இளநிலை மருத்துவப் படிப்புகளுக்கான நீட் தேர்வு கடந்த மே மாதம் ரத்து செய்யப்பட்ட நிலையில், ஜூன் 21 அன்று மறுதேர்வு நடத்தப்படும் என தேசிய தேர்வு முகமை அறிவித்துள்ளது. நாடு முழுவதும் ஜூன் 21ஆம் தேதி நடைபெற உள்ள இந்த நீட் (NEET-UG) தேர்வை முன்னிட்டு, தேர்வு எழுதச் செல்லும் மாணவர்களின் பயணம் சிரமமின்றி அமைய தெற்கு ரயில்வேயின் சென்னை கோட்டம் பல்வேறு சிறப்பு ஏற்பாடுகளை அறிவித்துள்ளது. ஞாயிற்றுக்கிழமை தேர்வு நடைபெறுவதால், மாணவர்கள் தேர்வு மையங்களுக்கு எளிதில் சென்று சேரும் வகையில், பொதுவாக வார நாட்களில் இயக்கப்படும் அட்டவணையின்படி புறநகர் ரயில்கள் இயக்கப்பட உள்ளன. இதன் மூலம் பயணிகள் அதிக நெரிசல் இல்லாமல் வசதியாக பயணம் செய்ய முடியும் என்று ரயில்வே நிர்வாகம் தெரிவித்துள்ளது. மேலும், நீட் தேர்வர்களின் தேவையை கருத்தில் கொண்டு சின்னசேலம் – சேலம் மற்றும் திருப்பத்தூர் – சேலம் இடையே சிறப்பு ரயில்களும் இயக்கப்படுகின்றன. சின்னசேலத்திலிருந்து காலை 10 மணிக்கு புறப்படும் சிறப்பு ரயில், காலை 11.20 மணிக்கு சேலத்தை சென்றடையும். அதேபோல், திருப்பத்தூரிலிருந்து காலை 7.45 மணிக்கு புறப்படும் சிறப்பு ரயில், காலை 10.45 மணிக்கு சேலம் வந்து சேரும். அரக்கோணம் பகுதியில் நடைபெற்று வரும் பொறியியல் மேம்பாட்டுப் பணிகள் காரணமாக, சென்னை சென்ட்ரல் மற்றும் சென்னை கடற்கரை – அரக்கோணம் – திருத்தணி வழித்தடங்களில் தற்போதுள்ள அட்டவணைப்படியே ரயில்கள் இயக்கப்படும். அத்துடன், சென்னை கடற்கரை – தாம்பரம் வழித்தடத்தில் இயக்கப்படும் குளிர்சாதன வசதி கொண்ட புறநகர் ரயில்களும் வழக்கமான ஞாயிற்றுக்கிழமை அட்டவணைப்படி இயக்கப்பட உள்ளன. மற்ற அனைத்து புறநகர் ரயில் வழித்தடங்களிலும் வார நாட்களுக்கான சேவை அட்டவணை அமலில் இருக்கும். மாணவர்கள் மற்றும் அவர்களுடன் வரும் பெற்றோர்களுக்கு உதவும் வகையில், சென்னை சென்ட்ரல், எழும்பூர், தாம்பரம், பெரம்பூர், செங்கல்பட்டு, காஞ்சிபுரம், ஆவடி, திருவள்ளூர் மற்றும் காட்பாடி உள்ளிட்ட 9 முக்கிய ரயில் நிலையங்களில் சிறப்பு நீட் உதவி மையங்கள் அமைக்கப்பட உள்ளன. இந்த மையங்கள் மூலம் ரயில் சேவை, உள்ளூர் போக்குவரத்து மற்றும் தேர்வு மையங்களை அடையும் வழிகள் குறித்த தகவல்கள் வழங்கப்படும் என்றும் ரயில்வே நிர்வாகம் தெரிவித்துள்ளது.

Sanjay Priyan J

பெரம்பலூர், பெரம்பலூர், தமிழ்நாடு•

22 hrs ago

இளநிலை மருத்துவப் படிப்புகளுக்கான நீட் தேர்வு கடந்த மே மாதம் ரத்து செய்யப்பட்ட நிலையில், ஜூன் 21 அன்று மறுதேர்வு நடத்தப்படும் என தேசிய தேர்வு முகமை அறிவித்துள்ளது. நாடு முழுவதும் ஜூன் 21ஆம் தேதி நடைபெற உள்ள இந்த நீட் (NEET-UG) தேர்வை முன்னிட்டு, தேர்வு எழுதச் செல்லும் மாணவர்களின் பயணம் சிரமமின்றி அமைய தெற்கு ரயில்வேயின் சென்னை கோட்டம் பல்வேறு சிறப்பு ஏற்பாடுகளை அறிவித்துள்ளது. ஞாயிற்றுக்கிழமை தேர்வு நடைபெறுவதால், மாணவர்கள் தேர்வு மையங்களுக்கு எளிதில் சென்று சேரும் வகையில், பொதுவாக வார நாட்களில் இயக்கப்படும் அட்டவணையின்படி புறநகர் ரயில்கள் இயக்கப்பட உள்ளன. இதன் மூலம் பயணிகள் அதிக நெரிசல் இல்லாமல் வசதியாக பயணம் செய்ய முடியும் என்று ரயில்வே நிர்வாகம் தெரிவித்துள்ளது. மேலும், நீட் தேர்வர்களின் தேவையை கருத்தில் கொண்டு சின்னசேலம் – சேலம் மற்றும் திருப்பத்தூர் – சேலம் இடையே சிறப்பு ரயில்களும் இயக்கப்படுகின்றன. சின்னசேலத்திலிருந்து காலை 10 மணிக்கு புறப்படும் சிறப்பு ரயில், காலை 11.20 மணிக்கு சேலத்தை சென்றடையும். அதேபோல், திருப்பத்தூரிலிருந்து காலை 7.45 மணிக்கு புறப்படும் சிறப்பு ரயில், காலை 10.45 மணிக்கு சேலம் வந்து சேரும். அரக்கோணம் பகுதியில் நடைபெற்று வரும் பொறியியல் மேம்பாட்டுப் பணிகள் காரணமாக, சென்னை சென்ட்ரல் மற்றும் சென்னை கடற்கரை – அரக்கோணம் – திருத்தணி வழித்தடங்களில் தற்போதுள்ள அட்டவணைப்படியே ரயில்கள் இயக்கப்படும். அத்துடன், சென்னை கடற்கரை – தாம்பரம் வழித்தடத்தில் இயக்கப்படும் குளிர்சாதன வசதி கொண்ட புறநகர் ரயில்களும் வழக்கமான ஞாயிற்றுக்கிழமை அட்டவணைப்படி இயக்கப்பட உள்ளன. மற்ற அனைத்து புறநகர் ரயில் வழித்தடங்களிலும் வார நாட்களுக்கான சேவை அட்டவணை அமலில் இருக்கும். மாணவர்கள் மற்றும் அவர்களுடன் வரும் பெற்றோர்களுக்கு உதவும் வகையில், சென்னை சென்ட்ரல், எழும்பூர், தாம்பரம், பெரம்பூர், செங்கல்பட்டு, காஞ்சிபுரம், ஆவடி, திருவள்ளூர் மற்றும் காட்பாடி உள்ளிட்ட 9 முக்கிய ரயில் நிலையங்களில் சிறப்பு நீட் உதவி மையங்கள் அமைக்கப்பட உள்ளன. இந்த மையங்கள் மூலம் ரயில் சேவை, உள்ளூர் போக்குவரத்து மற்றும் தேர்வு மையங்களை அடையும் வழிகள் குறித்த தகவல்கள் வழங்கப்படும் என்றும் ரயில்வே நிர்வாகம் தெரிவித்துள்ளது.