కరీంనగర్ జిల్లా జమ్మికుంట మున్సిపల్ పరిధిలోని 13, 14 వార్డుల్లో ఇటీవల వరుసగా మరణాలు సంభవిస్తున్నాయి. ఈ వరుస మరణాలతో ఆందోళన చెందిన కాలనీవాసులు పరిష్కారం కోసం ఒక స్థానిక పండితుడిని సంప్రదించారు. ఆ పండితుడు కాలనీకి కీడు సోకిందని, దాన్ని నివారించడానికి అందరూ 'కీడు వంటలకు' వెళ్లాలని సూచించాడు. దీంతో కాలనీ పెద్దలు కీడు వంటలకు వెళ్లాలని నిర్ణయించుకుని కాలనీలో చాటింపు వేయించారు. ఈ నిర్ణయం ప్రకారం, ఆదివారం ఉదయమే కాలనీవాసులు తమ ఇళ్లకు తాళాలు వేసుకుని ఇల్లందకుంట మండల కేంద్రానికి కీడు వంటల కోసం తరలివెళ్లారు. ఉదయం సూర్యోదయం నుంచి సాయంత్రం సూర్యాస్తమయం వరకు కాలనీవాసులంతా అక్కడే గడిపారు. అక్కడ వంటావార్పు చేసుకుని అందరూ కలిసి విందు భోజనాలు ఆరగించారు. ఇది పురాతన కాలం నుండి వస్తున్న సంప్రదాయమని, కీడు వంటలకు వెళితే తమకు సోకిన కీడు పోతుందని పూర్వీకులు చెప్పేవారని, అందుకే తామంతా ఇక్కడికి వచ్చామని కాలనీ వాసులు తెలిపారు.

K.V.REDDY

చిగురుమామిడి, కరీంనగర్, తెలంగాణ•

2 hrs ago

కరీంనగర్ జిల్లా జమ్మికుంట మున్సిపల్ పరిధిలోని 13, 14 వార్డుల్లో ఇటీవల వరుసగా మరణాలు సంభవిస్తున్నాయి. ఈ వరుస మరణాలతో ఆందోళన చెందిన కాలనీవాసులు పరిష్కారం కోసం ఒక స్థానిక పండితుడిని సంప్రదించారు. ఆ పండితుడు కాలనీకి కీడు సోకిందని, దాన్ని నివారించడానికి అందరూ 'కీడు వంటలకు' వెళ్లాలని సూచించాడు. దీంతో కాలనీ పెద్దలు కీడు వంటలకు వెళ్లాలని నిర్ణయించుకుని కాలనీలో చాటింపు వేయించారు. ఈ నిర్ణయం ప్రకారం, ఆదివారం ఉదయమే కాలనీవాసులు తమ ఇళ్లకు తాళాలు వేసుకుని ఇల్లందకుంట మండల కేంద్రానికి కీడు వంటల కోసం తరలివెళ్లారు. ఉదయం సూర్యోదయం నుంచి సాయంత్రం సూర్యాస్తమయం వరకు కాలనీవాసులంతా అక్కడే గడిపారు. అక్కడ వంటావార్పు చేసుకుని అందరూ కలిసి విందు భోజనాలు ఆరగించారు. ఇది పురాతన కాలం నుండి వస్తున్న సంప్రదాయమని, కీడు వంటలకు వెళితే తమకు సోకిన కీడు పోతుందని పూర్వీకులు చెప్పేవారని, అందుకే తామంతా ఇక్కడికి వచ్చామని కాలనీ వాసులు తెలిపారు.