सांगली स्थानिक गुन्हे अन्वेषण शाखेने (LCB) एका सराईत दुचाकी चोरट्याला अटक करत मोठी कारवाई केली आहे. या कारवाईत पोलिसांनी एकूण ५ लाख ३० हजार रुपये किमतीच्या ९ मोटारसायकली जप्त केल्या आहेत. पोलीस अधीक्षक तुषार दोशी आणि अप्पर पोलीस अधीक्षक कल्पना बारवकर यांच्या मार्गदर्शनाखाली पथकाने मिरज, कुपवाड आणि कर्नाटक राज्यातून चोरलेल्या दुचाकींसह आरोपी रणजित श्रीरंग लोखंडे याला बेड्या ठोकण्यात ही धडाकेबाज कामगिरी बजावली आहे. पोलीस अधीक्षक तुषार दोशी यांनी मालमत्तेविरुद्ध गुन्हे करणाऱ्यांवर कारवाई करण्याचे आदेश दिले होते, त्यानुसार पोलीस निरीक्षक संजीव झाडे यांच्या नेतृत्वाखालील पथकाने सापळा रचला. २३/०४/२०२६ रोजी सपोफौ अमित परीट यांना गोपनीय बातमीदारामार्फत माहिती मिळाली की, रेकॉर्डवरील आरोपी रणजित श्रीरंग लोखंडे (वय २४, रा. मल्हारवाडी, मंगसुळी, ता. कागवाड, जि. बेळगाव) याने चोरलेल्या मोटारसायकली वसंतदादा मार्केट सांगली येथील एका कबाडी दुकानाचे मागे लपवून ठेवल्या आहेत. या माहितीनुसार, मार्केट यार्ड परिसरात पाळत ठेवताना आरोपी मोटारसायकल घेऊन जात असताना पथकाने त्याला ताब्यात घेतले. चौकशीत त्याने मिरज शहर, मिरज ग्रामीण, एमआयडीसी कुपवाड, कागवाड तसेच कर्नाटक राज्यातील कुडची आणि चिंचली येथून दुचाकी चोरी केल्याची कबुली दिली. जप्त केलेल्या मुद्देमालात प्रत्येकी ६०,००० रुपये किमतीच्या आठ हिरो स्प्लेंडर प्लस आणि ५०,००० रुपये किमतीची एक हिरो एचएफ १०० मोटारसायकलचा समावेश आहे, ज्यांची एकूण किंमत ५ लाख ३० हजार रुपये होते. आरोपी रणजित लोखंडे याच्यावर विश्रामबाग, मिरज शहर, मिरज ग्रामीण, कुपवाड, कागवाड पोलीस ठाण्यांसह कर्नाटक राज्यात असे एकूण ७ गुन्हे दाखल आहेत. ही कारवाई पोलीस निरीक्षक संजीव झाडे, पोउनि महादेव पोवार, पोअं अमित परीट, अनिल ऐनापुरे, अमोल ऐदाळे, आरमसिध्दा खोत, सोमनाथ गुंडे, श्रीधर बागडी, रोहन पस्ते, सोमनाथ पतंगे, अभिजीत पाटील, विजय पाटणकर आणि कॅप्टन हुब्बाड यांच्या पथकाने यशस्वीपणे पार पाडली.

होनाई न्यूज/सा.माणदेश दर्शन

तासगाव, सांगली, महाराष्ट्र•

19 hrs ago

सांगली स्थानिक गुन्हे अन्वेषण शाखेने (LCB) एका सराईत दुचाकी चोरट्याला अटक करत मोठी कारवाई केली आहे. या कारवाईत पोलिसांनी एकूण ५ लाख ३० हजार रुपये किमतीच्या ९ मोटारसायकली जप्त केल्या आहेत. पोलीस अधीक्षक तुषार दोशी आणि अप्पर पोलीस अधीक्षक कल्पना बारवकर यांच्या मार्गदर्शनाखाली पथकाने मिरज, कुपवाड आणि कर्नाटक राज्यातून चोरलेल्या दुचाकींसह आरोपी रणजित श्रीरंग लोखंडे याला बेड्या ठोकण्यात ही धडाकेबाज कामगिरी बजावली आहे. पोलीस अधीक्षक तुषार दोशी यांनी मालमत्तेविरुद्ध गुन्हे करणाऱ्यांवर कारवाई करण्याचे आदेश दिले होते, त्यानुसार पोलीस निरीक्षक संजीव झाडे यांच्या नेतृत्वाखालील पथकाने सापळा रचला. २३/०४/२०२६ रोजी सपोफौ अमित परीट यांना गोपनीय बातमीदारामार्फत माहिती मिळाली की, रेकॉर्डवरील आरोपी रणजित श्रीरंग लोखंडे (वय २४, रा. मल्हारवाडी, मंगसुळी, ता. कागवाड, जि. बेळगाव) याने चोरलेल्या मोटारसायकली वसंतदादा मार्केट सांगली येथील एका कबाडी दुकानाचे मागे लपवून ठेवल्या आहेत. या माहितीनुसार, मार्केट यार्ड परिसरात पाळत ठेवताना आरोपी मोटारसायकल घेऊन जात असताना पथकाने त्याला ताब्यात घेतले. चौकशीत त्याने मिरज शहर, मिरज ग्रामीण, एमआयडीसी कुपवाड, कागवाड तसेच कर्नाटक राज्यातील कुडची आणि चिंचली येथून दुचाकी चोरी केल्याची कबुली दिली. जप्त केलेल्या मुद्देमालात प्रत्येकी ६०,००० रुपये किमतीच्या आठ हिरो स्प्लेंडर प्लस आणि ५०,००० रुपये किमतीची एक हिरो एचएफ १०० मोटारसायकलचा समावेश आहे, ज्यांची एकूण किंमत ५ लाख ३० हजार रुपये होते. आरोपी रणजित लोखंडे याच्यावर विश्रामबाग, मिरज शहर, मिरज ग्रामीण, कुपवाड, कागवाड पोलीस ठाण्यांसह कर्नाटक राज्यात असे एकूण ७ गुन्हे दाखल आहेत. ही कारवाई पोलीस निरीक्षक संजीव झाडे, पोउनि महादेव पोवार, पोअं अमित परीट, अनिल ऐनापुरे, अमोल ऐदाळे, आरमसिध्दा खोत, सोमनाथ गुंडे, श्रीधर बागडी, रोहन पस्ते, सोमनाथ पतंगे, अभिजीत पाटील, विजय पाटणकर आणि कॅप्टन हुब्बाड यांच्या पथकाने यशस्वीपणे पार पाडली.