సెప్టెంబర్ 17 పోరాట చరిత్రపై బీజేపీకి మాట్లాడే అర్హత లేదు-సిపిఎం వీర తెలంగాణ రైతాంగ సాయుధ పోరాట చరిత్రను వక్రీకరించి ప్రజలను తప్పుదోవ పట్టించే హక్కు బీజేపీకి లేదని సీపీఎం మండల కార్యదర్శి మునిగెల రమేష్ అన్నారు.సోమవారం రంగరాయగూడెం, కోమటిగూడెం గ్రామాల్లో వీర తెలంగాణ రైతాంగ సాయుధ పోరాట వారోత్సవాల సభకు సంబంధించిన కరపత్రాలను ఆవిష్కరించారు.ఈ సందర్భంగా రమేష్ మాట్లాడుతూ నిజాం నిరంకుశ పాలనతో పాటు దొరలు, భూస్వాముల దోపిడీకి వ్యతిరేకంగా తెలంగాణ రైతాంగం సాగించిన పోరాటంలో కమ్యూనిస్టులు ప్రజలను సంఘటితం చేసి ముందుండి నడిపించారని తెలిపారు.ప్రజలు వెట్టిచాకిరీ, దోపిడీ, చిత్రహింసలకు గురవుతున్న సమయంలో ఆర్ఎస్ఎస్‌కు చెందిన ఏ ఒక్క నాయకుడు కూడా రైతాంగ సాయుధ పోరాటంలో పాల్గొనలేదని విమర్శించారు.తెలంగాణ రైతాంగ సాయుధ పోరాటం హిందూ–ముస్లిం ఘర్షణ కాదని, దొరలు, భూస్వాముల దోపిడీకి వ్యతిరేకంగా పేదలు, రైతులు, కూలీలు సాగించిన ప్రజా పోరాటమని స్పష్టం చేశారు. కమ్యూనిస్టుల పాత్రను చరిత్ర నుంచి చెరిపివేయాలని బీజేపీ చేస్తున్న ప్రయత్నాలను తెలంగాణ ప్రజలు అంగీకరించరని అన్నారు.భూమి, భుక్తి, విముక్తి కోసం ప్రజల్లో చైతన్యం తీసుకొచ్చిన పోరాటంగా వీర తెలంగాణ రైతాంగ సాయుధ పోరాటాన్ని ఆయన అభివర్ణించారు.పోరాట ఫలితంగా 10 లక్షల ఎకరాల భూమి పంచబడిందని, సుమారు 3 వేల గ్రామాల్లో గ్రామ రాజ్యాలు ఏర్పడ్డాయని, 4 వేల మంది అమరులయ్యారని గుర్తుచేశారు. ఆ పోరాట వారసత్వాన్ని కొనసాగిస్తూ సీపీఎం నేటికీ ప్రజా సమస్యలపై పోరాడుతోందన్నారు. చరిత్రను వక్రీకరించి మత విద్వేషాలను రెచ్చగొట్టే ప్రయత్నాలను ప్రజలు తిప్పికొట్టాలని పిలుపునిచ్చారు.ఈ నెల 17న జనగామ జిల్లా కేంద్రంలోని కామాక్షి ఫంక్షన్ హాల్‌లో వీర తెలంగాణ రైతాంగ సాయుధ పోరాట సభ నిర్వహిస్తున్నట్లు తెలిపారు. సీపీఎం కేంద్ర కమిటీ సభ్యులు తమ్మినేని వీరభద్రం ముఖ్య అతిథిగా హాజరై ప్రసంగిస్తారని చెప్పారు.రైతులు, కూలీలు, కార్మికులు, యువత, మహిళలు, ప్రజలు అధిక సంఖ్యలో పాల్గొని సభను జయప్రదం చేయాలని కోరారు.ఈ కార్యక్రమంలో పార్టీ మండల కమిటీ సభ్యులు కత్తుల రాజు, రంగరాయిగూడెం ఉపసర్పంచ్ మునిగెల నరసింహులు, కోమటిగూడెం శాఖ కార్యదర్శి ఈదునూరి యాకయ్య, బోయినిగూడెం శాఖ కార్యదర్శి బోయిని రాజు, పార్టీ నాయకులు నెలమంచ వెంకటరెడ్డి, మారబోయిన మల్లయ్య, బోయిని రాజయ్య, మంద ఇలిషన్, జిల్లాపెళ్లి కొమురయ్య, రాడపాక యాదగిరి, మల్లారెడ్డి, బోయిని మ్యాకల కుమార్, పల్లెపు ప్రభాకర్ తదితరులు పాల్గొన్నారు.

Saleem

ఘన్‌పూర్ (స్టేషన్), జనగాం, తెలంగాణ•

1 day ago

సెప్టెంబర్ 17 పోరాట చరిత్రపై బీజేపీకి మాట్లాడే అర్హత లేదు-సిపిఎం వీర తెలంగాణ రైతాంగ సాయుధ పోరాట చరిత్రను వక్రీకరించి ప్రజలను తప్పుదోవ పట్టించే హక్కు బీజేపీకి లేదని సీపీఎం మండల కార్యదర్శి మునిగెల రమేష్ అన్నారు.సోమవారం రంగరాయగూడెం, కోమటిగూడెం గ్రామాల్లో వీర తెలంగాణ రైతాంగ సాయుధ పోరాట వారోత్సవాల సభకు సంబంధించిన కరపత్రాలను ఆవిష్కరించారు.ఈ సందర్భంగా రమేష్ మాట్లాడుతూ నిజాం నిరంకుశ పాలనతో పాటు దొరలు, భూస్వాముల దోపిడీకి వ్యతిరేకంగా తెలంగాణ రైతాంగం సాగించిన పోరాటంలో కమ్యూనిస్టులు ప్రజలను సంఘటితం చేసి ముందుండి నడిపించారని తెలిపారు.ప్రజలు వెట్టిచాకిరీ, దోపిడీ, చిత్రహింసలకు గురవుతున్న సమయంలో ఆర్ఎస్ఎస్‌కు చెందిన ఏ ఒక్క నాయకుడు కూడా రైతాంగ సాయుధ పోరాటంలో పాల్గొనలేదని విమర్శించారు.తెలంగాణ రైతాంగ సాయుధ పోరాటం హిందూ–ముస్లిం ఘర్షణ కాదని, దొరలు, భూస్వాముల దోపిడీకి వ్యతిరేకంగా పేదలు, రైతులు, కూలీలు సాగించిన ప్రజా పోరాటమని స్పష్టం చేశారు. కమ్యూనిస్టుల పాత్రను చరిత్ర నుంచి చెరిపివేయాలని బీజేపీ చేస్తున్న ప్రయత్నాలను తెలంగాణ ప్రజలు అంగీకరించరని అన్నారు.భూమి, భుక్తి, విముక్తి కోసం ప్రజల్లో చైతన్యం తీసుకొచ్చిన పోరాటంగా వీర తెలంగాణ రైతాంగ సాయుధ పోరాటాన్ని ఆయన అభివర్ణించారు.పోరాట ఫలితంగా 10 లక్షల ఎకరాల భూమి పంచబడిందని, సుమారు 3 వేల గ్రామాల్లో గ్రామ రాజ్యాలు ఏర్పడ్డాయని, 4 వేల మంది అమరులయ్యారని గుర్తుచేశారు. ఆ పోరాట వారసత్వాన్ని కొనసాగిస్తూ సీపీఎం నేటికీ ప్రజా సమస్యలపై పోరాడుతోందన్నారు. చరిత్రను వక్రీకరించి మత విద్వేషాలను రెచ్చగొట్టే ప్రయత్నాలను ప్రజలు తిప్పికొట్టాలని పిలుపునిచ్చారు.ఈ నెల 17న జనగామ జిల్లా కేంద్రంలోని కామాక్షి ఫంక్షన్ హాల్‌లో వీర తెలంగాణ రైతాంగ సాయుధ పోరాట సభ నిర్వహిస్తున్నట్లు తెలిపారు. సీపీఎం కేంద్ర కమిటీ సభ్యులు తమ్మినేని వీరభద్రం ముఖ్య అతిథిగా హాజరై ప్రసంగిస్తారని చెప్పారు.రైతులు, కూలీలు, కార్మికులు, యువత, మహిళలు, ప్రజలు అధిక సంఖ్యలో పాల్గొని సభను జయప్రదం చేయాలని కోరారు.ఈ కార్యక్రమంలో పార్టీ మండల కమిటీ సభ్యులు కత్తుల రాజు, రంగరాయిగూడెం ఉపసర్పంచ్ మునిగెల నరసింహులు, కోమటిగూడెం శాఖ కార్యదర్శి ఈదునూరి యాకయ్య, బోయినిగూడెం శాఖ కార్యదర్శి బోయిని రాజు, పార్టీ నాయకులు నెలమంచ వెంకటరెడ్డి, మారబోయిన మల్లయ్య, బోయిని రాజయ్య, మంద ఇలిషన్, జిల్లాపెళ్లి కొమురయ్య, రాడపాక యాదగిరి, మల్లారెడ్డి, బోయిని మ్యాకల కుమార్, పల్లెపు ప్రభాకర్ తదితరులు పాల్గొన్నారు.