*नाशिक येथे साहित्यरत्न लोकशाहीर अण्णाभाऊ साठे स्मारक लोकार्पण सोहळ्यात मंत्री छगन भुजबळ यांचे प्रतिपादन* *नाशिक, दि.१ ऑगस्ट:-* साहित्यरत्न लोकशाहीर अण्णाभाऊ साठे हे केवळ साहित्यिक नव्हते, तर ते एका युगाचे नाव होते. त्यांनी आपल्या लेखणीच्या आणि शाहिरीच्या माध्यमातून वंचित, शोषित, कष्टकरी, भटक्या-विमुक्त, दलित आणि बहुजन समाजाच्या वेदनांना शब्द दिले. अण्णाभाऊ साठे यांचे स्मारक ही केवळ वास्तू नसून सामाजिक न्याय, समता, श्रमप्रतिष्ठा आणि परिवर्तनाच्या विचारांचे प्रेरणास्थान आहे, असे प्रतिपादन राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी केले. नाशिक येथे आयोजित साहित्यरत्न लोकशाहीर अण्णाभाऊ साठे स्मारक लोकार्पण सोहळ्यात ते बोलत होते. यावेळी जलसंपदा मंत्री गिरीश महाजन, आमदार प्रा. देवयानी फरांदे, आमदार हिरामण खोसकर, महापौर हिमगौरी आडके, उत्सव समिती अध्यक्ष विनायक पांडे, स्थायी समिती सभापती मच्छिंद्र सानप, राष्ट्रवादी काँग्रेसचे शहराध्यक्ष रंजन ठाकरे, सुहास फरांदे, सुधाकर बडगुजर, शाम बडोदे, शाहू खैरे, सुरेश पाटील, आर. डी. धोंगडे, आदिती पांडे, राहुल शेलार, मयुरी पवार, संध्या कुलकर्णी, विश्वास कांबळे, भारत जाधव तसेच स्मारकाचे वास्तुविशारद शाम लोंढे यांच्यासह विविध क्षेत्रातील मान्यवर उपस्थित होते. यावेळी मंत्री छगन भुजबळ म्हणाले की, अण्णाभाऊ साठे यांनी स्वतः शिक्षणासाठी संघर्ष केला. उपासमार, दारिद्र्य आणि अपार हालअपेष्टा सहन करत त्यांनी आपल्या लेखनातून समाजातील तळागाळातील माणसांचे जीवन जगासमोर मांडले. त्यांच्या साहित्यामध्ये कृत्रिमता नव्हती, तर वास्तव होते; कल्पनाविलास नव्हता, तर कष्टकरी माणसांच्या जीवनातील वेदना, संघर्ष आणि स्वाभिमान होता. अण्णाभाऊ साठे यांनी उच्चारलेले "ही पृथ्वी शेषाच्या मस्तकावर नाही, तर कष्टकरी कामगारांच्या तळहातावर तरलेली आहे. गोरगरिबांच्या श्रमिकांच्या खांद्यावर उभी आहे," हे वाक्य आजही श्रमाला प्रतिष्ठा देणारे आणि सामाजिक न्यायाचा मार्ग दाखवणारे आहे. या एका वाक्यात त्यांनी श्रमिकांच्या योगदानाचा सर्वोच्च गौरव केला असून, समाजाचा खरा आधार हा श्रम करणारा सामान्य माणूस असल्याचे अधोरेखित केले आहे. यावेळी मंत्री भुजबळ यांनी स्मशानभूमीत राखेचे काम करणाऱ्या मातंग समाजातील महिलांच्या प्रश्नाकडेही लक्ष वेधले. या महिलांना त्यांच्या श्रमाचा योग्य सन्मान, आवश्यक सुविधा आणि न्याय मिळावा, यासाठी महानगरपालिकेने सकारात्मक निर्णय घेण्याची गरज असल्याचे त्यांनी स्पष्ट केले. ते पुढे म्हणाले की, अण्णाभाऊ साठे यांनी ३५ हून अधिक कादंबऱ्या, असंख्य कथा, पोवाडे, लावण्या, शाहिरी, लोकनाट्य आणि गीते लिहून मराठी साहित्य समृद्ध केले. त्यांच्या 'फकिरा' या कादंबरीचा रशियन भाषेत झालेला अनुवाद हा मराठी साहित्याच्या जागतिक गुणवत्तेचा सन्मान आहे. त्यांच्या साहित्याने केवळ मनोरंजन केले नाही, तर समाजपरिवर्तनाची मशाल पेटवली असल्याचे त्यांनी सांगितले. ते म्हणाले की, त्यांच्या शाहिरीने महाराष्ट्र जागा झाला, त्यांच्या गीतांनी कष्टकरी वर्गाला संघर्षाची प्रेरणा दिली, त्यांच्या पोवाड्यांनी अन्यायाविरुद्ध लढण्याचे धैर्य निर्माण केले आणि त्यांच्या लावण्यांनी समाजातील विसंगतींवर प्रभावी भाष्य केले. त्यामुळेच अण्णाभाऊ साठे यांना 'लोकशाहीर' ही उपाधी जनतेने बहाल केली असल्याचे त्यांनी सांगितले. ते पुढे म्हणाले की, "जग बदल घालुनी घाव, सांगुनी गेले मला भीमराव" या ओळीतून अण्णाभाऊ साठे यांनी भारतरत्न डॉ. बाबासाहेब आंबेडकरांच्या विचारांना आपल्या शाहिरीतून जनमानसात पोहोचवले. समता, बंधुता आणि सामाजिक न्यायाचा संदेश त्यांनी आयुष्यभर दिला. संयुक्त महाराष्ट्र चळवळीतही अण्णाभाऊ साठे यांचे योगदान अत्यंत महत्त्वपूर्ण राहिले. त्यांनी आपल्या ज्वलंत शाहिरी, पोवाडे, लावण्या आणि लोकनाट्यांच्या माध्यमातून गावोगावी फिरून संयुक्त महाराष्ट्राची जनजागृती केली. त्यांच्या प्रभावी सादरीकरणामुळे सामान्य जनतेमध्ये मराठी अस्मिता आणि लढ्याची जिद्द निर्माण झाली. "माझी मैना गावावर राहिली, माझ्या जिवाची होतिया काहिली" हे त्यांचे अजरामर गीत वरकरणी विरहगीत वाटत असले तरी त्यामध्ये मुंबईपासून वेगळ्या झालेल्या महाराष्ट्राची वेदना आणि मराठी अस्मितेचे प्रतीकात्मक चित्रण असल्याचे मंत्री भुजबळ यांनी नमूद केले. तसेच अण्णाभाऊ साठे यांचे स्मारक हे पुढील पिढ्यांना त्यांच्या संघर्षमय जीवनाची, साहित्यसंपदेची आणि सामाजिक परिवर्तनाच्या विचारांची प्रेरणा देणारे केंद्र ठरेल. त्यांच्या विचारांचा वारसा जतन करणे आणि समतेच्या समाजनिर्मितीसाठी त्यांचे कार्य पुढे नेणे, हीच त्यांना खरी आदरांजली ठरेल, असे आवाहन मंत्री छगन भुजबळ यांनी यावेळी केले.

Kapil Katyare

Photographer नाशिक, नाशिक, महाराष्ट्र•

4 hrs ago

*नाशिक येथे साहित्यरत्न लोकशाहीर अण्णाभाऊ साठे स्मारक लोकार्पण सोहळ्यात मंत्री छगन भुजबळ यांचे प्रतिपादन* *नाशिक, दि.१ ऑगस्ट:-* साहित्यरत्न लोकशाहीर अण्णाभाऊ साठे हे केवळ साहित्यिक नव्हते, तर ते एका युगाचे नाव होते. त्यांनी आपल्या लेखणीच्या आणि शाहिरीच्या माध्यमातून वंचित, शोषित, कष्टकरी, भटक्या-विमुक्त, दलित आणि बहुजन समाजाच्या वेदनांना शब्द दिले. अण्णाभाऊ साठे यांचे स्मारक ही केवळ वास्तू नसून सामाजिक न्याय, समता, श्रमप्रतिष्ठा आणि परिवर्तनाच्या विचारांचे प्रेरणास्थान आहे, असे प्रतिपादन राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी केले. नाशिक येथे आयोजित साहित्यरत्न लोकशाहीर अण्णाभाऊ साठे स्मारक लोकार्पण सोहळ्यात ते बोलत होते. यावेळी जलसंपदा मंत्री गिरीश महाजन, आमदार प्रा. देवयानी फरांदे, आमदार हिरामण खोसकर, महापौर हिमगौरी आडके, उत्सव समिती अध्यक्ष विनायक पांडे, स्थायी समिती सभापती मच्छिंद्र सानप, राष्ट्रवादी काँग्रेसचे शहराध्यक्ष रंजन ठाकरे, सुहास फरांदे, सुधाकर बडगुजर, शाम बडोदे, शाहू खैरे, सुरेश पाटील, आर. डी. धोंगडे,

आदिती पांडे, राहुल शेलार, मयुरी पवार, संध्या कुलकर्णी, विश्वास कांबळे, भारत जाधव तसेच स्मारकाचे वास्तुविशारद शाम लोंढे यांच्यासह विविध क्षेत्रातील मान्यवर उपस्थित होते. यावेळी मंत्री छगन भुजबळ म्हणाले की, अण्णाभाऊ साठे यांनी स्वतः शिक्षणासाठी संघर्ष केला. उपासमार, दारिद्र्य आणि अपार हालअपेष्टा सहन करत त्यांनी आपल्या लेखनातून समाजातील तळागाळातील माणसांचे जीवन जगासमोर मांडले. त्यांच्या साहित्यामध्ये कृत्रिमता नव्हती, तर वास्तव होते; कल्पनाविलास नव्हता, तर कष्टकरी माणसांच्या जीवनातील वेदना, संघर्ष आणि स्वाभिमान होता. अण्णाभाऊ साठे यांनी उच्चारलेले "ही पृथ्वी शेषाच्या मस्तकावर नाही, तर कष्टकरी कामगारांच्या तळहातावर तरलेली आहे. गोरगरिबांच्या श्रमिकांच्या खांद्यावर उभी आहे," हे वाक्य आजही श्रमाला प्रतिष्ठा देणारे आणि सामाजिक न्यायाचा मार्ग दाखवणारे आहे. या एका वाक्यात त्यांनी श्रमिकांच्या योगदानाचा सर्वोच्च गौरव केला असून, समाजाचा खरा आधार हा श्रम करणारा सामान्य माणूस असल्याचे अधोरेखित केले आहे. यावेळी मंत्री भुजबळ यांनी स्मशानभूमीत राखेचे काम करणाऱ्या मातंग समाजातील महिलांच्या

प्रश्नाकडेही लक्ष वेधले. या महिलांना त्यांच्या श्रमाचा योग्य सन्मान, आवश्यक सुविधा आणि न्याय मिळावा, यासाठी महानगरपालिकेने सकारात्मक निर्णय घेण्याची गरज असल्याचे त्यांनी स्पष्ट केले. ते पुढे म्हणाले की, अण्णाभाऊ साठे यांनी ३५ हून अधिक कादंबऱ्या, असंख्य कथा, पोवाडे, लावण्या, शाहिरी, लोकनाट्य आणि गीते लिहून मराठी साहित्य समृद्ध केले. त्यांच्या 'फकिरा' या कादंबरीचा रशियन भाषेत झालेला अनुवाद हा मराठी साहित्याच्या जागतिक गुणवत्तेचा सन्मान आहे. त्यांच्या साहित्याने केवळ मनोरंजन केले नाही, तर समाजपरिवर्तनाची मशाल पेटवली असल्याचे त्यांनी सांगितले. ते म्हणाले की, त्यांच्या शाहिरीने महाराष्ट्र जागा झाला, त्यांच्या गीतांनी कष्टकरी वर्गाला संघर्षाची प्रेरणा दिली, त्यांच्या पोवाड्यांनी अन्यायाविरुद्ध लढण्याचे धैर्य निर्माण केले आणि त्यांच्या लावण्यांनी समाजातील विसंगतींवर प्रभावी भाष्य केले. त्यामुळेच अण्णाभाऊ साठे यांना 'लोकशाहीर' ही उपाधी जनतेने बहाल केली असल्याचे त्यांनी सांगितले. ते पुढे म्हणाले की, "जग बदल घालुनी घाव, सांगुनी गेले मला भीमराव" या ओळीतून अण्णाभाऊ साठे यांनी

भारतरत्न डॉ. बाबासाहेब आंबेडकरांच्या विचारांना आपल्या शाहिरीतून जनमानसात पोहोचवले. समता, बंधुता आणि सामाजिक न्यायाचा संदेश त्यांनी आयुष्यभर दिला. संयुक्त महाराष्ट्र चळवळीतही अण्णाभाऊ साठे यांचे योगदान अत्यंत महत्त्वपूर्ण राहिले. त्यांनी आपल्या ज्वलंत शाहिरी, पोवाडे, लावण्या आणि लोकनाट्यांच्या माध्यमातून गावोगावी फिरून संयुक्त महाराष्ट्राची जनजागृती केली. त्यांच्या प्रभावी सादरीकरणामुळे सामान्य जनतेमध्ये मराठी अस्मिता आणि लढ्याची जिद्द निर्माण झाली. "माझी मैना गावावर राहिली, माझ्या जिवाची होतिया काहिली" हे त्यांचे अजरामर गीत वरकरणी विरहगीत वाटत असले तरी त्यामध्ये मुंबईपासून वेगळ्या झालेल्या महाराष्ट्राची वेदना आणि मराठी अस्मितेचे प्रतीकात्मक चित्रण असल्याचे मंत्री भुजबळ यांनी नमूद केले. तसेच अण्णाभाऊ साठे यांचे स्मारक हे पुढील पिढ्यांना त्यांच्या संघर्षमय जीवनाची, साहित्यसंपदेची आणि सामाजिक परिवर्तनाच्या विचारांची प्रेरणा देणारे केंद्र ठरेल. त्यांच्या विचारांचा वारसा जतन करणे आणि समतेच्या समाजनिर्मितीसाठी त्यांचे कार्य पुढे नेणे, हीच त्यांना खरी आदरांजली ठरेल, असे आवाहन मंत्री छगन भुजबळ यांनी यावेळी केले.