बीडमध्ये दिव्य मराठीच्या महावृक्ष लागवड अभियानाला उत्स्फूर्त प्रतिसाद मिळाला आहे.

बीड जिल्ह्यातील वडवणी शहरात सुरू असलेल्या मतदान नोंदणी अभियानाला जिल्हाधिकारी विवेक जॉन्सन यांनी भेट दिली. या दौऱ्यादरम्यान ज्येष्ठ नेते राजाभाऊ मुंडे आणि नगराध्यक्ष शेषेराव जगताप यांनी जिल्हाधिकाऱ्यांशी भेट घेऊन विविध महत्त्वाच्या विषयांवर सविस्तर चर्चा केली.

बीड जिल्ह्यातील परळी वैजनाथ येथील संत सेवालाल महाराज चौकात रविवारी बंजारा समाज एकता संकल्प यात्रेचे अत्यंत उत्स्फूर्त आणि जल्लोषपूर्ण स्वागत करण्यात आले. देशभर बंजारा समाजात एकता, संघटन आणि सामाजिक सलोखा निर्माण करण्याच्या उद्देशाने आयोजित करण्यात आलेल्या या यात्रेचे समाजबांधवांनी पुष्पवृष्टी, जयघोष आणि पारंपरिक पद्धतीने स्वागत केले. ही यात्रा बंजारा समाजात एकात्मता, बंधुभाव आणि सामाजिक जागृतीचा संदेश देणारी असून समाजाने संघटित राहून समाजहितासाठी कार्य करावे, असे आवाहन यावेळी करण्यात आले. आंध्र प्रदेशातील सेवागड येथून ५ जुलै रोजी सुरू झालेली ही यात्रा देशातील १८ राज्यांतून प्रवास करत २६ जुलै रोजी दिल्ली येथे पोहोचणार आहे. धर्मगुरू बाबुसिंग महाराज पोहराड गड तसेच धर्माधिकारी आंध्र प्रदेशचे संत सेवालाल महाराज चॅरिटेबल ट्रस्ट, सेवागड यांच्या मार्गदर्शनाखाली ही यात्रा काढण्यात आली आहे. परळीतील या स्वागत सोहळ्याला बंजारा समाजातील सरपंच विजय राठोड, प्रेमदास पवार, अमर पवार, प्रविण पवार, वैजनाथ पवार यांच्यासह पदाधिकारी, कार्यकर्ते आणि समाजबांधव मोठ्या संख्येने उपस्थित होते.

परभणी येथील महानगरपालिकेच्या महापौरांवर चाकूने हल्ला करण्याचा प्रयत्न झाल्याची घटना समोर आली आहे. महापौरांवर थेट चाकूने हल्ला करण्याचा हा प्रयत्न नेमका कोणी केला आणि यामागचे कारण काय होते, याबाबतची अधिक माहिती समोर आलेली नाही.

जालना येथे शासकीय डॉक्टरवर झालेल्या हल्ल्याच्या घटनेवर एका डॉक्टरने आपली प्रतिक्रिया व्यक्त केली आहे. शासकीय डॉक्टरवर झालेल्या या हल्ल्यानंतर डॉक्टरांनी एकत्र येत आपली एकजूट दाखवून दिली आहे.

जालना जिल्ह्यातील बदनापूर येथे लाईट ऑफ लाईफ ट्रस्टतर्फे एकूण १०३ विद्यार्थ्यांना शैक्षणिक साहित्याचे वाटप करण्यात आले आहे.

अहमदनगर जिल्ह्यातील कर्जत येथे सहाय्यक निबंधकाला रंगेहाथ पकडण्यात आले आहे. या कारवाईनंतर थेट कर्जत कार्यालयासमोर फटाके फोडण्यात आले.

छत्रपती संभाजीनगरच्या सिल्लोड येथील शिवसेना भवन येथे सिल्लोड–सोयगाव विधानसभा मतदारसंघातील शिवसेना पक्षाचे बीएलए (बूथ लेव्हल एजंट), पदाधिकारी आणि कार्यकर्त्यांसाठी विशेष मतदार पुनर्निरीक्षण (SIR) कार्यक्रमाच्या अनुषंगाने मार्गदर्शन शिबिर आणि आढावा बैठक उत्साहात संपन्न झाली. या शिबिरात शिवसेनेचे मार्गदर्शक प्रशांत घोरपडे आणि दिग्विजय पाटील यांनी मतदार पुनर्निरीक्षणाची प्रक्रिया, बीएलएंची जबाबदारी आणि प्रत्यक्ष काम करताना घ्यावयाची दक्षता याविषयी सखोल मार्गदर्शन केले. या बैठकीला खासदार आणि छत्रपती संभाजीनगर–जालना SIR संपर्क प्रमुख संदीपान भुमरे, माजी मंत्री व आमदार अब्दुल सत्तार आणि शिवसेना जिल्हा संपर्कप्रमुख विलास पारकर प्रामुख्याने उपस्थित होते. बैठकीत प्रत्येक पात्र मतदाराची अचूक नोंद करणे, अपात्र व बोगस मतदारांची नावे शोधून काढणे आणि कोणताही पात्र मतदार वंचित राहू नये यासाठी बीएलएंनी गांभीर्याने काम करण्याचे आवाहन करण्यात आले. बीएलएंना ई-फॉर्म अचूक भरणे, आवश्यक कागदपत्रे, पांढऱ्या पार्श्वभूमीचा फोटो वापरणे, ओळखपत्र जवळ बाळगणे आणि स्थलांतरित, मृत किंवा दुबार मतदारांची नोंद याबाबत उदाहरणांसह सविस्तर मार्गदर्शन करण्यात आले. बैठकीत बीएलए व कार्यकर्त्यांनी आपल्या शंका व अडचणी मांडल्या, ज्यांचे मार्गदर्शकांनी उदाहरणांसह निरसन केले. तसेच या मोहिमेत उत्कृष्ट कार्य करणाऱ्या बीएलएंचा मुंबई येथे विशेष सन्मान केला जाईल, अशी घोषणाही यावेळी करण्यात आली. आमदार अब्दुल सत्तार यांनी सर्कल प्रमुखांना बूथनिहाय सूक्ष्म नियोजन करून बीएलएशी सातत्याने समन्वय ठेवण्याचे निर्देश दिले, तर खासदार संदीपान भुमरे यांनी ही मोहीम यशस्वी करण्यासाठी प्रामाणिकपणे जबाबदारी पार पाडण्याचे आवाहन केले. या प्रसंगी नगराध्यक्ष अब्दुल समीर अ. सत्तार, उपनगराध्यक्ष विठ्ठल सपकाळ, शिवसेना तालुकाप्रमुख केशवराव पा. तायडे यांच्यासह स्थानिक विविध संस्थांचे पदाधिकारी आणि महिला आघाडीच्या नेत्या मोठ्या संख्येने उपस्थित होत्या.

परभणी जिल्ह्यातील मानवत तालुक्यातील खरबा रोडवर दोन मोटरसायकलची समोरासमोर जोरदार टक्कर झाली आहे. या भीषण अपघातामध्ये एकाचा जागेवरच मृत्यू झाला आहे.