महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी नुकत्याच झालेल्या विधान परिषदेच्या १७ जागांसाठीच्या निवडणुकीतील निकालांवरून सत्ताधारी भाजपा महायुतीवर तीव्र हल्लाबोल केला आहे. सपकाळ यांच्या मते, या निवडणुकीत सत्ताधारी पक्षाचा 'सत्तेचा उन्माद' स्पष्टपणे दिसून आला असून, 'जिसके हाथ में लाठी, उसकी भैंस' या उक्तीप्रमाणे साम, दाम, दंड आणि भेद या चारही नीतींचा वापर करण्यात आला. ही निवडणूक लोकशाही पद्धतीने न होता 'ठोकशाही'च्या मार्गाने घेण्यात आली, असे चित्र दिसले. भाजपा 'बळी तो कान पिळी' या भूमिकेत असून, त्यांचा उद्देश विरोधी पक्ष आणि नंतर मित्रपक्षांना संपवून 'वन नेशन, वन पार्टी'कडे वाटचाल करण्याचा आहे, अशी गंभीर टीका त्यांनी केली. निवडणूक निकालांवर बोलताना, सपकाळ यांनी लोकशाहीमध्ये निवडणुका निष्पक्ष आणि भयमुक्त वातावरणात पार पडणे आवश्यक असल्याचे नमूद केले. मात्र, मागील काही वर्षांपासून निकोप निवडणुकीचे चित्र दिसत नसून, सत्ताधारी भाजपा महायुती सत्तेचा गैरवापर करून निवडणुका जिंकत असल्याचा आरोप त्यांनी केला. यासाठी त्यांना प्रशासन आणि निवडणूक आयोगाची मदत मिळत असल्याचा दावाही सपकाळ यांनी केला. विरोधी पक्षांचे उमेदवार पळवणे, त्यांचे अर्ज बाद करणे किंवा अर्ज मागे घेण्यासाठी दबाव आणणे, असे प्रकार सर्रास घडत असून, विधान परिषदेच्या निवडणुकीतही तेच दिसून आले. भाजपने स्वतःला शक्तिशाली पक्ष म्हटले तरी त्यांना स्वतःचे उमेदवार मिळत नाहीत आणि म्हणूनच त्यांना इतर पक्षांमधून फोडाफोडी करावी लागते, असे सपकाळ म्हणाले. काँग्रेस पक्ष लोकशाही आणि संविधानाच्या रक्षणासाठी निवडणुका लढतो, पण या निवडणुकीत सत्ता आणि पैशाच्या जोरावर धुडगूस घालण्यात आला. प्रत्येक मतदाराला पाच-पाच लाख रुपये आणि इतर आमिषे दाखवण्यात आल्याचा आरोपही त्यांनी केला. सत्ताधारी पक्षाचा हा विजय म्हणजे केवळ सत्ता आणि पैशाचा माज आहे, असे सपकाळ यांनी स्पष्ट केले. सपकाळ यांनी पुढे सांगितले की, काँग्रेस पक्षाकडे संख्याबळ नसले तरी लोकशाही आणि संविधानाचे रक्षण करण्यासाठी त्यांची ही लढाई सुरूच राहील. नागपूरमध्येही संख्याबळ कमी असूनही अतुल लोंढे यांनी वैचारिक भूमिकेतून निवडणूक लढवली होती, असे उदाहरण त्यांनी दिले. विधान परिषद निवडणुकीतील पराभवाची सखोल समीक्षा करण्यासाठी वरिष्ठ नेत्यांची एक समिती लवकरच स्थापन केली जाईल, असेही हर्षवर्धन सपकाळ यांनी शेवटी नमूद केले.

Amit Omprakash tiwari

मुंबई, मुंबई, महाराष्ट्र•

11 hrs ago

महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी नुकत्याच झालेल्या विधान परिषदेच्या १७ जागांसाठीच्या निवडणुकीतील निकालांवरून सत्ताधारी भाजपा महायुतीवर तीव्र हल्लाबोल केला आहे. सपकाळ यांच्या मते, या निवडणुकीत सत्ताधारी पक्षाचा 'सत्तेचा उन्माद' स्पष्टपणे दिसून आला असून, 'जिसके हाथ में लाठी, उसकी भैंस' या उक्तीप्रमाणे साम, दाम, दंड आणि भेद या चारही नीतींचा वापर करण्यात आला. ही निवडणूक लोकशाही पद्धतीने न होता 'ठोकशाही'च्या मार्गाने घेण्यात आली, असे चित्र दिसले. भाजपा 'बळी तो कान पिळी' या भूमिकेत असून, त्यांचा उद्देश विरोधी पक्ष आणि नंतर मित्रपक्षांना संपवून 'वन नेशन, वन पार्टी'कडे वाटचाल करण्याचा आहे, अशी गंभीर टीका त्यांनी केली. निवडणूक निकालांवर बोलताना, सपकाळ यांनी लोकशाहीमध्ये निवडणुका निष्पक्ष आणि भयमुक्त वातावरणात पार पडणे आवश्यक असल्याचे नमूद केले. मात्र, मागील काही वर्षांपासून निकोप निवडणुकीचे चित्र दिसत नसून, सत्ताधारी भाजपा महायुती सत्तेचा गैरवापर करून निवडणुका जिंकत असल्याचा आरोप त्यांनी केला. यासाठी त्यांना प्रशासन आणि निवडणूक आयोगाची मदत मिळत असल्याचा दावाही सपकाळ यांनी केला. विरोधी पक्षांचे उमेदवार पळवणे, त्यांचे अर्ज बाद करणे किंवा अर्ज मागे घेण्यासाठी दबाव आणणे, असे प्रकार सर्रास घडत असून, विधान परिषदेच्या निवडणुकीतही तेच दिसून आले. भाजपने स्वतःला शक्तिशाली पक्ष म्हटले तरी त्यांना स्वतःचे उमेदवार मिळत नाहीत आणि म्हणूनच त्यांना इतर पक्षांमधून फोडाफोडी करावी लागते, असे सपकाळ म्हणाले. काँग्रेस पक्ष लोकशाही आणि संविधानाच्या रक्षणासाठी निवडणुका लढतो, पण या निवडणुकीत सत्ता आणि पैशाच्या जोरावर धुडगूस घालण्यात आला. प्रत्येक मतदाराला पाच-पाच लाख रुपये आणि इतर आमिषे दाखवण्यात आल्याचा आरोपही त्यांनी केला. सत्ताधारी पक्षाचा हा विजय म्हणजे केवळ सत्ता आणि पैशाचा माज आहे, असे सपकाळ यांनी स्पष्ट केले. सपकाळ यांनी पुढे सांगितले की, काँग्रेस पक्षाकडे संख्याबळ नसले तरी लोकशाही आणि संविधानाचे रक्षण करण्यासाठी त्यांची ही लढाई सुरूच राहील. नागपूरमध्येही संख्याबळ कमी असूनही अतुल लोंढे यांनी वैचारिक भूमिकेतून निवडणूक लढवली होती, असे उदाहरण त्यांनी दिले. विधान परिषद निवडणुकीतील पराभवाची सखोल समीक्षा करण्यासाठी वरिष्ठ नेत्यांची एक समिती लवकरच स्थापन केली जाईल, असेही हर्षवर्धन सपकाळ यांनी शेवटी नमूद केले.