తెలంగాణ రాష్ట్ర ప్రభుత్వం 30-05-2026న విడుదల చేసిన జీఓ ఎంఎస్ నెం.6 ద్వారా కనీస వేతనాలను సవరిస్తూ, కార్మికులను మూడు జోన్లుగా, నాలుగు కేటగిరీలుగా విభజించింది. ఈ జీఓ ప్రకారం కరీంనగర్ జిల్లాలోని పాల డైరీలు, సా మిల్లులు, షాప్స్ అండ్ ఎస్టాబ్లిష్మెంట్స్, పెట్రోల్ బంకులు, హాస్పిటల్స్ అండ్ నర్సింగ్ హోమ్ లలో వేతనాలు చెల్లించాలని సీఐటీయూ రాష్ట్ర ఉపాధ్యక్షులు ఎస్వీ రమ గారు డిమాండ్ చేశారు. సీఐటీయూ జిల్లా కార్యాలయం ముకుందలాల్ మిశ్రా భవన్‌లో ఏర్పాటు చేసిన ప్రెస్ మీట్‌లో సీఐటీయూ జిల్లా అధ్యక్ష, కార్యదర్శులు యు శ్రీనివాస్, గీట్ల ముకుంద రెడ్డి, ఉపాధ్యక్షులు ఎం శ్రీలత, సహాయ కార్యదర్శులు కొప్పుల శంకర్, పున్నం రవి, జి రాజేశం గార్లతో కలిసి ఆమె మాట్లాడారు. రాష్ట్ర ప్రభుత్వం విద్యుత్ రంగంలో "రైతు డిస్కాం" పేరుతో కొత్త డిస్కాంను ఏర్పాటు చేయడం రైతులు, సామాన్య, మధ్యతరగతి వినియోగదారులకు తీవ్ర నష్టదాయకమని, దీనిని వెంటనే రద్దు చేయాలని సీఐటీయూ డిమాండ్ చేసింది. అప్పుల ఊబిలో కూరుకుపోయిన డిస్కాంలకు రాష్ట్ర ప్రభుత్వం చెల్లించాల్సిన రూ.45,398 కోట్లను వెంటనే విడుదల చేయాలని కూడా సీఐటీయూ కోరింది. రైతులు, సామాన్య, మధ్యతరగతి విద్యుత్ వినియోగదారులకు పెను భారం కానున్న డిస్కాంల ప్రైవేటీకరణకు వ్యతిరేకంగా సీఐటీయూ, రైతు సంఘం, వ్యవసాయ కార్మిక సంఘం ఆధ్వర్యంలో గ్రామీణ స్థాయి వరకు సభలు, సమావేశాలు, ప్రజా ఆందోళన కార్యక్రమాలు చేపడతామని ఈ సందర్భంగా తెలిపారు. అలాగే, ఆర్టీసీ సమ్మె సందర్భంగా రాష్ట్ర ప్రభుత్వం ఇచ్చిన హామీలన్నింటినీ అమలు చేయాలని, పెండింగ్‌లో ఉన్న సమస్యలపై కార్మిక సంఘాలతో ఈడీ కమిటీ చర్చలు జరపాలని డిమాండ్ చేశారు. విద్యుత్ బస్సులను ఆర్టీసీ నడిపేలా విధాన మార్పులు చేయాలని, ఉద్యోగ భద్రత కల్పించాలని, మహాలక్ష్మి పథకం కింద ఆర్టీసీకి రావాల్సిన బకాయిలు చెల్లించాలని కోరారు. ఆశా వర్కర్లకు కనీస వేతనం రూ.18,000/- పెంచి, రూ.50 లక్షల బీమా, రూ.50,000 మట్టి ఖర్చులు, రిటైర్మెంట్ బెనిఫిట్లు వంటి సౌకర్యాలు అమలు చేసి, కేంద్ర ప్రభుత్వం పెంచిన రూ.1500/- పారితోషికాలను చెల్లించాలని డిమాండ్ చేశారు. ఐసీడీఎస్ ను బలోపేతం చేయాలని, ప్రీ ప్రైమరీ, పీఎం శ్రీ విద్యను అంగన్వాడీలకే ఇవ్వాలని, రూ.18,000/- కనీస వేతనం చెల్లించాలని, చట్టబద్ధ సౌకర్యాలు కల్పించాలని కోరారు. వైద్య ఆరోగ్య శాఖ సిబ్బందికి పని భారాన్ని తగ్గించి వేధింపులు ఆపాలని, 104 సిబ్బందికి 14 నెలల వేతన బకాయిలు చెల్లించాలని, ప్రభుత్వ ఆసుపత్రులలోని పేషంట్ కేర్, శానిటేషన్, సెక్యూరిటీ వంటి కాంట్రాక్టు కార్మికుల వేతనాలను పెంచాలని అన్నారు. గ్రామపంచాయతీ మల్టీపర్పస్ వర్కర్ పని విధానాన్ని రద్దు చేసి 5 నెలల బకాయి వేతనాలు వెంటనే చెల్లించాలని, 2వ పీఆర్సీ ప్రకారం కనీస వేతనం నిర్ణయించి, గ్రీన్ ఛానల్ ద్వారా వేతనాలు చెల్లించాలని డిమాండ్ చేశారు. మున్సిపల్ సిబ్బందిని పర్మినెంట్ చేయాలని, అర్హత కలిగిన వారికి ప్రమోషన్లు కల్పించాలని, అనారోగ్యానికి గురైన వారికి, 60 సంవత్సరాలు పైబడిన వారికి, ప్రమాదంలో మరణించిన వారికి, దీర్ఘకాలంగా సెలవులో ఉన్న కార్మికుల స్థానంలో వారి కుటుంబ సభ్యులను నియమించాలని కోరారు. భవన నిర్మాణ కార్మికులకు (సీఎస్‌సీ) హెల్త్ టెస్టులు రద్దు చేసి, ఇన్సూరెన్స్ కంపెనీలు ఇచ్చిన స్కీంలను ఉపసంహరించాలని, హమాలీలందరికీ వెల్ఫేర్ బోర్డు ఏర్పాటు చేసి సంక్షేమ పథకాలు అమలు చేయాలని డిమాండ్ చేశారు. రాష్ట్ర ప్రభుత్వం కార్మిక సమస్యల పట్ల నిర్లక్ష్య ధోరణితో ఉందని పేర్కొంటూ, ఈ నేపథ్యంలో కార్మికులు మరిన్ని సమరశీల పోరాటాలకు సిద్ధం కావాలని సీఐటీయూ పిలుపునిచ్చింది.

శాతవాహన కరీంనగర్

కరీంనగర్ రూరల్, కరీంనగర్, తెలంగాణ•

22 hrs ago

తెలంగాణ రాష్ట్ర ప్రభుత్వం 30-05-2026న విడుదల చేసిన జీఓ ఎంఎస్ నెం.6 ద్వారా కనీస వేతనాలను సవరిస్తూ, కార్మికులను మూడు జోన్లుగా, నాలుగు కేటగిరీలుగా విభజించింది. ఈ జీఓ ప్రకారం కరీంనగర్ జిల్లాలోని పాల డైరీలు, సా మిల్లులు, షాప్స్ అండ్ ఎస్టాబ్లిష్మెంట్స్, పెట్రోల్ బంకులు, హాస్పిటల్స్ అండ్ నర్సింగ్ హోమ్ లలో వేతనాలు చెల్లించాలని సీఐటీయూ రాష్ట్ర ఉపాధ్యక్షులు ఎస్వీ రమ గారు డిమాండ్ చేశారు. సీఐటీయూ జిల్లా కార్యాలయం ముకుందలాల్ మిశ్రా భవన్‌లో ఏర్పాటు చేసిన ప్రెస్ మీట్‌లో సీఐటీయూ జిల్లా అధ్యక్ష, కార్యదర్శులు యు శ్రీనివాస్, గీట్ల ముకుంద రెడ్డి, ఉపాధ్యక్షులు ఎం శ్రీలత, సహాయ కార్యదర్శులు కొప్పుల శంకర్, పున్నం రవి, జి రాజేశం గార్లతో కలిసి ఆమె మాట్లాడారు. రాష్ట్ర ప్రభుత్వం విద్యుత్ రంగంలో "రైతు డిస్కాం" పేరుతో కొత్త డిస్కాంను ఏర్పాటు చేయడం రైతులు, సామాన్య, మధ్యతరగతి వినియోగదారులకు తీవ్ర నష్టదాయకమని, దీనిని వెంటనే రద్దు చేయాలని సీఐటీయూ డిమాండ్ చేసింది. అప్పుల ఊబిలో కూరుకుపోయిన డిస్కాంలకు రాష్ట్ర ప్రభుత్వం చెల్లించాల్సిన రూ.45,398 కోట్లను వెంటనే విడుదల చేయాలని కూడా సీఐటీయూ కోరింది.

రైతులు, సామాన్య, మధ్యతరగతి విద్యుత్ వినియోగదారులకు పెను భారం కానున్న డిస్కాంల ప్రైవేటీకరణకు వ్యతిరేకంగా సీఐటీయూ, రైతు సంఘం, వ్యవసాయ కార్మిక సంఘం ఆధ్వర్యంలో గ్రామీణ స్థాయి వరకు సభలు, సమావేశాలు, ప్రజా ఆందోళన కార్యక్రమాలు చేపడతామని ఈ సందర్భంగా తెలిపారు. అలాగే, ఆర్టీసీ సమ్మె సందర్భంగా రాష్ట్ర ప్రభుత్వం ఇచ్చిన హామీలన్నింటినీ అమలు చేయాలని, పెండింగ్‌లో ఉన్న సమస్యలపై కార్మిక సంఘాలతో ఈడీ కమిటీ చర్చలు జరపాలని డిమాండ్ చేశారు. విద్యుత్ బస్సులను ఆర్టీసీ నడిపేలా విధాన మార్పులు చేయాలని, ఉద్యోగ భద్రత కల్పించాలని, మహాలక్ష్మి పథకం కింద ఆర్టీసీకి రావాల్సిన బకాయిలు చెల్లించాలని కోరారు. ఆశా వర్కర్లకు కనీస వేతనం రూ.18,000/- పెంచి, రూ.50 లక్షల బీమా, రూ.50,000 మట్టి ఖర్చులు, రిటైర్మెంట్ బెనిఫిట్లు వంటి సౌకర్యాలు అమలు చేసి, కేంద్ర ప్రభుత్వం పెంచిన రూ.1500/- పారితోషికాలను చెల్లించాలని డిమాండ్ చేశారు. ఐసీడీఎస్ ను బలోపేతం చేయాలని, ప్రీ ప్రైమరీ, పీఎం శ్రీ విద్యను అంగన్వాడీలకే ఇవ్వాలని, రూ.18,000/- కనీస వేతనం చెల్లించాలని, చట్టబద్ధ సౌకర్యాలు కల్పించాలని కోరారు. వైద్య ఆరోగ్య శాఖ సిబ్బందికి పని భారాన్ని తగ్గించి

వేధింపులు ఆపాలని, 104 సిబ్బందికి 14 నెలల వేతన బకాయిలు చెల్లించాలని, ప్రభుత్వ ఆసుపత్రులలోని పేషంట్ కేర్, శానిటేషన్, సెక్యూరిటీ వంటి కాంట్రాక్టు కార్మికుల వేతనాలను పెంచాలని అన్నారు. గ్రామపంచాయతీ మల్టీపర్పస్ వర్కర్ పని విధానాన్ని రద్దు చేసి 5 నెలల బకాయి వేతనాలు వెంటనే చెల్లించాలని, 2వ పీఆర్సీ ప్రకారం కనీస వేతనం నిర్ణయించి, గ్రీన్ ఛానల్ ద్వారా వేతనాలు చెల్లించాలని డిమాండ్ చేశారు. మున్సిపల్ సిబ్బందిని పర్మినెంట్ చేయాలని, అర్హత కలిగిన వారికి ప్రమోషన్లు కల్పించాలని, అనారోగ్యానికి గురైన వారికి, 60 సంవత్సరాలు పైబడిన వారికి, ప్రమాదంలో మరణించిన వారికి, దీర్ఘకాలంగా సెలవులో ఉన్న కార్మికుల స్థానంలో వారి కుటుంబ సభ్యులను నియమించాలని కోరారు. భవన నిర్మాణ కార్మికులకు (సీఎస్‌సీ) హెల్త్ టెస్టులు రద్దు చేసి, ఇన్సూరెన్స్ కంపెనీలు ఇచ్చిన స్కీంలను ఉపసంహరించాలని, హమాలీలందరికీ వెల్ఫేర్ బోర్డు ఏర్పాటు చేసి సంక్షేమ పథకాలు అమలు చేయాలని డిమాండ్ చేశారు. రాష్ట్ర ప్రభుత్వం కార్మిక సమస్యల పట్ల నిర్లక్ష్య ధోరణితో ఉందని పేర్కొంటూ, ఈ నేపథ్యంలో కార్మికులు మరిన్ని సమరశీల పోరాటాలకు సిద్ధం కావాలని సీఐటీయూ పిలుపునిచ్చింది.