मुलगी मिळेना मुलाला; अनेक तरुण विवाहविना -शेती करणाऱ्या तरुणांच्या लग्नाचा प्रश्न गंभीर; मुलांनाच द्यावा लागतोय हुंडा – विधानसभेत मुद्दा उपस्थित मुलगी मिळेना मुलाला; अनेक तरुण विवाहविना -शेती करणाऱ्या तरुणांच्या लग्नाचा प्रश्न गंभीर; मुलांनाच द्यावा लागतोय हुंडा – विधानसभेत मुद्दा उपस्थित ग्रामीण भागातील शेती करणाऱ्या तरुणांच्या विवाहाचा प्रश्न दिवसेंदिवस गंभीर होत असून अनेक तरुणांना केवळ शेती व्यवसायामुळे लग्नासाठी मुली मिळत नसल्याचे वास्तव विधानसभेत मांडण्यात आले. माजलगावचे आमदार प्रकाश सोळंके यांनी जागतिक महिला दिनानिमित्त सुरू असलेल्या चर्चेदरम्यान हा मुद्दा उपस्थित करत सरकारचे लक्ष या गंभीर सामाजिक समस्येकडे वेधले. विधानसभेत बोलताना आमदार सोळंके यांनी सांगितले की, ग्रामीण महाराष्ट्रातील अनेक गावांमध्ये २५ ते ३० वयोगटातील शेकडो तरुण केवळ शेती व्यवसायामुळे विवाहाविना राहिले आहेत. परिस्थिती इतकी बिकट झाली आहे की काही ठिकाणी मुलींच्या कुटुंबाकडून नव्हे तर उलट मुलांच्या कुटुंबाकडून हुंडा द्यावा लागत असल्याच्या घटना समोर येत आहेत. या परिस्थितीचा गैरफायदा घेत काही फसवणूक करणारे रॅकेटही सक्रिय झाले असल्याचा आरोप त्यांनी केला. बोगस मुली दाखवून किंवा बनावट लग्नाचे आमिष दाखवून ग्रामीण तरुणांकडून लाखो रुपयांची फसवणूक होत असल्याचेही त्यांनी सभागृहात नमूद केले. या सर्व प्रकारामुळे अनेक तरुण नैराश्यात जात असून काही जण व्यसनाच्या आहारीही जात असल्याची चिंताजनक बाब त्यांनी मांडली. या पार्श्वभूमीवर सरकारने या समस्येचा गांभीर्याने विचार करून ग्रामीण तरुणांसाठी विशेष योजना आखाव्यात, अशी मागणी आमदार सोळंके यांनी केली. यावर उत्तर देताना राज्यमंत्री पंकज भोयर यांनी या वास्तव परिस्थितीचा सखोल अभ्यास करून सरकारकडून योग्य उपाययोजना करण्याचे आश्वासन दिले. दरम्यान, ग्रामीण भागातील शेती व्यवसायाशी निगडित सामाजिक बदल, रोजगाराच्या संधी आणि विवाह संस्थेतील बदलते प्रवाह यामुळे हा प्रश्न अधिक तीव्र होत असल्याचे मत तज्ज्ञांनी व्यक्त केले आहे. सरकारने यावर दीर्घकालीन धोरण आखण्याची गरज असल्याची चर्चा सध्या राजकीय व सामाजिक स्तरावर सुरू आहे.

पत्रकार ओमप्रकाश उढाण

घनसावंगी, जालना, महाराष्ट्र•

17 hrs ago

मुलगी मिळेना मुलाला; अनेक तरुण विवाहविना -शेती करणाऱ्या तरुणांच्या लग्नाचा प्रश्न गंभीर; मुलांनाच द्यावा लागतोय हुंडा – विधानसभेत मुद्दा उपस्थित मुलगी मिळेना मुलाला; अनेक तरुण विवाहविना -शेती करणाऱ्या तरुणांच्या लग्नाचा प्रश्न गंभीर; मुलांनाच द्यावा लागतोय हुंडा – विधानसभेत मुद्दा उपस्थित ग्रामीण भागातील शेती करणाऱ्या तरुणांच्या विवाहाचा प्रश्न दिवसेंदिवस गंभीर होत असून अनेक तरुणांना केवळ शेती व्यवसायामुळे लग्नासाठी मुली मिळत नसल्याचे वास्तव विधानसभेत मांडण्यात आले. माजलगावचे आमदार प्रकाश सोळंके यांनी जागतिक महिला दिनानिमित्त सुरू असलेल्या चर्चेदरम्यान हा मुद्दा उपस्थित करत सरकारचे लक्ष या गंभीर सामाजिक समस्येकडे वेधले. विधानसभेत बोलताना आमदार सोळंके यांनी सांगितले की, ग्रामीण महाराष्ट्रातील अनेक गावांमध्ये २५ ते ३० वयोगटातील शेकडो तरुण केवळ शेती व्यवसायामुळे विवाहाविना राहिले आहेत. परिस्थिती इतकी बिकट झाली आहे की काही ठिकाणी मुलींच्या कुटुंबाकडून नव्हे तर उलट मुलांच्या कुटुंबाकडून हुंडा द्यावा लागत असल्याच्या घटना समोर येत आहेत. या परिस्थितीचा गैरफायदा घेत काही फसवणूक करणारे रॅकेटही सक्रिय झाले असल्याचा आरोप त्यांनी केला. बोगस मुली दाखवून किंवा बनावट लग्नाचे आमिष दाखवून ग्रामीण तरुणांकडून लाखो रुपयांची फसवणूक होत असल्याचेही त्यांनी सभागृहात नमूद केले. या सर्व प्रकारामुळे अनेक तरुण नैराश्यात जात असून काही जण व्यसनाच्या आहारीही जात असल्याची चिंताजनक बाब त्यांनी मांडली. या पार्श्वभूमीवर सरकारने या समस्येचा गांभीर्याने विचार करून ग्रामीण तरुणांसाठी विशेष योजना आखाव्यात, अशी मागणी आमदार सोळंके यांनी केली. यावर उत्तर देताना राज्यमंत्री पंकज भोयर यांनी या वास्तव परिस्थितीचा सखोल अभ्यास करून सरकारकडून योग्य उपाययोजना करण्याचे आश्वासन दिले. दरम्यान, ग्रामीण भागातील शेती व्यवसायाशी निगडित सामाजिक बदल, रोजगाराच्या संधी आणि विवाह संस्थेतील बदलते प्रवाह यामुळे हा प्रश्न अधिक तीव्र होत असल्याचे मत तज्ज्ञांनी व्यक्त केले आहे. सरकारने यावर दीर्घकालीन धोरण आखण्याची गरज असल्याची चर्चा सध्या राजकीय व सामाजिक स्तरावर सुरू आहे.