ରାୟଗଡ଼ା ଜିଲ୍ଲାରୁ ଝିଲି ସାହୁଙ୍କୁ ଗିରଫ କରାଯାଇଛି। ତାଙ୍କ ବିରୋଧରେ ଠକେଇ ଅଭିଯୋଗ ରହିଛି।

ରାୟଗଡ଼ା ଜିଲ୍ଲାରୁ ଝିଲି ସାହୁଙ୍କୁ ଗିରଫ କରାଯାଇଛି। ତାଙ୍କ ବିରୋଧରେ ଠକେଇ ଅଭିଯୋଗ ରହିଛି।

ଗଜପତି ଜିଲ୍ଲାର ଗୁମ୍ମା ବ୍ଲକ ଗସ୍ତ କରିଥିଲେ ବିଧାୟକ ରୂପେଶ ପାଣିଗ୍ରାହୀ। ରାଜ୍ୟ ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ଆୟୋଜିତ ଏକ ସଭାରେ ଯୋଗ ଦେବା ପାଇଁ ସେ ଗୁମ୍ମା ଆସିଥିଲେ। ଏହି ଗସ୍ତ ସମୟରେ, କିଛି ବୃଦ୍ଧବୃଦ୍ଧା ବିଧାୟକଙ୍କୁ ଭେଟି ସେମାନଙ୍କ ସମସ୍ୟା ଜଣାଇଥିଲେ। ବୃଦ୍ଧବୃଦ୍ଧାମାନେ ଅଭିଯୋଗ କରିଥିଲେ ଯେ ସେମାନେ ଗତ କିଛି ମାସ ଧରି ବିଧବା ଭତ୍ତା, ବାର୍ଦ୍ଧକ୍ୟ ଭତ୍ତା ଏବଂ ବିକଳାଙ୍ଗ ଭତ୍ତା ପାଇ ନାହାନ୍ତି, ଯାହା ଫଳରେ ସେମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ସେମାନେ ବିଧାୟକଙ୍କୁ ଠିକ୍ ଭାବରେ ଭତ୍ତା ପାଇବା ପାଇଁ ବ୍ୟବସ୍ଥା କରିବାକୁ ଅନୁରୋଧ କରିଥିଲେ। ସେମାନଙ୍କ ଗୁହାରୀ ଶୁଣି ବିଧାୟକ ମହାଶୟ ମୁଖ୍ୟମନ୍ତ୍ରୀଙ୍କୁ ଏ ବିଷୟରେ ଅବଗତ କରାଇବା ସହ ତୁରନ୍ତ ଏହି ଘଟଣାର ସମାଧାନ ପାଇଁ ପ୍ରତିଶୃତି ଦେଇଛନ୍ତି।

ଗଜପତି ଜିଲ୍ଲାର ସାନଖଣି ଓ ବଡ଼ଖଣି ଗ୍ରାମରେ ଜଗନ୍ନାଥ ମନ୍ଦିର, ଦୁର୍ଗା ମନ୍ଦିର, ଠାକୁରାଣୀ ମନ୍ଦିର ଏବଂ ଆଉ ଏକ ଦୁର୍ଗା ମନ୍ଦିରର ପ୍ରତିଷ୍ଠା କାର୍ଯ୍ୟକ୍ରମ ଚାଲିଛି। ଏହି କାର୍ଯ୍ୟକ୍ରମର ତୃତୀୟ ଦିନରେ ଠାକୁରମାନଙ୍କର ମହାସ୍ନାନ କରାଯାଇଛି। ଏହି ମହାସ୍ନାନ କାର୍ଯ୍ୟକ୍ରମରେ ବିଜେପି ଆଦିବାସୀ ସଭାପତି ଏବଂ ରାଜ୍ୟ ଆଦିବାସୀର ସମ୍ପାଦକ ଯୋଗ ଦେଇଛନ୍ତି।

ଗଞ୍ଜାମ ଜିଲ୍ଲାର ବୁଗୁଡ଼ା ବ୍ଲକ ରାଜନୀତିରେ ପୁଣି ଏକ ବଡ଼ ଧରଣର ଅଦଳବଦଳ ଦେଖିବାକୁ ମିଳିଛି। ବୁଗୁଡ଼ା ବ୍ଲକ ଅଧ୍ୟକ୍ଷା କେ. ପ୍ରିୟଦର୍ଶିନୀ ଆଚାରୀ, ଯିଏ ପୂର୍ବରୁ ବିଜେଡିରେ ଥିଲେ ଏବଂ ୨୬ ଡିସେମ୍ବର ୨୦୨୪ ରେ ବିଜେପିରେ ସାମିଲ୍ ହୋଇଥିଲେ, ସେ ବର୍ତ୍ତମାନ ବିଜେପି ଛାଡ଼ି ପୁଣି ଥରେ ବିଜେଡିକୁ ପ୍ରତ୍ୟାବର୍ତ୍ତନ କରିଛନ୍ତି। ତାଙ୍କର ଏହି ଦଳ ବଦଳକୁ ନେଇ ବୁଗୁଡ଼ା ବିଜେପିରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ଏବଂ ବିଜେପି ନେତାମାନେ ଏକ ସାମ୍ବାଦିକ ସମ୍ମିଳନୀ ଜରିଆରେ ଅଧ୍ୟକ୍ଷାଙ୍କୁ କଡ଼ା ସମାଲୋଚନା କରିଛନ୍ତି। ବୁଗୁଡ଼ା ବ୍ଲକ ଉପାଧ୍ୟକ୍ଷ ମାନସ ରଞ୍ଜନ ପ୍ରଧାନ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ସେମାନେ ଦୁହେଁ ମିଶି ବିଜେପିକୁ ଆସିଥିଲେ, କିନ୍ତୁ ଅଧ୍ୟକ୍ଷା କେ. ପ୍ରିୟଦର୍ଶିନୀ ଆଚାରୀ କେବଳ ନିଜର ସ୍ୱାର୍ଥ ହାସଲ ପାଇଁ ଦଳକୁ ଆସିଥିଲେ। ବର୍ତ୍ତମାନ ସ୍ୱାର୍ଥ ହାସଲ ନହେବାରୁ ସେ ପୁଣି ବିଜେଡିକୁ ଡିଆଁ ମାରିଛନ୍ତି। ଯାହାର ନିଜର କୌଣସି ସ୍ଥିରତା ନାହିଁ, ସେ ଆଗାମୀ ଦିନରେ କଂଗ୍ରେସ କିମ୍ବା ଆମ ଆଦମୀ ପାର୍ଟିକୁ ମଧ୍ୟ ଯାଇପାରନ୍ତି। ଏହା ସହିତ ଶ୍ରୀ ପ୍ରଧାନ ଏକ ସମ୍ବେଦନଶୀଳ ପ୍ରଶ୍ନ ଉଠାଇ କହିଛନ୍ତି ଯେ, କେ. ପ୍ରିୟଦର୍ଶିନୀ ବ୍ଲକ ଅଧ୍ୟକ୍ଷା ହେବା ପରେ ନିଜ ସରକାରୀ କାର୍ଯ୍ୟାଳୟ ପାଇଁ ଆଣିଥିବା ବିଭିନ୍ନ ସାଜସଜ୍ଜା ଉପକରଣ ଓ ସାମଗ୍ରୀଗୁଡ଼ିକ ଏବେ ଗଲା କୁଆଡ଼େ ଏବଂ ଏହାର ତଦନ୍ତ ହେବା ଆବଶ୍ୟକ। ସେହିପରି, ବୁଗୁଡ଼ା ନଗର ବିଜେପି ସଭାପତି କେଦାରନାଥ ମହାରଣା ମଧ୍ୟ ସାମ୍ବାଦିକ ସମ୍ମିଳନୀ ମାଧ୍ୟମରେ ଅଧ୍ୟକ୍ଷାଙ୍କ ଉପରେ ବର୍ଷିଛନ୍ତି। ସେ କହିଛନ୍ତି ଯେ, କେ. ପ୍ରିୟଦର୍ଶିନୀ କେବଳ ବିଜେଡି କି ବିଜେପି ନୁହେଁ, ବରଂ କଂଗ୍ରେସ ଦଳକୁ ଯିବା ପାଇଁ ମଧ୍ୟ ଚେଷ୍ଟା ଚଳାଇଥିଲେ। ସେ କେବଳ ନିଜର ବ୍ୟକ୍ତିଗତ ଫାଇଦା ପାଇଁ ଏଭଳି ରାଜନୈତିକ ସ୍ଥିତି ବଦଳାଉଛନ୍ତି। ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିବା ଆଇନଜୀବୀ ହରପ୍ରସାଦ ଦାସ ମଧ୍ୟ ଅଧ୍ୟକ୍ଷାଙ୍କ ଉପରେ ଗୁରୁତର ଅଭିଯୋଗ ଆଣି କହିଛନ୍ତି ଯେ, ଯାହାର ନା ଅଛି ସ୍ଥିତି, ନା ଅଛି ଗତି, ସେ କେବଳ ନିଜ ସ୍ୱାର୍ଥ ସାଧନ ପାଇଁ ଜଣେ ମନ୍ତ୍ରୀଙ୍କ ଉପରେ ଚାପ ପ୍ରୟୋଗ କରୁଥିଲେ। ମାତ୍ର ତାଙ୍କର ଏହି ଅଯଥା ସ୍ୱାର୍ଥ ହାସଲ ନହେବାରୁ ସେ ଶେଷରେ ବିଜେପି ଦଳ ଛାଡ଼ିବାକୁ ବାଧ୍ୟ ହେଲେ। ବୁଗୁଡ଼ା ରାଜନୀତିରେ ଅଧ୍ୟକ୍ଷାଙ୍କ ଏହି ଦଳ ବଦଳ ଏବଂ ବିଜେପି ନେତାମାନଙ୍କର ଏହି ପ୍ରତିକ୍ରିୟା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।

କଳାହାଣ୍ଡି ଜିଲ୍ଲାର କୋକସରା ବ୍ଲକ ଅନ୍ତର୍ଗତ ଚିକିଲି ଗ୍ରାମକୁ ଶନିବାର ଦିନ ଖାଦ୍ୟ ଅନ୍ୱେଷଣରେ ଦୁଇଟି ଜଙ୍ଗଲୀ ଭାଲୁ ପଶି ଆସିଥିଲେ। ଗ୍ରାମ ମଧ୍ୟରେ ଭାଲୁ ଦୁଇଟିକୁ ଦେଖି ଚିକିଲି ଗ୍ରାମବାସୀ ଭୟଭୀତ ହୋଇପଡ଼ିଥିଲେ। ଏହି ଘଟଣା ନେଇ ଗ୍ରାମବାସୀ ବନ ବିଭାଗକୁ ଖବର ଦେବା ପରେ, ଦକ୍ଷିଣ ବନ ଖଣ୍ଡ ଅଧୀନରେ ଥିବା କୋକସରା ଫରେଷ୍ଟ ସେକ୍ସନର ଫରେଷ୍ଟର ରଶ୍ମି ରଞ୍ଜିତା ନାଏକ ନିଜ ଟିମ୍ ସହ ଚିକିଲି ଗ୍ରାମରେ ପହଞ୍ଚି ପୋଲିସକୁ ମଧ୍ୟ ସୂଚନା ଦେଇଥିଲେ। ଦୀର୍ଘ ସମୟ ଧରି ବନ ବିଭାଗ କର୍ମଚାରୀ ଓ ଗ୍ରାମବାସୀଙ୍କ ଅକ୍ଲାନ୍ତ ପରିଶ୍ରମ ପରେ, ଦିନ ୧୧ଟା ୩୦ ମିନିଟ୍ ସମୟରେ ଭାଲୁ ଦୁଇଟିକୁ ଜନବସତିରୁ ବାହାରକୁ ଘଉଡ଼ାଇ ଦିଆଯାଇଥିଲା। ଏହି ଦୁଇଟି ଜଙ୍ଗଲୀ ଭାଲୁଙ୍କୁ ଜନବସତିରୁ ହଟାଇବା ପାଇଁ ବନ ବିଭାଗ କର୍ମଚାରୀଙ୍କୁ ନାକେଦମ୍ ହେବାକୁ ପଡ଼ିଥିଲା। ବନ ବିଭାଗ କର୍ମଚାରୀମାନେ ବର୍ତ୍ତମାନ ଚିକିଲି ଗ୍ରାମରେ ଡେରା ପକାଇ ଭାଲୁ ଉପରେ ନଜର ରଖିଛନ୍ତି। ତେବେ, ଭାଲୁ ପୁଣିଥରେ ଜନବସତି ମୁହାଁ ହେବାର ଆଶଙ୍କାକୁ ଏଡ଼ାଇ ଦିଆଯାଇପାରିବ ନାହିଁ।

ବିଜେପିର ଜାତୀୟ ଅଧ୍ୟକ୍ଷଙ୍କ ବ୍ୟକ୍ତିଗତ ସହାୟକ (PA) ବୋଲି ମିଥ୍ୟା ପରିଚୟ ଦେଇ ଚାନ୍ଦା ଆଦାୟ କରିବାକୁ ଉଦ୍ୟମ କରାଯାଉଥିଲା। ପୋଲିସ ଏହି ଘଟଣାର ମାଷ୍ଟରମାଇଣ୍ଡକୁ ଧରିବାରେ ସଫଳ ହୋଇଛି।

daringabadi black kirikuti panchaya lovers point kirikuti adhika thekhantu adhika thekhantu

ଗଜପତି ଜିଲ୍ଲାର ଗୁମ୍ମା ବ୍ଲକରେ ଦୁର୍ନୀତି, ନିମ୍ନ ମାନର କାମ ଏବଂ ଅଧା ଅଧୁରା କାର୍ଯ୍ୟକୁ ନେଇ 'ଖବର ତରଙ୍ଗ'ରେ ପ୍ରକାଶିତ ଖବରର ବ୍ୟାପକ ପ୍ରଭାବ ପଡ଼ିଛି। ଗତ କିଛି ଦିନ ତଳେ ଏହି ଖବର ପ୍ରସାରଣ ହେବା ପରେ ବ୍ଲକ୍ ପ୍ରଶାସନର ଚେତା ପଶିଛି ଏବଂ ତୁରନ୍ତ ସମସ୍ତ କାର୍ଯ୍ୟ ସମ୍ପୂର୍ଣ୍ଣ କରିଛି। 'ଖବର ତରଙ୍ଗ'ର ଗୁମ୍ମା, ଗଜପତି ଜିଲ୍ଲାରୁ ନିରୋଜ କୁମାର ଷଡଙ୍ଗୀ ଏହି ରିପୋର୍ଟ ପ୍ରସ୍ତୁତ କରିଥିଲେ।