Rimjhim serial today explain video coming soon........ welcome to serial explain

ৰাষ্ট্ৰীয় বঁটা প্ৰাপ্ত সমাজ সেৱক তথা নতুনকৈ কংগ্ৰেছত যোগদান কৰা নেতা নুৰুল আমিন চৌধুৰীক আজি গড়াজান উন্নয়ন খণ্ডৰ সন্মুখত বিজেপি কৰ্মীসকলে খেদি পঠিয়ায়। অভিযোগ অনুসৰি, উন্নয়ন খণ্ডৰ সন্মুখত উপস্থিত হৈয়েই চৌধুৰীয়ে উচটনিমূলক মন্তব্য দিয়াৰ ফলত বিজেপি কৰ্মীসকল উত্তেজিত হৈ পৰে আৰু ইয়াৰ ফলতে এক উত্তপ্ত পৰিস্থিতিৰ সৃষ্টি হয়। উল্লেখ্য যে, চামগুৰি সমষ্টিৰ বিধায়ক তানজিল হুছেইনৰ আজি গড়াজান উন্নয়ন খণ্ডত এক পৰ্যালোচনা সভা অনুষ্ঠিত হোৱাৰ কথা আছিল। সভা আৰম্ভ হোৱাৰ পূৰ্বেই উন্নয়ন খণ্ডৰ সন্মুখভাগ উত্তপ্ত হৈ পৰে। পৰিস্থিতিৰ অধিক অৱনতি হোৱাত, দল বাগৰা নেতা তথা ন-কংগ্ৰেছী নুৰুল আমিন চৌধুৰী অৱশেষত ঘটনাস্থলীৰ পৰা পলাই পতং দিয়ে। চামগুৰি সমষ্টিৰ গড়াজান উন্নয়ন খণ্ডৰ সন্মুখত সৃষ্টি হোৱা কংগ্ৰেছ আৰু বিজেপিৰ মাজৰ এই তীব্ৰ সংঘাতে পৰিস্থিতি ভয়াৱহ কৰি তোলাত ৰূপহীহাট আৰক্ষীয়ে ঘটনাস্থলীত উপস্থিত হৈ পৰিস্থিতি নিয়ন্ত্ৰণলৈ আনে।

ৰূপহীহাটৰ কাৱৈমাৰীত এগৰাকী এক সন্তানৰ মাতৃ বিগত এমাহ ধৰি নিৰুদ্দেশ হোৱাক লৈ তীব্ৰ চাঞ্চল্যৰ সৃষ্টি হৈছে। পত্নী নিৰুদ্দেশ হোৱাত স্বামী আব্দুল আজিজে তেওঁক বিচাৰি হাঁহাকাৰ কৰিছে।

অসম বিধানসভাত অভিন্ন অসামৰিক আইন (UCC) গৃহীত হোৱাৰ পাছত এই বিষয়টোৱে বিশেষ গুৰুত্ব লাভ কৰিছে। বিধানসভাত UCC পাছ হোৱাৰ পিছত অসমৰ মুখ্যমন্ত্ৰীক এই সম্পৰ্কে প্ৰশ্ন কৰা হৈছিল যে অসমত অভিন্ন অসামৰিক আইনত নতুন কিবা সংযোজন কৰা হ'বনে নাই। এই সন্দৰ্ভত অসমৰ মুখ্যমন্ত্ৰীয়ে এক বিশেষ মন্তব্য প্ৰদান কৰিছে।

আজি ঢেকীয়াজুলি সমষ্টিৰ ভোটপাৰা ষ্টেডিয়ামত সদৌ অসম ভিত্তিত পেনচাক চিলাট প্ৰতিযোগিতাৰ শুভ উদ্বোধন কৰা হৈছে। এই প্ৰতিযোগিতাৰ শুভাৰম্ভণি ভোটপাৰা ষ্টেডিয়ামত অনুষ্ঠিত হয়।

উত্তৰ-পশ্চিম তামুলপুৰ বায়খো পূজা উদযাপন সমিতিৰ উদ্যোগত অহা ৩১ মে’ত, ৰবিবাৰে জামুগুৰীৰ (ভেৰাখাট) বায়খো ডামত বায়খো পূজা অনুষ্ঠিত হ'ব। এই অনুষ্ঠানৰ বাবে অঞ্চলটোৰ ৰাভা জনগোষ্ঠীৰ লোকসকলে ব্যাপক প্ৰস্তুতি চলোৱা পৰিলক্ষিত হৈছে।

নিজৰ মৰমৰ বাহনসমূহ ধুবলৈ এতিয়াৰে পৰা টাউনলৈ বা দূৰলৈ যাব নালাগে, কিয়নো বাখৰবড়ী চাৰিআলিত এজন শিক্ষিত অসমীয়া যুৱকে 'নিপু ৱাছিং চেন্টাৰ' নামেৰে এটা নতুন আৰু আটকধুনীয়া ৱাছিং চেন্টাৰ আৰম্ভ কৰিছে। এই প্ৰতিষ্ঠানটোৱে স্থানীয় লোকসকলক তেওঁলোকৰ বাহন সহজে পৰিষ্কাৰ কৰাৰ সুবিধা প্ৰদান কৰিব। গতিকে, এই যুৱ উদ্যোগীক উৎসাহিত কৰিবলৈ সকলোকে আহ্বান জনোৱা হৈছে। অধিক তথ্যৰ বাবে 91011 10425 নম্বৰত যোগাযোগ কৰিব পাৰে।

মৰিগাঁও জিলাত প্ৰশাসনৰ ধাৰাবাহিক অভিযান এতিয়াও অব্যাহত আছে, য'ত অতিৰিক্ত আয়ুক্ত নীতিশা বৰাৰ নেতৃত্বত কেইবাদিনো ধৰি অবিৰতভাৱে হেলমেট আৰু চিট বেল্টৰ তীব্ৰ পৰীক্ষা চলি আছে। এই অভিযানৰ জৰিয়তে জনসাধাৰণক যান-বাহন নিয়মৰ প্ৰতি সজাগ কৰিব বিচৰা হৈছে, কাৰণ সামান্য অসচেতনতাৰ বাবেই ডাঙৰ জৰিমনা ভৰিবলগীয়া হ'ব পাৰে। প্ৰশাসনে জনসাধাৰণক জৰিমনাৰ ভয়ত নহয়, বৰঞ্চ নিজৰ আৰু পৰিয়ালৰ জীৱনৰ স্বাৰ্থত ট্ৰেফিক নিয়ম মানি গাড়ী চলাবলৈ আহ্বান জনাইছে।

ৰূপহীহাটৰ কাৱৈমাৰীৰ আব্দুল আজিজ নামৰ এজন ব্যক্তিয়ে পত্নী নুৰ জাহান খাতুন ওৰফে মইনাক বিচাৰি হাঁহাকাৰ কৰিছে। প্ৰাপ্ত তথ্য অনুসৰি, নুৰ জাহান খাতুন প্ৰায় একমাহ পূৰ্বে কাৱৈমাৰীৰ পৰা শোণিতপুৰৰ জামুগুৰি বাকোলা গাঁৱৰ গাঁও প্ৰধানৰ পৰা এখন প্ৰমাণ পত্ৰ আনিবলৈ গৈছিল আৰু তাৰ পিছৰ পৰাই নিৰুদ্দেশ হৈ আছে। এই ঘটনাই ৰূপহীহাটৰ কাৱৈমাৰীত চাঞ্চল্যৰ সৃষ্টি কৰিছে। একমাত্ৰ ৯ বছৰীয়া কন্যা সন্তানৰ ভৱিষ্যতৰ চিন্তা কৰি আব্দুল আজিজে পত্নীক ঘৰলৈ উভতি আহিবলৈ কাতৰ আহ্বান জনাইছে। তেওঁ আত্মীয়-স্বজনৰ পৰা আৰম্ভ কৰি পৰিয়ালৰ সকলো ঠাইতে বিচাৰ-খোচাৰ কৰিছে যদিও নুৰ জাহানৰ কোনো সন্ধান উলিয়াবলৈ সক্ষম হোৱা নাই। সমগ্ৰ ঘটনা সন্দৰ্ভত কাৱৈমাৰী আৰক্ষী পহৰা চকীত এখন লিখিত জাননী দাখিল কৰা হৈছে। আব্দুল আজিজে সৰ্বসাধাৰণলৈ আহ্বান জনাইছে যে, কোনো সদাশয় ব্যক্তিয়ে যদি ফটোত দেখা নুৰ জাহানৰ সন্ধান লাভ কৰে, তেন্তে ৯৩৬৫০৫৪৫০৪ নম্বৰত যোগাযোগ কৰিবলৈ অনুৰোধ জনোৱা হৈছে।

মৰিগাঁও-নগাঁও ৰাজ্যিক ঘাইপথৰ দলবাৰীত নিশাৰ ভাগত এক ভয়াৱহ পথ দুৰ্ঘটনা সংঘটিত হৈছে। নিয়ন্ত্ৰণ হেৰুৱাই পথৰ কাষৰ এটা পকী খুঁটাত এখন তীব্ৰবেগী বাইকে প্ৰচণ্ড জোৰে খুন্দা মৰাৰ ফলত বাইক আৰোহী এজন যুৱক গুৰুতৰভাৱে আহত হৈছে আৰু বৰ্তমান তেওঁৰ অৱস্থা সংকটজনক বুলি জানিব পৰা গৈছে। প্ৰত্যক্ষদৰ্শীৰ মতে, তীব্ৰবেগী মটৰচাইকেলখনে হঠাতে নিয়ন্ত্ৰণ হেৰুৱাই পকী খুঁটাটোত খুন্দা মাৰিছিল। খুন্দা ইমানেই প্ৰচণ্ড আছিল যে মটৰচাইকেল আৰোহী যুৱকজন ছিটিকি পৰি ৰক্তাক্ত হৈ পৰে। দুৰ্ঘটনাত পতিত হোৱা বাইকখন এখন নীলা ৰঙৰ শক্তিশালী য়ামাহা আৰ-১৫ মডেলৰ, যাৰ পঞ্জীয়ন নম্বৰ AS 02A J 1485। বাইকখনৰ সন্মুখৰ অংশত "Need for Speed" বুলি লিখা থকা দেখা গৈছিল আৰু দুৰ্ঘটনাৰ ফলত ইয়াৰ সন্মুখভাগ সম্পূৰ্ণৰূপে চূৰ্ণ-বিচূৰ্ণ হৈ পৰে। দুৰ্ঘটনাটো সংঘটিত হোৱাৰ লগে লগেই স্থানীয় ৰাইজ ঘটনাস্থলীত একত্ৰিত হয় আৰু ততাতৈয়াকৈ সংকটজনক অৱস্থাত থকা যুৱকজনক উদ্ধাৰ কৰি ১০৮ এম্বুলেন্সযোগে চিকিৎসাৰ বাবে হস্পিটেললৈ প্ৰেৰণ কৰে। স্থানীয় লোকে ইতিমধ্যে সমগ্ৰ ঘটনা সন্দৰ্ভত আৰক্ষীক খবৰ দিছে আৰু আৰক্ষীয়ে ঘটনাস্থলীত উপস্থিত হৈ তদন্ত আৰম্ভ কৰিছে। এই দুৰ্ঘটনাটোৱে তীব্ৰ বেগ আৰু অসচেতনতাৰ বাবেই ৰাজ্যত বৃদ্ধি পোৱা পথ দুৰ্ঘটনাৰ বিষয়টোক পুনৰবাৰ আঙুলিয়াই দিছে। গতিকে পথত গাড়ী বা বাইক চলোৱাৰ সময়ত গতি নিয়ন্ত্ৰণত ৰাখিবলৈ সকলো চালককে আহ্বান জনোৱা হৈছে।