*గుంటూరు...కమిషనర్ గారు జరా చూడండి సారు.... దయచేసి వీధి దీపాలు వెలిగేలా చేయండి... స్థానికుల ఆవేదనను దయచేసి అర్ధం చేసుకోండి* 26వ డివిజన్ పరిధిలోని చౌడవరం శివారు జూనం చుండూరులో వెలగని వీధి దీపాలు.... *వీధి దీపాలు వెలగవు... పట్టించుకొనే నాథుడే లేడు....గత రెండు రోజులుగా వెలగని వీధి దీపాల దుస్థితి ...* సాక్షాత్తు శివరాత్రి పండుగ రోజు నుంచి నేటికీ వీధి దీపాలు వెలగక ఇబ్బందులు పడుతున్న స్థానికులు ... దీనికి తోడు వీధికుక్కలు చీకటిలో వెంటబడటంతోబేంబేలెత్తుతున్న స్థానికులు వేలకు వేలు ప్రభుత్వం నుంచి జీతాలు తీసుకొనే మునిసిపల్ సిబ్బంది మాత్రం ముఖం చాటేసి కన్నెత్తి చూడని వైనం... గుంటూరు మునిసిపల్ కార్పొరేషన్ పరిధిలోని 26వ డివిజన్ చౌడవరం గ్రామ శివారు జూనం చుండూరులో నెలకొన్న దుస్థితి... గత 5సం. ల పాలనలో ఇదే దుస్థితి ఏర్పడితే పట్టించుకోకుండా వదిలేసిన పరిస్థితి నుంచి కొద్దో గొప్పో వీధి దీపాలు వెలిగించుకొనే పరిస్థితికి గత మునిసిపల్ కమిషనర్ కల్పించారనే సంతోషంలో స్థానికులు ఉండగా.... గత రెండు దినాలుగా వీధి దీపాలు వెలగక గాఢాoధకారంలో బిక్కుబిక్కు మంటూ గ్రామస్తులు కాలం వెళ్ళదీస్తున్నారు... మునిసిపల్ అధికారులు మాత్రం వీధి దీపాలా కోసం బొలేడు ఖర్చులు వ్రాసుకోవడం అన్నవాయితీగా మారిపోయిందనే తీవ్ర ఆరోపణలు వెళువెత్తుతున్నాయి... స్థానిక శాసన సభ్యులు సైతం పలుమార్లు దీనిపై పలుమార్లు హెచ్చరించిన కానీ నేటికీ తీరు మార్చుకొని మునిసిపల్ అధికారులు, సిబ్బంది .. ఇప్పటికైనా మునిసిపల్ కమిషనర్ మయూర్ అశోక్ గారు విలీన గ్రామాలలో మౌలిక వసతులపై కనీస దృష్టి పెట్టాలని స్థానికులు వేడుకొంటున్నారు...

గుంటూరు జిల్లా: పొన్నూరు మండలం చింతలపూడిలోని ఎమ్మెల్యే ధూళిపాళ్ల నరేంద్ర కుమార్ తల్లి ప్రమీలమ్మ ఇంట్లో భారీ దొంగతనం జరిగింది. ఇంట్లో ఎవరూ లేని సమయం చూసి దుండగులు 50 సవర్ల బంగారం, 10 కిలోల వెండితో పాటు లక్ష రూపాయల నగదు ఎత్తుకెళ్లారు. సమాచారం అందుకున్న పొన్నూరు రూరల్ పోలీసులు కేసు నమోదు చేసి దర్యాప్తు చేపట్టారు. గుంటూరు నుంచి వచ్చిన క్లూస్ టీమ్ ఘటనా స్థలంలో ఆధారాలు సేకరిస్తోంది.

*కొండపల్లి అరుణ నగర్ లో నిరసన* *ఇబ్రహీంపట్నం, ఫిబ్రవరి 17,* కొండపల్లిలోని అరుణ నగర్ కాలనీ వాసులు క్వారీ, క్రషర్ లారీల రాకపోకల వల్ల ఇబ్బందులు పడుతున్నారు.లారీల వల్ల వెలువడే దుమ్ము, ధూళి కారణంగా నివాసం ఉండలేని పరిస్థితి నెలకొందని, అనారోగ్య సమస్యలు ఉత్పన్నమవుతున్నాయని ఆవేదన వ్యక్తం చేస్తూ మంగళవారం ఆందోళన చేపట్టారు. ప్రాణాలు అరచేతిలో పెట్టుకుని బతకాల్సిన దుస్థితి ఏర్పడిందని, అధికారులు వెంటనే స్పందించి కాలనీలోకి లారీల అనుమతిని రద్దు చేయాలని డిమాండ్ చేశారు.

కృష్ణాజిల్లా :మచిలీపట్నం * *మచిలీపట్నంలో బార్ ఏర్పాటు నిబంధనల ప్రకారమే ఏర్పాటు చేస్తున్నాం. నిర్వాహకులు*.. మచిలీపట్నం నగరంలో ప్రధాన రహదారి, జిల్లా పరిషత్ సమీపంలో నూతనంగా ఏర్పాటు చేయునున్న బార్‌పై స్థానికులు ,హైనిచర్చి సభ్యులు అభ్యంతరం వ్యక్తం చేయడంపై బార్ నిర్వాహకులు లింగం ఆనంద్ ఆదివారం విలేఖరుల సమావేశం నిర్వహించి వివరణ ఇచ్చారు. ఈ సందర్భంగా ఆయన మాట్లాడుతూ, బార్ ఏర్పాట్లు పూర్తిగా ప్రభుత్వ నిబంధనలకు అనుగుణంగానే జరుగుతున్నాయని స్పష్టం చేశారు. ఎక్సైజ్ శాఖ మార్గదర్శకాల మేరకు అన్ని నిబంధనల ప్రకారమే ఏర్పాట్లు చేపట్టామని తెలిపారు. గతంలో కూడా ఇదే ప్రదేశంలో బార్ వ్యాపారం సాగిందని గుర్తుచేశారు. అయితే,స్థానికులు హైనీ చర్చి సభ్యులు బార్ ఏర్పాటు పై అభ్యంతరం వ్యక్తం చేస్తున్నారని పేర్కొన్నారు. కొందరి ప్రోద్బలంతో ఈ కార్యక్రమం చేపట్టారని ఆయన ఆరోపించారు.

Post by ఉంగరాల కార్తీక్

తొర్రూరు మున్సిపాలిటీని కాంగ్రెస్ దక్కించుకోవడంపై మాజీ మంత్రి ఎర్రబెల్లి దయాకర్ రావు తీవ్ర ఆవేదన వ్యక్తం చేస్తూ కంటతడి పెట్టుకున్నారు. BRSకు మెజార్టీ ఉన్నప్పటికీ అధికార బలంతో ఛైర్మన్, వైస్ ఛైర్మన్ పదవులను కాంగ్రెస్ కొల్లగొట్టిందన్నారు. తమ పార్టీ నేతలను అక్రమంగా అరెస్టు చేసి ఎన్నికలు నిర్వహించారని ఆరోపించారు. క్షేత్రస్థాయిలో కష్టపడిన కార్యకర్తలకు ఏం సమాధానం చెప్పాలంటూ ఉద్వేగానికి లోనయ్యారు.

భద్రాద్రి కొత్తగూడెం జిల్లా పాల్వంచ పట్టణం గాంధీనగర్‌కు 44 వ డివిజన్ కు చెందిన దొమ్మాటి పద్మ అనే నీరు పేద మహిళ భర్త చనిపోయి 5 సంవత్సరాలు గడుస్తున్నా వితంతు పింఛన్ రావడం లేదు సదరు మహిళకు పింఛన్ కోసం గతం లో కూడ బీజేపీ పార్టీ ఆధ్వర్యంలో స్థానిక పాల్వంచ మున్సిపల్ అధికారుల దృష్టికి తీసుకెళ్లి వితంతు పింఛన్ మంజూరు చెయ్యాలని కోరటం జరిగినది కానీ పింఛన్ మంజూరు కాకపోవడం బాధాకరమని పొనిశెట్టి వెంకటేశ్వర్లు తెలిపారు. ఈ సందర్భంగా బీజేపీ జిల్లా అధికార ప్రతినిధి పొనిశెట్టి వెంకటేశ్వర్లు మాట్లాడుతు దొమ్మాటి పద్మ గారి భర్త దొమ్మాటి మొగిలయ్య గారు 29-12-2020 తేదీన రోడ్డు ప్రమాదంలో మృతి చెందారని, ఆ వెంటనే ఆమె పాల్వంచ మున్సిపల్ కార్యాలయంలో వితంతు పింఛన్ కోసం దరఖాస్తు చేసుకున్నప్పటికీ, ఇప్పటివరకు పింఛన్ మంజూరు కాలేదని అన్నారు.ప్రస్తుతం ఆమె తీవ్రమైన అనారోగ్య సమస్యలతో బాధపడుతుందని,ఆమెకు ఒక్క కుమార్తె ఉందని ఆమె కూలి పనులు చేస్తూ తల్లిని పోషిస్తోందని పేర్కొన్నారు. ఇటువంటి పరిస్థితుల్లో ప్రభుత్వం మానవీయ దృక్పథంతో స్పందించి, అర్హత ఉన్న వితంతు మహిళ దొమ్మాటి పద్మ కు తక్షణమే పింఛన్ మంజూరు చేయాలని కోరారు.జిల్లా కలెక్టర్ మరియు సంబంధిత అధికారులు ఈ అంశాన్ని సానుకూలంగా పరిశీలించి, బాధిత మహిళకు న్యాయం చేయాలని ఆయన విజ్ఞప్తి చేశారు.

*గుంటూరు జిల్లా పోలీస్...* *గుంటూరు ట్రాఫిక్ విభాగం* _*//గుంటూరు నగరంలోని ట్రాఫిక్ పరిస్థితులను పరిశీలించేందుకు బైకుపై క్షేత్రస్థాయిలో పర్యటించిన గుంటూరు జిల్లా ఎస్పీ శ్రీ వకుల్ జిందల్ ఐపీఎస్ గారు,.//*_ 🚩 గుంటూరు నగరంలోని ట్రాఫిక్ పరిస్థితులను, ట్రాఫిక్ సమస్యలు తలెత్తే ప్రదేశాలను, ట్రాఫిక్ డైవర్షన్లను పరిశీలించేందుకు గౌరవ జిల్లా ఎస్పీ గారు ఈ రోజు సాయంత్రం గుంటూరు నగరం మొత్తం ద్విచక్ర వాహనంపై క్షేత్ర స్థాయిలో పర్యటించి, పరిశీలించారు. 📍 శంకర్ విలాస్ నిర్మాణం నేపథ్యంలో గుంటూరు నగరంలో అప్పుడప్పుడు, అక్కడక్కడ ట్రాఫిక్ సమస్యలు ఉత్పన్నమవడంతో వాహనదారులు ఇబ్బందులకు గురవుతున్నారని గౌరవ ఎస్పీ గారికి అందిన సమాచారం మేరకు ట్రాఫిక్ సమస్యల పరిష్కారానికి అవసరమైన చర్యలు తీసుకునేందుకు క్షేత్ర స్థాయిలో ట్రాఫిక్ పరిస్థితులను పరిశీలించడం జరిగింది. 📍కంకర గుంట అండర్ పాస్ - గుజ్జనగుండ్ల సెంటర్ - కోరిటపాడు రోడ్డు - NTR స్టేడియం సర్కిల్ - లక్ష్మీ పురం మెయిన్ రోడ్ - మదర్ థెరిస్సా స్టాట్యూ సెంటర్ - లాడ్జ్ సెంటర్ - శ్రీనగర్ మెయిన్ రోడ్ - మూడు వంతెనల అండర్ పాస్ - కొత్తపేట శివాలయం జంక్షన్ - గుంట గ్రౌండ్ సెంటర్ - RTC బస్టాండ్ ప్రాంతం - BR స్టేడియం సర్కిల్ - హిమనీ సెంటర్ - MTB సెంటర్ - ఉమెన్ కాలేజ్ సెంటర్ - నాజ్ సెంటర్ - రైల్వే స్టేషన్ - కోర్ట్ రోడ్డు - SBI బ్యాంక్, నగరం పాలెం - జిల్లా పోలీస్ కార్యాలయం.ఈ విధంగా నగరంలోని అన్ని ప్రధాన కూడళ్లు, ట్రాఫిక్ డైవర్షన్ ప్రదేశాలు, ట్రాఫిక్ రద్దీ ఎక్కువగా ఉండే ప్రాంతాలు, ప్రధాన సిగ్నలింగ్ ప్రదేశాలు మొదలగు వాటివి పరిశీలించి, ఎక్కడెక్కడ ట్రాఫిక్ సమస్యలు ఉత్పన్నమవుతున్నాయో! పరిశీలించి, ఆయా ప్రాంతాల్లో తీసుకోవలసిన ట్రాఫిక్ నియంత్రణ చర్యల గురించి, అదనపు ట్రాఫిక్ సిబ్బందిని నియమించవలసిన అవశ్యకత గురించి చర్చించారు. 📍రోడ్లపై ఎక్కడైనా ఆక్రమణలు గమనిస్తే మున్సిపల్ వారి సహకారంతో వెంటనే తొలగించాలని, వ్యాపార సముదాయాల ముందర వాహనాలు రోడ్లపై నిలపకుండా వారికి కౌన్సెలింగ్ నిర్వహించి పటిష్టమైన చర్యలు తీసుకోవాలని సూచించారు. 📍RTC బస్టాండ్ వద్ద ప్రైవేటు బస్సులు, ఆటోలు ఎక్కడపడితే అక్కడ ఆగకుండా నిర్ణీత పార్కింగ్ ప్రదేశాలను కేటాయించే విధంగా, అదే విధంగా బస్సులు, ట్రావెల్ బస్సులు నగరంలోని రోడ్లపై ఎక్కడ పడితే అక్కడ ఆగకుండా వాటికి నిర్ణీత బస్టాప్ లను కేటాయించే విధంగా సంబంధిత అధికారులతో సమన్వయం చేసుకోవాలని సూచించారు.నిబంధనలు అతిక్రమించే వారిపై చట్ట ప్రకారం జరిమానా విధించాలని సూచించారు. 📍నగరంలో ట్రాఫిక్ విధులు నిర్వహిస్తున్న పోలీస్ సిబ్బంది సమయానికి తమ విధి నిర్వహణ ప్రదేశానికి చేరుకునే విధంగా చర్యలు తీసుకోవాలని, ఎక్కడైనా ట్రాఫిక్ సమస్య ఉత్పన్నమైతే వెంటనే స్పందించి ఆ సమస్య పరిష్కరించేందుకు కృషి చేయాలని పోలీస్ అధికారులను ఆదేశించారు. 📍వాహనదారులు తప్పకుండా రోడ్డు భద్రతా నిబంధనలు పాటించాలని, పోలీస్ వారికి సహకరించాలని లేని యెడల చట్ట ప్రకారం చర్యలు తీసుకుంటామని తెలిపారు. 📍 గౌరవ ఎస్పీ గారికి నగరంలోని ట్రాఫిక్ పరిస్థితుల గురించి నగర ట్రాఫిక్ డిఎస్పీ బెల్లం శ్రీనివాస్ గారు, ఈస్ట్ ట్రాఫిక్ సీఐ అశోక్ గారు, వెస్ట్ ట్రాఫిక్ సీఐ సింగయ్య గార్లు వివరించారు. 👉 ఈ కార్యక్రమంలో ఎస్పీ గారితో పాటు ట్రాఫిక్ డీఎస్పీ గారు,ట్రాఫిక్ సీఐలు, ఈస్ట్ డిఎస్పీ అబ్దుల్ అజీజ్ గారు, ఎస్బి డీఎస్పీ శ్రీనివాసులు గారు, ఎస్బి సీఐ అలహరి శ్రీనివాస్ గారు, కొత్తపేట సీఐ వీరయ్య గారు, ఇతర పోలీస్ అధికారులు పాల్గొన్నారు..

పల్నాడు జిల్లా: చిలకలూరిపేట ఎన్టీఆర్ నగర్‌లోని టిడ్కో గృహ సముదాయంలో శ్రీనివాస్ అనే వ్యక్తి బలవన్మరణానికి పాల్పడ్డాడు. భార్య గతంలోనే మరణించగా, పిల్లలు హైదరాబాద్‌లో ఉంటున్నారు. కొంతకాలంగా అనారోగ్యంతో బాధపడుతున్న ఆయన, ఆ మనస్తాపంతోనే ఆత్మహత్య చేసుకుని ఉంటారని స్థానికులు భావిస్తున్నారు. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టారు.

Post by ఉంగరాల కార్తీక్