अमेरिकेतील १५ हजारहून अधिक भारतीय आयटी कर्मचाऱ्यांवर नोकरी गमावल्यामुळे आता मायदेशी परतण्याचा धोका निर्माण झाला आहे. एच-१बी व्हिसा नियमांनुसार, या कर्मचाऱ्यांना ६० दिवसांच्या आत नवीन नोकरी शोधणे बंधनकारक आहे. मात्र, ट्रम्प प्रशासनाच्या कडक इमिग्रेशन धोरणांमुळे आणि सध्याच्या मंदीच्या स्थितीमुळे कंपन्या व्हिसा स्पॉन्सर करण्यास टाळाटाळ करत आहेत. नुकत्याच मेटा, ॲमेझॉन आणि ओरेकलसारख्या दिग्गज कंपन्यांमध्ये जवळपास ५० हजार लोकांची कपात झाली असून, त्यात १५ हजारांपेक्षा जास्त भारतीय कर्मचारी आहेत. समतुल्य नोकरी न मिळाल्यास या भारतीय कर्मचाऱ्यांना अमेरिका सोडून मायदेशी परतणे अनिवार्य ठरणार आहे, ज्यामुळे त्यांच्यासमोर एक मोठे संकट उभे राहिले आहे.

छत्रपती संभाजीनगर महानगरपालिकेच्या आरोग्य विभागात मागील पाच वर्षांत वैद्यकीय आरोग्य अधिकारी डॉ. पारस मंडलेचा यांच्या नेतृत्वाखाली मोठे सकारात्मक बदल घडून आले आहेत. पूर्वी अत्यंत नाजूक आणि दुर्लक्षित अवस्थेत असलेल्या या विभागाला माननीय आयुक्त यांच्या मार्गदर्शनाखाली डॉ. मंडलेचा यांनी नवी दिशा दिली. या काळात महानगरपालिका रुग्णालयांचे नूतनीकरण करण्यात आले असून, ६ ठिकाणी ऑपरेशन थिएटरचे आधुनिकीकरण करून लॅप्रोस्कोपी शस्त्रक्रिया यशस्वीपणे सुरू करण्यात आल्या आहेत; गेल्या सहा महिन्यांत एकूण ३१३ लॅप्रोस्कोपी शस्त्रक्रिया पार पडल्या आहेत. आरोग्य केंद्रांना आधुनिक स्वरूप प्राप्त झाले असून, आरोग्य अधिकाऱ्यांसाठी नवीन खुर्च्या, फर्निचर आणि रुग्णांसाठी आवश्यक औषधांचा पुरेसा साठा उपलब्ध करून देण्यात आला आहे. आगामी काळात स्त्रीरोगतज्ज्ञ (गायनॅकॉलॉजिस्ट) आणि सर्जन ही पदे भरली जाऊन लहान-मोठ्या शस्त्रक्रिया तसेच सिझेरियन सेक्शन (C-Section) सेवाही सुरू केल्या जाणार आहेत. डब्ल्यूएचओ कन्सल्टंट डॉ. मुजीब यांनी छत्रपती संभाजीनगर महानगरपालिकेच्या लसीकरणानंतर पॅरासिटामॉल ड्रॉप्स उपलब्ध करून देण्याच्या आणि ए.एन.एम. व आशा सेविकांचा फोन नंबर पालकांना देण्याच्या दोन्ही उपयुक्त प्रथांची राज्यस्तरीय बैठकींमध्ये प्रशंसा केली असून, ही आरोग्य सेवेतील उल्लेखनीय बाब असल्याचे म्हटले आहे. आरोग्य विभागासाठी आवश्यक असलेली सुमारे ८४ लाख रुपयांची वैद्यकीय यंत्रसामग्री सीएसआर निधीतून, स्टेट बँक ऑफ इंडिया, आयडीबीआय बँक आणि उज्जीवन स्मॉल फायनान्स बँक यांसारख्या विविध बँकांच्या सहकार्याने उपलब्ध करून घेण्यात आली. यात सोनोग्राफी मशीन, ४ थॅलेसेमिया टेस्टिंग मशीनसह ८००० टेस्टिंग कार्ड्स, डिफिब्रिलेटर मशीन, डिजिटल बेबी वेट अँड हाइट मशीन, १०० मरकरी फ्री बी.पी. अपॅरेटस, सेंट्रिफ्यूज मशीन, कॉम्प्रेसरसह डेंटल चेअर, डेंटल आरव्हीजी आणि बॉयल्स मशीन यांसारख्या आधुनिक उपकरणांचा समावेश आहे, ज्यामुळे आरोग्य सेवांची गुणवत्ता आणि कार्यक्षमता वाढली आहे. तसेच, मेल्ट्रॉन हॉस्पिटलचे एमआयडीसीकडून महानगरपालिकेकडे हस्तांतरित करण्यासाठी मोठा पाठपुरावा करण्यात आला आणि बायोमेडिकल वेस्ट प्लांटसाठी कोणतीही पीएमसी (PMC) नसतानाही आरोग्य विभागाने यशस्वीपणे टेंडर प्रक्रिया राबवून एजन्सीची नियुक्ती केली. आरोग्य सेवेतील या महत्त्वपूर्ण योगदानाच्या पार्श्वभूमीवर, डॉ. पारस मंडलेचा यांच्या निरोप समारंभाचे दि. २२/०५/२०२६ रोजी सायंकाळी आरोग्य अधिकाऱ्यांमार्फत आयोजन करण्यात आले. या प्रसंगी डॉ. कविता मंडलेचा, डॉ. उज्वला भामरे, डॉ. मनीषा भोंडवे यांच्यासह अनेक आरोग्य अधिकाऱ्यांनी त्यांच्या कार्याची प्रशंसा करत मनोगत व्यक्त केले. याव्यतिरिक्त, दि. २३/०५/२०२६ रोजी सकाळी सिद्धार्थ उद्यान येथे मलेरिया विभागामार्फतही त्यांचा निरोप समारंभ पार पडला, जिथे अधिकारी व कर्मचाऱ्यांनी त्यांच्या कार्यपद्धती, नेतृत्व आणि योगदानाचे कौतुक केले. त्यांना शाल, श्रीफळ आणि पुष्पगुच्छ देऊन सन्मानित करण्यात आले, तसेच उपस्थितांनी पुढील वाटचालीस शुभेच्छा दिल्या. यावेळी डॉ. कविता मंडलेचा, डॉ. सय्यद सुमैय्या, डॉ. आदित्यकुमार जोशी, श्रीमती मनीषा ठाकरे, मिलिंद जबांगी, दिगंबर कोथळकर, निखिल ठाकरे, दानिश सिद्दीकी तसेच मलेरिया पर्यवेक्षक आणि फवारणी कर्मचारी मोठ्या संख्येने उपस्थित होते.

छत्रपती संभाजीनगर गुन्हे शाखा पोलिसांनी बकरी ईदच्या पार्श्वभूमीवर गोवंश तस्करांविरोधात जिल्हाभरात कारवाई करत विविध गुन्हे दाखल केले आहेत. ही मोहीम जिल्ह्यातील सर्व भागांत राबवण्यात आली.

बकरी ईद निमित्ताने छत्रपती संभाजीनगर (औरंगाबाद) शहर पोलीस प्रशासनाने गोवंशीय जनावरांची कुर्बानी न करण्याचे आवाहन केले आहे. यासाठी शहर पोलीस आयुक्त प्रवीण पवार साहेब यांनी शहरातील मुस्लिम धर्मगुरुंसोबत बैठक घेतली. या बैठकीत मुस्लिम धर्मगुरुंनी पोलीस प्रशासनाच्या आवाहनाला सकारात्मक प्रतिसाद दिला. त्यांनी गोवंशीय जनावरांची कुर्बानी होणार नाही असे आश्वासन दिले, तसेच मुस्लिम समाजाला गोवंशीय जनावरांची कुर्बानी न करण्याचे आवाहनही केले. या प्रयत्नात कोणी आढळल्यास, ती व्यक्ती स्वतः जबाबदार असेल असेही यावेळी स्पष्ट करण्यात आले.

नाशिक जिल्ह्याच्या मनमाड शहरात इंधन कंपन्यांचे डेपो रविवारीही सुरु ठेवण्यात आले आहेत.

अखिल भारतीय मराठी चित्रपट महामंडळाचे विद्यमान अध्यक्ष मेघराज राजे भोसले यांनी महामंडळाचे माजी अध्यक्ष तथा अभिनेते विजय पाटकर यांच्या आरोपांना 'खणखणीत' प्रत्युत्तर दिले आहे. चित्रपट महामंडळाच्या निवडणुकीसंदर्भात निर्माण झालेल्या परिस्थितीवर भोसले यांनी पाटकर यांच्याकडे थेट प्रश्न उपस्थित केले आहेत. त्यांनी विचारले आहे की, चित्रपट महामंडळाची दिशाभूल कोणी केली आणि ४५ हजार 'अ' वर्ग सभासदांचा मतदान हक्क कोणी हिरावून घेतला? या सर्व प्रश्नांची उत्तरे विजय पाटकर यांनी द्यावीत, अशी स्पष्ट मागणी मेघराज राजे भोसले यांनी केली आहे.

पानी रेखा नाईक ताडा पानी पैयला नाही

आज छत्रपती संभाजीनगर शहरातील गांधेली परिसरातून पालकमंत्री संजय शिरसाठ रस्त्याने जात असताना त्यांच्यासमोरच मोटारसायकलवरील तीन तरुणांचा अपघात झाला. अपघात पाहताच पालकमंत्र्यांनी तात्काळ घटनास्थळी थांबून जखमी तरुणांची विचारपूस केली. वेळ न दवडता, पालकमंत्र्यांनी या जखमी तरुणांना आपल्या स्वतःच्या वाहनातून रुग्णालयात पोहोचवून उपचारासाठी दाखल केले. पालकमंत्र्यांनी दाखवलेल्या या तत्परतेमुळे अपघातग्रस्त तरुणांना वेळेत वैद्यकीय मदत मिळाली.

फुलंब्री नगरपंचायत कार्यालयासमोर घरकुल लाभार्थ्यांचे सुरू असलेले आमरण उपोषण लेखी पत्र मिळाल्यानंतर मागे घेण्यात आले आहे. लाभार्थ्यांनी आपली मागणी पूर्ण होण्यासाठी हे उपोषण सुरू केले होते, जे आता लेखी पत्रामुळे स्थगित झाले.

नाशिक जिल्ह्याच्या मालेगावात जोरदार वादळी वाऱ्यासह पावसाने हजेरी लावली.