अहमदनगर जिल्ह्यातील कर्जत येथे सहाय्यक निबंधकाला रंगेहाथ पकडण्यात आले आहे. या कारवाईनंतर थेट कर्जत कार्यालयासमोर फटाके फोडण्यात आले.

अहमदनगर जिल्ह्यातील कर्जत येथे सहाय्यक निबंधकाला रंगेहाथ पकडण्यात आले आहे. या कारवाईनंतर थेट कर्जत कार्यालयासमोर फटाके फोडण्यात आले.

उजनी धरणाच्या पाणलोट क्षेत्रातील पाण्याच्या पातळीत झपाट्याने वाढ होत आहे.

बीड जिल्ह्यातील जिल्हा परिषदेच्या शाळांमध्ये दररोज सकाळी जगाच्या कल्याणासाठी आणि मानवतेसाठी संत ज्ञानेश्वरांची विश्वात्मक प्रार्थना "पसायदान" म्हटली जाते. मात्र, या विद्यार्थ्यांना शिक्षणासाठी मूलभूत सुविधा, सुरक्षित शाळा इमारत, पिण्याचे स्वच्छ पाणी आणि स्वच्छतागृहे मिळतील काय, असा सवाल सामाजिक कार्यकर्ते डॉ. गणेश ढवळे लिंबागणेशकर यांनी विचारला आहे. तसेच, या विद्यार्थ्यांना सरकारी अधिकाऱ्यांकडून निधीचे "दान" मिळेल काय, असे विचारत त्यांनी प्रशासनाला धारेवर धरले आहे।

पुण्याच्या बारामतीमध्ये पालखी दरम्यान एका ज्येष्ठ व्यक्तीने अन्न औषध प्रशासनाचे आयुक्त तुकाराम मुंढे यांचा फोटो आपल्या गळ्यात घालून समाजाला एक संदेश दिला. पालखीमध्ये या ज्येष्ठ व्यक्तीने गळ्यात तुकाराम मुंढे यांचा फोटो घातल्याचा हा व्हिडिओ सध्या चांगलाच व्हायरल होत आहे.

अहमदनगर जिल्ह्यातील अकोले तालुक्यातील मवेशी येथे अनुसूचित जमाती प्रवर्गातील मुलींसाठी पोलीस व सैन्यदल भरतीपूर्व प्रशिक्षणाचे मोफत आयोजन करण्यात आले आहे. १ ऑगस्ट ते ३० नोव्हेंबर २०२६ या कालावधीत चालणाऱ्या या प्रशिक्षणामध्ये सहभागी होणाऱ्या मुलींसाठी मोफत निवासी आणि भोजन व्यवस्थेची सोय करण्यात आली आहे. या सुवर्णसंधीचा लाभ घेण्यासाठी इच्छुक तरुणी १२ वी उत्तीर्ण असणे आवश्यक असून, त्यांचे वय १८ ते २६ वर्षांच्या दरम्यान असावे. या मोफत प्रशिक्षणासाठी अर्ज करण्याची अंतिम तारीख २६ जुलै २०२६ आहे. इच्छुकांना पोलीस व सैन्यदल भरतीपूर्व प्रशिक्षण केंद्र, मवेशी, ता. अकोले येथे जाऊन ऑफलाइन पद्धतीने आपला अर्ज सादर करावा लागेल. या सुवर्णसंधीबाबत अधिक माहितीसाठी ९४२१५२५४१६, ८२७५३४९४१४ किंवा ९९६०११२६०० या क्रमांकांवर संपर्क साधण्याचे आवाहन करण्यात आले आहे. पात्र मुलींनी आजच आपले अर्ज सादर करून पोलीस किंवा सैन्यदलातील करिअरच्या दिशेने आत्मविश्वासाने पाऊल टाकावे.

शिरूर तालुक्यातील कान्हेर मेसाई येथील विद्याधाम विद्यालयात 'आनंददायी शनिवार' उपक्रमांतर्गत एवरी डेनिसन व मॅजिक बस यांच्या सहकार्याने लोकशाही पद्धतीने विद्यार्थी बालपंचायत मतदान प्रक्रिया राबविण्यात आली. ही प्रक्रिया केवळ प्रतिनिधी निवडण्यापुरती मर्यादित नसून, विद्यार्थ्यांना जबाबदार नागरिकत्व, समानता, सहभाग आणि लोकशाही मूल्यांचा प्रत्यक्ष अनुभव देणारी एक अत्यंत महत्त्वाची संधी ठरत आहे. या उपक्रमाबाबत बोलताना विद्यालयाचे प्राचार्य विनोद शिंदे यांनी विद्यार्थ्यांना मार्गदर्शन केले. त्यांनी आवाहन केले की, प्रत्येक विद्यार्थ्याने मतदान केंद्रावरील सर्व सूचनांचे पालन करून अत्यंत शिस्तबद्ध, शांततापूर्ण आणि प्रामाणिकपणे आपल्या मतदानाचा हक्क बजावावा. कोणत्याही दबाव, प्रभाव किंवा पक्षपाताशिवाय स्वतःच्या विचारांनुसार योग्य उमेदवाराची निवड करावी, कारण प्रत्येक मत अत्यंत महत्त्वाचे आहे आणि विद्यार्थ्यांच्या सक्रिय सहभागातूनच सक्षम विद्यार्थी नेतृत्व घडू शकते.

मापेगाव निम्न दुधना प्रकल्पातील मच्छीमारांचे जाळे जाळल्याचा आरोप करण्यात आला आहे. या घटनेत मच्छीमारांचे तीन लाख रुपयांचे नुकसान झाले असून, याप्रकरणी आता जिल्हाधिकारी आणि पोलीस अधीक्षक यांच्याकडे तक्रार दाखल करण्यात येणार आहे.

आषाढी एकादशीनिमित्त विठुरायाच्या दर्शनासाठी पंढरपूरकडे प्रस्थान केलेल्या पैठणच्या शांतीब्रह्म संत एकनाथ महाराजांच्या चरण पादुका असलेल्या पालखीचे शिरूर कासार शहरात प्रशासनाच्या वतीने मोठ्या जल्लोषात आणि हरिनामाच्या गजरात स्वागत करण्यात आले आहे. "भेटी लागे जीव.. लागलीसे आस..पाऊले चालली पंढरीची वाट..!" या भक्तिभावाने पालखीचे स्वागत करण्यात आले. या स्वागत सोहळ्याप्रसंगी तहसीलदार सुरेशजी घोळवे, नायब तहसीलदार तथा मुख्याधिकारी गणेश दहिफळे, पोलीस ठाण्याचे एपीआय राजेश गडवे यांच्यासह सर्व प्रशासकीय अधिकारी आणि प्रतिष्ठित नागरिक उपस्थित होते. हरिनामाच्या गजरात शांतीब्रह्म संत एकनाथ महाराजांची ही पालखी पंढरपूरकडे मार्गस्थ झाली आहे.