ସୋନପୁରର କଲ୍ୟାଣ ମଣ୍ଡପରେ ପିଏମ ସ୍ୱନିଧି ମହୋତ୍ସବର ୬ ବର୍ଷ ଅନୁଷ୍ଠିତ ହୋଇଛି।

Post by Bighne Rana

ଓଡ଼ିଶା ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ବରଗଡ଼ ଜିଲ୍ଲାର ଗାଇସିଲେଟ୍ ବ୍ଲକ ପରିସରରେ 'ବିକାଶର ଧାରା ଓଡ଼ିଶାସାରା' କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଜେପୁର ବିଧାୟକ ସନତ କୁମାର ଗଡତିଆ ପ୍ରଦୀପ ପ୍ରଜ୍ୱଳନ କରି ଏହି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଏହି ଅବସରରେ ସ୍ଥାନୀୟ ଅଧିକାରୀ, ଜନପ୍ରତିନିଧି ଏବଂ ବହୁ ସଂଖ୍ୟକ ଲୋକ ଉପସ୍ଥିତ ଥିଲେ। କାର୍ଯ୍ୟକ୍ରମରେ ବିଭିନ୍ନ ସରକାରୀ ବିଭାଗ ପକ୍ଷରୁ ଷ୍ଟଲ୍‌ ସଜା ଯାଇଥିଲା, ଯେଉଁଥିରେ ଶିକ୍ଷା, ସ୍ୱାସ୍ଥ୍ୟ, କୃଷି, ପଞ୍ଚାୟତିରାଜ, ପାନୀୟ ଜଳ, ମହିଳା ଓ ଶିଶୁ ବିକାଶ ଆଦି ବିଭାଗର ଯୋଜନା ସମ୍ପର୍କିତ ତଥ୍ୟ ଉପଲବ୍ଧ କରାଯାଇଥିଲା। ଲୋକମାନେ ଏହି ଷ୍ଟଲ୍‌ଗୁଡ଼ିକୁ ଦେଖି ସରକାରୀ ସୁବିଧା ବିଷୟରେ ସଚେତନ ହୋଇଥିଲେ। ଉଦ୍‌ଯାପନୀ ସଭାରେ ବିଧାୟକ ତାଙ୍କ ଅଭିଭାଷଣରେ କହିଥିଲେ ଯେ, ସରକାରଙ୍କ ଲକ୍ଷ୍ୟ ହେଉଛି ଗ୍ରାମାଞ୍ଚଳର ଶେଷ ଲୋକ ପର୍ଯ୍ୟନ୍ତ ବିକାଶ ପହଞ୍ଚାଇବା। ସେ ଆଶ୍ୱାସନ ଦେଇଥିଲେ ଯେ, ଗାଇସିଲେଟ୍ ବ୍ଲକରେ ରାସ୍ତା, ପାନୀୟ ଜଳ, ବିଦ୍ୟୁତ, ଶିକ୍ଷା ଓ ସ୍ୱାସ୍ଥ୍ୟ ସେବାରେ ଯେଉଁ ଉନ୍ନତି ହେଉଛି, ତାହା ଆଗାମୀ ଦିନରେ ଆହୁରି ତ୍ୱରାନ୍ୱିତ ହେବ। ବିଧାୟକ ଲୋକଙ୍କୁ ସରକାରୀ ଯୋଜନାଗୁଡ଼ିକର ସଠିକ୍ ଲାଭ ଉଠାଇବାକୁ ପରାମର୍ଶ ଦେବା ସହ କହିଥିଲେ ଯେ, ଅନେକ ସମୟରେ ସୂଚନା ଅଭାବରୁ ଲୋକେ ସୁବିଧାରୁ ବଞ୍ଚିତ ହୋଇଯାଆନ୍ତି ଏବଂ ଏହି ପ୍ରକାର କାର୍ଯ୍ୟକ୍ରମ ମାଧ୍ୟମରେ ସଚେତନତା ବୃଦ୍ଧି ପାଇବା ସହ ସମସ୍ତେ ଉନ୍ନତିର ସାଥୀ ହେବେ। ଅନ୍ୟ ଅତିଥିମାନେ ମଧ୍ୟ ମତ ପ୍ରକାଶ କରିଥିଲେ ଯେ, ଗ୍ରାମୀଣ ଅଞ୍ଚଳରେ ବିକାଶକୁ ତ୍ୱରାନ୍ୱିତ କରିବା ପାଇଁ ଜନସହଭାଗିତା ଅତ୍ୟନ୍ତ ଜରୁରୀ। ସରକାରୀ ଯୋଜନା ଓ ଲୋକଙ୍କ ସହଯୋଗ ଏକାଠି ହେଲେ ହିଁ ଉନ୍ନତି ସମ୍ଭବ ବୋଲି ସେମାନେ କହିଥିଲେ।

ବୌଦ୍ଧରେ ଚୋରଙ୍କ ପ୍ରାଦୁର୍ଭାବ ବୃଦ୍ଧି ପାଇଥିବା ବେଳେ, ବୌଦ୍ଧ ବ୍ଲକ ଅନ୍ତର୍ଗତ ଗମ୍ଭାରୀପଦର ଗ୍ରାମରେ ଏକ ଚୋରି ଘଟଣା ସାମ୍ନାକୁ ଆସିଛି। ଗତକାଲି ବିଳମ୍ବିତ ରାତିରେ ଉମେଶ ସାହୁଙ୍କ ଘରେ ଭଡ଼ାରେ ରହୁଥିବା TPSODL ଠିକାଦାର କେଶବ ଚନ୍ଦ୍ର ସାହୁଙ୍କ ଘରେ ଦୁର୍ବୃତ୍ତମାନେ ପଶି ନଗଦ ୩୦ ହଜାର ଟଙ୍କା ସହିତ ଦୁଇଟି ମୋବାଇଲ ଫୋନ ଚୋରି କରି ନେଇଛନ୍ତି। ଏହି ସମସ୍ତ ଘଟଣା କେଶବ ସାହୁଙ୍କ ଘରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି। ଚୋରି ନେଇ କେଶବ ସାହୁ ବୌଦ୍ଧ ଥାନାରେ ଏକ ଲିଖିତ ଅଭିଯୋଗ ଦାୟର କରିଛନ୍ତି। ସିସିଟିଭିରେ କଏଦ ହୋଇଥିବା ଭିଡିଓ ଫୁଟେଜ୍ ମଧ୍ୟ ବୌଦ୍ଧ ପୋଲିସକୁ ପ୍ରଦାନ କରାଯାଇଥିବା ସୂଚନା ମିଳିଛି।

ଓଡିଶା ୟୁନିୟନ ଅଫ ଜର୍ଣ୍ଣାଲିଷ୍ଟ୍ସ (ଓୟୁଜେ) ର ବଲାଙ୍ଗୀର ଶାଖା ପକ୍ଷରୁ ପାଟଣାଗଡ଼ ସହର ନିକଟସ୍ଥ ଶ୍ରୀକାନ୍ତ ପାତ୍ରଙ୍କ ଅଦ୍ୱୈତ ଉଦ୍ୟାନରେ ଏକ ଜିଲ୍ଲା କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲା ସଭାପତି ପ୍ରଦୀପ୍ତ କୁମାର ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ଜିଲ୍ଲା ସମ୍ପାଦକ ଅଭୟ ତ୍ରିପାଠୀ, ରାଜ୍ୟ ସମ୍ପାଦକ ଋତୁରାଜ ସିଂ, ପର୍ଯ୍ୟବେକ୍ଷକ ସୁରେଶ ଦାଶ, କୋଷାଧ୍ୟକ୍ଷ ଅନ୍ତର୍ଯ୍ୟାମୀ ପଶାୟତ, ପୂର୍ବତନ ଜିଲ୍ଲା ସଭାପତି ଦୀପକ ସମ୍ମାଦାର, ନିର୍ବାଚନ ଅଧିକାରୀ ତଥା ବିଜେପି ବଲାଙ୍ଗୀର ଜିଲ୍ଲା ସଭାପତି ଶ୍ରୀବତ୍ସ ବେହେରା ପ୍ରମୁଖ ମଞ୍ଚାସୀନ ଥିଲେ। ବୈଠକ ପ୍ରାରମ୍ଭରେ ବଙ୍ଗୋମୁଣ୍ଡାର ଯୁବ ସାମ୍ବାଦିକ ଅଶୋକ ନାରାୟଣ ଭୋଇଙ୍କ ଅକାଳ ବିୟୋଗରେ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା। ଏହି ଅବସରରେ ପାଟଣାଗଡ଼ର ବରିଷ୍ଠ ସାମ୍ବାଦିକ ତଥା ଓୟୁଜେର ବରିଷ୍ଠ ସଦସ୍ୟ ସଦାଶିବ ସରାପଙ୍କ ଜନ୍ମଦିନ ପାଳନ କରାଯାଇଥିଲା। ଗ୍ରାମାଞ୍ଚଳ ସ୍ତରର ସାମ୍ବାଦିକଙ୍କୁ ଆବଶ୍ୟକ ସମ୍ମାନ ମିଳୁନଥିବା ନେଇ ବୈଠକରେ ଆଲୋଚନା ହେବା ସହ ବିଗତ ବୈଠକର ପ୍ରସ୍ତାବ ଉପରେ ମଧ୍ୟ ବିସ୍ତୃତ ଆଲୋଚନା କରାଯାଇଥିଲା। ବଲାଙ୍ଗୀରରୁ ଉପଦେଷ୍ଠା ଧନମତ ପାଣିଗ୍ରାହୀ, ନବୀନ ପଶାୟତ, ପୂର୍ଣ୍ଣ ପଣ୍ଡା, ସଚିତାନନ୍ଦ ବଗର୍ତି, ଶରତ ମିଶ୍ର; ପାଟଣାଗଡ଼ରୁ ବଂଶୀଧର ସେଠ, ଉମାକାନ୍ତ ପ୍ରଧାନ, ପାର୍ଥବ ଭୋଇ, ଲଳିତ ମିଶ୍ର, କରୁଣାକର ବୁଡ଼େକ, ସୁନିଲ ଚୋପଦାର, ସଚ୍ଚିଦାନନ୍ଦ ମହାକୁର; ଟିଟିଲାଗଡ଼ରୁ ସଞ୍ଜୟ ବେହେରା, ଭଗବାନ ମହାନ୍ତି, ଅଶୋକ ତ୍ରିପାଠୀ; କଣ୍ଟାବାଞ୍ଜିରୁ ପୁଷ୍ପକେତୁ ବେହେରା, ସୁରଦାସ ବାଗ; ଏବଂ ଆଗଲପୁରରୁ ପ୍ରହଲ୍ଲାଦ କୁମ୍ଭାର ପ୍ରମୁଖ ସଦସ୍ୟ ଏହି ଗୁରୁତ୍ୱପୂର୍ଣ୍ଣ ବୈଠକରେ ଯୋଗ ଦେଇଥିଲେ। ଆଗାମୀ ଦିନରେ ସାମ୍ବାଦିକମାନଙ୍କ ସୁରକ୍ଷା, ପେନସନ ଏବଂ ଆକ୍ରିଡ଼ିଏସନ ଲାଗୁ କରିବା ପାଇଁ ରାଜ୍ୟ ସରକାରଙ୍କ ଉପରେ ଚାପ ପ୍ରୟୋଗ କରିବା ଏବଂ ଦୃଷ୍ଟି ଆକର୍ଷଣ କରିବାକୁ ନିଷ୍ପତ୍ତି ନିଆଯାଇଛି। ଏକ ପ୍ରତିନିଧି ଦଳ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ସାକ୍ଷାତ କରି ଏହି ଦାବୀଗୁଡ଼ିକ ଉପସ୍ଥାପନ କରିବେ ବୋଲି ନିଷ୍ପତ୍ତି ହୋଇଛି। ଏଥିସହ, ଅନ୍ତିମ ଜିଲ୍ଲା କାର୍ଯ୍ୟକାରିଣୀ ବୈଠକ ଆସନ୍ତା ସେପ୍ଟେମ୍ବର ମାସରେ ଟିଟିଲାଗଡ଼ ସହରରେ ଆୟୋଜନ କରିବା, ନୂତନ ସଦସ୍ୟ ଚୟନ ପ୍ରକ୍ରିୟା ଆରମ୍ଭ କରିବା, ଏବଂ ବଲାଙ୍ଗୀରରେ ଓୟୁଜେର ନିଜସ୍ୱ କୋଠା ନିର୍ମାଣ ପାଇଁ ଆବଶ୍ୟକ ପଦକ୍ଷେପ ନେବାକୁ ନିଷ୍ପତ୍ତି ହୋଇଛି। ଜିଲ୍ଲାର ସାମ୍ବାଦିକମାନଙ୍କ ବିଭିନ୍ନ ସମସ୍ୟା ଉପରେ ମଧ୍ୟ ବିସ୍ତୃତ ଆଲୋଚନା କରାଯାଇଥିଲା ଏବଂ ସେଗୁଡ଼ିକର ସମାଧାନ ପାଇଁ ବ୍ୟାପକ କାର୍ଯ୍ୟପନ୍ଥା ଗ୍ରହଣ କରିବାକୁ ନିଷ୍ପତ୍ତି ହୋଇଛି। ରାଜ୍ୟସ୍ତରୀୟ ପଦାଧିକାରୀମାନେ ବଲାଙ୍ଗୀର ଶାଖା ତାର ଗୌରବ ବଜାୟ ରଖିଥିବାରୁ ଓୟୁଜେର ଏହି ଶାଖାକୁ ପ୍ରଶଂସା କରିଛନ୍ତି।

ନୂଆଦିଲ୍ଲୀର ଉଦ୍ୟୋଗ ଭବନ ନିକଟରେ ଥିବା ଶ୍ରମିକ ବସ୍ତି ଅଞ୍ଚଳରେ ୨୦୨୬ ମସିହା ଜୁନ୍ ୨୪ ତାରିଖ ପ୍ରାୟ ୩:୦୨ ସମୟରେ ଏକ ଇଲେକ୍ଟ୍ରିକ୍ ପ୍ୟାନେଲରେ ସର୍ଟ ସର୍କିଟ୍ ଯୋଗୁଁ ଭୟଙ୍କର ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡର ଭୟାବହତା ଦେଖି ଅଞ୍ଚଳରେ ଆତଙ୍କ ଖେଳିଯାଇଥିଲା। ସୂଚନା ମିଳିବା ମାତ୍ରେ ଦମକଳ ବିଭାଗର ୨୦ଟି ଗାଡ଼ି, ଯେଉଁଥିରେ ୱାଟର ଟେଣ୍ଡର, ୱାଟର ବ୍ରାଉଜର ଏବଂ ବ୍ରିଦିଂ ଅପରେଟସ୍ ସ୍ମୋକ ଭ୍ୟାନ ସାମିଲ ଥିଲା, ଘଟଣାସ୍ଥଳରେ ପହଞ୍ଚିଥିଲା। ଦମକଳ କର୍ମଚାରୀମାନେ ଅନେକ ଘଣ୍ଟା ଧରି କଠିନ ପରିଶ୍ରମ କରି ନିଆଁକୁ ଆୟତ୍ତ କରିଥିଲେ ଏବଂ ଏହାକୁ ଶ୍ରମିକ ବସ୍ତିକୁ ବ୍ୟାପିବାରୁ ରୋକି ଦେଇଥିଲେ, ଯାହା ଫଳରେ ଏକ ବଡ଼ ଦୁର୍ଘଟଣାକୁ ଟଳାଯାଇଛି। ବର୍ତ୍ତମାନ କୁଲିଂ ଅପରେସନ୍ ଜାରି ରହିଛି। ଆଶ୍ୱସ୍ତିର ବିଷୟ ହେଉଛି, ଏପର୍ଯ୍ୟନ୍ତ କୌଣସି କ୍ଷୟକ୍ଷତି କିମ୍ବା ଆହତ ହେବାର ସୂଚନା ମିଳିନାହିଁ। ଅଗ୍ନିକାଣ୍ଡର କାରଣ ଜାଣିବା ପାଇଁ ତଦନ୍ତ ଚାଲିଛି।

କାମ୍ବାଗୁଡ଼ା ଗ୍ରାମରେ ପାନୀୟ ଜଳ ସମସ୍ୟା ଉତ୍କଟ ରୂପ ଧାରଣ କରିଛି। ଏହି ସମସ୍ୟାକୁ ନେଇ ଗ୍ରାମବାସୀମାନେ ଅସନ୍ତୋଷ ପ୍ରକାଶ କରି କୁସୁମେଣ୍ଡି ଛକରେ ରାସ୍ତା ଅବରୋଧ କରିଥିଲେ।

କେନ୍ଦ୍ରୀୟ ସାମାଜିକ ନ୍ୟାୟ ଏବଂ ଅଧିକାରିତା ରାଷ୍ଟ୍ର ମନ୍ତ୍ରୀ ରାମଦାସ ଆଠୱାଲେ ଓଡ଼ିଶା ଗସ୍ତ କରି ବିଭିନ୍ନ କଲ୍ୟାଣକାରୀ ଯୋଜନାର କାର୍ଯ୍ୟକାରିତା ସମୀକ୍ଷା କରିଛନ୍ତି। ଏହି ବୈଠକରେ ଅନୁସୂଚିତ ଜାତି, ଅନୁସୂଚିତ ଜନଜାତି ଏବଂ ଅନ୍ୟାନ୍ୟ ପଛୁଆ ବର୍ଗ (OBC) ପାଇଁ ଛାତ୍ରବୃତ୍ତି, ଉଚ୍ଚଶିକ୍ଷାରେ ସଂରକ୍ଷଣ ତଥା ନିଯୁକ୍ତି ସମ୍ବନ୍ଧୀୟ ପ୍ରାବଧାନ ଉପରେ ବିସ୍ତୃତ ଆଲୋଚନା କରାଯାଇଥିଲା।

କନ୍ଧମାଳ ଜିଲ୍ଲା ଅନ୍ତର୍ଗତ କମ୍ବଗୁଡା ଗ୍ରାମରେ ରୋଷେଇ ପାଣିର ଅସୁବିଧାକୁ ନେଇ ଗ୍ରାମବାସୀମାନେ କୁସୁମେଣ୍ଡି ରାସ୍ତାକୁ ଅବରୋଧ କରିଛନ୍ତି। ସମସ୍ତ ଗ୍ରାମବାସୀ ଏକାଠି ହୋଇ ଏହି ରାସ୍ତାରୋକ ପ୍ରଦର୍ଶନ କରିଥିଲେ।

ଆଜି ଖଡ଼ିଆଳ ସ୍ଥିତ ବ୍ରହ୍ମ କୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଠାରେ ଜଗଦମ୍ବା ସରସ୍ୱତୀଙ୍କ ପୁଣ୍ୟତିଥି ଅତ୍ୟନ୍ତ ଶ୍ରଦ୍ଧା ଓ ଭକ୍ତିଭାବରେ ପାଳିତ ହୋଇଛି। ଏହି କାର୍ଯ୍ୟକ୍ରମରେ ପରିଚାଳିକା ସୂର୍ଯ୍ୟକାନ୍ତି ଅପାଙ୍କ ସମେତ ସଂସ୍ଥାର ସଦସ୍ୟ, ଶିକ୍ଷାର୍ଥୀ ଏବଂ ସ୍ଥାନୀୟ ଭକ୍ତମାନେ ବହୁ ସଂଖ୍ୟାରେ ଉପସ୍ଥିତ ଥିଲେ। କାର୍ଯ୍ୟକ୍ରମର ଆରମ୍ଭ ଦୀପ ପ୍ରଜ୍ୱଳନ ଓ ସାମୂହିକ ଧ୍ୟାନ ସତ୍ସଙ୍ଗ ସହିତ ହୋଇଥିଲା। ଏହା ପରେ ବକ୍ତାମାନେ ଜଗଦମ୍ବା ସରସ୍ୱତୀଙ୍କ ଜୀବନ ଏବଂ ତାଙ୍କର ଆଧ୍ୟାତ୍ମିକ ଅବଦାନ ବିଷୟରେ ଆଲୋଚନା କରିଥିଲେ। ସେମାନେ କହିଥିଲେ ଯେ ଜଗଦମ୍ବା ସରସ୍ୱତୀ ଆଧ୍ୟାତ୍ମିକତା, ସରଳତା ଓ ସେବାଭାବର ପ୍ରତୀକ ଥିଲେ ଏବଂ ତାଙ୍କ ଆଦର୍ଶ ଆଜିର ସମାଜରେ ମଧ୍ୟ ସମସ୍ତଙ୍କ ପାଇଁ ପ୍ରେରଣାଦାୟକ। ଏହି ଅବସରରେ ଭଜନ, ଆଧ୍ୟାତ୍ମିକ ସଙ୍ଗୀତ ଓ ଶାନ୍ତି ଧ୍ୟାନ ଆୟୋଜିତ ହୋଇଥିଲା। ଶେଷରେ ସମସ୍ତ ଉପସ୍ଥିତଙ୍କୁ ପ୍ରସାଦ ବଣ୍ଟନ କରାଯାଇ କାର୍ଯ୍ୟକ୍ରମର ସମାପନ କରାଯାଇଥିଲା।