தேனி சிறையில் இருந்து தப்பி ஓடிய கைதிகள் மேலும் எட்டு பைரை போலீஸார் கைது செய்தனர்.

1 hr ago

Senthilkumarankumaran

Journalist கோயம்புத்தூர் தெற்கு, கோயம்புத்தூர், தமிழ்நாடு•

1 hr ago

தீபாவளி ஷாப்பிங் கூட்டத்தில் திடீர் தீ விபத்து" - உக்கடம்-டவுன்ஹால் சாலையில் எரிந்த பைக்: சாக்கைப் போட்டு தீயை அணைத்த போலீஸ் & பொதுமக்கள்! தீபாவளி நெருங்கும் வேளையில் கோவையில் பரபரப்பு: நல்வாய்ப்பாக அசம்பாவிதம் தவிர்ப்பு! தீபாவளிப் பண்டிகையை முன்னிட்டு பல்லாயிரக் கணக்கான பொதுமக்கள் பொருட்கள் வாங்கக் குவிந்து வரும் கோவை உக்கடம் - டவுன்ஹால் பிரதான சாலையில், சென்று கொண்டு இருந்த இருசக்கர வாகனம் ஒன்று திடீரெனத் தீப்பிடித்து எாிந்து சாம்பலான சம்பவம் அப்பகுதியில் பெரும் பரப்பரப்பை ஏற்படுத்தி உள்ளது. தீபாவளிப் பண்டிகைக்கு இன்னும் சில நாட்களே எஞ்சியுள்ள நிலையில், கோவையின் வர்த்தக மையங்களான டவுன்ஹால், ஒப்பணக்கார வீதி, கிராஸ் கட் ரோடு மற்றும் உக்கடம் பகுதிகளில் பொருட்களை வாங்குவதற்காகக் காலை முதலே பொதுமக்கள் கூட்டம் அலைமோதி வருகிறது. இந்நிலையில், இன்று உக்கடத்தில் இருந்து டவுன்ஹால் நோக்கிச் சென்று கொண்டு இருந்த இருசக்கர வாகனம் ஒன்று திடீரென ஓடும்போதே எஞ்சின் பகுதியில் இருந்து புகைமூட்டத்துடன் தீப்பிடிக்கத் தொடங்கியது. இதைக் கண்டு அதிர்ச்சி அடைந்த வாகன ஓட்டி, உடனடியாக பைக்கைச் சாலையோர நிறுத்திக் கீழே இறங்கினார் அடுத்த சில வினாடிகளில் தீ பைக் கொழுந்து விட்டு எரியத் தொடங்கியது. இதனால் அப்பகுதியில் பொருட்கள் வாங்க வந்த பொதுமக்கள் இடையே பீதியும் பரபரப்பும் ஏற்பட்டது. அப்போது, அங்குப் பாதுகாப்புப் பணியில் ஈடுபட்டு இருந்த பாதுகாப்புப் படை காவல்துறையினரும், அருகில் இருந்த கடைக்காரர்கள் மற்றும் பொதுமக்களும் சற்றும் தாமதிக்காமல் சாதுரியமாகச் செயல்பட்டனர். அருகில் இருந்த தண்ணீர் மற்றும் நனைத்த சாக்குப்பைகளைக் கொண்டு வந்து எரிந்து கொண்டு இருந்த தீயின் மீது போட்டு, தீயை அணைக்கும் பணியில் தீவிரமாக ஈடுபட்டனர். அவர்களின் உடனடி முயற்சியால் தீ முழுமையாகக் கட்டுப்படுத்தப்பட்டு அணைக்கப்பட்டது. இதனால் மிகப்பெரிய அசம்பாவிதமும், அருகில் இருந்த கடைகளுக்குத் தீ பரவுவதும் தவிர்க்கப்பட்டது. இந்தத் திடீர் தீ விபத்தின் காரணமாக உக்கடம் - டவுன்ஹால் சாலையில் சிறிது நேரம் போக்குவரத்து நெரிசல் ஏற்பட்டது. பின்னர் காவல்துறையினர் எாிந்த வாகனத்தைச் அப்புறப்படுத்தி, போக்குவரத்தைச் சீரமைத்தனர். தீபாவளிப் பண்டிகை நேரத்தில் நிகழ்ந்த இந்தத் திடீர் விபத்து அப்பகுதியில் பெரும் பரபரப்பை ஏற்படுத்தியது.

Sekaran

Local News Reporter Coimbatore South, Tamil Nadu•

11 hrs ago