ग्रामीण पोलीस अधीक्षक निकेतन कदम यांनी तक्रार निवारण दिनानिमित्त दत्तापूर पोलीस ठाण्यास भेट दिली. यावेळी त्यांनी नागरिकांच्या विविध समस्या व तक्रारी जाणून घेतल्या. अधीक्षकांनी पोलीस ठाण्याची सविस्तर पाहणी करत अधिकारी, अमलदार व कर्मचाऱ्यांशी संवाद साधला. त्यांनी कायदा व सुव्यवस्था अधिक प्रभावीपणे राखण्यासाठी आवश्यक सूचना व मार्गदर्शन केले. विविध भागांतून आलेल्या नागरिकांच्या तक्रारी त्यांनी संयमाने ऐकून घेतल्या आणि संबंधित अधिकाऱ्यांना त्यांच्या तत्काळ निराकरणाच्या सूचना दिल्या. याव्यतिरिक्त, काही आरोपींना पोलीस ठाण्यात बोलावून त्यांना कायद्याचे पालन करण्याबाबत समुपदेशनही करण्यात आले. त्यांनी शहर व परिसरातील अवैध धंद्यांवर कठोर कारवाई करून ते पूर्णपणे बंद ठेवण्यावर भर देणार असल्याचे स्पष्ट केले. यावेळी शांतता समितीचे सदस्य, पोलीस पाटील संघटनेचे पदाधिकारी, शहरातील प्रतिष्ठित नागरिक, सामाजिक कार्यकर्ते व पत्रकार मोठ्या संख्येने उपस्थित होते. ग्रामीण पोलीस अधीक्षक कदम यांनी उपस्थितांशी हितगुज करत त्यांच्या अडचणी व सूचना जाणून घेतल्या आणि पोलीस प्रशासनाकडून सर्वतोपरी सहकार्य करण्याचे आश्वासन दिले. तसेच, महिला व मुलींच्या सुरक्षेसाठी पोलीस प्रशासन कटिबद्ध असून, नागरिकांनी कोणत्याही आपत्कालीन प्रसंगी ११२ या हेल्पलाईन क्रमांकाचा जास्तीत जास्त वापर करावा, असे आवाहनही त्यांनी केले. ग्रामीण पोलीस अधीक्षकांच्या आगमनावेळी उपस्थित मान्यवरांनी पुष्पगुच्छ देऊन त्यांचे स्वागत केले. कार्यक्रमास दत्तापूर पोलीस स्टेशनचे सर्व अधिकारी, अमलदार व कर्मचारी उपस्थित होते. या तक्रार निवारण दिनामुळे नागरिकांना थेट वरिष्ठ अधिकाऱ्यांसमोर आपली मते व समस्या मांडण्याची संधी मिळाल्याने समाधान व्यक्त करण्यात आले.

Santosh Waghmare

T. V. News Reporter Dhamangaon Railway, Amravati•

1 hr ago

ग्रामीण पोलीस अधीक्षक निकेतन कदम यांनी तक्रार निवारण दिनानिमित्त दत्तापूर पोलीस ठाण्यास भेट दिली. यावेळी त्यांनी नागरिकांच्या विविध समस्या व तक्रारी जाणून घेतल्या. अधीक्षकांनी पोलीस ठाण्याची सविस्तर पाहणी करत अधिकारी, अमलदार व कर्मचाऱ्यांशी संवाद साधला. त्यांनी कायदा व सुव्यवस्था अधिक प्रभावीपणे राखण्यासाठी आवश्यक सूचना व मार्गदर्शन केले. विविध भागांतून आलेल्या नागरिकांच्या तक्रारी त्यांनी संयमाने ऐकून घेतल्या आणि संबंधित अधिकाऱ्यांना त्यांच्या तत्काळ निराकरणाच्या सूचना दिल्या. याव्यतिरिक्त, काही आरोपींना पोलीस ठाण्यात बोलावून त्यांना कायद्याचे पालन करण्याबाबत समुपदेशनही करण्यात आले. त्यांनी शहर व परिसरातील अवैध धंद्यांवर कठोर कारवाई करून ते पूर्णपणे बंद ठेवण्यावर भर देणार असल्याचे स्पष्ट केले. यावेळी शांतता समितीचे सदस्य, पोलीस पाटील संघटनेचे पदाधिकारी, शहरातील प्रतिष्ठित नागरिक, सामाजिक कार्यकर्ते व पत्रकार मोठ्या संख्येने उपस्थित होते. ग्रामीण पोलीस अधीक्षक कदम यांनी उपस्थितांशी हितगुज करत त्यांच्या अडचणी व सूचना जाणून घेतल्या आणि पोलीस प्रशासनाकडून सर्वतोपरी सहकार्य करण्याचे आश्वासन दिले. तसेच, महिला व मुलींच्या सुरक्षेसाठी पोलीस प्रशासन कटिबद्ध असून, नागरिकांनी कोणत्याही आपत्कालीन प्रसंगी ११२ या हेल्पलाईन क्रमांकाचा जास्तीत जास्त वापर करावा, असे आवाहनही त्यांनी केले. ग्रामीण पोलीस अधीक्षकांच्या आगमनावेळी उपस्थित मान्यवरांनी पुष्पगुच्छ देऊन त्यांचे स्वागत केले. कार्यक्रमास दत्तापूर पोलीस स्टेशनचे सर्व अधिकारी, अमलदार व कर्मचारी उपस्थित होते. या तक्रार निवारण दिनामुळे नागरिकांना थेट वरिष्ठ अधिकाऱ्यांसमोर आपली मते व समस्या मांडण्याची संधी मिळाल्याने समाधान व्यक्त करण्यात आले.