రాష్ట్ర వైద్య, ఆరోగ్య, కుటుంబ సంక్షేమ మరియు వైద్య విద్య శాఖ మంత్రి, ధర్మవరం ఎమ్మెల్యే సత్యకుమార్ యాదవ్ ప్రత్యేక చొరవతో ధర్మవరం నియోజకవర్గాన్ని పచ్చని ప్రకృతి వనంగా తీర్చిదిద్దే లక్ష్యంతో ‘హరిత ధర్మవరం’ కార్యక్రమానికి శ్రీకారం చుట్టారు. ధర్మవరాన్ని ‘సిల్క్ సిటీ’తో పాటు ‘గ్రీన్ సిటీ’గా అభివృద్ధి చేయాలనే సంకల్పంతో ఈ కార్యక్రమాన్ని చేపడుతున్నట్లు మంత్రి తెలిపారు. ఈ కార్యక్రమంలో భాగంగా, నియోజకవర్గ వ్యాప్తంగా నాటేందుకు సుమారు 10 వేల మొక్కలను సిద్ధం చేశారు. పర్యావరణ పరిరక్షణ, జీవ వైవిధ్య సంరక్షణ, ఆధ్యాత్మిక మరియు సాంస్కృతిక విలువలను దృష్టిలో ఉంచుకుని దాదాపు 20 రకాల విశిష్ట జాతుల మొక్కలను ఎంపిక చేశారు. మారేడు, రావి, కదంబం, వేప, దేవకాంచనం, మహాగని, బాదం, తెల్లమద్ది, బాడిస, పొగడ, కానుగ, గన్నేరు, నిద్రగన్నేరు వంటి పర్యావరణానికి మేలు చేసే వృక్షాలను విస్తృతంగా నాటేందుకు ప్రణాళిక రూపొందించారు. ఈ సందర్భంగా మంత్రి సత్యకుమార్ యాదవ్ మాట్లాడుతూ, మొక్కలు నాటడం మాత్రమే కాకుండా వాటిని సంరక్షించి పెంచడం కూడా ప్రతి ఒక్కరి బాధ్యత అని ఉద్ఘాటించారు. పట్టణంలోని ప్రముఖులు, స్వచ్ఛంద సంస్థలు, వ్యాపార సంస్థలు, పారిశ్రామికవేత్తలు, వివిధ కంపెనీలు తమ సామాజిక బాధ్యతలో భాగంగా మొక్కల నాటకం, సంరక్షణ కార్యక్రమాల్లో భాగస్వాములు కావాలని పిలుపునిచ్చారు. మొక్కల దత్తత, సంరక్షణ బాధ్యతలను స్వీకరించి ఈ పర్యావరణ ఉద్యమానికి ప్రజలు మరియు సంస్థలు సహకరించాలని ఆయన కోరారు. ‘హరిత ధర్మవరం’ కార్యక్రమంలో భాగస్వాములు కావాలనుకునే వారు ధర్మవరం మున్సిపల్ కమిషనర్‌ను 9849905856 నంబర్‌లో సంప్రదించవచ్చని మంత్రి తెలియజేశారు. పర్యావరణ పరిరక్షణకు ప్రజల భాగస్వామ్యం అత్యంత కీలకమని పునరుద్ఘాటించిన మంత్రి, ప్రతి ఒక్కరూ కనీసం ఒక మొక్కను నాటి సంరక్షించాలని విజ్ఞప్తి చేశారు.

Bandi vasava datta sanjay

Local News Reporter ధర్మవరం, శ్రీ సత్య సాయి, ఆంధ్రప్రదేశ్•

15 hrs ago

రాష్ట్ర వైద్య, ఆరోగ్య, కుటుంబ సంక్షేమ మరియు వైద్య విద్య శాఖ మంత్రి, ధర్మవరం ఎమ్మెల్యే సత్యకుమార్ యాదవ్ ప్రత్యేక చొరవతో ధర్మవరం నియోజకవర్గాన్ని పచ్చని ప్రకృతి వనంగా తీర్చిదిద్దే లక్ష్యంతో ‘హరిత ధర్మవరం’ కార్యక్రమానికి శ్రీకారం చుట్టారు. ధర్మవరాన్ని ‘సిల్క్ సిటీ’తో పాటు ‘గ్రీన్ సిటీ’గా అభివృద్ధి చేయాలనే సంకల్పంతో ఈ కార్యక్రమాన్ని చేపడుతున్నట్లు మంత్రి తెలిపారు. ఈ కార్యక్రమంలో భాగంగా, నియోజకవర్గ వ్యాప్తంగా నాటేందుకు సుమారు 10 వేల మొక్కలను సిద్ధం చేశారు. పర్యావరణ పరిరక్షణ, జీవ వైవిధ్య సంరక్షణ, ఆధ్యాత్మిక మరియు సాంస్కృతిక విలువలను దృష్టిలో ఉంచుకుని దాదాపు 20 రకాల విశిష్ట జాతుల మొక్కలను ఎంపిక చేశారు. మారేడు, రావి, కదంబం, వేప, దేవకాంచనం, మహాగని, బాదం, తెల్లమద్ది, బాడిస, పొగడ, కానుగ, గన్నేరు, నిద్రగన్నేరు వంటి పర్యావరణానికి మేలు చేసే వృక్షాలను విస్తృతంగా నాటేందుకు ప్రణాళిక రూపొందించారు. ఈ సందర్భంగా మంత్రి సత్యకుమార్ యాదవ్ మాట్లాడుతూ, మొక్కలు నాటడం మాత్రమే కాకుండా వాటిని సంరక్షించి పెంచడం కూడా ప్రతి ఒక్కరి బాధ్యత అని ఉద్ఘాటించారు. పట్టణంలోని ప్రముఖులు, స్వచ్ఛంద సంస్థలు, వ్యాపార సంస్థలు, పారిశ్రామికవేత్తలు, వివిధ కంపెనీలు తమ సామాజిక బాధ్యతలో భాగంగా మొక్కల నాటకం, సంరక్షణ కార్యక్రమాల్లో భాగస్వాములు కావాలని పిలుపునిచ్చారు. మొక్కల దత్తత, సంరక్షణ బాధ్యతలను స్వీకరించి ఈ పర్యావరణ ఉద్యమానికి ప్రజలు మరియు సంస్థలు సహకరించాలని ఆయన కోరారు. ‘హరిత ధర్మవరం’ కార్యక్రమంలో భాగస్వాములు కావాలనుకునే వారు ధర్మవరం మున్సిపల్ కమిషనర్‌ను 9849905856 నంబర్‌లో సంప్రదించవచ్చని మంత్రి తెలియజేశారు. పర్యావరణ పరిరక్షణకు ప్రజల భాగస్వామ్యం అత్యంత కీలకమని పునరుద్ఘాటించిన మంత్రి, ప్రతి ఒక్కరూ కనీసం ఒక మొక్కను నాటి సంరక్షించాలని విజ్ఞప్తి చేశారు.