शिवसेनेच्या ठाकरे गटातून शिंदे गटात गेलेल्या संजय दिना पाटील यांनी पत्रकारांना जिवे मारण्याची धमकी देत अर्वाच्च शिवीगाळ केल्याप्रकरणी त्यांची माफी कोणत्याही परिस्थितीत मान्य नसल्याचे अखिल भारतीय मराठी पत्रकार परिषद, पत्रकार हल्ला विरोधी कृती समिती आणि डिजिटल मीडिया परिषदेने स्पष्ट केले आहे. एस. एम. देशमुख यांनी ठाम भूमिका मांडत "माफी नव्हे, गुन्हा दाखल करा!" अशी मागणी केली असून, या कारवाईसाठी राज्यभर पाठपुरावा सुरूच राहणार असल्याचा इशारा दिला आहे. संजय दिना पाटील यांच्यावर पत्रकारांच्या प्रश्नांवर संताप व्यक्त करत, "पुन्हा माझ्याकडे आलात तर मारून टाकीन" अशी धमकी दिल्याचा आरोप आहे. तसेच, त्यांनी पत्रकारांना अर्वाच्च शिवीगाळ करत "तुम्हाला कुठे जायचं तिकडे जा, माझी तक्रार करा" अशा शब्दांचा वापर केल्याने पत्रकार संघटनांसह राज्यभरातून तीव्र संताप व्यक्त झाला. या घटनेनंतर महाड, पाटण, पिंपरी-चिंचवड आणि नांदेडसह विविध ठिकाणी निषेध नोंदवण्यात आला. अनेक पत्रकार संघटनांनी पोलिसांकडे तक्रारी दिल्या, तर विविध राजकीय पक्षांनीही या घटनेचा निषेध केला. वाढत्या दबावामुळे संजय दिना पाटील यांनी नंतर एका व्हिडिओद्वारे माफी मागितली. मात्र, एस. एम. देशमुख यांनी ही माफी मान्य नसल्याचे सांगत म्हटले आहे की, "अगोदर धमक्या द्यायच्या, शिवीगाळ करायची आणि नंतर माफी मागून प्रकरण मिटवण्याचा प्रयत्न करायचा, ही नौटंकी आम्हाला मान्य नाही." "अपराध केला आहे, त्यामुळे कायद्यानुसार गुन्हा दाखल होणे आवश्यक आहे," यावर त्यांनी भर दिला. दरम्यान, अखिल भारतीय मराठी पत्रकार परिषद, डिजिटल मीडिया परिषद आणि पत्रकार हल्ला विरोधी कृती समिती राज्यभरातील पोलीस ठाण्यांमध्ये तक्रारी दाखल करून संजय दिना पाटील यांच्यावर गुन्हा नोंदवण्याची मागणी करणार आहेत. यासोबतच, जिल्हाधिकारी आणि तहसीलदारांना निवेदने देऊन कठोर कारवाईची मागणीही करण्यात येणार असल्याची माहिती एस. एम. देशमुख यांनी दिली.

Sachin kadukar

Photographer Shegaon, Buldhana•

16 hrs ago

शिवसेनेच्या ठाकरे गटातून शिंदे गटात गेलेल्या संजय दिना पाटील यांनी पत्रकारांना जिवे मारण्याची धमकी देत अर्वाच्च शिवीगाळ केल्याप्रकरणी त्यांची माफी कोणत्याही परिस्थितीत मान्य नसल्याचे अखिल भारतीय मराठी पत्रकार परिषद, पत्रकार हल्ला विरोधी कृती समिती आणि डिजिटल मीडिया परिषदेने स्पष्ट केले आहे. एस. एम. देशमुख यांनी ठाम भूमिका मांडत "माफी नव्हे, गुन्हा दाखल करा!" अशी मागणी केली असून, या कारवाईसाठी राज्यभर पाठपुरावा सुरूच राहणार असल्याचा इशारा दिला आहे. संजय दिना पाटील यांच्यावर पत्रकारांच्या प्रश्नांवर संताप व्यक्त करत, "पुन्हा माझ्याकडे आलात तर मारून टाकीन" अशी धमकी दिल्याचा आरोप आहे. तसेच, त्यांनी पत्रकारांना अर्वाच्च शिवीगाळ करत "तुम्हाला कुठे जायचं तिकडे जा, माझी तक्रार करा" अशा शब्दांचा वापर केल्याने पत्रकार संघटनांसह राज्यभरातून तीव्र संताप व्यक्त झाला. या घटनेनंतर महाड, पाटण, पिंपरी-चिंचवड आणि नांदेडसह विविध ठिकाणी निषेध नोंदवण्यात आला. अनेक पत्रकार संघटनांनी पोलिसांकडे तक्रारी दिल्या, तर विविध राजकीय पक्षांनीही या घटनेचा निषेध केला. वाढत्या दबावामुळे संजय दिना पाटील यांनी नंतर एका व्हिडिओद्वारे माफी मागितली. मात्र, एस. एम. देशमुख यांनी ही माफी मान्य नसल्याचे सांगत म्हटले आहे की, "अगोदर धमक्या द्यायच्या, शिवीगाळ करायची आणि नंतर माफी मागून प्रकरण मिटवण्याचा प्रयत्न करायचा, ही नौटंकी आम्हाला मान्य नाही." "अपराध केला आहे, त्यामुळे कायद्यानुसार गुन्हा दाखल होणे आवश्यक आहे," यावर त्यांनी भर दिला. दरम्यान, अखिल भारतीय मराठी पत्रकार परिषद, डिजिटल मीडिया परिषद आणि पत्रकार हल्ला विरोधी कृती समिती राज्यभरातील पोलीस ठाण्यांमध्ये तक्रारी दाखल करून संजय दिना पाटील यांच्यावर गुन्हा नोंदवण्याची मागणी करणार आहेत. यासोबतच, जिल्हाधिकारी आणि तहसीलदारांना निवेदने देऊन कठोर कारवाईची मागणीही करण्यात येणार असल्याची माहिती एस. एम. देशमुख यांनी दिली.