విజయనగరం జిల్లాలోని బొబ్బిలి నియోజకవర్గం ప్రధాన కార్యాలయంలో కూటమి ప్రభుత్వం విజయవంతంగా రెండేళ్లు పూర్తి చేసుకున్న సందర్భంగా, బొబ్బిలి శాసనసభ్యులు ఆర్.వీ.ఎస్.కె.కె.రంగారావు (బేబీ నాయన) ఆధ్వర్యంలో కూటమి రెండేళ్ల విజయోత్సవ సభను ఘనంగా నిర్వహించారు. ఈ కార్యక్రమంలో విజయనగరం జిల్లా బీజేపీ ప్రధాన కార్యదర్శి వేమకోటి గిరిబాబు, బీజేపీ నాయకులు పెంట స్వామినాయుడు, బొబ్బిలి నియోజకవర్గ జనసేన పార్టీ ఇంచార్జ్ గిరడ అప్పలస్వామి ప్రసంగిస్తూ, కూటమి ప్రభుత్వ రెండేళ్ల పాలనలో జరిగిన అభివృద్ధి కార్యక్రమాలను వివరించారు. బుడా చైర్మన్ మరియు మాజీ ఎమ్మెల్యే తెంటు లక్ష్మునాయుడు మాట్లాడుతూ, ఎన్నికల సమయంలో ఇచ్చిన హామీలను కూటమి ప్రభుత్వం ఒక్కొక్కటిగా నెరవేరుస్తోందని పేర్కొన్నారు. గత ప్రభుత్వ హయాంలో రాష్ట్రానికి జరిగిన అన్యాయం ఇంకే రాష్ట్రానికి జరగలేదని, వైసీపీ వారు హామీలను గాలికి వదిలేసి రాష్ట్ర ప్రయోజనాలను తాకట్టు పెట్టారని ఆయన మండిపడ్డారు. ప్రజలను మోసం చేసి ఇచ్చిన అవకాశాన్ని సద్వినియోగపరుచుకోలేదని విమర్శిస్తూ, కూటమి ప్రభుత్వం అభివృద్ధి చేస్తుంటే బురద జల్లడమే పనిగా పెట్టుకుని రెండేళ్లుగా వైసీపీ వారు అదే పనిలో ఉన్నారని అన్నారు. ఎమ్మెల్యే బేబీనాయన నియోజకవర్గాన్ని ఎంతో అభివృద్ధి చేస్తున్నారని, ఆయన రాష్ట్ర స్థాయిలో 9వ స్థానంలో నిలిచారని ప్రశంసించారు. ఎమ్మెల్యే బేబీనాయన తన ప్రసంగంలో, ముఖ్యమంత్రి నారా చంద్రబాబునాయుడు నాయకత్వంలో రాష్ట్రం ఆర్థిక సంక్షోభం నుండి అభివృద్ధి, సంక్షేమ దిశగా పయనిస్తోందని తెలిపారు. తల్లికి వందనం, అన్నదాత సుఖీభవ, ఉచిత గ్యాస్ సిలిండర్లు, స్త్రీ శక్తి వంటి పథకాల ద్వారా ప్రతి కుటుంబానికి లబ్ధి చేకూరుతోందని, సంక్షేమం – అభివృద్ధి రెండు కళ్లుగా ఎన్డీఏ ప్రభుత్వం ముందుకు సాగుతోందని వివరించారు. ఉత్తరాంధ్ర అభివృద్ధికి ప్రత్యేక ప్రాధాన్యత ఇస్తూ సాగునీటి ప్రాజెక్టులు, విద్య, వైద్యం, మౌలిక వసతుల రంగాల్లో వేగంగా పనులు జరుగుతున్నాయని పేర్కొన్నారు. 2019-24 మధ్య జరిగిన ఆర్థిక ఉగ్రవాదాన్ని అధిగమించి, ముఖ్యమంత్రి రాష్ట్ర అభివృద్ధి పథంలో నడుపుతున్నారని ఆయన అన్నారు. కేంద్ర ప్రభుత్వం సహకారంతో, ప్రధానమంత్రి నరేంద్ర మోదీ పెద్దన్న పాత్ర పోషిస్తూ ఏపీకి మద్దతు ఇస్తున్నారని ప్రశంసించారు. వైసీపీ ప్రభుత్వం అన్యాయంగా అరెస్టు చేసినప్పుడు టీడీపీ కష్టకాలంలో నిస్వార్థంగా నిలబడిన డిప్యూటీ సీఎం పవన్ కళ్యాణ్ కి ప్రజలంతా రుణపడి ఉన్నారని, వారి సహకారాన్ని ఎప్పటికీ మర్చిపోకూడదని తెలిపారు. డిప్యూటీ సీఎం మరియు పంచాయితీ రాజ్ శాఖ మంత్రిగా పవన్ కళ్యాణ్ రాష్ట్రాన్ని అభివృద్ధి పథంలో నడిపిస్తున్నారని అన్నారు. టీడీపీ జాతీయ వర్కింగ్ ప్రెసిడెంట్ నారా లోకేష్ కూడా ఎన్నో అవమానాలు ఎదుర్కొన్నా రాష్ట్ర అభివృద్ధి ధ్యేయంగా పనిచేస్తున్నారని, 16000 డీఎస్సీ ఉద్యోగాలు ఇచ్చి అవినీతికి తావు లేకుండా పనిచేస్తున్నారని కొనియాడారు. బొబ్బిలి రాజకీయ చరిత్రలో 44,000 మెజారిటీ ఇచ్చిన ప్రజల నమ్మకాన్ని నిలబెట్టుకుంటానని, గత 5 ఏళ్లుగా ఉండిపోయిన సమస్యలను పరిష్కరిస్తానని బేబీ నాయన హామీ ఇచ్చారు. త్వరలోనే పారాది వంతెనను పూర్తి చేసి ప్రజలకు అందిస్తామని, బొబ్బిలి రోడ్లను అభివృద్ధి చేశామని చెప్పారు. తన సొంత నిధులతో పంట కాలువలలో పూడికలు తీయించి, సాగునీటి ఇబ్బందులను తొలగించానని తెలిపారు. పట్టణ ప్రజల తాగునీటి కష్టాలు తీర్చేందుకు సువర్ణముఖి నది నుంచి ₹123.9 కోట్లతో ప్రాజెక్టు మొదలుపెట్టామని, గత ప్రభుత్వ హయాంలో పనులు చేయడానికి కాంట్రాక్టర్లు భయపడేవారని, ఇప్పుడు అభివృద్ధి పనులకు కాంట్రాక్టర్లు ముందుకు వస్తున్నారని ఆయన అన్నారు. గొల్లాడి బ్రిడ్జి పనులు, లోచర్ల - రాముడువలస ఎత్తిపోతల పథకం త్వరలోనే ప్రారంభమవుతాయని ఆయన ప్రకటించారు, గత వైసీపీ ప్రభుత్వ హయాంలో అన్ని అనుమతులు వచ్చినా ప్రారంభానికి నోచుకోలేదని గుర్తుచేశారు. ఈ రెండేళ్లలో బొబ్బిలి నియోజకవర్గంలో చేపట్టిన పలు సంక్షేమ, అభివృద్ధి కార్యక్రమాలను కూడా వివరించారు. ఎన్టీఆర్ భరోసా పెన్షన్ల పథకం కింద 43,664 మంది లబ్ధిదారులకు ₹43,178.60 లక్షలు, అన్నదాత సుఖీభవ పథకం కింద 35,054 మంది లబ్ధిదారులకు ₹6,823.38 లక్షలు, తల్లికి వందనం పథకం కింద 30,485 మంది లబ్ధిదారులకు ₹4,572.75 లక్షలు అందించబడ్డాయి. ఉచిత వంట గ్యాస్ పథకం ద్వారా 83,671 మందికి ₹30.79 కోట్లు, పీఎంఏవై హౌసింగ్ పథకం ద్వారా 1,532 మందికి ₹646.65 లక్షలు లబ్ధి చేకూరింది. విద్యార్థులకు స్కాలర్‌షిప్‌ల కింద 8,484 మంది SC, ST, BC, EBC విద్యార్థులకు ₹2,085.48 లక్షలు, జాబ్ మేళా ద్వారా 1,141 మంది యువతకు ఉద్యోగాలు కల్పించారు. పీఎం పోషణ్ (మధ్యాహ్న భోజన పథకం) కింద 15,049 మందికి ₹1,040.26 లక్షలు, ICDS శాఖ ద్వారా పిల్లలకు, గర్భిణులకు, బాలింతలకు అనుబంధ పోషకాహార కార్యక్రమం కింద 8,047 మందికి ₹122.72 లక్షలు ఖర్చు చేశారు. ఎన్టీఆర్ వైద్య పథకం కింద 34,925 మందికి ₹61.83 లక్షలు, జేఎస్ఎస్‌కే పథకం కింద 2,449 మందికి ₹7.34 లక్షలు, కుటుంబ నియంత్రణ కార్యక్రమం కింద 904 మందికి ₹6.59 లక్షలు అందించబడ్డాయి. DRDA ద్వారా స్వయం సహాయక సంఘాలకు బ్యాంకు రుణాలు, స్త్రీనిధి, ఉన్నతి, సీఐఎఫ్, పీఎంఎఫ్‌ఎంఈ, పీఎంఈజీపీ, సీడ్ క్యాపిటల్, ఎగ్ కార్ట్స్ వంటి వివిధ పథకాల కింద వేల మంది లబ్ధిదారులకు కోట్లాది రూపాయలు అందించారు. పశుసంవర్ధక శాఖ ద్వారా పశువుల మేత, పశుగ్రాస విత్తనాల పంపిణీ, ఆరోగ్య శిబిరాలు, టీకాలకు ₹136.27 లక్షలు, పశు బీమా పథకాల కింద ₹22.94 లక్షలు, పశు కిసాన్ క్రెడిట్ కార్డుల ద్వారా ₹362.79 లక్షలు అందించబడ్డాయి. పాస్టర్లు, ఇమామ్‌లు మరియు మౌజన్ల గౌరవ వేతనం కింద ₹7.40 లక్షలు, న్యూ ఇండియా లిటరసీ ప్రోగ్రామ్ కింద ₹59.55 లక్షలు, సిల్క్ సమగ్ర పథకం కింద ₹6.27 లక్షలు, చేనేత కార్మికులకు 200 యూనిట్ల ఉచిత విద్యుత్, ముద్ర పథకం, పొదుపు నిధి పథకాల కింద లబ్ధి చేకూర్చారు. ఉద్యాన పంటల అభివృద్ధి పథకాల కింద 1,204 మంది రైతులకు ₹182.20 లక్షలు అందించారు. నియోజకవర్గం మొత్తం మీద గత రెండేళ్లలో వివిధ సంక్షేమ పథకాల కింద 8,87,186 మంది లబ్ధిదారులకు (ఒక్కో కుటుంబంలో ఒకటి కంటే ఎక్కువ పథకాల కింద లబ్ధిపొంది) ₹693.64 కోట్లు లబ్ధి చేకూర్చగా, 1,219 అభివృద్ధి పనులకు ₹126.59 కోట్లు మంజూరు చేయడం ద్వారా ప్రభుత్వం తన ప్రగతిని సాధించింది. ఈ విజయోత్సవ సభలో బొబ్బిలి నియోజకవర్గ స్థాయి, మండల స్థాయి కూటమి నాయకులు, ప్రజాప్రతినిధులు, మహిళా నాయకులు, కార్యకర్తలు పెద్ద సంఖ్యలో హాజరై కార్యక్రమాన్ని విజయవంతం చేశారు.

బొబ్బిలి గణేష్

Salesperson బొబ్బిలి, విజయనగరం, ఆంధ్రప్రదేశ్•

5 hrs ago