शिरूर येथे समस्त शिवशंभू भक्तांच्या वतीने छत्रपती संभाजी महाराजांच्या तिथीनुसार जयंती मोठ्या उत्साहात साजरी करण्यात आली. या निमित्ताने महाराजांच्या प्रतिमेस पुष्पहार अर्पण करून अभिवादन करण्यात आले. रक्तदानाचे महत्त्व लक्षात घेऊन आयोजित केलेल्या रक्तदान शिबिराला रक्तदात्यांचा उत्स्फूर्त प्रतिसाद लाभला. शिरूर नगर परिषद मंगल कार्यालयात झालेल्या या कार्यक्रमाची सुरुवात छत्रपती संभाजी महाराजांच्या प्रतिमेस पुष्पहार अर्पण करून झाली आणि त्यानंतर रक्तदान शिबिराला प्रारंभ झाला. या शिबिराचे उद्घाटन नगराध्यक्षा ऐश्वर्या अभिजित पाचर्णे आणि पोलीस निरीक्षक विनोद पाटील यांच्या प्रमुख उपस्थितीत झाले. यावेळी उपनगराध्यक्ष मितेश गादिया, भाजपचे शहराध्यक्ष तथा नगरसेवक नितीन पाचर्णे, नगरसेविका स्वीटी शिंदे, संगीताताई मल्लाव, सागर नरवडे, अभिजित पाचर्णे, राष्ट्रीय स्वयंसेवक संघाचे धोंगडे मामा, नानासाहेब पोटे, माजी नगरसेवक विनोद भालेराव, भाजपच्या अनघा पाठक, विजय नरके, प्रमोद पवार, पुष्पराज पोटावळे यांसह अनेक शिवभक्त उपस्थित होते. कार्यक्रमाचे प्रास्ताविक व स्वागत शिबिराचे संयोजक नगरसेवक उमेश शेळके यांनी केले. त्यांनी सांगितले की, छत्रपती संभाजी महाराजांच्या तिथीनुसार जयंतीनिमित्त शिरूर शहरात गेल्या काही वर्षांपासून रक्तदान शिबिराचे आयोजन करण्यात येत असून नागरिकांचा त्याला उत्स्फूर्त प्रतिसाद मिळत आहे. नवीन पिढीला छत्रपती संभाजी महाराजांचे जीवन, पराक्रम आणि राष्ट्रनिष्ठ विचार समजावेत या उद्देशाने त्यांच्या जीवनकार्यावर आधारित पुस्तकांचेही वाटप यावेळी करण्यात आले. या रक्तदान शिबिरात ओम ब्लड बँकेच्या पथकाने रक्तसंकलन केले. समाजोपयोगी उपक्रमातून छत्रपती संभाजी महाराजांना अभिवादन करताना रक्तदानासारख्या जीवनदायी कार्याला प्राधान्य देण्यात आल्याने उपस्थित सर्वांनी या उपक्रमाचे कौतुक केले.

Satish Dhumal

Media house शिरूर, पुणे, महाराष्ट्र•

6 hrs ago

शिरूर येथे समस्त शिवशंभू भक्तांच्या वतीने छत्रपती संभाजी महाराजांच्या तिथीनुसार जयंती मोठ्या उत्साहात साजरी करण्यात आली. या निमित्ताने महाराजांच्या प्रतिमेस पुष्पहार अर्पण करून अभिवादन करण्यात आले. रक्तदानाचे महत्त्व लक्षात घेऊन आयोजित केलेल्या रक्तदान शिबिराला रक्तदात्यांचा उत्स्फूर्त प्रतिसाद लाभला. शिरूर नगर परिषद मंगल कार्यालयात झालेल्या या कार्यक्रमाची सुरुवात छत्रपती संभाजी महाराजांच्या प्रतिमेस पुष्पहार अर्पण करून झाली आणि त्यानंतर रक्तदान शिबिराला प्रारंभ झाला. या शिबिराचे उद्घाटन नगराध्यक्षा ऐश्वर्या अभिजित पाचर्णे आणि

पोलीस निरीक्षक विनोद पाटील यांच्या प्रमुख उपस्थितीत झाले. यावेळी उपनगराध्यक्ष मितेश गादिया, भाजपचे शहराध्यक्ष तथा नगरसेवक नितीन पाचर्णे, नगरसेविका स्वीटी शिंदे, संगीताताई मल्लाव, सागर नरवडे, अभिजित पाचर्णे, राष्ट्रीय स्वयंसेवक संघाचे धोंगडे मामा, नानासाहेब पोटे, माजी नगरसेवक विनोद भालेराव, भाजपच्या अनघा पाठक, विजय नरके, प्रमोद पवार, पुष्पराज पोटावळे यांसह अनेक शिवभक्त उपस्थित होते. कार्यक्रमाचे प्रास्ताविक व स्वागत शिबिराचे संयोजक नगरसेवक उमेश शेळके यांनी केले. त्यांनी सांगितले की, छत्रपती संभाजी महाराजांच्या

तिथीनुसार जयंतीनिमित्त शिरूर शहरात गेल्या काही वर्षांपासून रक्तदान शिबिराचे आयोजन करण्यात येत असून नागरिकांचा त्याला उत्स्फूर्त प्रतिसाद मिळत आहे. नवीन पिढीला छत्रपती संभाजी महाराजांचे जीवन, पराक्रम आणि राष्ट्रनिष्ठ विचार समजावेत या उद्देशाने त्यांच्या जीवनकार्यावर आधारित पुस्तकांचेही वाटप यावेळी करण्यात आले. या रक्तदान शिबिरात ओम ब्लड बँकेच्या पथकाने रक्तसंकलन केले. समाजोपयोगी उपक्रमातून छत्रपती संभाजी महाराजांना अभिवादन करताना रक्तदानासारख्या जीवनदायी कार्याला प्राधान्य देण्यात आल्याने उपस्थित सर्वांनी या उपक्रमाचे कौतुक केले.