বিধায়ক শ্বেৰমান আলী আহমেদে ৰাস্তা আৰু দলঙৰ নিৰ্মাণ কাৰ্যত বাধা প্ৰদান কৰা লোকসকলক এক কঠোৰ সকীয়নি জাৰি কৰিছে। তেওঁ স্পষ্টভাৱে সকীয়াই দিছে যে যদি ৰাস্তা-দলঙৰ কামত কোনোৱে বাধা দিয়ে, তেন্তে সেই স্থানত ৰাস্তাও নহ'ব আৰু দলঙও নিৰ্মাণ নহ'ব।

বৰপেটা জিলাৰ কয়াকুছিৰ কুৰিহা গাঁৱত সংঘটিত এক চাঞ্চল্যকৰ ঘটনাত পৰকীয়া সম্পৰ্কৰ অভিযোগক কেন্দ্ৰ কৰি পুনৰ এখন সুখৰ সংসাৰ ছাৰখাৰ হোৱাৰ খবৰ আহিছে। এই ঘটনাত স্বামী ছাইফুল ইছলামৰ বিৰুদ্ধে তেওঁৰ পত্নীক ৪ বছৰীয়া কন্যা সন্তানসহ ঘৰৰ পৰা উলিয়াই দিয়াৰ গুৰুতৰ অভিযোগ উত্থাপন হৈছে।

চেঙা সমষ্টিৰ গোমাফুলবাৰী চৰত এখন জৰাজীৰ্ণ বাঁহৰ দলংক কেন্দ্ৰ কৰি তীব্ৰ সমস্যাৰ সৃষ্টি হৈছে। শতাধিক পৰিয়ালৰ যাতায়াতৰ একমাত্ৰ ভৰসা এই দলংখন বৰ্তমান বিপদজনক হৈ পৰিছে, যাৰ ফলত কণ-কণ ছাত্ৰ-ছাত্ৰীসহ স্থানীয় ৰাইজে নিত্যদিনে নিজৰ জীৱনক বাজি ৰাখি পাৰাপাৰ কৰিবলগীয়া হৈছে। স্থায়ী দলং নিৰ্মাণৰ দাবীত এতিয়া অঞ্চলবাসী সৰব হৈ পৰিছে। স্থানীয় ৰাইজৰ অভিযোগ অনুসৰি, চৰকাৰী সাহায্য নোপোৱাত তিনিবছৰ পূৰ্বে নিজা ধনেৰে এই বাঁহৰ দলংখন নিৰ্মাণ কৰা হৈছিল। কিন্তু সময়ৰ লগে লগে দলংখন জৰাজীৰ্ণ হৈ পৰাত ই বৰ্তমান যিকোনো সময়তে দুৰ্ঘটনাৰ কাৰণ হ’ব পাৰে। প্ৰতিদিনে বিদ্যালয়গামী ছাত্ৰ-ছাত্ৰী, কৃষক, শ্ৰমিক, ব্যৱসায়ী, বৃদ্ধ-বৃদ্ধাসহ শতাধিক লোকে এই দলংখন ব্যৱহাৰ কৰে। অভিভাৱকসকল বিশেষকৈ ছাত্ৰ-ছাত্ৰীসকলৰ সুৰক্ষাক লৈ গভীৰভাৱে উদ্বিগ্ন হৈ পৰিছে। ৰাইজে বহুবছৰ ধৰি স্থায়ী দলং নিৰ্মাণৰ দাবী উত্থাপন কৰি আহিলেও এতিয়ালৈকে কোনো ফলপ্ৰসূ পদক্ষেপ গ্ৰহণ নকৰাৰ অভিযোগ তুলিছে। ফলত চৰৰ বাসিন্দাসকলে নিত্যদিনে যাতায়াতৰ ক্ষেত্ৰত বিভিন্ন দুৰ্ভোগৰ সন্মুখীন হ’বলগীয়া হৈছে। এই সমস্যাৰ প্ৰতি লক্ষ্য ৰাখি অঞ্চলবাসীয়ে চেঙা সমষ্টিৰ বিধায়ক আব্দুৰ ৰহিম আহমেদ আৰু বৰপেটা জিলা প্ৰশাসনক বিষয়টোত জৰুৰী ভিত্তিত হস্তক্ষেপ কৰি এখন স্থায়ী কাঠ অথবা পকী দলং নিৰ্মাণৰ ব্যৱস্থা গ্ৰহণ কৰিবলৈ আহ্বান জনাইছে।

নলবাৰী জিলাৰ বৰক্ষেত্ৰীৰ ১ নং জয়সাগৰত আন্ত:ৰাষ্ট্ৰীয় হিন্দু পৰিষদ আৰু ৰাষ্ট্ৰীয় বজৰং দলে প্ৰতিষ্ঠা দিৱস পালন কৰে। এই উপলক্ষে নলবাৰীৰ বিভিন্ন প্ৰান্তত সমদল উলিওৱা হয়।

mofidul islam

বঙাইগাঁও জিলাৰ বইটামাৰীস্থিত নিত্যবজাৰত এজন গৃহৰক্ষী জোৱানৰ ৰহস্যজনক মৃত্যু হৈছে। এই ঘটনা নিত্যবজাৰৰ ৰাখালঠাকুৰ বন শিৱিৰত সংঘটিত হয়। মৃত জোৱানজনক বঙাইগাঁও জিলাৰ কায়েথপাৰাৰ আবুল কালাম বুলি চিনাক্ত কৰা হৈছে। সূত্ৰ অনুসৰি, গৃহৰক্ষী জোৱানজন ৰাখালঠাকুৰ বন শিৱিৰৰ বন কৰ্মীসকলৰ সৈতে নিশা এক অভিযানত ওলাই গৈছিল। কিন্তু কি কাৰণত আৰু কেনেকৈ তেওঁৰ মৃত্যু হ'ল, সেই বিষয়ে এতিয়ালৈকে কোনো তথ্য পোহৰলৈ অহা নাই। সম্প্ৰতি আবুল কালামৰ মৃতদেহ ধুবুৰী জিলাৰ চাপৰ থানাত ৰখা হৈছে।

জ্যেষ্ঠ সাংবাদিক নিতুমণি শইকীয়াই মন্তব্য কৰিছে যে এতিয়া সাংবাদিকতা কেৱল সেৱা হৈ থকা নাই, বৰং ই এটা বৃত্তিত পৰিণত হৈছে।

কী পাঞোৰ জিলাৰ য়াজালিত অৱস্থিত পঞোৰ হাইড্ৰ’পাৱাৰ প্ৰজেক্টৰ ওচৰৰ নিপকো কলনী নামে জনপ্ৰিয় ৪৩ কিলোমিটাৰ অঞ্চলটো এক ভয়াৱহ আকস্মিক বানপানীৰ কবলত পৰিছে। প্ৰাপ্ত খবৰ অনুসৰি, এই আকস্মিক বানপানীয়ে চহৰখনৰ প্ৰায় ৪০ শতাংশ অংশ পানীৰ সোঁতে উটুৱাই লৈ গৈছে। ইয়াৰ ফলত কেইবাজনো লোক পানীত ডুব যোৱাৰো আশংকা প্ৰকাশ কৰা হৈছে। অবিৰত ধাৰাসাৰ বৰষুণৰ ফলত বৰ্তমানৰ পৰিস্থিতি অধিক জটিল আৰু উদ্বেগজনক হৈ পৰিছে।

পৰ্যটকৰ বাবে মানাহ ৰাষ্ট্ৰীয় উদ্যান বন্ধ ঘোষণা কৰা হৈছে। অৱশ্যে, ৰাষ্ট্ৰীয় উদ্যানৰ সীমান্তত থকা ব্লেক পেন্থাৰ বিচৰণ এলেকাৰ দক্ষিণ পথটো পৰ্যটকৰ বাবে মুকলি থাকিব।

কলগাছিয়াৰ সাওঁৰাচৰা গাঁৱত বেঁকী নদীৰ ভয়ংকৰ খহনীয়াই এক ভয়াৱহ পৰিস্থিতিৰ সৃষ্টি কৰিছে। এই খহনীয়াত এটা অংগনবাড়ী কেন্দ্ৰ আৰু এখন প্ৰাথমিক বিদ্যালয় সম্পূৰ্ণৰূপে জাহ গৈছে। বিগত এমাহৰ ভিতৰতে নদীৰ গ্ৰাসত প্ৰায় কুৰিটা পৰিয়ালৰ ঘৰ-দুৱাৰ উটি যোৱাৰ ফলত তেওঁলোক গৃহহাৰা হৈ পৰিছে। বিদ্যালয় গৃহটো নদীয়ে ভাঙি নিয়াত অঞ্চলটোত পাঠদান প্ৰক্ৰিয়াও গুৰুতৰভাৱে ব্যাহত হৈ পৰিছে। এনে জটিল পৰিস্থিতিত ৰাইজে জিঅ' বেগ ব্যৱহাৰ কৰি বিজ্ঞানসন্মতভাৱে খহনীয়া প্ৰতিৰোধৰ ব্যৱস্থা গ্ৰহণ কৰিবলৈ সংশ্লিষ্ট কৰ্তৃপক্ষক দাবী জনাইছে।