डीजे मुक्त अनोखी मिरवणूक; नांदेडमध्ये आंबेडकर जयंती उत्साहात साजरी नांदेड : आधुनिक भारताचे शिल्पकार महामानव डॉ. बाबासाहेब आंबेडकर यांच्या १३५ व्या जयंतीनिमित्त नांदेड शहरात विविध कार्यक्रमांचे आयोजन करण्यात आले असून संपूर्ण शहरात उत्साहाचे वातावरण पाहायला मिळत आहे. याच पार्श्वभूमीवर फुले-शाहू-आंबेडकर मेमोरियल ट्रस्टच्या वतीने काढण्यात आलेली डीजे मुक्त आणि सांस्कृतिक देखाव्यांनी सजलेली अनोखी मिरवणूक विशेष लक्षवेधी ठरली. या मिरवणुकीत पारंपरिक संस्कृतीचा सुंदर संगम पाहायला मिळाला. बंजारा समाजाचे पारंपरिक नृत्य, आदिवासी समाजाचे आकर्षक तारपा नृत्य, लेझीम पथक तसेच ढोल-ताशांच्या गजरात मिरवणूक रंगतदार झाली होती. विविध सामाजिक आणि ऐतिहासिक देखाव्यांमुळे नागरिकांनी मिरवणुकीचे उत्स्फूर्त स्वागत केले. मिरवणुकीचे आयोजन फुले-शाहू-आंबेडकर मेमोरियल ट्रस्टचे अध्यक्ष तथा पत्रकार प्रवीण खंदारे यांच्या संकल्पनेतून करण्यात आले होते. डीजे संस्कृतीला फाटा देत पारंपरिक आणि सांस्कृतिक वारसा जपण्याचा संदेश या उपक्रमातून देण्यात आला. या कार्यक्रमात माजी मुख्यमंत्री तथा राज्यसभा खासदार अशोकराव चव्हाण आणि नांदेड शहर महानगरपालिका अध्यक्षा कविता मुळे यांनी उपस्थिती दर्शवून मिरवणुकीत सहभाग घेतला. यावेळी त्यांनी नागरिकांना डॉ. बाबासाहेब आंबेडकर जयंतीच्या शुभेच्छा दिल्या आणि त्यांच्या विचारांचे अनुकरण करण्याचे आवाहन केले. रात्री बारा वाजता आतषबाजी करून जयंती मोठ्या उत्साहात साजरी करण्यात आली. शहरातील विविध भागांतून नागरिक मोठ्या संख्येने सहभागी झाले होते. या डीजे मुक्त मिरवणुकीमुळे सामाजिक एकता आणि सांस्कृतिक जतनाचा संदेश नांदेडकरांपर्यंत पोहोचला.

Mohammad Rafikh

Graphic designer Nanded, Maharashtra•

2 days ago

डीजे मुक्त अनोखी मिरवणूक; नांदेडमध्ये आंबेडकर जयंती उत्साहात साजरी नांदेड : आधुनिक भारताचे शिल्पकार महामानव डॉ. बाबासाहेब आंबेडकर यांच्या १३५ व्या जयंतीनिमित्त नांदेड शहरात विविध कार्यक्रमांचे आयोजन करण्यात आले असून संपूर्ण शहरात उत्साहाचे वातावरण पाहायला मिळत आहे. याच पार्श्वभूमीवर फुले-शाहू-आंबेडकर मेमोरियल ट्रस्टच्या वतीने काढण्यात आलेली डीजे मुक्त आणि सांस्कृतिक देखाव्यांनी सजलेली अनोखी मिरवणूक विशेष लक्षवेधी ठरली. या मिरवणुकीत पारंपरिक संस्कृतीचा सुंदर संगम पाहायला मिळाला. बंजारा समाजाचे पारंपरिक नृत्य, आदिवासी समाजाचे आकर्षक तारपा नृत्य, लेझीम पथक तसेच ढोल-ताशांच्या गजरात मिरवणूक रंगतदार झाली होती. विविध सामाजिक आणि ऐतिहासिक देखाव्यांमुळे नागरिकांनी मिरवणुकीचे उत्स्फूर्त स्वागत केले. मिरवणुकीचे आयोजन फुले-शाहू-आंबेडकर मेमोरियल ट्रस्टचे अध्यक्ष तथा पत्रकार प्रवीण खंदारे यांच्या संकल्पनेतून करण्यात आले होते. डीजे संस्कृतीला फाटा देत पारंपरिक आणि सांस्कृतिक वारसा जपण्याचा संदेश या उपक्रमातून देण्यात आला. या कार्यक्रमात माजी मुख्यमंत्री तथा राज्यसभा खासदार अशोकराव चव्हाण आणि नांदेड शहर महानगरपालिका अध्यक्षा कविता मुळे यांनी उपस्थिती दर्शवून मिरवणुकीत सहभाग घेतला. यावेळी त्यांनी नागरिकांना डॉ. बाबासाहेब आंबेडकर जयंतीच्या शुभेच्छा दिल्या आणि त्यांच्या विचारांचे अनुकरण करण्याचे आवाहन केले. रात्री बारा वाजता आतषबाजी करून जयंती मोठ्या उत्साहात साजरी करण्यात आली. शहरातील विविध भागांतून नागरिक मोठ्या संख्येने सहभागी झाले होते. या डीजे मुक्त मिरवणुकीमुळे सामाजिक एकता आणि सांस्कृतिक जतनाचा संदेश नांदेडकरांपर्यंत पोहोचला.