‘जंक फूड व स्क्रीन टाइममुळे मासिक पाळी अनियमित’ – डॉ. आशा चांडक यांचे मार्गदर्शन मानवत जागर महाराष्ट्राचा न्यूज वार्तांकन (प्रतिनिधी) : आंतरराष्ट्रीय महिला दिनानिमित्त 10 मार्च 2026 रोजी के.के.एम. महाविद्यालय, मानवत येथे राष्ट्रीय सेवा योजना व समाजशास्त्र विभाग यांच्या संयुक्त विद्यमाने विद्यार्थिनींसाठी ‘मासिक पाळी व्यवस्थापन’ या विषयावर मार्गदर्शक कार्यशाळा घेण्यात आली. या कार्यक्रमाला विद्यार्थिनींचा उत्स्फूर्त प्रतिसाद मिळाला.कार्यक्रमाच्या अध्यक्षस्थानी प्राचार्य बी. एस. मुंडे होते. मासिक पाळी समुपदेशन तज्ञ डॉ. सौ. आशा चांडक यांनी पौगंडावस्थेतील शारीरिक-मानसिक बदल, मासिक पाळीविषयीचे समज-गैरसमज, वैयक्तिक स्वच्छता, सॅनिटरी पॅड किंवा सुती कापडाचा योग्य वापर व सुरक्षित विल्हेवाट याबाबत मार्गदर्शन केले. तसेच आयरन-प्रोटीनयुक्त आहाराचे महत्त्व सांगत हिरव्या पालेभाज्या, डाळी, खजूर, तीळ-गूळ, दूध व फळांचा आहारात समावेश करण्याचा सल्ला दिला. पीसीओडी, अतिरक्तस्राव यांसारख्या समस्यांबाबत जागरूकता निर्माण करत पर्यावरणपूरक मेन्स्ट्रुअल कप विषयीही माहिती दिली.जंक फूडचे वाढते सेवन, अनियमित जीवनशैली व वाढता स्क्रीन टाइम यामुळे हार्मोन्सचे संतुलन बिघडून मासिक पाळी अनियमित होण्याची शक्यता वाढते, असे सांगत त्यांनी संतुलित आहार, नियमित व्यायाम व मोबाईल-लॅपटॉपचा मर्यादित वापर करण्याचा सल्ला दिला.यावेळी महिला सुरक्षा समुपदेशन तज्ञ शकुंतला चांदीवाले (पोलीस स्टेशन, मानवत) यांनी महिला सुरक्षा, संबंधित कायदे, सायबर गुन्हे व आत्मसंरक्षणाबाबत मार्गदर्शन केले.कार्यक्रमास डॉ. पवन चांडक, डॉ. एस. आर. राठी, डॉ. सी. पी. व्यास, प्रा. अनिल कापसे, प्रा. रुपेश देशपांडे उपस्थित होते. प्रास्ताविक डॉ. भास्कर मुंडे, सूत्रसंचालन डॉ. सुनिता कुकडे यांनी केले तर आभार पायल वाघमारे यांनी मानले.महिलांच्या आरोग्याबाबत जागरूकता व आत्मविश्वास वाढविणारा हा उपक्रम विद्यार्थिनींसाठी प्रेरणादायी ठरला.

Kapil Ashokrao Shinde

मानवत, परभणी, महाराष्ट्र•

3 hrs ago

‘जंक फूड व स्क्रीन टाइममुळे मासिक पाळी अनियमित’ – डॉ. आशा चांडक यांचे मार्गदर्शन मानवत जागर महाराष्ट्राचा न्यूज वार्तांकन (प्रतिनिधी) : आंतरराष्ट्रीय महिला दिनानिमित्त 10 मार्च 2026 रोजी के.के.एम. महाविद्यालय, मानवत येथे राष्ट्रीय सेवा योजना व समाजशास्त्र विभाग यांच्या संयुक्त विद्यमाने विद्यार्थिनींसाठी ‘मासिक पाळी व्यवस्थापन’ या विषयावर मार्गदर्शक कार्यशाळा घेण्यात आली. या कार्यक्रमाला विद्यार्थिनींचा उत्स्फूर्त प्रतिसाद मिळाला.कार्यक्रमाच्या अध्यक्षस्थानी प्राचार्य बी. एस. मुंडे होते. मासिक पाळी समुपदेशन तज्ञ डॉ. सौ. आशा चांडक यांनी पौगंडावस्थेतील शारीरिक-मानसिक बदल, मासिक पाळीविषयीचे समज-गैरसमज, वैयक्तिक स्वच्छता, सॅनिटरी पॅड किंवा सुती कापडाचा योग्य वापर व सुरक्षित विल्हेवाट याबाबत मार्गदर्शन केले. तसेच आयरन-प्रोटीनयुक्त आहाराचे महत्त्व सांगत हिरव्या पालेभाज्या, डाळी, खजूर, तीळ-गूळ, दूध व फळांचा आहारात समावेश करण्याचा सल्ला दिला. पीसीओडी, अतिरक्तस्राव यांसारख्या समस्यांबाबत जागरूकता निर्माण करत पर्यावरणपूरक मेन्स्ट्रुअल कप विषयीही माहिती दिली.जंक फूडचे वाढते सेवन, अनियमित जीवनशैली व वाढता स्क्रीन टाइम यामुळे हार्मोन्सचे संतुलन बिघडून मासिक पाळी अनियमित होण्याची शक्यता वाढते, असे सांगत त्यांनी संतुलित आहार, नियमित व्यायाम व मोबाईल-लॅपटॉपचा मर्यादित वापर करण्याचा सल्ला दिला.यावेळी महिला सुरक्षा समुपदेशन तज्ञ शकुंतला चांदीवाले (पोलीस स्टेशन, मानवत) यांनी महिला सुरक्षा, संबंधित कायदे, सायबर गुन्हे व आत्मसंरक्षणाबाबत मार्गदर्शन केले.कार्यक्रमास डॉ. पवन चांडक, डॉ. एस. आर. राठी, डॉ. सी. पी. व्यास, प्रा. अनिल कापसे, प्रा. रुपेश देशपांडे उपस्थित होते. प्रास्ताविक डॉ. भास्कर मुंडे, सूत्रसंचालन डॉ. सुनिता कुकडे यांनी केले तर आभार पायल वाघमारे यांनी मानले.महिलांच्या आरोग्याबाबत जागरूकता व आत्मविश्वास वाढविणारा हा उपक्रम विद्यार्थिनींसाठी प्रेरणादायी ठरला.