వై.ఎస్.ఆర్. కడప జిల్లాలోని ఖాజీపేట మండలం అప్పనపల్లి గ్రామానికి చెందిన గంగారపు చౌడయ్య అనే దివ్యాంగుడు గత ఏడాది ఆగస్టు 6న జరిగిన రోడ్డు ప్రమాదంలో తన కాలును కోల్పోయాడు. జీవనోపాధి కోసం వెళ్లి తిరిగి వస్తుండగా వల్లూరు సమీపంలో ఆర్టీసీ బస్సు ఢీకొనడంతో ఈ ప్రమాదం జరిగింది. ప్రభుత్వం దివ్యాంగుల సంక్షేమం కోసం నూతన పింఛన్ల కార్యక్రమాన్ని అమలు చేస్తున్నప్పటికీ, ప్రమాదం అనంతరం దివ్యాంగ పింఛన్ కోసం దరఖాస్తు చేసుకున్న చౌడయ్యకు ఏడాది గడిచినా ఇప్పటివరకు ఎలాంటి స్పందన లభించలేదు. ప్రభుత్వ కార్యాలయాలు, స్థానిక సచివాలయం చుట్టూ తిరిగినా ప్రయోజనం లేకపోయిందని ఆయన ఆవేదన వ్యక్తం చేస్తున్నారు. తన కుటుంబ పోషణ భారంగా మారిందని పేర్కొంటూ, జిల్లా కలెక్టర్‌తో పాటు రాష్ట్ర ప్రభుత్వం స్పందించి సామాజిక పింఛన్‌తో పాటు తగిన ఆర్థిక సహాయం అందించి ఆదుకోవాలని గంగారపు చౌడయ్య విజ్ఞప్తి చేస్తున్నారు. ఏడాదిగా ఎదురుచూస్తున్న ఈ దివ్యాంగుడికి అధికారులు న్యాయం చేస్తారా, ప్రభుత్వం స్పందించి అండగా నిలుస్తుందా అనేది స్థానికంగా చర్చనీయాంశంగా మారింది.

అశోక్ కుమార్ రెడ్డి

Librarian పెండ్లిమర్రి, వై.ఎస్.ఆర్., ఆంధ్రప్రదేశ్•

21 hrs ago

వై.ఎస్.ఆర్. కడప జిల్లాలోని ఖాజీపేట మండలం అప్పనపల్లి గ్రామానికి చెందిన గంగారపు చౌడయ్య అనే దివ్యాంగుడు గత ఏడాది ఆగస్టు 6న జరిగిన రోడ్డు ప్రమాదంలో తన కాలును కోల్పోయాడు. జీవనోపాధి కోసం వెళ్లి తిరిగి వస్తుండగా వల్లూరు సమీపంలో ఆర్టీసీ బస్సు ఢీకొనడంతో ఈ ప్రమాదం జరిగింది. ప్రభుత్వం దివ్యాంగుల సంక్షేమం కోసం నూతన పింఛన్ల కార్యక్రమాన్ని అమలు చేస్తున్నప్పటికీ, ప్రమాదం అనంతరం దివ్యాంగ పింఛన్ కోసం దరఖాస్తు చేసుకున్న చౌడయ్యకు ఏడాది గడిచినా ఇప్పటివరకు ఎలాంటి స్పందన లభించలేదు. ప్రభుత్వ కార్యాలయాలు, స్థానిక సచివాలయం చుట్టూ తిరిగినా ప్రయోజనం లేకపోయిందని ఆయన ఆవేదన వ్యక్తం చేస్తున్నారు. తన కుటుంబ పోషణ భారంగా మారిందని పేర్కొంటూ, జిల్లా కలెక్టర్‌తో పాటు రాష్ట్ర ప్రభుత్వం స్పందించి సామాజిక పింఛన్‌తో పాటు తగిన ఆర్థిక సహాయం అందించి ఆదుకోవాలని గంగారపు చౌడయ్య విజ్ఞప్తి చేస్తున్నారు. ఏడాదిగా ఎదురుచూస్తున్న ఈ దివ్యాంగుడికి అధికారులు న్యాయం చేస్తారా, ప్రభుత్వం స్పందించి అండగా నిలుస్తుందా అనేది స్థానికంగా చర్చనీయాంశంగా మారింది.