सराईत मटका-जुगार अड्डा चालकावर ‘एमपीडीए’ अंतर्गत कारवाई; आरोपी अमरावती कारागृहात स्थानबद्ध पिंपरी-चिंचवड पोलिसांची मोठी कारवाई; १८ गुन्ह्यांतील आरोपी रफीक काझी वर्षभरासाठी ताब्यात पिंपरी-चिंचवड: प्रतिनिधी दक्षिण महाळुंगे एमआयडीसी पोलीस ठाण्याच्या हद्दीत सराईतपणे मटका आणि जुगार अड्डे चालविणाऱ्या आरोपीवर पिंपरी-चिंचवड पोलिसांनी कठोर कारवाई करत ‘एमपीडीए’ कायद्यान्वये स्थानबद्ध केले आहे. रफीक शगीर काझी (वय ३९, रा. चाकण) असे आरोपीचे नाव असून त्याच्यावर एकूण १८ गुन्हे दाखल असल्याची माहिती पोलिसांनी दिली. शहरातील वाढत्या अवैध धंद्यांवर आळा घालण्यासाठी पोलीस आयुक्त विनयकुमार चौबे यांनी कठोर कारवाईचे आदेश दिले होते. त्यानुसार दक्षिण महाळुंगे एमआयडीसी परिसरात सातत्याने बेकायदेशीर मटका आणि जुगार व्यवसाय चालवणाऱ्या आरोपी काझी याच्यावर विशेष लक्ष ठेवण्यात आले होते. पोलिस तपासात काझी हा “कल्याण मटका”च्या नावाखाली जुगार अड्डे चालवत असल्याचे निष्पन्न झाले. त्याच्या विरोधात विविध गुन्ह्यांअंतर्गत एकूण १८ प्रकरणे दाखल झाली होती. त्यामुळे त्याच्याविरोधात प्रतिबंधात्मक कारवाई करण्याचा प्रस्ताव तयार करण्यात आला. हा प्रस्ताव पोलीस उप आयुक्त श्वेता खेडकर यांच्या मार्गदर्शनाखाली सादर करण्यात आला. सदर प्रस्तावाची पडताळणी केल्यानंतर पोलीस आयुक्तांनी आरोपी रफीक काझी याला ‘एमपीडीए’ (महाराष्ट्र प्रतिबंधक ताबा कायदा) अंतर्गत एक वर्षासाठी स्थानबद्ध करण्याचे आदेश दिले. मात्र, आदेशानंतर आरोपी फरार झाला होता. त्याचा शोध घेण्यासाठी पोलिसांनी तांत्रिक विश्लेषणासह गुप्त बातमीदारांची मदत घेतली. अखेर पोलिसांनी सापळा रचत आरोपीला ताब्यात घेतले आणि २१ एप्रिल २०२६ रोजी त्याला मध्यवर्ती कारागृह अमरावती येथे स्थानबद्ध करण्यात आले. या कारवाईमुळे परिसरातील अवैध जुगार व्यवसायावर मोठा आळा बसेल, अशी अपेक्षा व्यक्त केली जात आहे. ही संपूर्ण कारवाई वरिष्ठ पोलीस अधिकाऱ्यांच्या मार्गदर्शनाखाली पार पडली. यामध्ये सह पोलीस आयुक्त, अप्पर पोलीस आयुक्त तसेच गुन्हे शाखेच्या अधिकाऱ्यांनी सक्रिय सहभाग घेतला. वरिष्ठ पोलीस निरीक्षक विजय ढमाळ, पोलीस निरीक्षक अनिल देवडे आणि त्यांच्या पथकाने या कारवाईत महत्त्वाची भूमिका बजावली. पोलिसांनी दिलेल्या माहितीनुसार, शहरात सुरू असलेल्या अवैध मटका व जुगार व्यवसायांवर पुढील काळातही अशीच कठोर कारवाई सुरू राहणार आहे. गुन्हेगारी प्रवृत्तीच्या व्यक्तींवर प्रतिबंधात्मक उपाययोजना करून कायदा व सुव्यवस्था अबाधित ठेवण्याचा निर्धार पोलिसांनी व्यक्त केला आहे.

NEWS 24 MAHARASHTRA

Media house पिंपरी चिंचवड, पुणे, महाराष्ट्र•

2 hrs ago

सराईत मटका-जुगार अड्डा चालकावर ‘एमपीडीए’ अंतर्गत कारवाई; आरोपी अमरावती कारागृहात स्थानबद्ध पिंपरी-चिंचवड पोलिसांची मोठी कारवाई; १८ गुन्ह्यांतील आरोपी रफीक काझी वर्षभरासाठी ताब्यात पिंपरी-चिंचवड: प्रतिनिधी दक्षिण महाळुंगे एमआयडीसी पोलीस ठाण्याच्या हद्दीत सराईतपणे मटका आणि जुगार अड्डे चालविणाऱ्या आरोपीवर पिंपरी-चिंचवड पोलिसांनी कठोर कारवाई करत ‘एमपीडीए’ कायद्यान्वये स्थानबद्ध केले आहे. रफीक शगीर काझी (वय ३९, रा. चाकण) असे आरोपीचे नाव असून त्याच्यावर एकूण १८ गुन्हे दाखल असल्याची माहिती पोलिसांनी दिली. शहरातील वाढत्या अवैध धंद्यांवर आळा घालण्यासाठी पोलीस आयुक्त विनयकुमार चौबे यांनी कठोर कारवाईचे आदेश दिले होते. त्यानुसार दक्षिण महाळुंगे एमआयडीसी परिसरात सातत्याने बेकायदेशीर मटका आणि जुगार व्यवसाय चालवणाऱ्या आरोपी काझी याच्यावर विशेष लक्ष ठेवण्यात आले होते. पोलिस तपासात काझी हा “कल्याण मटका”च्या नावाखाली जुगार अड्डे चालवत असल्याचे निष्पन्न झाले. त्याच्या विरोधात विविध गुन्ह्यांअंतर्गत एकूण १८ प्रकरणे दाखल झाली होती. त्यामुळे त्याच्याविरोधात प्रतिबंधात्मक कारवाई करण्याचा प्रस्ताव तयार करण्यात आला. हा प्रस्ताव पोलीस उप आयुक्त श्वेता खेडकर यांच्या मार्गदर्शनाखाली सादर करण्यात आला. सदर प्रस्तावाची पडताळणी केल्यानंतर पोलीस आयुक्तांनी आरोपी रफीक काझी याला ‘एमपीडीए’ (महाराष्ट्र प्रतिबंधक ताबा कायदा) अंतर्गत एक वर्षासाठी स्थानबद्ध करण्याचे आदेश दिले. मात्र, आदेशानंतर आरोपी फरार झाला होता. त्याचा शोध घेण्यासाठी पोलिसांनी तांत्रिक विश्लेषणासह गुप्त बातमीदारांची मदत घेतली. अखेर पोलिसांनी सापळा रचत आरोपीला ताब्यात घेतले आणि २१ एप्रिल २०२६ रोजी त्याला मध्यवर्ती कारागृह अमरावती येथे स्थानबद्ध करण्यात आले. या कारवाईमुळे परिसरातील अवैध जुगार व्यवसायावर मोठा आळा बसेल, अशी अपेक्षा व्यक्त केली जात आहे. ही संपूर्ण कारवाई वरिष्ठ पोलीस अधिकाऱ्यांच्या मार्गदर्शनाखाली पार पडली. यामध्ये सह पोलीस आयुक्त, अप्पर पोलीस आयुक्त तसेच गुन्हे शाखेच्या अधिकाऱ्यांनी सक्रिय सहभाग घेतला. वरिष्ठ पोलीस निरीक्षक विजय ढमाळ, पोलीस निरीक्षक अनिल देवडे आणि त्यांच्या पथकाने या कारवाईत महत्त्वाची भूमिका बजावली. पोलिसांनी दिलेल्या माहितीनुसार, शहरात सुरू असलेल्या अवैध मटका व जुगार व्यवसायांवर पुढील काळातही अशीच कठोर कारवाई सुरू राहणार आहे. गुन्हेगारी प्रवृत्तीच्या व्यक्तींवर प्रतिबंधात्मक उपाययोजना करून कायदा व सुव्यवस्था अबाधित ठेवण्याचा निर्धार पोलिसांनी व्यक्त केला आहे.