ପୁରୀର ଅଠରନଳାସ୍ଥିତ ରୟାଲ ମଣ୍ଡପରେ ଓଡ଼ିଶା ଗ୍ରାମ୍ୟ ବ୍ୟାଙ୍କ ପବ୍ଲିସିଟି କମ୍ କଲେକସନ ରିପ୍ରେଜେଣ୍ଟେଟିଭସ୍ ଆସୋସିଏସନର ଟ୍ରେଡ ୟୁନିୟନ ଉଦ୍ଘାଟନୀ ଉତ୍ସବ ଆନନ୍ଦ ଉଲ୍ଲାସର ସହ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ରାଜ୍ୟସଭା ସାଂସଦ ଶୁଭାଶିଷ ଖୁଣ୍ଟିଆ ମୁଖ୍ୟ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ କରି ଏହାକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ସାଂସଦ ଶ୍ରୀ ଖୁଣ୍ଟିଆ ନିଜ ବକ୍ତବ୍ୟରେ କହିଥିଲେ ଯେ, ବ୍ୟାଙ୍କ ଏଜେଣ୍ଟମାନଙ୍କ ଅକ୍ଳାନ୍ତ ପରିଶ୍ରମ ଯୋଗୁଁ ବ୍ୟାଙ୍କର ଅଭିବୃଦ୍ଧି ସମ୍ଭବ ହୋଇପାରୁଛି। ଏହି ଅବସରରେ ସାଂସଦ ଶ୍ରୀ ଖୁଣ୍ଟିଆ ବ୍ୟାଙ୍କ ଏଜେଣ୍ଟମାନଙ୍କ କମିଶନ ବୃଦ୍ଧି ସହ ବୀମା ସୁବିଧା ନିହାତି ଆବଶ୍ୟକ ବୋଲି ଦର୍ଶାଇଥିଲେ। ସେମାନଙ୍କ ବିଭିନ୍ନ ସମସ୍ୟାର ସମାଧାନ ଏବଂ ସଂଘ ପାଇଁ ଗୃହ ନିର୍ମାଣ ନିମନ୍ତେ ବ୍ୟାଙ୍କର ଉପରିସ୍ଥ ଅଧିକାରୀଙ୍କ ସହ ଆଲୋଚନା କରିବାକୁ ପ୍ରତିଶ୍ରୁତି ଦେଇଛନ୍ତି। ସଭାରେ ଯୋଗ ଦେଇଥିବା ବକ୍ତାମାନେ ଅଭିଯୋଗ କରିଥିଲେ ଯେ, ଏଜେଣ୍ଟମାନେ ଖରା, ବର୍ଷା, ଶୀତ ନମାନି ଘରକୁ ଘର ବୁଲି ଟଙ୍କା ସଂଗ୍ରହ କରୁଥିଲେ ମଧ୍ୟ ସେମାନଙ୍କ ଦାବି ପ୍ରତି ବ୍ୟାଙ୍କ କର୍ତ୍ତୃପକ୍ଷ ଧ୍ୟାନ ଦେଉନାହାନ୍ତି। ସଂଘର ସଭାପତି ହରମୋହନ ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ଓଡ଼ିଶାର କୋଣ ଅନୁକୋଣରୁ ଶତାଧିକ ସଦସ୍ୟ ଯୋଗ ଦେଇଥିଲେ। କାର୍ଯ୍ୟକ୍ରମରେ ସଂଘର ସଂଯୋଜକ ହରିହର ପାଢ଼ୀ, ଉପସଭାପତି ସନ୍ତୋଷ କୁମାର ଦିକ୍ଷୀତ, ସମ୍ପାଦକ ବସନ୍ତ କୁମାର ପ୍ରଧାନ, କୋଷାଧ୍ୟକ୍ଷ ଅକ୍ଷୟ କୁମାର ଜେନା, ଆଇନ ପରାମର୍ଶଦାତା ଦିଲ୍ଲୀପ କୁମାର ମହାନ୍ତି ଏବଂ ବାରିପଦା ରିଜିଓନାଲ ସମ୍ପାଦକ ଅର୍ଜୁନ କୁମାର ସାହୁ ପ୍ରମୁଖ ମଞ୍ଚାସୀନ ଥିଲେ। ଆଗାମୀ ଦିନରେ ସଂଘ ମାଧ୍ୟମରେ ସଦସ୍ୟମାନଙ୍କ ସମସ୍ୟା ସମାଧାନ ପାଇଁ ନୂତନ କାର୍ଯ୍ୟକ୍ରମ ହାତକୁ ନିଆଯିବ ବୋଲି ବୈଠକରେ ନିଷ୍ପତ୍ତି ନିଆଯାଇଛି। ସରୋଜ କୁମାର ସାହୁ, ରାଜେନ୍ଦ୍ର ପଣ୍ଡା, ସତ୍ୟଜିତ ପାଣି, ସନ୍ତୋଷ କୁମାର ପରିଜା, ଲକ୍ଷ୍ମୀଧର ମହାନ୍ତି ଓ ତାପସ କୁମାର ସାମଲ କାର୍ଯ୍ୟକ୍ରମ ପରିଚାଳନା କରିଥିଲେ।

Manoj kumar baliyarsingh

ସାମ୍ବାଦିକ ପୁରୀ (M), ପୁରୀ, ଓଡ଼ିଶା•

4 hrs ago

ପୁରୀର ଅଠରନଳାସ୍ଥିତ ରୟାଲ ମଣ୍ଡପରେ ଓଡ଼ିଶା ଗ୍ରାମ୍ୟ ବ୍ୟାଙ୍କ ପବ୍ଲିସିଟି କମ୍ କଲେକସନ ରିପ୍ରେଜେଣ୍ଟେଟିଭସ୍ ଆସୋସିଏସନର ଟ୍ରେଡ ୟୁନିୟନ ଉଦ୍ଘାଟନୀ ଉତ୍ସବ ଆନନ୍ଦ ଉଲ୍ଲାସର ସହ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ରାଜ୍ୟସଭା ସାଂସଦ ଶୁଭାଶିଷ ଖୁଣ୍ଟିଆ ମୁଖ୍ୟ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ କରି ଏହାକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ସାଂସଦ ଶ୍ରୀ ଖୁଣ୍ଟିଆ ନିଜ ବକ୍ତବ୍ୟରେ କହିଥିଲେ ଯେ, ବ୍ୟାଙ୍କ ଏଜେଣ୍ଟମାନଙ୍କ ଅକ୍ଳାନ୍ତ

ପରିଶ୍ରମ ଯୋଗୁଁ ବ୍ୟାଙ୍କର ଅଭିବୃଦ୍ଧି ସମ୍ଭବ ହୋଇପାରୁଛି। ଏହି ଅବସରରେ ସାଂସଦ ଶ୍ରୀ ଖୁଣ୍ଟିଆ ବ୍ୟାଙ୍କ ଏଜେଣ୍ଟମାନଙ୍କ କମିଶନ ବୃଦ୍ଧି ସହ ବୀମା ସୁବିଧା ନିହାତି ଆବଶ୍ୟକ ବୋଲି ଦର୍ଶାଇଥିଲେ। ସେମାନଙ୍କ ବିଭିନ୍ନ ସମସ୍ୟାର ସମାଧାନ ଏବଂ ସଂଘ ପାଇଁ ଗୃହ ନିର୍ମାଣ ନିମନ୍ତେ ବ୍ୟାଙ୍କର ଉପରିସ୍ଥ ଅଧିକାରୀଙ୍କ ସହ ଆଲୋଚନା କରିବାକୁ ପ୍ରତିଶ୍ରୁତି ଦେଇଛନ୍ତି। ସଭାରେ ଯୋଗ ଦେଇଥିବା ବକ୍ତାମାନେ ଅଭିଯୋଗ କରିଥିଲେ ଯେ, ଏଜେଣ୍ଟମାନେ ଖରା, ବର୍ଷା,

ଶୀତ ନମାନି ଘରକୁ ଘର ବୁଲି ଟଙ୍କା ସଂଗ୍ରହ କରୁଥିଲେ ମଧ୍ୟ ସେମାନଙ୍କ ଦାବି ପ୍ରତି ବ୍ୟାଙ୍କ କର୍ତ୍ତୃପକ୍ଷ ଧ୍ୟାନ ଦେଉନାହାନ୍ତି। ସଂଘର ସଭାପତି ହରମୋହନ ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ଓଡ଼ିଶାର କୋଣ ଅନୁକୋଣରୁ ଶତାଧିକ ସଦସ୍ୟ ଯୋଗ ଦେଇଥିଲେ। କାର୍ଯ୍ୟକ୍ରମରେ ସଂଘର ସଂଯୋଜକ ହରିହର ପାଢ଼ୀ, ଉପସଭାପତି ସନ୍ତୋଷ କୁମାର ଦିକ୍ଷୀତ, ସମ୍ପାଦକ ବସନ୍ତ କୁମାର ପ୍ରଧାନ, କୋଷାଧ୍ୟକ୍ଷ ଅକ୍ଷୟ କୁମାର ଜେନା, ଆଇନ ପରାମର୍ଶଦାତା

ଦିଲ୍ଲୀପ କୁମାର ମହାନ୍ତି ଏବଂ ବାରିପଦା ରିଜିଓନାଲ ସମ୍ପାଦକ ଅର୍ଜୁନ କୁମାର ସାହୁ ପ୍ରମୁଖ ମଞ୍ଚାସୀନ ଥିଲେ। ଆଗାମୀ ଦିନରେ ସଂଘ ମାଧ୍ୟମରେ ସଦସ୍ୟମାନଙ୍କ ସମସ୍ୟା ସମାଧାନ ପାଇଁ ନୂତନ କାର୍ଯ୍ୟକ୍ରମ ହାତକୁ ନିଆଯିବ ବୋଲି ବୈଠକରେ ନିଷ୍ପତ୍ତି ନିଆଯାଇଛି। ସରୋଜ କୁମାର ସାହୁ, ରାଜେନ୍ଦ୍ର ପଣ୍ଡା, ସତ୍ୟଜିତ ପାଣି, ସନ୍ତୋଷ କୁମାର ପରିଜା, ଲକ୍ଷ୍ମୀଧର ମହାନ୍ତି ଓ ତାପସ କୁମାର ସାମଲ କାର୍ଯ୍ୟକ୍ରମ ପରିଚାଳନା କରିଥିଲେ।