કેશોદ શહેરનો વર્ષોથી વિવાદોમાં રહેલો રેલવે અંડરબ્રિજ ફરી એકવાર ચર્ચામાં આવ્યો છે, કારણ કે કરોડો રૂપિયાના ખર્ચે નિર્માણ પામેલા આ પ્રોજેક્ટમાં ચોમાસા પહેલાં જ ભર ઉનાળામાં પાણી ટપકવાના દ્રશ્યો સામે આવ્યા છે. આ ઘટનાથી સમગ્ર કામની ગુણવત્તા અને જવાબદાર અધિકારીઓની કામગીરી સામે ગંભીર સવાલો ઊભા થયા છે, જેના કારણે સ્થાનિક લોકોમાં ભારે રોષ જોવા મળી રહ્યો છે. આજરોજ વહેલી સવારથી જ અંડરબ્રિજમાંથી ઉપરના ભાગેથી પાણી ટપકતું જોવા મળ્યું હતું, જેને કારણે બ્રિજ નીચેથી પસાર થતા રાહદારીઓ અને વાહનચાલકો પર જાણે અમી છાંટણા થતા હોય તેવું દ્રશ્ય સર્જાયું હતું. સ્થાનિક લોકોના જણાવ્યા મુજબ, આ પ્રોજેક્ટ છેલ્લા ચાર વર્ષથી સતત વિવાદો અને મુશ્કેલીઓનું કેન્દ્ર રહ્યો છે, જેમાં ક્યારેક પાણી ભરાવાની સમસ્યા, ક્યારેક ખાડાઓ, ક્યારેક રીપેરિંગના નામે ટ્રાફિક અવરોધ અને હવે ઉનાળામાં જ લીકેજ જેવી સમસ્યાઓ જોવા મળી છે, જેનાથી લોકોના ધીરજનો અંત આવી ગયો છે. લોકોમાં એવી ચર્ચા છે કે વરસાદ વગરની ઋતુમાં જ બ્રિજમાંથી પાણી ટપકતું હોય, તો આગામી ચોમાસામાં શું સ્થિતિ સર્જાશે તે એક મોટો સવાલ છે. જો ઉપરથી પાણી ટપકશે અને નીચે વરસાદી પાણી ભરાશે, તો હજારો વાહનચાલકો અને રાહદારીઓ માટે જોખમી પરિસ્થિતિ ઊભી થઈ શકે છે, અને જો કોઈ અકસ્માત કે જાનહાનિ સર્જાય તો તેની જવાબદારી કોણ લેશે તેવો સવાલ પણ લોકો ઉઠાવી રહ્યા છે. કરોડો રૂપિયાનો ખર્ચ કરવામાં આવ્યો હોવા છતાં આજે પણ પ્રોજેક્ટ સંપૂર્ણ રીતે કાર્યક્ષમ બન્યો નથી, અને લોકોમાં એવી લાગણી જોવા મળી રહી છે કે કાગળ ઉપર તૈયાર કરાયેલા આયોજન અને જમીન ઉપરની વાસ્તવિકતા વચ્ચે મોટો તફાવત છે. લોકો ખુલ્લેઆમ કહી રહ્યા છે કે એ.સી. ઓફિસોમાં બેસીને બનાવવામાં આવેલા પ્લાનોનો ભોગ સામાન્ય જનતા બની રહી છે. ચોમાસું નજીક હોવા છતાં અંડરબ્રિજની સમસ્યાઓ યથાવત રહેતા લોકોમાં ભારે ચિંતા વ્યાપી છે. સ્થાનિક નાગરિકો અને વાહનચાલકો દ્વારા સરકાર સમક્ષ એવી માંગ કરવામાં આવી રહી છે કે સમગ્ર પ્રોજેક્ટની ઉચ્ચસ્તરીય તપાસ કરવામાં આવે, બેદરકારી માટે જવાબદાર અધિકારીઓ અને એજન્સી સામે કડક કાર્યવાહી કરવામાં આવે તેમજ ગુણવત્તા વગરનું કામ કરનાર એજન્સીને બ્લેકલિસ્ટ કરવામાં આવે. કેશોદમાં હાલ એક જ ચર્ચા ચાલી રહી છે કે કરોડો રૂપિયાનો ખર્ચ થયા પછી પણ જો પ્રજાને સુવિધા બદલે મુશ્કેલીઓ જ મળવાની હોય, તો આવા વિકાસકાર્યોનો લાભ કોને અને નુકસાન કોને થઈ રહ્યું છે.

જગદીશ યાદવ

Local News Reporter Keshod, Junagadh•

7 hrs ago

કેશોદ શહેરનો વર્ષોથી વિવાદોમાં રહેલો રેલવે અંડરબ્રિજ ફરી એકવાર ચર્ચામાં આવ્યો છે, કારણ કે કરોડો રૂપિયાના ખર્ચે નિર્માણ પામેલા આ પ્રોજેક્ટમાં ચોમાસા પહેલાં જ ભર ઉનાળામાં પાણી ટપકવાના દ્રશ્યો સામે આવ્યા છે. આ ઘટનાથી સમગ્ર કામની ગુણવત્તા અને જવાબદાર અધિકારીઓની કામગીરી સામે ગંભીર સવાલો ઊભા થયા છે, જેના કારણે સ્થાનિક લોકોમાં ભારે રોષ જોવા મળી રહ્યો છે. આજરોજ વહેલી સવારથી જ અંડરબ્રિજમાંથી ઉપરના ભાગેથી પાણી ટપકતું જોવા મળ્યું હતું, જેને કારણે બ્રિજ નીચેથી પસાર થતા રાહદારીઓ અને વાહનચાલકો પર જાણે અમી છાંટણા થતા હોય તેવું દ્રશ્ય સર્જાયું હતું. સ્થાનિક લોકોના જણાવ્યા મુજબ, આ પ્રોજેક્ટ છેલ્લા ચાર વર્ષથી સતત વિવાદો અને મુશ્કેલીઓનું કેન્દ્ર રહ્યો છે, જેમાં ક્યારેક પાણી ભરાવાની સમસ્યા, ક્યારેક ખાડાઓ, ક્યારેક રીપેરિંગના નામે ટ્રાફિક અવરોધ અને હવે ઉનાળામાં જ લીકેજ જેવી સમસ્યાઓ જોવા મળી છે, જેનાથી લોકોના ધીરજનો અંત આવી ગયો છે. લોકોમાં એવી ચર્ચા છે કે વરસાદ વગરની ઋતુમાં જ બ્રિજમાંથી પાણી ટપકતું હોય, તો આગામી ચોમાસામાં શું સ્થિતિ સર્જાશે તે એક મોટો સવાલ છે. જો ઉપરથી પાણી ટપકશે અને નીચે વરસાદી પાણી ભરાશે, તો હજારો વાહનચાલકો અને

રાહદારીઓ માટે જોખમી પરિસ્થિતિ ઊભી થઈ શકે છે, અને જો કોઈ અકસ્માત કે જાનહાનિ સર્જાય તો તેની જવાબદારી કોણ લેશે તેવો સવાલ પણ લોકો ઉઠાવી રહ્યા છે. કરોડો રૂપિયાનો ખર્ચ કરવામાં આવ્યો હોવા છતાં આજે પણ પ્રોજેક્ટ સંપૂર્ણ રીતે કાર્યક્ષમ બન્યો નથી, અને લોકોમાં એવી લાગણી જોવા મળી રહી છે કે કાગળ ઉપર તૈયાર કરાયેલા આયોજન અને જમીન ઉપરની વાસ્તવિકતા વચ્ચે મોટો તફાવત છે. લોકો ખુલ્લેઆમ કહી રહ્યા છે કે એ.સી. ઓફિસોમાં બેસીને બનાવવામાં આવેલા પ્લાનોનો ભોગ સામાન્ય જનતા બની રહી છે. ચોમાસું નજીક હોવા છતાં અંડરબ્રિજની સમસ્યાઓ યથાવત રહેતા લોકોમાં ભારે ચિંતા વ્યાપી છે. સ્થાનિક નાગરિકો અને વાહનચાલકો દ્વારા સરકાર સમક્ષ એવી માંગ કરવામાં આવી રહી છે કે સમગ્ર પ્રોજેક્ટની ઉચ્ચસ્તરીય તપાસ કરવામાં આવે, બેદરકારી માટે જવાબદાર અધિકારીઓ અને એજન્સી સામે કડક કાર્યવાહી કરવામાં આવે તેમજ ગુણવત્તા વગરનું કામ કરનાર એજન્સીને બ્લેકલિસ્ટ કરવામાં આવે. કેશોદમાં હાલ એક જ ચર્ચા ચાલી રહી છે કે કરોડો રૂપિયાનો ખર્ચ થયા પછી પણ જો પ્રજાને સુવિધા બદલે મુશ્કેલીઓ જ મળવાની હોય, તો આવા વિકાસકાર્યોનો લાભ કોને અને નુકસાન કોને થઈ રહ્યું છે.