जळगाव जामोद येथील निमखेडी वन विभाग तपासणी नाक्यावर अन्न व औषध प्रशासनाच्या (FDA) पथकाने धाडसी कारवाई करत २२ लाख ३७ हजार ५०० रुपयांचा प्रतिबंधित सुगंधी गुटखा व पानमसाला जप्त केला आहे. १० जुलै २०२६ रोजी रात्री २:३० च्या सुमारास मिळालेल्या गुप्त माहितीवरून अन्न सुरक्षा अधिकारी गुलाबसिंग वसावे यांच्या नेतृत्वाखाली ही नाकाबंदी करण्यात आली होती. यावेळी टाटा इंट्रा गोल्ड (क्र. MAT 535508TYC15411) या वाहनाची तपासणी केली असता, त्यात १० लाख ३९ हजार ५०० रुपये किमतीची ११,५५० पाकिट्स, ६ लाख ९३ हजार रुपये किमतीची ११,५५० पाकिट्स असा साठा, ५ लाख रुपयांचे वाहन आणि ५ हजार रुपयांचा मोबाईल असा एकूण २२ लाख ३७ हजार ५०० रुपयांचा मुद्देमाल जप्त करण्यात आला. कारवाईदरम्यान वाहनाचा चालक पोलिसांना चकवा देऊन पसार झाला आहे. ही कारवाई शिवसेना (उबाठा) जिल्हाप्रमुख गजानन वाघ यांनी १ जुलै रोजी दिलेल्या तक्रारीची दखल घेत करण्यात आली आहे. गुन्हा दाखल झाल्यानंतर, वाघ यांनी हा केवळ एक ट्रक नसून हे मोठे रॅकेट असल्याचे नमूद करत, फरार चालक आणि या प्रकरणातील मुख्य सूत्रधाराला त्वरित अटक करून त्यांच्यावर 'मकोका' (MCOCA) अंतर्गत कठोर कारवाई करण्याची मागणी लावून धरली आहे. तसेच तालुक्यातील इतर अवैध गुटखा वाहतुकीचा शोध घेण्याची मागणीही त्यांनी केली आहे. फिर्यादी अन्न सुरक्षा अधिकारी गुलाबसिंग वसावे यांच्या तक्रारीवरून जळगाव जामोद पोलीस स्टेशनमध्ये फरार चालकाविरुद्ध भारतीय न्याय संहिता (BNS) कलम २२३, २७४, २७५, १२३ आणि अन्न सुरक्षा मानके कायदा २००६ च्या विविध कलमान्वये गुन्हा दाखल करण्यात आला आहे. ठाणेदार सचिन बागुल यांच्या मार्गदर्शनाखाली पोलीस उपनिरीक्षक गणेश कायंदे या प्रकरणाचा पुढील तपास करत आहेत.

अनिल भगत पत्रकार

जळगाव (जामोद), बुलढाणा, महाराष्ट्र•

1 day ago

जळगाव जामोद येथील निमखेडी वन विभाग तपासणी नाक्यावर अन्न व औषध प्रशासनाच्या (FDA) पथकाने धाडसी कारवाई करत २२ लाख ३७ हजार ५०० रुपयांचा प्रतिबंधित सुगंधी गुटखा व पानमसाला जप्त केला आहे. १० जुलै २०२६ रोजी रात्री २:३० च्या सुमारास मिळालेल्या गुप्त माहितीवरून अन्न सुरक्षा अधिकारी गुलाबसिंग वसावे यांच्या नेतृत्वाखाली ही नाकाबंदी करण्यात आली होती. यावेळी टाटा इंट्रा गोल्ड (क्र. MAT 535508TYC15411) या वाहनाची तपासणी केली असता, त्यात १० लाख ३९ हजार ५०० रुपये किमतीची ११,५५० पाकिट्स, ६ लाख ९३ हजार रुपये किमतीची ११,५५० पाकिट्स असा साठा, ५ लाख रुपयांचे वाहन आणि ५ हजार रुपयांचा मोबाईल असा एकूण २२ लाख ३७ हजार ५०० रुपयांचा मुद्देमाल जप्त करण्यात आला. कारवाईदरम्यान वाहनाचा चालक पोलिसांना चकवा देऊन पसार झाला आहे. ही कारवाई शिवसेना (उबाठा) जिल्हाप्रमुख गजानन वाघ यांनी १ जुलै रोजी दिलेल्या तक्रारीची दखल घेत करण्यात आली आहे. गुन्हा दाखल झाल्यानंतर, वाघ यांनी हा केवळ एक ट्रक नसून हे मोठे रॅकेट असल्याचे नमूद करत, फरार चालक आणि या प्रकरणातील मुख्य सूत्रधाराला त्वरित अटक करून त्यांच्यावर 'मकोका' (MCOCA) अंतर्गत कठोर कारवाई करण्याची मागणी लावून धरली आहे. तसेच तालुक्यातील इतर अवैध गुटखा वाहतुकीचा शोध घेण्याची मागणीही त्यांनी केली आहे. फिर्यादी अन्न सुरक्षा अधिकारी गुलाबसिंग वसावे यांच्या तक्रारीवरून जळगाव जामोद पोलीस स्टेशनमध्ये फरार चालकाविरुद्ध भारतीय न्याय संहिता (BNS) कलम २२३, २७४, २७५, १२३ आणि अन्न सुरक्षा मानके कायदा २००६ च्या विविध कलमान्वये गुन्हा दाखल करण्यात आला आहे. ठाणेदार सचिन बागुल यांच्या मार्गदर्शनाखाली पोलीस उपनिरीक्षक गणेश कायंदे या प्रकरणाचा पुढील तपास करत आहेत.