ ପକ୍ଷରୁ ସାମ୍ବାଦିକ ବନ୍ଧୁମାନଙ୍କ ସହଯୋଗ କାମନା କରାଯାଇଛି।

କେନ୍ଦ୍ରାପଡ଼ା ଜିଲ୍ଲାପାଳ ଚର୍ଚ୍ଚିତ ସରପଞ୍ଚ ଚାମେଲି ଓଝାଙ୍କୁ ନେଇ ଉପୁଜିଥିବା ବିବାଦ ପ୍ରସଙ୍ଗରେ ନିଜ ମନ୍ତବ୍ୟ ରଖିଛନ୍ତି।

ଓଡ଼ିଶାରେ ଜଣେ ପୋଲିସ୍ କର୍ମଚାରୀ ବିନା ହେଲମେଟରେ ମୋଟରସାଇକେଲ୍ ଚଳାଉଥିବା ଘଟଣା ସାମ୍ନାକୁ ଆସିଛି। ଏହି ଘଟଣା ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି ଏବଂ ସାଧାରଣ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ସୃଷ୍ଟି କରିଛି। ଫଟୋରେ ଦେଖାଯାଇଛି ଯେ, ପୋଲିସ କର୍ମଚାରୀ ଜଣକ ହେଲମେଟ୍ ପିନ୍ଧି ନାହାନ୍ତି ଏବଂ ଗାଡ଼ିର ପଛପଟେ ଜଣେ ମହିଳା ମଧ୍ୟ ବସିଛନ୍ତି, ଯିଏକି ମଧ୍ୟ ହେଲମେଟ୍ ପିନ୍ଧି ନାହାନ୍ତି। ଏହି ଘଟଣା ପରେ #OdishaPolice ଓ #MohanMajhi ହ୍ୟାସଟ୍ୟାଗ୍ ସହ ପ୍ରଶ୍ନ କରାଯାଉଛି ଯେ, ନିୟମ ଭାଙ୍ଗୁଥିବା ଏହି ପୋଲିସ କର୍ମଚାରୀଙ୍କ ବିରୋଧରେ କିଏ କାର୍ଯ୍ୟାନୁଷ୍ଠାନ ଗ୍ରହଣ କରିବ? ସାଧାରଣ ଲୋକଙ୍କୁ ହେଲମେଟ୍ ନ ପିନ୍ଧିବା ପାଇଁ ଚାଲାଣ କଟାଯାଉଥିବା ବେଳେ, ପୋଲିସ୍ ନିଜେ ନିୟମ ଉଲ୍ଲଂଘନ କରୁଥିବା ଏହି ଘଟଣାକୁ ନେଇ ସମାଲୋଚନା ପ୍ରକାଶ ପାଇଛି।

ବାଲେଶ୍ୱରରେ ସ୍ୱର୍ଗତ ବିଧାୟକ ମଙ୍ଗୁ ଦତ୍ତଙ୍କ ଶ୍ରାଦ୍ଧ ବାର୍ଷିକୀ ପାଳିତ ହୋଇଛି। ଏହି ଅବସରରେ ବିଧାୟକ ସିଦ୍ଧାନ୍ତ ମହାପାତ୍ର ଯୋଗଦେଇ ମଙ୍ଗୁ ଦତ୍ତଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।

ସିମୁଳିଆ ପୋଲିସ ପକ୍ଷରୁ ଅତର୍କିତ ଚଢ଼ାଉ କରାଯାଇଛି। ଏହି ଚଢ଼ାଉରେ ବିଦେଶୀ ମଦ ସହିତ ତିନି ଜଣ ବ୍ୟକ୍ତିଙ୍କୁ ଗିରଫ କରାଯାଇଛି।