हिंगोली जिल्ह्यातील अल्पसंख्यांक विद्यार्थ्यांना दर्जेदार आणि सुरक्षित निवासी सुविधा उपलब्ध करून देण्यासाठी जिल्हाधिकारी राहुल गुप्ता यांनी अल्पसंख्यांक वसतिगृहातील प्रलंबित कामे निर्धारित वेळेत पूर्ण करण्याचे निर्देश संबंधित विभागांना दिले आहेत. त्यांनी मुलींच्या अल्पसंख्यांक वसतिगृहातील सर्व प्रलंबित कामे १५ दिवसांच्या आत, तर मुलांच्या वसतिगृहातील कामे एका महिन्याच्या आत पूर्ण करून ही वसतिगृहे विद्यार्थ्यांच्या वापरासाठी तातडीने उपलब्ध करून देण्याचे स्पष्ट आदेश दिले आहेत. या कामांमध्ये कोणत्याही प्रकारचा विलंब न करता सर्व कामे वेळेत आणि दर्जेदार पद्धतीने पूर्ण करण्याची जबाबदारी त्यांनी संबंधित यंत्रणेवर सोपवली आहे. जिल्हाधिकारी कार्यालयात आयोजित करण्यात आलेल्या विशेष आढावा बैठकीत या कामांचा सविस्तर आढावा घेण्यात आला. या बैठकीला जिल्हा सहायक नियोजन अधिकारी ग. गो. चितळे, शासकीय औद्योगिक प्रशिक्षण संस्थेचे प्राचार्य आर. व्ही. बोथीकर, श्री. एस. एल. कोंडावार, सार्वजनिक बांधकाम विभागाचे अभियंते आणि इतर संबंधित अधिकारी उपस्थित होते. बैठकीदरम्यान वसतिगृहात आवश्यक असणाऱ्या सर्व मूलभूत सुविधांवर चर्चा करण्यात आली. यामध्ये प्रामुख्याने सोलर वॉटर हिटर बसवणे, पाईपलाईन व्यवस्था करणे, आवश्यक फर्निचर पुरवणे, विद्युत जोडणी, पिण्याच्या पाण्याची सुविधा, पेव्हर ब्लॉक बसविणे आणि ड्रेनेज लाईन दुरुस्त करणे यांसारखी कामे मंजूर दरपत्रकानुसार व दर्जेदार पद्धतीने पूर्ण करण्याच्या सूचना देण्यात आल्या. कामांच्या प्रत्यक्ष प्रगतीचा आढावा घेण्यासाठी जिल्हाधिकारी राहुल गुप्ता स्वतः प्रत्यक्ष स्थळ पाहणी करणार आहेत. विद्यार्थ्यांना सुरक्षित, स्वच्छ आणि सर्व सोयी-सुविधांनी युक्त असे निवासी वातावरण मिळवून देण्यासाठी सर्व संबंधित विभागांनी परस्परांमध्ये समन्वय राखून ही कामे जलद गतीने पूर्ण करावीत, असे निर्देश त्यांनी शेवटी दिले.

दिपक हैबतराव चोरमले

Local Politician औंढा (नागनाथ), हिंगोली, महाराष्ट्र•

1 hr ago

हिंगोली जिल्ह्यातील अल्पसंख्यांक विद्यार्थ्यांना दर्जेदार आणि सुरक्षित निवासी सुविधा उपलब्ध करून देण्यासाठी जिल्हाधिकारी राहुल गुप्ता यांनी अल्पसंख्यांक वसतिगृहातील प्रलंबित कामे निर्धारित वेळेत पूर्ण करण्याचे निर्देश संबंधित विभागांना दिले आहेत. त्यांनी मुलींच्या अल्पसंख्यांक वसतिगृहातील सर्व प्रलंबित कामे १५ दिवसांच्या आत, तर मुलांच्या वसतिगृहातील कामे एका महिन्याच्या आत पूर्ण करून ही वसतिगृहे विद्यार्थ्यांच्या वापरासाठी तातडीने उपलब्ध करून देण्याचे स्पष्ट आदेश दिले आहेत. या कामांमध्ये कोणत्याही प्रकारचा विलंब न करता सर्व कामे वेळेत आणि दर्जेदार पद्धतीने पूर्ण करण्याची जबाबदारी त्यांनी संबंधित यंत्रणेवर सोपवली आहे. जिल्हाधिकारी कार्यालयात आयोजित करण्यात आलेल्या विशेष आढावा बैठकीत या कामांचा सविस्तर आढावा घेण्यात आला. या बैठकीला जिल्हा सहायक नियोजन अधिकारी ग. गो. चितळे, शासकीय औद्योगिक प्रशिक्षण संस्थेचे प्राचार्य आर. व्ही. बोथीकर, श्री. एस. एल. कोंडावार, सार्वजनिक बांधकाम विभागाचे अभियंते आणि इतर संबंधित अधिकारी उपस्थित होते. बैठकीदरम्यान वसतिगृहात आवश्यक असणाऱ्या सर्व मूलभूत सुविधांवर चर्चा करण्यात आली. यामध्ये प्रामुख्याने सोलर वॉटर हिटर बसवणे, पाईपलाईन व्यवस्था करणे, आवश्यक फर्निचर पुरवणे, विद्युत जोडणी, पिण्याच्या पाण्याची सुविधा, पेव्हर ब्लॉक बसविणे आणि ड्रेनेज लाईन दुरुस्त करणे यांसारखी कामे मंजूर दरपत्रकानुसार व दर्जेदार पद्धतीने पूर्ण करण्याच्या सूचना देण्यात आल्या. कामांच्या प्रत्यक्ष प्रगतीचा आढावा घेण्यासाठी जिल्हाधिकारी राहुल गुप्ता स्वतः प्रत्यक्ष स्थळ पाहणी करणार आहेत. विद्यार्थ्यांना सुरक्षित, स्वच्छ आणि सर्व सोयी-सुविधांनी युक्त असे निवासी वातावरण मिळवून देण्यासाठी सर्व संबंधित विभागांनी परस्परांमध्ये समन्वय राखून ही कामे जलद गतीने पूर्ण करावीत, असे निर्देश त्यांनी शेवटी दिले.