मुंबई महानगरपालिकेच्या विधी समितीच्या २२ जून २०२६ रोजी झालेल्या बैठकीत, नगरसेवक तेजिंदर सिंग तिवाना यांनी मुंबई पब्लिक स्कूल (लिबर्टी गार्डन) येथील उद्घाटन कार्यक्रमातील कथित प्रोटोकॉल उल्लंघनाचा मुद्दा उपस्थित केला. या चर्चेनंतर, विधी समितीने महापालिका राजशिष्टाचार अधिकारी संदीप लाळगे यांना संबंधित प्रकरणाची सखोल चौकशी करून सत्यस्थिती समोर येईपर्यंत निलंबित करण्याचा ठराव एकमताने मंजूर केला. तिवाना यांनी बैठकीत उद्घाटन कार्यक्रमात राजशिष्टाचाराचे उल्लंघन झाल्याचे, स्थानिक लोकप्रतिनिधींचा अवमान करण्यात आल्याचे आणि उद्घाटनाच्या कोनशिलेवरून स्थानिक नगरसेवकाचे नाव वगळल्याचे निदर्शनास आणले. याबाबत विचारणा केली असता, राजशिष्टाचार अधिकारी संदीप लाळगे यांनी ‘‘सो व्हॉट?’’ असे मुजोर उत्तर दिल्याची आणि अरेरावी केल्याची गंभीर तक्रार तिवाना यांनी नोंदवली. या संपूर्ण प्रकरणाची निष्पक्ष व सखोल चौकशी होऊन दोषी आढळणाऱ्यांवर कठोर कारवाई करण्याची मागणी त्यांनी केली, तसेच प्रशासनाला राजशिष्टाचार अधिकाऱ्यांनी आधी शिष्टाचार शिकण्याची गरज असल्याचे खडे बोल सुनावले. यावेळी तेजिंदर सिंग तिवाना यांनी सांगितले की, हा केवळ एका व्यक्तीचा प्रश्न नसून लोकशाही संस्थांचा सन्मान, स्थानिक लोकप्रतिनिधींचे अधिकार आणि महानगरपालिका प्रशासनाच्या निष्पक्षतेचा प्रश्न आहे. त्यामुळे चौकशी निष्पक्ष, पारदर्शक आणि वेळेत पूर्ण होऊन दोषींवर कठोर कारवाई होणे आवश्यक आहे. चर्चेअंती, चौकशी प्रक्रियेची निष्पक्षता अबाधित राखण्यासाठी आणि कोणत्याही प्रकारचा प्रभाव टाळण्यासाठी संदीप लाळगे यांना चौकशी पूर्ण होऊन अहवाल प्राप्त होईपर्यंत निलंबित करण्याचा ठराव विधी समितीने एकमताने मंजूर केला.

Amit Omprakash tiwari

मुंबई, मुंबई, महाराष्ट्र•

11 hrs ago

मुंबई महानगरपालिकेच्या विधी समितीच्या २२ जून २०२६ रोजी झालेल्या बैठकीत, नगरसेवक तेजिंदर सिंग तिवाना यांनी मुंबई पब्लिक स्कूल (लिबर्टी गार्डन) येथील उद्घाटन कार्यक्रमातील कथित प्रोटोकॉल उल्लंघनाचा मुद्दा उपस्थित केला. या चर्चेनंतर, विधी समितीने महापालिका राजशिष्टाचार अधिकारी संदीप लाळगे यांना संबंधित प्रकरणाची सखोल चौकशी करून सत्यस्थिती समोर येईपर्यंत निलंबित करण्याचा ठराव एकमताने मंजूर केला. तिवाना यांनी बैठकीत उद्घाटन कार्यक्रमात राजशिष्टाचाराचे उल्लंघन झाल्याचे, स्थानिक लोकप्रतिनिधींचा अवमान करण्यात आल्याचे आणि उद्घाटनाच्या कोनशिलेवरून स्थानिक नगरसेवकाचे नाव वगळल्याचे निदर्शनास आणले. याबाबत विचारणा केली असता, राजशिष्टाचार अधिकारी संदीप लाळगे यांनी ‘‘सो व्हॉट?’’ असे मुजोर उत्तर दिल्याची आणि अरेरावी केल्याची गंभीर तक्रार तिवाना यांनी नोंदवली. या संपूर्ण प्रकरणाची निष्पक्ष व सखोल चौकशी होऊन दोषी आढळणाऱ्यांवर कठोर कारवाई करण्याची मागणी त्यांनी केली, तसेच प्रशासनाला राजशिष्टाचार अधिकाऱ्यांनी आधी शिष्टाचार शिकण्याची गरज असल्याचे खडे बोल सुनावले. यावेळी तेजिंदर सिंग तिवाना यांनी सांगितले की, हा केवळ एका व्यक्तीचा प्रश्न नसून लोकशाही संस्थांचा सन्मान, स्थानिक लोकप्रतिनिधींचे अधिकार आणि महानगरपालिका प्रशासनाच्या निष्पक्षतेचा प्रश्न आहे. त्यामुळे चौकशी निष्पक्ष, पारदर्शक आणि वेळेत पूर्ण होऊन दोषींवर कठोर कारवाई होणे आवश्यक आहे. चर्चेअंती, चौकशी प्रक्रियेची निष्पक्षता अबाधित राखण्यासाठी आणि कोणत्याही प्रकारचा प्रभाव टाळण्यासाठी संदीप लाळगे यांना चौकशी पूर्ण होऊन अहवाल प्राप्त होईपर्यंत निलंबित करण्याचा ठराव विधी समितीने एकमताने मंजूर केला.