திருச்சி மாவட்டம் மருங்காபுரியை அடுத்த துவரங்குறிச்சியில் கடந்த சில நாட்களாக கடுமையான வெயில் வாட்டி வந்தது. இன்று காலை முதல் கடுமையான வெயிலும், அதனுடன் புழுக்கமும் நிலவியது. இந்நிலையில், மாலை 6:30 மணி முதல் வானம் மேகமூட்டத்துடன் காணப்பட்ட நிலையில், அதனைத் தொடர்ந்து இரவு 7:30 மணிக்கு மேல் பரவலாக மழை பெய்தது. இந்த மழையால் சற்று புவி குளிர்ச்சியடைந்ததால் பொதுமக்கள் மகிழ்ச்சி அடைந்தனர்.

திருச்சி மாவட்டம் மருங்காபுரியை அடுத்த துவரங்குறிச்சியில் கடந்த சில நாட்களாக கடுமையான வெயில் வாட்டி வந்தது. இன்று காலை முதல் கடுமையான வெயிலும், அதனுடன் புழுக்கமும் நிலவியது. இந்நிலையில், மாலை 6:30 மணி முதல் வானம் மேகமூட்டத்துடன் காணப்பட்ட நிலையில், அதனைத் தொடர்ந்து இரவு 7:30 மணிக்கு மேல் பரவலாக மழை பெய்தது. இந்த மழையால் சற்று புவி குளிர்ச்சியடைந்ததால் பொதுமக்கள் மகிழ்ச்சி அடைந்தனர்.

புதுக்கோட்டை மாவட்டம் அன்னவாசல் அருகே உள்ள நார்த்தாமலை முத்துமாரியம்மன் கோவிலில் உண்டியல் காணிக்கை எண்ணும் பணி நடைபெற்றது. இந்த காணிக்கை எண்ணும் பணி அறநிலையத்துறை உதவி ஆணையர், கோவில்கள் நிர்வாக அதிகாரி, அறநிலையத்துறை ஆய்வாளர் மற்றும் கோவில் மேற்பார்வையாளர்கள் முன்னிலையில் நடத்தப்பட்டது. இந்த பணியில் அரசு மற்றும் தனியார் கல்லூரி மாணவிகள், பெண்கள் எனப் பலரும் கலந்துகொண்டு காணிக்கைகளை எண்ணும் பணிகளில் ஈடுபட்டனர்.

திண்டுக்கல் மாவட்டம் ஆத்தூர் தாலுகா சித்தூர் ஊராட்சியில் உள்ள கதிர் நாயக்கன்பட்டி செம்பட்டி – வத்தலகுண்டு செல்லும் சாலையில் அமைந்துள்ள அரசு மதுபானக் கடை எண் 3313-ஐ மூடக் கோரி பொதுமக்கள் திரளாக சாலை மறியலில் ஈடுபட்டனர். இதில் 500-க்கும் மேற்பட்ட பெண்கள் மற்றும் ஆண்கள் கலந்துகொண்டனர். சுமார் இரண்டு மணி நேரம் போக்குவரத்து பாதிக்கப்பட்ட நிலையில், தகவல் அறிந்து சம்பவ இடத்திற்கு வந்த பட்டிவீரன்பட்டி காவல்துறையினர், ஆய்வாளர் மற்றும் சார்பு ஆய்வாளர் ஜெயபாலன் ஆகியோர் பொதுமக்களிடம் பேச்சுவார்த்தை நடத்தினர். இந்த நிகழ்வால் அப்பகுதியில் பெரும் பரபரப்பு ஏற்பட்டது.

திண்டுக்கல் மாவட்டத்திலும் அதன் சுற்றுவட்டாரப் பகுதிகளிலும் கனத்த மழை பெய்துள்ளது. இந்த மழையால் அப்பகுதி பொதுமக்கள் பெரும் மகிழ்ச்சி அடைந்துள்ளனர்.

மதுரை அருகே கப்பலூர் பகுதியில் உள்ள இந்தியன் ஆயில் கார்ப்பரேஷன் எண்ணெய் சேமிப்பு கிடங்கிற்குப் பின்புறம் இருந்த காலி இடத்தில் இன்று (ஜூன் 17) திடீரென குப்பைகள் தீப்பற்றி எரிந்தன. இதனால் அப்பகுதி முழுவதும் புகை மூட்டமாக காட்சியளித்தது. இந்த தீவிபத்தின்போது, கன்னியாகுமரி நோக்கிச் சென்ற ரயில் ஒன்று அப்பகுதியைக் கடந்து சென்றதால், ரயிலில் பயணித்தவர்கள் மற்றும் அப்பகுதி பொதுமக்கள் அச்சமடைந்தனர். தீயணைப்புத் துறைக்கு தகவல் தெரிவிக்கப்பட்டும், அவர்கள் தாமதமாக வந்ததாகவும், அதற்குள்ளாகவே தீ தானாக அணைந்துவிட்டதாகவும் அப்பகுதியினர் தெரிவித்தனர். நல்லவேளையாக, பெரும் விபத்து தவிர்க்கப்பட்டது.

தேனி மாவட்டம் கம்பம் வழியாக கேரளாவுக்குக் கடத்த முயன்ற 7,220 கிலோ ரேஷன் அரிசி மற்றும் கடத்தலுக்குப் பயன்படுத்தப்பட்ட மினி லாரி பறிமுதல் செய்யப்பட்டுள்ளது. இது தொடர்பாக 3 பேரை காவல்துறையினர் கைது செய்துள்ளனர். தேனி மாவட்டத்தின் போடிமெட்டு, கம்பம் மெட்டு மற்றும் குமுளி ஆகிய தமிழக-கேரள எல்லைப் பகுதிகள் வழியாக, தமிழக ரேஷன் கடைகளில் இலவசமாக வழங்கப்படும் அரிசி கேரளாவிற்குக் கடத்திச் செல்லப்பட்டு, அங்கு அதிக விலைக்கு விற்பனை செய்யப்படுவதாக தொடர்ந்து குற்றச்சாட்டுகள் எழுந்து வருகின்றன. இதனைக் கட்டுப்படுத்த மாவட்ட அளவில் உத்தமபாளையத்தைத் தலைமையிடமாகக் கொண்டு உணவுப்பொருள் கடத்தல் தடுப்புப் பிரிவு காவல்துறையினர் தீவிர கண்காணிப்பில் ஈடுபட்டு வருகின்றனர். இவர்களைத் தவிர, மாவட்ட வருவாய்த்துறை சார்பில் பறக்கும் படை துணை வட்டாட்சியர் தலைமையிலான ஒரு குழுவும், உத்தமபாளையம் வட்ட வழங்கல் அலுவலர் தலைமையிலான வருவாய் அலுவலர்கள் குழுவும் ரேஷன் அரிசி கடத்தலைத் தடுக்க நியமிக்கப்பட்டுள்ளனர். இந்நிலையில், நேற்று நள்ளிரவில் கம்பம் ஊத்துக்காடு பகுதியில் உத்தமபாளையம் சார்பு ஆய்வாளர் மணிகண்டன் தலைமையில் காவல்துறையினர் வாகன சோதனையில் ஈடுபட்டிருந்தபோது, மினி லாரி ஒன்றை நிறுத்தி சோதனை செய்ததில், கேரளாவிற்குக் கடத்துவதற்காக சுமார் 7,220 கிலோ ரேஷன் அரிசி பதுக்கி வைக்கப்பட்டிருந்தது கண்டுபிடிக்கப்பட்டது. ரேஷன் அரிசி மற்றும் கடத்தலுக்குப் பயன்படுத்தப்பட்ட மினி லாரி ஆகியவற்றை பறிமுதல் செய்த காவல்துறையினர், அவற்றை உத்தமபாளையம் உணவுப்பொருள் கடத்தல் தடுப்புப் பிரிவினரிடம் ஒப்படைத்தனர். ஃபுட் செல் காவல்துறையினர் நடத்திய விசாரணையில், அரிசி கடத்தலில் ஈடுபட்டவர்கள் புதுப்பட்டியைச் சேர்ந்த சுந்தர், பிரகாஷ் மற்றும் லாரி ஓட்டுநர் பாண்டீஸ்வரன் என்பது தெரியவந்தது. இதையடுத்து அவர்கள் 3 பேரையும் காவல்துறையினர் கைது செய்தனர். கைப்பற்றப்பட்ட ரேஷன் அரிசி உத்தமபாளையம் நுகர்பொருள் வாணிபக் கழகக் கிடங்கில் ஒப்படைக்கப்பட்டது. இச்சம்பவம் குறித்து உத்தமபாளையம் ஃபுட் செல் காவல்துறையினர் தொடர்ந்து விசாரணை மேற்கொண்டு வருகின்றனர்.

மதுரை மாவட்டம், திருவாடானையில் உள்ள கோச்சடை முத்தையா சுவாமி தரிசனம் செய்யப்பட்டதைக் காட்டும் வீடியோ காட்சிகள் வெளியாகியுள்ளன.

திருச்சி மாவட்டம் மணப்பாறை அடுத்த வையம்பட்டி அருகே உள்ள களத்துப்பட்டியில் செயல்பட்டு வரும் நியாய விலை கடையில் மணப்பாறை சட்டமன்ற உறுப்பினர் ரா.கதிரவன் எம்எல்ஏ இன்று திடீரென ஆய்வு மேற்கொண்டார். இந்த ஆய்வின்போது, நியாய விலை சேவையின் தரம் மற்றும் பொருட்கள் விநியோகம் குறித்து அவர் நேரடி விசாரணை நடத்தினார். இந்த ஆய்வின்போது இப்பகுதியைச் சேர்ந்த ஏராளமான தவெகவினர் மற்றும் பொதுமக்கள் உடனிருந்தனர்.