நெல்லை மாவட்டத்தின் மாஞ்சோலை ஊத்து எஸ்டேட்டில் தொழிற்சாலைகள் இல்லாததால் தொழிலாளர்கள் வெளியேற்றப்பட்டுள்ளனர். அங்கு தெருவிளக்கு வசதி இல்லாததால் மீதமுள்ள மக்கள் அச்சத்துடன் வாழும் சூழல் நிலவுகிறது.

மதுரை கரட்டுப்பட்டி, மேல நாச்சிகுளம் கிராம விவசாயிகளுக்கு கொள்முதல் செய்யப்பட்ட நெல்லுக்கான தொகை வங்கிக் கணக்கில் வரவு வைக்கப்படவில்லை. இதனால் ஆத்திரமடைந்த விவசாயிகள் மதுரை மாவட்ட ஆட்சியர் அலுவலகம் முன்பு ஆர்ப்பாட்டத்தில் ஈடுபட்டனர். காவல்துறையினர் அவர்களை சமாதானப்படுத்திய போதிலும், அங்கு சிறிது நேரம் பரபரப்பு நிலவியது.

தேனி மாவட்டம் ஆண்டிபட்டி பகவதி அம்மன் கோயில் சித்திரைத் திருவிழாவில் 200க்கும் மேற்பட்ட பக்தர்கள் நேர்த்திக்கடன் செலுத்தினர். வாயில் வேல் அழகு குத்தியும், பால்குடம் ஏந்தியும் ஊர்வலமாக வந்த பக்தர்கள் அம்மனுக்கு சிறப்பு பாலபிஷேகம் செய்து வழிபட்டனர். இந்த விழாவில் ஆண்டிபட்டி மற்றும் சுற்றுவட்டாரப் பகுதிகளைச் சேர்ந்த நூற்றுக்கணக்கான பொதுமக்கள் கலந்து கொண்டு அம்மனை தரிசித்தனர்.

தேனி மாவட்டம் ஆண்டிபட்டி அருகே உள்ள சக்தி மாரியம்மன் கோவிலில் 29ஆம் ஆண்டு பூக்குழித் திருவிழா வெகுவிமர்சையாக நடைபெற்றது. விழாவின் உச்சகட்டமாக, திரளான பக்தர்கள் பக்திப் பரவசத்துடன் தீ மிதித்து தங்கள் நேர்த்திக்கடனைச் செலுத்தினர்.

ஆந்திராவில் இருந்து தேனி மாவட்டத்திற்கு கஞ்சா கடத்தி வந்த நான்கு சிறுவர்கள் உட்பட ஐந்து நபர்கள் கைது. ஆந்திராவில் இருந்து தேனி மாவட்டத்திற்கு கஞ்சா கடத்தி வந்த நான்கு சிறுவர்கள் உட்பட ஐந்து நபர்கள் கைது. கைது செய்யப்பட்டவர்களிடமிருந்து எட்டு கிலோ கஞ்சா பறிமுதல். காவல்துறையினர் வழக்கு பதிவு செய்து விசாரணை. தேனி மாவட்டம் பெரியகுளம் தென்கரை காவல்துறையினருக்கு பேருந்தில் கஞ்சா கடத்தி வருவதாக ரகசிய தகவல் கிடைத்தது. மேலும் அந்த ரகசிய தகவலின் அடிப்படையில் தென்கரை காவல்துறையினர் வடுகபட்டி அருகே உள்ள பெரியகுளம் புறவழிச் சாலைப் பகுதியில் தீவிர கண்காணிப்பில் ஈடுபட்டனர். அப்பொழுது தேனி நோக்கிச் சென்ற அதிவிரைவு அரசு பேருந்தில் இருந்து இறங்கி நடந்து சென்றனர். மேலும் அவர்களை மரித்து சந்தேகிக்கும் படியாக இருந்த நான்கு சிறுவர்கள் உட்பட ஐந்து நபர்களின் உடைமைகள் பையை சோதனை செய்த பொழுது அவற்றில் கஞ்சா பதுக்கி வைத்திருந்தது தெரிய வந்தது. இதனைத் தொடர்ந்து நான்கு சிறுவர்கள் உட்பட ஐந்து நபர்களையும் கைது செய்த தென்கரை காவல் துறையினர் விசாரணை மேற்கொண்டதில், கம்பம் புதுப்பட்டியைச் சேர்ந்த ராஜேஷ் என்ற இளைஞர் நான்கு சிறுவர்களை அழைத்துக் கொண்டு ஆந்திர மாநிலம் விசாகப்பட்டினத்திற்கு சென்று கஞ்சா வாங்கியதாகவும், வாங்கிய எட்டு கிலோ கஞ்சாவை ஆந்திராவில் இருந்து ரயில் மூலமாக சென்னை வந்து அதன் பின் சென்னையில் இருந்து தேனி சென்ற அரசு விரைவு பேருந்தில் கஞ்சாவை கடத்தி வந்ததாக காவல்துறை விசாரணையில் தெரியவந்துள்ளது. அதனைத் தொடர்ந்து நான்கு சிறுவர்கள் உட்பட ஐந்து பேரை கைது செய்த காவல்துறையினர் எட்டு கிலோ கஞ்சாவையும் பறிமுதல் செய்து விசாரணை மேற்கொண்டு வருகின்றனர்

சிவகங்கை மாவட்டத்தில் வாழை இலை விலை கடுமையாக வீழ்ச்சியடைந்துள்ளது. கடந்த வாரம் ₹1200க்கு விற்ற ஒரு கட்டு வாழை இலை தற்போது ₹200 முதல் ₹400க்கு மட்டுமே விற்பனையாகிறது. இதனால் உற்பத்தி செலவைக் கூட எடுக்க முடியாமல் விவசாயிகள் பெரும் நஷ்டத்தைச் சந்தித்து வேதனையில் உள்ளனர்.

பட்டிவீரன்பட்டி அருகே நடந்து சென்றவர்கள் மீது கார் மோதிய பகீர் சிசிடிவி காட்சி வெளியானது. விபத்தில் காயமடைந்தவர்கள் திண்டுக்கல் அரசு மருத்துவமனையில் அனுமதிக்கப்பட்டு, பட்டிவீரன்பட்டி காவல்துறை விசாரணை நடத்தி வருகிறது.

தேனியில் நிகழ்ந்த ஒரு உருக்கமான சம்பவத்தில், அலட்சியம் காரணமாக ஏற்பட்ட இழப்பை, இடைவிடாத தேடலும் உண்மையான அன்பும் தகர்த்தெறிந்தன. உறவுகளின் மதிப்பை உணர்த்திய இந்த நிகழ்வு, அப்பகுதி மக்களை நெகிழ்ச்சியில் ஆழ்த்தியுள்ளது.

மதுரை தலைமை தபால் நிலையம் முன்பு இந்திய மாணவர் சங்கம் சார்பில் நீட் தேர்வு குளறுபடிகளை கண்டித்து முற்றுகை போராட்டம் நடைபெற்றது. போராட்டத்தில் ஈடுபட்ட சுமார் 20 பேர் மத்திய அரசுக்கு எதிராக கோஷமிட்டனர்; பின்னர் அவர்களை போலீசார் கைது செய்தனர். இச்சம்பவத்தால் அப்பகுதியில் சிறிது நேரம் பரபரப்பு ஏற்பட்டது.

தேனி மாவட்டத்தின் முக்கிய குடிநீர் ஆதாரமான வைகை ஆறு முற்றிலும் வறண்டுவிட்டது. இதனால் தேனி மற்றும் ஆண்டிப்பட்டி பகுதிகளில் உள்ள 15க்கும் மேற்பட்ட ஊராட்சிகளில் குடிநீர் விநியோகம் பாதிக்கப்பட்டுள்ளது. நூற்றுக்கணக்கான கிராமங்களில் தாகம் தீர்க்க அரசு போர்க்கால அடிப்படையில் மாற்று ஏற்பாடுகளைச் செய்ய மக்கள் கோரிக்கை விடுத்துள்ளனர்.