અમરેલી વિધાનસભા સંગઠન મંત્રી તરીકે જયદીપ પાંચાણીની નિમણૂક કરવામાં આવી છે. આ નિમણૂકને કારણે કાર્યકરોમાં ઉત્સાહ જોવા મળી રહ્યો છે. આ સાથે જ, 2027ની ચૂંટણીની તૈયારીઓ પણ તેજ બની છે.

અમરેલી વિધાનસભા સંગઠન મંત્રી તરીકે જયદીપ પાંચાણીની નિમણૂક કરવામાં આવી છે. આ નિમણૂકને કારણે કાર્યકરોમાં ઉત્સાહ જોવા મળી રહ્યો છે. આ સાથે જ, 2027ની ચૂંટણીની તૈયારીઓ પણ તેજ બની છે.

અમરેલી, તા. ૨૧ જૂન, ૨૦૨૬ (રવિવાર) ના રોજ, અમરેલી જિલ્લામાં ૧૨મા આંતરરાષ્ટ્રીય યોગ દિવસની ઉત્સાહભેર ઉજવણી કરવામાં આવી હતી. ઊર્જા અને કાયદો રાજ્યમંત્રીશ્રી કૌશિકભાઈ વેકરીયાના અધ્યક્ષ સ્થાને અમરેલી શહેર ખાતે જિલ્લા કક્ષાનો મુખ્ય કાર્યક્રમ યોજાયો હતો. ‘યોગા ફોર હેલ્ધી એજિંગ’ એટલે કે ‘સ્વસ્થ વૃદ્ધાવસ્થા માટે યોગ’ ના સંકલ્પ સાથે, મોટી સંખ્યામાં નાગરિકોએ સામૂહિક યોગાભ્યાસ કરીને સ્વસ્થ જીવન જીવવાનો સંકલ્પ લીધો. આ કાર્યક્રમમાં ૩૨૦૦થી વધુ સહભાગીઓએ ઉત્સાહભેર યોગ કર્યો હતો. જિલ્લા કલેક્ટરશ્રી વિકલ્પ ભારદ્વાજ, જિલ્લા વિકાસ અધિકારીશ્રી કે.જે. જાડેજા, અને પોલીસ અધિક્ષકશ્રી સંજય ખરાત સહિત જિલ્લાના અનેક અધિકારીશ્રીઓએ યોગઅભ્યાસ કર્યો હતો. આ પ્રસંગે કોલકત્તા ખાતે વડાપ્રધાનશ્રી નરેન્દ્રભાઈ મોદીના અધ્યક્ષસ્થાને યોજાયેલી રાષ્ટ્રીય કક્ષાની ઉજવણીનું તેમજ મુખ્યમંત્રીશ્રી ભૂપેન્દ્રભાઈ પટેલના અધ્યક્ષસ્થાને યોજાયેલી રાજ્ય કક્ષાની ઉજવણીનું જીવંત પ્રસારણ નિહાળવામાં આવ્યું હતું. ગુજરાત રાજ્યયોગ બોર્ડના અમરેલી જિલ્લાના કોર્ડિનેટરશ્રી સાગર મહેતા અને યોગ શિક્ષકોની ટીમે ઉપસ્થિત યોગઅભ્યાસુઓને યોગ અભ્યાસ કરાવ્યો હતો. આ વર્ષની આંતરરાષ્ટ્રીય યોગ દિવસની થીમ ‘યોગા ફોર હેલ્ધી એજિંગ’ એટલે કે ‘સ્વસ્થ વૃદ્ધાવસ્થા માટે યોગ’ રાખવામાં આવી હતી, જે વધતી ઉંમર સાથે શરીર અને મનને તંદુરસ્ત, સક્રિય અને સંતુલિત રાખવામાં યોગના મહત્વ પર ભાર મૂકે છે. નિયમિત યોગાભ્યાસથી શરીરની લવચીકતા વધે છે, સ્નાયુઓ અને સાંધાઓ મજબૂત બને છે, શ્વસનતંત્રની કાર્યક્ષમતા સુધરે છે તેમજ માનસિક શાંતિ અને સકારાત્મકતા પ્રાપ્ત થાય છે. યોગ દ્વારા તણાવ, ચિંતા અને થાકમાં રાહત મળે છે, પ્રાણાયામ અને ધ્યાનથી એકાગ્રતા વધે છે, ઊંઘની ગુણવત્તા સુધરે છે તથા જીવનશૈલી સંબંધિત વિવિધ સમસ્યાઓના નિવારણમાં પણ સહાય મળે છે. ખાસ કરીને વરિષ્ઠ નાગરિકો માટે યોગ દૈનિક જીવનમાં સ્વાવલંબન, સ્ફૂર્તિ અને આત્મવિશ્વાસ જાળવવાનું એક અસરકારક માધ્યમ છે. યોગાભ્યાસ દરમિયાન તાલીમબદ્ધ યોગ નિષ્ણાતોના માર્ગદર્શન હેઠળ સામાન્ય યોગ પ્રોટોકોલ મુજબ વિવિધ આસનો, પ્રાણાયામ અને ધ્યાન કરવામાં આવ્યા હતા. આ કાર્યક્રમમાં નગરપાલિકાના પ્રમુખશ્રી વૈશાલી બહેન માંગરોળીયા, શ્રી અતુલભાઈ કાનાણી, શ્રી મયૂરભાઈ માંજરીયા, શ્રી વિજયભાઈ ચોટલીયા, પ્રાંત અધિકારીશ્રી અમરેલી નાકિયા, જિલ્લા શિક્ષણાધિકારીશ્રી ગોહિલ, નાયબ પોલીસ અધિક્ષકશ્રી ગોહિલ, યુવા વિકાસ અધિકારીશ્રી વિક્રમસિંહ પરમાર, પ્રાંત યુવા અધિકાશ્રી કુરેશી, જિલ્લા રમતવિકાસ અધિકારીશ્રી પૂનમ બહેન ફૂમકીયા, જિલ્લા વહીવટીતંત્રના ઉચ્ચ અધિકારીશ્રીઓ, વિદ્યાસભાના કેમ્પસ ડાયરેક્ટરશ્રી વસંતભાઈ પેથાણી અને અન્ય શહેરીજનો, વિદ્યાર્થીઓ, તથા વિવિધ સંસ્થાઓના યોગઅભ્યાસુઓ પણ જોડાયા હતા. ઉપસ્થિત સૌએ યોગને દૈનિક જીવનનો અભિન્ન ભાગ બનાવી સ્વસ્થ, સક્રિય અને સુખમય જીવન જીવવાનો સંકલ્પ લીધો હતો.

જસદણ તાલુકાના આટકોટ ગોચરમાં વહીવટીતંત્ર દ્વારા દબાણ હટાવવાની કાર્યવાહી હાથ ધરવામાં આવી હતી. આ કાર્યવાહી દરમિયાન મામલતદાર, તાલુકા વિકાસ અધિકારી અને પોલીસ સ્ટાફ ઉપસ્થિત રહ્યા હતા. આટકોટના નવા ગામ તળ પર આવેલી આશરે ૨૦ વીઘા જમીન પર દબાણ થયું હતું, જે વાસ્તવમાં ગરીબ લોકોને ૧૦૦ ચોરસ વારના પ્લોટ ફાળવવા માટે હતી. તંત્ર દ્વારા આ દબાણ હટાવવાની કામગીરી હાથ ધરવામાં આવતા, જમીન પર દબાણ કરનારાઓમાં ભારે ફફડાટ વ્યાપી ગયો હતો. વહીવટીતંત્ર દ્વારા આટકોટ ગોચરમાં થયેલું દબાણ સફળતાપૂર્વક હટાવી દેવામાં આવ્યું છે.

અમરેલી જિલ્લાના ધારી તાલુકામાં રાજસ્થલીથી પાતળા ગામ સુધીનો માર્ગ મુખ્યમંત્રી ગ્રામ સડક યોજના હેઠળ બન્યો હોવા છતાં તેની હાલત અત્યંત બિસ્માર છે. માર્ગ પરના અનેક પુલો અને રસ્તાના ભાગોની ખરાબ સ્થિતિને કારણે સ્થાનિક લોકોમાં ભારે રોષ જોવા મળી રહ્યો છે, જેને કારણે વાહનચાલકોને અકસ્માતનો ભય સતાવી રહ્યો છે. આ મુદ્દે ખાંભાના સામાજિક કાર્યકર સુરેશ મકવાણાએ ગુજરાત સરકારના સ્વાગત ઓનલાઈન પોર્ટલ પર ફરિયાદ નોંધાવી હતી, જેમાં તાજેતરમાં બનેલા માર્ગ અને પુલોમાં ગુણવત્તાના પ્રશ્નો હોવાનું જણાવ્યું હતું. જોકે, સંબંધિત વિભાગે જવાબમાં કામ પૂર્ણ થયાનું અને ટૂંક સમયમાં સી.સી. વર્ક શરૂ કરવાની જાણ કરી છે. પરંતુ, સ્થાનિક ગ્રામજનોનું માનવું છે કે જો માર્ગ અને પુલોની વાસ્તવિક સ્થિતિ તપાસવામાં આવે તો અનેક ગંભીર ખામીઓ ખુલી શકે છે. આથી, સુરેશ મકવાણાએ રાજ્ય સરકાર પાસે સમગ્ર માર્ગ અને પુલોની સ્વતંત્ર ટેકનિકલ તપાસ કરાવી બાંધકામની ગુણવત્તા ચકાસવાની માંગ કરી છે. તેમણે માંગ કરી છે કે જો કોઈ ગેરરીતિ, બેદરકારી કે ભ્રષ્ટાચાર સામે આવે તો જવાબદાર અધિકારીઓ અને કોન્ટ્રાક્ટર સામે કડક કાર્યવાહી કરવામાં આવે અને માર્ગ-પુલોનું તાત્કાલિક સમારકામ થાય. જનહિત અને લોકોની સુરક્ષાને ધ્યાનમાં રાખીને આ મુદ્દે ઝડપથી યોગ્ય કાર્યવાહી કરવી જરૂરી હોવાનું સ્થાનિક ગ્રામજનો માની રહ્યા છે.

ગુજરાતમાં એક કિસાન આલુનો વેપાર કરીને કરોડો રૂપિયાની કંપની સફળતાપૂર્વક ચલાવી રહ્યા છે.

રાજકોટ જિલ્લાના ધોરાજી શહેરમાં વિવિધ યોજનાઓ હેઠળ થઈ રહેલા લોકહિતના કામોમાં વ્યાપક ભ્રષ્ટાચારના આક્ષેપો વચ્ચે હવે મનુષ્યના અંતિમ વિશ્રામ સ્થાન સમા એકમાત્ર સ્મશાનગૃહને પણ ભ્રષ્ટાચારથી બાકાત ન રાખવામાં આવ્યું હોવાનો સ્થાનિક લોકો દ્વારા આક્ષેપ કરવામાં આવી રહ્યો છે. ધોરાજી નગરપાલિકા તંત્ર દ્વારા કુંભારવાડા વિસ્તાર પાસે આવેલા આ સ્મશાનગૃહમાં હાલ સમારકામનું કામ ચાલી રહ્યું છે, જેમાં સ્ટ્રીટ લાઇટ માટે બનાવવામાં આવી રહેલા કોંક્રિટના કામમાં નબળી ગુણવત્તાની રેતી, સિમેન્ટ, બેલા અને લોખંડનો ઉપયોગ થતો હોવાના ગંભીર આક્ષેપો છે. અગાઉ પણ ધોરાજીમાં રોડ-રસ્તા (આરસીસી રોડ અને ડામર રોડ) સહિત ગ્રાન્ટમાંથી થયેલા અનેક કામોમાં ભ્રષ્ટાચાર થયાના આક્ષેપો ઉઠ્યા હતા. ત્યારે તંત્ર સફાળું જાગ્યું અને ભૂલો સુધારવાનો પ્રયાસ પણ થયો, પરંતુ કોઈ પક્ષના નેતાઓ કે આગેવાનો દ્વારા કોઈ નક્કર કામગીરી કરવામાં આવી ન હતી અને જવાબદારો સામે કોઈ પગલાં લેવાયા ન હતા. હવે તો કૈલાશ ધામ ગણાતા સ્મશાનગૃહમાં પણ ભ્રષ્ટાચારની તમામ હદો વટાવી દેવામાં આવી હોવાનું લાગી રહ્યું છે, જેના પર ધોરાજીના જવાબદાર તંત્ર, કોન્ટ્રાક્ટર અને રાજકીય આગેવાનો કેમ ચૂપ છે તે એક મોટો સવાલ છે. સ્થાનિક લોકો માંગ કરી રહ્યા છે કે ધોરાજીમાં આ બાબતે વ્યવસ્થિત રીતે અને પારદર્શી કામગીરી થાય અને સ્મશાનગૃહ જેવા સ્થળને તો ભ્રષ્ટાચારથી મુક્ત રાખીને સારું કામ કરવામાં આવે.

જુનાગઢ જિલ્લાના માળીયાહાટીના તાલુકાના ખોરાસા ગીર ગામના ગાયત્રી પ્લોટ વિસ્તારમાં છેલ્લા 10-15 વર્ષ કરતાં પણ વધુ સમયથી રસ્તા બનાવવામાં આવ્યા નથી. સ્થાનિકો જણાવી રહ્યા છે કે અહીંના રસ્તાઓ ખેતરના રસ્તાઓ કે ગામની શેરીઓ જેવા પથરાવાળા છે. આ વિસ્તારમાં હજી સુધી સિમેન્ટ રોડ કે બ્લોક નાખવામાં આવ્યા નથી. ગ્રામીણ રોડ રસ્તાઓની આ સ્થિતિને જોતા, લોકો દ્વારા ઝડપથી રોડ અથવા તો બ્લોક નાખવાની તાત્કાલિક માંગ કરવામાં આવી રહી છે.

અમરેલી સાયબર ક્રાઈમ પોલીસે એક સનસનાટીભર્યો ખુલાસો કર્યો છે, જેમાં માત્ર ₹950 ના એક નાના ફ્રોડની તપાસ કરતાં દેશવ્યાપી ₹31 કરોડનું મ્યુલ અકાઉન્ટ કૌભાંડ સામે આવ્યું છે. આ મોટા કૌભાંડના સંબંધમાં બે આરોપીઓની ધરપકડ પણ કરવામાં આવી છે.