କଟକ ଜିଲ୍ଲା ସିଠାଳ ବାଲିଘାଟରେ ଚୋରା ବେଆଇନ ଘାଟ ଚାଲୁଥିବା ଖବର ପାଇ କଟକ ଜିଲ୍ଲା ମାଇନିଂର ସ୍ୱତନ୍ତ୍ର ଫୋର୍ସ ପକ୍ଷରୁ ଚଢ଼ଉ କରାଯାଇଛି। ସିଠାଳ ବାଲିଘାଟରେ ବେଆଇନ ଚୋରା ବାଲିଘାଟ ଚାଲିଥିବା ସୂଚନା ମିଳିବା ପରେ ସ୍ପେସିଆଲ ଫୋର୍ସ ପକ୍ଷରୁ ଏହି ଆକ୍ସନ ନିଆଯାଇଛି।

କଟକ ଜିଲ୍ଲା ସିଠାଳ ବାଲିଘାଟରେ ଚୋରା ବେଆଇନ ଘାଟ ଚାଲୁଥିବା ଖବର ପାଇ କଟକ ଜିଲ୍ଲା ମାଇନିଂର ସ୍ୱତନ୍ତ୍ର ଫୋର୍ସ ପକ୍ଷରୁ ଚଢ଼ଉ କରାଯାଇଛି। ସିଠାଳ ବାଲିଘାଟରେ ବେଆଇନ ଚୋରା ବାଲିଘାଟ ଚାଲିଥିବା ସୂଚନା ମିଳିବା ପରେ ସ୍ପେସିଆଲ ଫୋର୍ସ ପକ୍ଷରୁ ଏହି ଆକ୍ସନ ନିଆଯାଇଛି।

ଭୁବନେଶ୍ୱରସ୍ଥିତ ଲୋକ ସେବା ଭବନଠାରେ ଷ୍ଟିଲ୍ ଅଥରିଟି ଅଫ୍ ଇଣ୍ଡିଆ ଲିମିଟେଡ୍ ର ସିଏମଡି ଶ୍ରୀ ଅଶୋକ କୁମାର ପଣ୍ଡା ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କୁ ସାକ୍ଷାତ କରିଛନ୍ତି।

ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ପମ୍ପାଲୋ ପଞ୍ଚାୟତରେ ସରକାରଙ୍କଠାରୁ ନ୍ୟାୟ ନ ମିଳିବାରୁ ଜଣେ ବୃଦ୍ଧ ଦମ୍ପତି ଆତ୍ମହତ୍ୟା କରିବା ପାଇଁ ସରକାରଙ୍କୁ ଚେତାବନୀ ଦେଇଛନ୍ତି। ଏହି ବୃଦ୍ଧ ବୟସରେ ନ୍ୟାୟ ନ ମିଳିବା କାରଣରୁ ସେମାନେ ଏଭଳି ଚରମ ପଦକ୍ଷେପ ନେବା ପାଇଁ ବାଧ୍ୟ ହୋଇ ଚେତାବନୀ ଦେଇଥିବା ଜଣାପଡ଼ିଛି।

ପୁରୀ ଜିଲ୍ଲା ଚନ୍ଦନପୁର ଅଞ୍ଚଳରେ କାଳିଆ ରଜାଙ୍କ ଆଗମନକୁ ନେଇ ଶ୍ରଦ୍ଧାଳୁଙ୍କ ମଧ୍ୟରେ ପ୍ରବଳ ଉତ୍ସାହ ଓ ଆନନ୍ଦର ମାହୋଲ ଦେଖିବାକୁ ମିଳିଛି। କାଳିଆ ରଜାଙ୍କ ଆଗମନ ସମୟ ଅତି ନିକଟତର ହେଉଥିବାରୁ ଚାରିଆଡ଼େ ଘଣ୍ଟ, ଶଙ୍ଖ ଏବଂ ମୃଦଙ୍ଗ ବଜାଇ ଭକ୍ତିପୂତ ପରିବେଶରେ ତାଙ୍କୁ ସ୍ୱାଗତ କରିବା ପାଇଁ ସର୍ବସାଧାରଣଙ୍କୁ ଆହ୍ୱାନ ଦିଆଯାଇଛି। ସାରା ଅଞ୍ଚଳ ଏବେ ଏହି ଆଧ୍ୟାତ୍ମିକ ତଥା ମଙ୍ଗଳମୟ ଧ୍ୱନିରେ କମ୍ପିଉଠିବା ପାଇଁ ଅପେକ୍ଷା କରି ରହିଛି।

ଖୋର୍ଦ୍ଧା ଜିଲ୍ଲା ଜଟଣୀ ଅଞ୍ଚଳରେ ପବିତ୍ର ରଥଯାତ୍ରା ଉପଲକ୍ଷେ ରାଜ୍ୟ ବିଜେଡି ଉପସଭାପତି ଅନନ୍ତ ଶତପଥୀ ଶୁଭେଚ୍ଛା ବାର୍ତ୍ତା ଜଣାଇଛନ୍ତି। ଏହି ପବିତ୍ର ଅବସରରେ ସେ ସମସ୍ତଙ୍କୁ ନିଜର ଆନ୍ତରିକ ଶୁଭକାମନା ଜ୍ଞାପନ କରିଛନ୍ତି।

ପୁରୀର ଟାଉନ ହଲଠାରେ ଆଗାମୀ ରଥଯାତ୍ରାକୁ ଶାନ୍ତି ଶୃଙ୍ଖଳାର ସହ ସମ୍ପନ୍ନ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ପୋଲିସ ମାଜିଷ୍ଟ୍ରେଟ ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲାପାଳ ଦିବ୍ୟ ଜ୍ୟୋତି ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଯୋଗ ଦେଇ ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ (ଆଧୁନିକୀକରଣ) ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି ଯେ ମହାପ୍ରଭୁଙ୍କ ପ୍ରତି ସେବା, ନିଷ୍ଠା ଓ ସମର୍ପଣ ରହିଲେ ରଥଯାତ୍ରା କାର୍ଯ୍ୟ ସଫଳ ହେବ। ଚଳିତ ବର୍ଷ ପୂର୍ବାପେକ୍ଷା ଅଧିକ ଶ୍ରଦ୍ଧାଳୁ ଆସିବାର ଆକଳନ କରାଯାଉଥିବାରୁ ଏହାକୁ ଶୃଙ୍ଖଳିତ ଓ ସୁରକ୍ଷିତ ଭାବେ ପରିଚାଳନା କରିବା ଉଭୟ ପୋଲିସ ଓ ପ୍ରଶାସନ ପାଇଁ ଏକ ଗୁରୁ ଦାୟିତ୍ୱ ବୋଲି ସେ ପ୍ରକାଶ କରିଛନ୍ତି। ବୈଠକରେ କେନ୍ଦ୍ରାଞ୍ଚଳ ଆଇଜି ଡା. ସତ୍ୟଜିତ ନାୟକ ରଥଯାତ୍ରା ପାଇଁ ଜାରି ହୋଇଥିବା ମାର୍ଗଦର୍ଶିକା ଆଧାରରେ ପରସ୍ପର ମଧ୍ୟରେ ସୁସମନ୍ବୟ ରଖି କାର୍ଯ୍ୟ କରିବାକୁ ପରାମର୍ଶ ଦେଇଛନ୍ତି। ଜିଲ୍ଲାପାଳ ଶ୍ରୀ ପରିଡା ସୂଚନା ଦେଇଛନ୍ତି ଯେ ଚଳିତ ବର୍ଷ ସ୍ନାନଯାତ୍ରାରେ ବିପୁଳ ଜନସମାଗମକୁ ଦୃଷ୍ଟିରେ ରଖି ରଥଯାତ୍ରାରେ ମଧ୍ୟ ବ୍ୟାପକ ଜନଗହଳି ହେବାର ଆଶା ରହିଛି, ଯାହା ସମସ୍ତଙ୍କ ପାଇଁ ଏକ ଆହ୍ୱାନ। ଏଥିପାଇଁ ଜାରି ହୋଇଥିବା ଏସଓପିକୁ ନିଷ୍ଠାର ସହ ଅନୁପାଳନ କରିବା ସହ ଅତ୍ୟାବଶ୍ୟକୀୟ ସୁବିଧା କେନ୍ଦ୍ର, ଆଶୁ ଚିକିତ୍ସା କେନ୍ଦ୍ର, ସୂଚନା କେନ୍ଦ୍ର, ଶୌଚାଳୟ ଏବଂ ପୋଲିସ ସହାୟତା କେନ୍ଦ୍ର ସମ୍ପର୍କରେ ସମ୍ୟକ ଧାରଣା ରଖି କାର୍ଯ୍ୟ କରିବାକୁ ସେ ନିର୍ଦ୍ଦେଶ ଦେଇଛନ୍ତି। ଜିଲ୍ଲା ଏସପି ପ୍ରତୀକ ସିଂ ପୂର୍ବ ଅନୁଭବ ଓ ଅଭିଜ୍ଞତା ଆଧାରରେ ପରସ୍ପର ମଧ୍ୟରେ ସୁସମନ୍ୱୟ ରଖି କାର୍ଯ୍ୟ କରିବା ସହ ଲୋକମାନଙ୍କୁ ସୁବିଧା ଯୋଗାଇବା ଏବଂ ଉତ୍ତମ ବ୍ୟବହାର ପ୍ରଦର୍ଶନ କରିବାକୁ ପରାମର୍ଶ ଦେଇଛନ୍ତି। ଏହି ବୈଠକରେ ପୁରୀ ମହାନଗର ନିଗମର କମିଶନର ସ୍ନେହା ଅରୁଗୁଳାଙ୍କ ସମେତ ଅନ୍ୟାନ୍ୟ ବରିଷ୍ଠ ଅଧିକାରୀ, ଜିଲ୍ଲାର ସମସ୍ତ ମାଜିଷ୍ଟ୍ରେଟ ଏବଂ ପୋଲିସ ଅଧିକାରୀମାନେ ଯୋଗ ଦେଇଥିଲେ।

ପ୍ରବଳ ପବନ ସହ ବର୍ଷା ଯୋଗୁଁ ଗୋପ ବଜାରରେ ଗଛ ପଡ଼ି ୨ଟି ବାଇକ ଚାପି ହୋଇଯାଇଛି। ଏହାପରେ ଅଗ୍ନିଶମବାହିନୀ ପହଞ୍ଚି ଗଛ କାଟି ରାସ୍ତା ସଫା କରିଛି।