প্ৰধানমন্ত্ৰী নৰেন্দ্ৰ মোডীৰ ভাৰতৰ প্ৰধানমন্ত্ৰী হিচাপে ১২ বছৰীয়া কাৰ্যকাল সফলতাৰে সম্পূৰ্ণ হোৱাৰ পৰিপ্ৰেক্ষিতত তিনিচুকীয়া জিলাত ১৮ জুনৰ পৰা তিনিদিনীয়া কাৰ্যসূচীৰে 'জনকল্যাণ শিবিৰ'ৰ আয়োজন কৰা হৈছে। এই কাৰ্যসূচীৰ অংশ হিচাপে আজি তিনিচুকীয়া পৌৰসভাৰ উদ্যোগত গেলাপুখুৰীস্থিত কনভেনচন চেন্টাৰত এক 'জনকল্যাণ শিবিৰ' সফলতাৰে অনুষ্ঠিত হৈ যায়। এই গুৰুত্বপূৰ্ণ কাৰ্যসূচীত তিনিচুকীয়া বিধানসভা সমষ্টিৰ বিধায়ক পুলক গোহাঁই, তিনিচুকীয়া পৌৰসভাৰ অধ্যক্ষ পুলক চেতিয়া, উপাধ্যক্ষা ইন্দিৰা ৰয়, তিনিচুকীয়া উন্নয়ন প্ৰাধিকৰণৰ সভাপতি কাজল গোহাঁই, এ.পি.ডি.চি.এলৰ অধ্যক্ষ ভবেন শৰ্মা আৰু অসম হাইড্ৰ' কাৰ্বন লিমিটেডৰ উপাধ্যক্ষ শিৱজী ডুবে উপস্থিত থাকে। ইয়াৰ উপৰি, সমাজকৰ্মী উজ্বল কাশ্যপৰ লগতে তিনিচুকীয়া পৌৰসভাৰ আটাইকেইটা ৱাৰ্ডৰ ৱাৰ্ড কমিছনাৰ আৰু স্থানীয় বিশিষ্ট ব্যক্তিসকলেও কাৰ্যসূচীত সক্ৰিয়ভাৱে অংশগ্ৰহণ কৰে। আজিৰ এই শিবিৰত জিলা প্ৰশাসনৰ মীন বিভাগ, কৃষি বিভাগ, অসম ৰাজ্যিক গ্ৰামীণ জীৱিকা অভিযান (ASRLM), পশুপালন ও পশু চিকিৎসা বিভাগ, জিলা শিশু সুৰক্ষা বিভাগ আৰু মহিলা আৰু শিশু উন্নয়ন বিভাগকে ধৰি কেইবাটাও গুৰুত্বপূৰ্ণ বিভাগে বিভিন্ন চৰকাৰী আচঁনিৰ সজাগতাৰ বাবে বিশেষ পদক্ষেপ গ্ৰহণ কৰে। উল্লেখ্য যে, তিনিচুকীয়া জিলাৰ আটাইকেইটা উন্নয়ন খণ্ড, পৌৰসভা আৰু টাউন কমিতিৰ উদ্যোগত জিলাখনৰ বিভিন্ন গাঁও পঞ্চায়ত আৰু চহৰ অঞ্চলত এই 'জনকল্যাণ শিবিৰ'সমূহৰ আয়োজন কৰা হৈছে। এই শিবিৰসমূহৰ জৰিয়তে সৰ্বসাধাৰণ ৰাইজক কেৱল সজাগ কৰাই নহয়, বৰঞ্চ আধাৰ কাৰ্ড, পি.এম গৰীৱ কল্যাণ যোজনা, প্ৰধানমন্ত্ৰী উজ্জ্বলা যোজনা, আয়ুষ্মান কাৰ্ড, কিষাণ ক্ৰেডিট কাৰ্ড, চ'ইল হেলথ কাৰ্ড, পিএম কিষাণ, প্ৰধানমন্ত্ৰী আৱাস যোজনা, পি.এম স্বনিধি আৰু মুখ্যমন্ত্ৰী মহিলা উদ্যমিতা আচঁনিৰ দৰে গুৰুত্বপূৰ্ণ সেৱাসমূহ পোনপটীয়াকৈ আৰু সহজভাৱে ৰাইজৰ মাজত উপলব্ধ কৰোৱাৰ ব্যৱস্থা কৰা হৈছে। এই 'জনকল্যাণ শিবিৰ'সমূহে সৰ্বসাধাৰণ ৰাইজৰ অভাৱ-অভিযোগসমূহ থিতাতে সমাধান কৰাৰ লগতে চৰকাৰী সেৱা তথা আঁচনিসমূহ পোনপটীয়াকৈ জনসাধাৰণৰ দুৱাৰদলিলৈ নিয়াত এক বলিষ্ঠ ভূমিকা পালন কৰিছে।

Tinsukia TIME

তিনিচুকীয়া, তিনিচুকীয়া, অসম•

6 hrs ago

প্ৰধানমন্ত্ৰী নৰেন্দ্ৰ মোডীৰ ভাৰতৰ প্ৰধানমন্ত্ৰী হিচাপে ১২ বছৰীয়া কাৰ্যকাল সফলতাৰে সম্পূৰ্ণ হোৱাৰ পৰিপ্ৰেক্ষিতত তিনিচুকীয়া জিলাত ১৮ জুনৰ পৰা তিনিদিনীয়া কাৰ্যসূচীৰে 'জনকল্যাণ শিবিৰ'ৰ আয়োজন কৰা হৈছে। এই কাৰ্যসূচীৰ অংশ হিচাপে আজি তিনিচুকীয়া পৌৰসভাৰ উদ্যোগত গেলাপুখুৰীস্থিত কনভেনচন চেন্টাৰত এক 'জনকল্যাণ শিবিৰ' সফলতাৰে অনুষ্ঠিত হৈ যায়। এই গুৰুত্বপূৰ্ণ কাৰ্যসূচীত তিনিচুকীয়া বিধানসভা সমষ্টিৰ বিধায়ক পুলক গোহাঁই, তিনিচুকীয়া পৌৰসভাৰ অধ্যক্ষ পুলক চেতিয়া, উপাধ্যক্ষা ইন্দিৰা ৰয়, তিনিচুকীয়া উন্নয়ন প্ৰাধিকৰণৰ সভাপতি কাজল গোহাঁই, এ.পি.ডি.চি.এলৰ অধ্যক্ষ ভবেন শৰ্মা আৰু অসম হাইড্ৰ' কাৰ্বন লিমিটেডৰ উপাধ্যক্ষ শিৱজী ডুবে উপস্থিত থাকে। ইয়াৰ উপৰি,

সমাজকৰ্মী উজ্বল কাশ্যপৰ লগতে তিনিচুকীয়া পৌৰসভাৰ আটাইকেইটা ৱাৰ্ডৰ ৱাৰ্ড কমিছনাৰ আৰু স্থানীয় বিশিষ্ট ব্যক্তিসকলেও কাৰ্যসূচীত সক্ৰিয়ভাৱে অংশগ্ৰহণ কৰে। আজিৰ এই শিবিৰত জিলা প্ৰশাসনৰ মীন বিভাগ, কৃষি বিভাগ, অসম ৰাজ্যিক গ্ৰামীণ জীৱিকা অভিযান (ASRLM), পশুপালন ও পশু চিকিৎসা বিভাগ, জিলা শিশু সুৰক্ষা বিভাগ আৰু মহিলা আৰু শিশু উন্নয়ন বিভাগকে ধৰি কেইবাটাও গুৰুত্বপূৰ্ণ বিভাগে বিভিন্ন চৰকাৰী আচঁনিৰ সজাগতাৰ বাবে বিশেষ পদক্ষেপ গ্ৰহণ কৰে। উল্লেখ্য যে, তিনিচুকীয়া জিলাৰ আটাইকেইটা উন্নয়ন খণ্ড, পৌৰসভা আৰু টাউন কমিতিৰ উদ্যোগত জিলাখনৰ বিভিন্ন গাঁও পঞ্চায়ত আৰু চহৰ অঞ্চলত এই 'জনকল্যাণ

শিবিৰ'সমূহৰ আয়োজন কৰা হৈছে। এই শিবিৰসমূহৰ জৰিয়তে সৰ্বসাধাৰণ ৰাইজক কেৱল সজাগ কৰাই নহয়, বৰঞ্চ আধাৰ কাৰ্ড, পি.এম গৰীৱ কল্যাণ যোজনা, প্ৰধানমন্ত্ৰী উজ্জ্বলা যোজনা, আয়ুষ্মান কাৰ্ড, কিষাণ ক্ৰেডিট কাৰ্ড, চ'ইল হেলথ কাৰ্ড, পিএম কিষাণ, প্ৰধানমন্ত্ৰী আৱাস যোজনা, পি.এম স্বনিধি আৰু মুখ্যমন্ত্ৰী মহিলা উদ্যমিতা আচঁনিৰ দৰে গুৰুত্বপূৰ্ণ সেৱাসমূহ পোনপটীয়াকৈ আৰু সহজভাৱে ৰাইজৰ মাজত উপলব্ধ কৰোৱাৰ ব্যৱস্থা কৰা হৈছে। এই 'জনকল্যাণ শিবিৰ'সমূহে সৰ্বসাধাৰণ ৰাইজৰ অভাৱ-অভিযোগসমূহ থিতাতে সমাধান কৰাৰ লগতে চৰকাৰী সেৱা তথা আঁচনিসমূহ পোনপটীয়াকৈ জনসাধাৰণৰ দুৱাৰদলিলৈ নিয়াত এক বলিষ্ঠ ভূমিকা পালন কৰিছে।