पालघर जिल्ह्यातील बोईसर औद्योगिक परिसरातील एवरलूस टेक्सटाइल (ई-३६/२) या कारखान्यात काम करताना साईनाथ जाधव हा कामगार उंचावरून पडून गंभीर जखमी झाल्याची घटना घडली आहे. या अपघातात साईनाथ यांच्या कंबरेला गंभीर दुखापत झाली असून रक्तस्राव झाल्याचा दावा त्यांच्या नातेवाईकांनी केला आहे. अपघातानंतर जखमी कामगाराला तातडीने रुग्णालयात न पाठवता काही काळ कारखान्यातच थांबवून ठेवल्याचा गंभीर आरोपही नातेवाईकांकडून करण्यात आला आहे. मिळालेल्या माहितीनुसार, जखमी साईनाथ जाधव याला सुरुवातीला टीमा रुग्णालयात नेण्यात आले होते. मात्र, प्रकृतीत अपेक्षित सुधारणा न झाल्याने त्याला पुढील उपचारासाठी खाजगी सिटी रुग्णालयात दाखल करण्यात आले असून सध्या त्याच्यावर उपचार सुरू आहेत. अपघातानंतर सुरुवातीला कंपनीचा कोणताही अधिकारी रुग्णालयात उपस्थित नव्हता, परंतु ही घटना प्रसारमाध्यमांपर्यंत पोहोचल्यानंतर कंपनीचे काही अधिकारी रुग्णालयात आल्याचे सांगण्यात आले आहे. वेळेवर वैद्यकीय मदत न मिळाल्याबद्दल नातेवाईकांनी तीव्र नाराजी व्यक्त केली आहे. या घटनेनंतर उद्योगातील कामगारांची सुरक्षा केवळ कागदोपत्रीच आहे का, असा प्रश्न उपस्थित केला जात आहे. उंचावर काम करणाऱ्या या कर्मचाऱ्याला आवश्यक सुरक्षा साधने उपलब्ध करून दिली होती का आणि कारखान्यात सुरक्षा नियमांचे पालन झाले होते का, याची सखोल चौकशी करण्याची मागणी होत आहे. कारखाना सुरक्षा व आरोग्य संचालनालय फॅक्टरी निरीक्षक, कामगार आयुक्त कार्यालय आणि बोईसर पोलिस यांनी या अपघाताची चौकशी करून वस्तुस्थिती स्पष्ट करावी, अशी मागणी कामगार व नागरिकांकडून केली जात आहे. चौकशीत सुरक्षा नियमांचे उल्लंघन किंवा निष्काळजीपणा आढळल्यास संबंधितांवर कायदेशीर कारवाई करण्याची मागणी करण्यात आली असून, या प्रकरणावर कंपनीची अधिकृत प्रतिक्रिया मिळणे अद्याप बाकी आहे.

अमोल काळे

Newspaper advertising department पालघर, पालघर, महाराष्ट्र•

9 hrs ago

पालघर जिल्ह्यातील बोईसर औद्योगिक परिसरातील एवरलूस टेक्सटाइल (ई-३६/२) या कारखान्यात काम करताना साईनाथ जाधव हा कामगार उंचावरून पडून गंभीर जखमी झाल्याची घटना घडली आहे. या अपघातात साईनाथ यांच्या कंबरेला गंभीर दुखापत झाली असून रक्तस्राव झाल्याचा दावा त्यांच्या नातेवाईकांनी केला आहे. अपघातानंतर जखमी कामगाराला तातडीने रुग्णालयात न पाठवता काही काळ कारखान्यातच थांबवून ठेवल्याचा गंभीर आरोपही नातेवाईकांकडून करण्यात आला आहे. मिळालेल्या माहितीनुसार, जखमी साईनाथ जाधव याला सुरुवातीला टीमा रुग्णालयात नेण्यात आले होते. मात्र, प्रकृतीत अपेक्षित सुधारणा न झाल्याने त्याला पुढील उपचारासाठी खाजगी सिटी रुग्णालयात दाखल करण्यात आले असून सध्या त्याच्यावर उपचार सुरू आहेत. अपघातानंतर सुरुवातीला कंपनीचा कोणताही अधिकारी रुग्णालयात उपस्थित नव्हता, परंतु ही घटना प्रसारमाध्यमांपर्यंत पोहोचल्यानंतर कंपनीचे काही अधिकारी रुग्णालयात आल्याचे सांगण्यात आले आहे. वेळेवर वैद्यकीय मदत न मिळाल्याबद्दल नातेवाईकांनी तीव्र नाराजी व्यक्त केली आहे. या घटनेनंतर उद्योगातील कामगारांची सुरक्षा केवळ कागदोपत्रीच आहे का, असा प्रश्न उपस्थित केला जात आहे. उंचावर काम करणाऱ्या या कर्मचाऱ्याला आवश्यक सुरक्षा साधने उपलब्ध करून दिली होती का आणि कारखान्यात सुरक्षा नियमांचे पालन झाले होते का, याची सखोल चौकशी करण्याची मागणी होत आहे. कारखाना सुरक्षा व आरोग्य संचालनालय फॅक्टरी निरीक्षक, कामगार आयुक्त कार्यालय आणि बोईसर पोलिस यांनी या अपघाताची चौकशी करून वस्तुस्थिती स्पष्ट करावी, अशी मागणी कामगार व नागरिकांकडून केली जात आहे. चौकशीत सुरक्षा नियमांचे उल्लंघन किंवा निष्काळजीपणा आढळल्यास संबंधितांवर कायदेशीर कारवाई करण्याची मागणी करण्यात आली असून, या प्रकरणावर कंपनीची अधिकृत प्रतिक्रिया मिळणे अद्याप बाकी आहे.