लातूर येथील भालचंद्र ब्लड बँकेमध्ये रोटरी क्लब ऑफ लातूर होरायझनचा २०२६-२७ या वर्षाचा पदग्रहण सोहळा मोठ्या उत्साहात पार पडला. या कार्यक्रमात नूतन अध्यक्ष म्हणून रो. डॉ. माधव गोरे आणि नूतन सचिव म्हणून रो. डॉ. घन:श्याम ताडेवार यांनी पदभार स्वीकारला. कार्यक्रमाची सुरुवात मान्यवरांच्या हस्ते दीप प्रज्वलन करून करण्यात आली, त्यानंतर प्रा. आशिष क्षीरसागर यांनी मावळते अध्यक्ष व सचिव यांना कॉलर प्रदान केली. यावेळी नूतन अध्यक्ष रो. डॉ. माधव गोरे यांनी सांगितले की, २०२६-२७ या वर्षात दिव्यांग, पर्यावरण, शेती, शिक्षण, आदिशक्ती आणि आरोग्य यांसारख्या विविध उपक्रमांची अंमलबजावणी करण्याचे नियोजन आहे. मावळते अध्यक्ष रो. डॉ. गुणवंत बिरादार यांनी २०२५-२६ या वर्षात राबवलेल्या उपक्रमांची माहिती दिली. कार्यक्रमात आयपीडीजी रो. सुधीर लातूरे, सहाय्यक प्रांतपाल रो. डॉ. राजगोपाल तापडिया आणि वसंतराव नाईक कृषिभूषण पुरस्कार विजेते श्रीकृष्ण शिंदे यांनी मार्गदर्शन केले. श्रीकृष्ण शिंदे यांनी रोटरी क्लबच्या माध्यमातून शेतीविषयक माहिती लोकांपर्यंत पोहोचवण्याचे आणि त्यासाठी आर्थिक सहकार्य करण्याचे आश्वासन दिले. कार्यक्रमात रोटरी डिस्ट्रिक्ट ३१३२ चे प्रांतपाल रो. जयेशभाई पटेल आणि डॉ. अर्चनाताई पाटील यांचे संदेश वाचून दाखवण्यात आले. यावेळी लातूरमधील इतर रोटरी क्लबचे पदाधिकारी आणि अनेक सदस्य उपस्थित होते. कार्यक्रमाचे सूत्रसंचालन रो. डॉ. संजय गवई यांनी केले, तर आभार नूतन सचिव रो. डॉ. घन:श्याम ताडेवार यांनी मानले. रोटरी क्लब ऑफ लातूर होरायझनची स्थापना २००७ मध्ये झाली असून, आज हा क्लब विविध सामाजिक कार्यांतून जिल्ह्यात आपली वेगळी ओळख टिकवून आहे.

Nitin Chalak

Media company शिरूर-अनंतपाळ, लातूर, महाराष्ट्र•

14 hrs ago

लातूर येथील भालचंद्र ब्लड बँकेमध्ये रोटरी क्लब ऑफ लातूर होरायझनचा २०२६-२७ या वर्षाचा पदग्रहण सोहळा मोठ्या उत्साहात पार पडला. या कार्यक्रमात नूतन अध्यक्ष म्हणून रो. डॉ. माधव गोरे आणि नूतन सचिव म्हणून रो. डॉ. घन:श्याम ताडेवार यांनी पदभार स्वीकारला. कार्यक्रमाची सुरुवात मान्यवरांच्या हस्ते दीप प्रज्वलन करून करण्यात आली, त्यानंतर प्रा. आशिष क्षीरसागर यांनी मावळते अध्यक्ष व सचिव यांना कॉलर प्रदान केली. यावेळी नूतन अध्यक्ष रो. डॉ. माधव गोरे यांनी सांगितले की, २०२६-२७ या वर्षात दिव्यांग, पर्यावरण, शेती, शिक्षण, आदिशक्ती आणि आरोग्य यांसारख्या विविध उपक्रमांची अंमलबजावणी करण्याचे नियोजन आहे. मावळते अध्यक्ष रो. डॉ. गुणवंत बिरादार यांनी २०२५-२६ या वर्षात राबवलेल्या उपक्रमांची माहिती दिली. कार्यक्रमात आयपीडीजी रो.

सुधीर लातूरे, सहाय्यक प्रांतपाल रो. डॉ. राजगोपाल तापडिया आणि वसंतराव नाईक कृषिभूषण पुरस्कार विजेते श्रीकृष्ण शिंदे यांनी मार्गदर्शन केले. श्रीकृष्ण शिंदे यांनी रोटरी क्लबच्या माध्यमातून शेतीविषयक माहिती लोकांपर्यंत पोहोचवण्याचे आणि त्यासाठी आर्थिक सहकार्य करण्याचे आश्वासन दिले. कार्यक्रमात रोटरी डिस्ट्रिक्ट ३१३२ चे प्रांतपाल रो. जयेशभाई पटेल आणि डॉ. अर्चनाताई पाटील यांचे संदेश वाचून दाखवण्यात आले. यावेळी लातूरमधील इतर रोटरी क्लबचे पदाधिकारी आणि अनेक सदस्य उपस्थित होते. कार्यक्रमाचे सूत्रसंचालन रो. डॉ. संजय गवई यांनी केले, तर आभार नूतन सचिव रो. डॉ. घन:श्याम ताडेवार यांनी मानले. रोटरी क्लब ऑफ लातूर होरायझनची स्थापना २००७ मध्ये झाली असून, आज हा क्लब विविध सामाजिक कार्यांतून जिल्ह्यात आपली वेगळी ओळख टिकवून आहे.