ବାରିପଦାର ଅମ୍ବିକା ମନ୍ଦିର ନିକଟରେ ଗଣେଶ ପୂଜା; ମୁଖ୍ୟ ଆକର୍ଷଣ ସାଜିଛନ୍ତି ଛୁଆ ଗଣେଶ ମୂର୍ତ୍ତି ବାରିପଦା ସହରର ୱାର୍ଡ ନମ୍ବର ୦୫ ସ୍ଥିତ ଅମ୍ବିକା ମନ୍ଦିର ନିକଟରେ ସାର୍ବଜନୀନ 'ଆମ ଖଟି ପିଲା' ଗଣେଶ ପୂଜା କମିଟି ପକ୍ଷରୁ ମହାସମାରୋହରେ ପବିତ୍ର ଶ୍ରୀ ଗଣେଶ ପୂଜା ଆୟୋଜିତ ହୋଇଯାଇଛି। ଚଳିତ ବର୍ଷ ଏହି ପୂଜା ଆୟୋଜନ ସଫଳତାର ସହ ୪ର୍ଥ ବର୍ଷରେ ପଦାର୍ପଣ କରିଛି। ଏହି ପୂଜା ମଣ୍ଡପର ମୁଖ୍ୟ ଆକର୍ଷଣ ପାଲଟିଛି ପ୍ରଭୁ ଗଜାନନଙ୍କର ଏକ ସୁଦୃଶ୍ୟ 'ଛୁଆ ଗଣେଶ' (ବାଲ୍ୟ ରୂପ) ମୂର୍ତ୍ତି। ମଣ୍ଡପରେ ଅତ୍ୟନ୍ତ ସୁନ୍ଦର ଭାବରେ ଶୋଭା ପାଉଥିବା ଗଣେଶଙ୍କର ଏହି ନିଆରା ବାଲ୍ୟ ରୂପ ସ୍ଥାନୀୟ ଶ୍ରଦ୍ଧାଳୁ ତଥା ଦର୍ଶକଙ୍କ ମନକୁ ବେଶ୍ ମୋହୁଛି। କମିଟିର ସମସ୍ତ ଯୁବ ସଦସ୍ୟ ଓ କର୍ମକର୍ତ୍ତାମାନଙ୍କ ନିଷ୍ଠାପର ଉଦ୍ୟମ ଯୋଗୁଁ ଏହି ବାର୍ଷିକୋତ୍ସବ ଖୁବ୍ ଆନନ୍ଦ ଉଲ୍ଲାସ, ଆଧ୍ୟାତ୍ମିକ ତଥା ଭକ୍ତିମୟ ପରିବେଶ ମଧ୍ୟରେ ପାଳିତ ହେଉଛି। ଠାକୁରଙ୍କ ଦର୍ଶନ ତଥା ପୂଜାର୍ଚ୍ଚନା ନିମନ୍ତେ ମଣ୍ଡପ ନିକଟରେ ବହୁ ଶ୍ରଦ୍ଧାଳୁଙ୍କର ସମାଗମ ଦେଖିବାକୁ ମିଳିଛି।

Mayurbhanj Public News

ବାରିପଦା ଟାଉନ୍, ମୟୂରଭଞ୍ଜ, ଓଡ଼ିଶା•

23 hrs ago

ବାରିପଦାର ଅମ୍ବିକା ମନ୍ଦିର ନିକଟରେ ଗଣେଶ ପୂଜା; ମୁଖ୍ୟ ଆକର୍ଷଣ ସାଜିଛନ୍ତି ଛୁଆ ଗଣେଶ ମୂର୍ତ୍ତି ବାରିପଦା ସହରର ୱାର୍ଡ ନମ୍ବର ୦୫ ସ୍ଥିତ ଅମ୍ବିକା ମନ୍ଦିର ନିକଟରେ ସାର୍ବଜନୀନ 'ଆମ ଖଟି ପିଲା' ଗଣେଶ ପୂଜା କମିଟି ପକ୍ଷରୁ ମହାସମାରୋହରେ ପବିତ୍ର ଶ୍ରୀ ଗଣେଶ ପୂଜା ଆୟୋଜିତ ହୋଇଯାଇଛି। ଚଳିତ ବର୍ଷ ଏହି ପୂଜା ଆୟୋଜନ ସଫଳତାର ସହ ୪ର୍ଥ ବର୍ଷରେ ପଦାର୍ପଣ କରିଛି। ଏହି ପୂଜା ମଣ୍ଡପର ମୁଖ୍ୟ ଆକର୍ଷଣ ପାଲଟିଛି ପ୍ରଭୁ ଗଜାନନଙ୍କର ଏକ ସୁଦୃଶ୍ୟ 'ଛୁଆ ଗଣେଶ' (ବାଲ୍ୟ ରୂପ) ମୂର୍ତ୍ତି। ମଣ୍ଡପରେ ଅତ୍ୟନ୍ତ ସୁନ୍ଦର ଭାବରେ ଶୋଭା ପାଉଥିବା ଗଣେଶଙ୍କର ଏହି ନିଆରା ବାଲ୍ୟ ରୂପ ସ୍ଥାନୀୟ ଶ୍ରଦ୍ଧାଳୁ ତଥା ଦର୍ଶକଙ୍କ ମନକୁ ବେଶ୍ ମୋହୁଛି। କମିଟିର ସମସ୍ତ ଯୁବ ସଦସ୍ୟ ଓ କର୍ମକର୍ତ୍ତାମାନଙ୍କ ନିଷ୍ଠାପର ଉଦ୍ୟମ ଯୋଗୁଁ ଏହି ବାର୍ଷିକୋତ୍ସବ ଖୁବ୍ ଆନନ୍ଦ ଉଲ୍ଲାସ, ଆଧ୍ୟାତ୍ମିକ ତଥା ଭକ୍ତିମୟ ପରିବେଶ ମଧ୍ୟରେ ପାଳିତ ହେଉଛି। ଠାକୁରଙ୍କ ଦର୍ଶନ ତଥା ପୂଜାର୍ଚ୍ଚନା ନିମନ୍ତେ ମଣ୍ଡପ ନିକଟରେ ବହୁ ଶ୍ରଦ୍ଧାଳୁଙ୍କର ସମାଗମ ଦେଖିବାକୁ ମିଳିଛି।