କନ୍ଧମାଳ ଜିଲ୍ଲା ଅନ୍ତର୍ଗତ କମ୍ବଗୁଡା ଗ୍ରାମରେ ରୋଷେଇ ପାଣିର ଅସୁବିଧାକୁ ନେଇ ଗ୍ରାମବାସୀମାନେ କୁସୁମେଣ୍ଡି ରାସ୍ତାକୁ ଅବରୋଧ କରିଛନ୍ତି। ସମସ୍ତ ଗ୍ରାମବାସୀ ଏକାଠି ହୋଇ ଏହି ରାସ୍ତାରୋକ ପ୍ରଦର୍ଶନ କରିଥିଲେ।

ଗଞ୍ଜାମ ଜିଲ୍ଲାର ପୋଲସରା ସହରସ୍ଥିତ ମଧୁବଶ୍ୟ ସମାଜ କଲ୍ୟାଣ ମଣ୍ଡପ ଠାରେ ଜୁନ୍ ୨୪, ୨୦୨୬ ରେ ଗଞ୍ଜାମ ଜିଲ୍ଲା ସାମ୍ବାଦିକ ୟୁନିୟନର ସାଧାରଣ ପରିଷଦ ବୈଠକ ଏବଂ ପୋଲସରା ପ୍ରେସ କ୍ଳବର ୧୯ ତମ ବାର୍ଷିକ ଉତ୍ସବ ମିଳିତ ଭାବେ ଆୟୋଜିତ ହୋଇଥିଲା। ଏହି ଅବସରରେ ମତ୍ସ୍ୟ ଓ ପ୍ରାଣୀଧନ ବିକାଶ ତଥା ଏମଏସଏମଇ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଘୋଷଣା କରିଛନ୍ତି ଯେ ସରକାର ସାମ୍ବାଦିକମାନଙ୍କ ସମସ୍ୟା ଉପରେ ବିଚାର କରୁଛନ୍ତି ଏବଂ ଖୁବ ଶୀଘ୍ର ଏ ଦିଗରେ ନିଷ୍ପତ୍ତି ନେବେ। ମନ୍ତ୍ରୀ ଶ୍ରୀ ମଲ୍ଲିକ ସାମ୍ବାଦିକମାନଙ୍କୁ ଗଣତନ୍ତ୍ରର ଚତୁର୍ଥ ସ୍ତମ୍ଭ ଏବଂ ସମାଜର ଦର୍ପଣ ବୋଲି ବର୍ଣ୍ଣନା କରିବା ସହ ସେମାନେ ଗଣତନ୍ତ୍ରର ସୁରକ୍ଷା ଓ ସାମାଜିକ ସମସ୍ୟାଗୁଡ଼ିକୁ ଦର୍ପଣ ଭଳି ପ୍ରତିଫଳିତ କରୁଥିବା କହିଥିଲେ। ସେ ଆହୁରି ମଧ୍ୟ କହିଥିଲେ ଯେ ବର୍ତ୍ତମାନର ସରକାରଙ୍କ ସାମ୍ବାଦିକମାନଙ୍କ ପ୍ରତି ସହାନୁଭୂତି ରହିଛି। ଏହି ଉତ୍ସବରେ ଯୋଗଦେଇ ଆସିକା ସାଂସଦ ଶ୍ରୀମତୀ ଅନୀତା ଶୁଭଦର୍ଶନୀ ପଟ୍ଟନାୟକ ପ୍ରତିଶ୍ରୁତି ଦେଇଥିଲେ ଯେ ସାମ୍ବାଦିକମାନେ ଗଣତନ୍ତ୍ର ପାଇଁ ବଞ୍ଚୁଥିବାରୁ ସେ ସେମାନଙ୍କ ସମସ୍ୟାକୁ ରାଜ୍ୟ ତଥା କେନ୍ଦ୍ର ସରକାରଙ୍କ ସହ ଆଲୋଚନା କରିବେ। ଓୟୁଜେ ରାଜ୍ୟ ସଭାପତି ପ୍ରସନ୍ନ କୁମାର ମହାନ୍ତି ଦର୍ଶାଇଥିଲେ ଯେ ଦେଶର ୧୯ଟି ରାଜ୍ୟରେ ସାମ୍ବାଦିକମାନଙ୍କ ପାଇଁ ପେନସନ ବ୍ୟବସ୍ଥା ଥିବାବେଳେ ୨ଟି ରାଜ୍ୟରେ ସାମ୍ବାଦିକ ସୁରକ୍ଷା ଆଇନ ପ୍ରଣୟନ ହୋଇସାରିଛି। ତେଣୁ ସେ ରାଜ୍ୟ ସରକାରଙ୍କୁ ଯଥାଶୀଘ୍ର ଏ ଦିଗରେ ପଦକ୍ଷେପ ନେବାକୁ ନିବେଦନ କରିଥିଲେ। ଏହି ମିଳିତ ଉତ୍ସବଟି ଓୟୁଜେ ଗଞ୍ଜାମ ଜିଲ୍ଲା ସଭାପତି ସଦାଶିବ ପଣ୍ଡା ଏବଂ ପୋଲସରା ପ୍ରେସ କ୍ଳବର ସଭାପତି କେ. ସୁମିତା ପାତ୍ରଙ୍କ ମିଳିତ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଉତ୍ସବରେ ଆଚାର୍ଯ୍ୟ ବିଶ୍ୱ ରଞ୍ଜନ, ପଞ୍ଚାୟତ ସମିତି ଅଧ୍ୟକ୍ଷା କଳ୍ପନା ପ୍ରଧାନ, ଅଶୋକ କୁମାର ମହାଙ୍କୁଡ, ରାଜୀବ ଲୋଚନ ମିଶ୍ର, ରବୀନ୍ଦ୍ରନାଥ ମିଶ୍ର, ରବୀନ୍ଦ୍ର କୁମାର ପଣ୍ଡା, ରାଜ ଗୋପାଳ ପାଢ଼ୀ, ମେଘନାଦ ଦାସ ଏବଂ ଶକ୍ତିଧର ରାଜଗୁରୁ ପ୍ରମୁଖ ଉପସ୍ଥିତ ରହି ନିଜ ନିଜର ମନ୍ତବ୍ୟ ରଖିଥିଲେ। ଯୁବ ସଂଗଠକ ସିମାଞ୍ଚଳ ସାହୁ ସ୍ୱାଗତ ଭାଷଣ ଏବଂ ଅତିଥି ପରିଚୟ ପ୍ରଦାନ କରିଥିବା ବେଳେ ସନ୍ତୋଷ କୁମାର ମିଶ୍ର ଓ ସନ୍ତୋଷ କୁମାର ପଣ୍ଡା ବିବରଣୀ ପାଠ କରିଥିଲେ। ସର୍ବ ନାରାୟଣ ସାହୁ, ଅକ୍ଷାନ୍ତ ମିଶ୍ର, କେ. ସନ୍ତୋଷ କୁମାର ପାତ୍ର, ସୁଶାନ୍ତ ମହାରଣା, ଟି. ଶରତ କୁମାର ସୁବୁଦ୍ଧି, ନୃସିଂହ ସ୍ୱାଇଁ, କାର୍ତ୍ତିକ ପାତ୍ର, ରବୀନ୍ଦ୍ର ପ୍ରଧାନ, ପ୍ରଗତିବନ୍ଧୁ ଦାସ, ରୋହିତ ପ୍ରଧାନ, ପିଣ୍ଟୁ ବିଷୋୟୀ ଏବଂ ହୃଷୀକେଶ ନାୟକ ପ୍ରମୁଖ ଉତ୍ସବର ଆୟୋଜନ ଓ ପରିଚାଳନାରେ ପୂର୍ଣ୍ଣ ସହଯୋଗ କରିଥିଲେ। ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିରର ଛାତ୍ରଛାତ୍ରୀମାନେ ବନ୍ଦେ ମାତରଂ ଗାନ କରିଥିଲେ ଏବଂ ହରିହର ପାତ୍ର ଧନ୍ୟବାଦ ଅର୍ପଣ କରିଥିଲେ।

ଓଡ଼ିଶା ସରକାରଙ୍କ କ୍ଷୁଦ୍ର ଜଳସେଚନ ବିଭାଗରେ ନିମ୍ନମାନର କାର୍ଯ୍ୟ ଚାଲିଥିବା ଅଭିଯୋଗ ହୋଇଛି। ଅଭିଯୋଗ ଅନୁଯାୟୀ, ଠିକାଦାର ଓ ଯନ୍ତ୍ରୀଙ୍କ ମଧ୍ୟରେ ମଧୁଚନ୍ଦ୍ରିକା ଯୋଗୁଁ ଏପରି ନିମ୍ନମାନର କାମ ହେଉଛି। ଯେତେବେଳେ ଠିକାଦାର ଓ ଯନ୍ତ୍ରୀଙ୍କୁ ଏ ବିଷୟରେ ପଚରାଯାଉଛି, ସେମାନେ କୌଣସି ଉତ୍ତର ଦେଉନାହାନ୍ତି। ସାଧାରଣରେ ଏହାକୁ 'ମନମାନୀ ଶାସନ' ଭାବରେ ଦେଖାଯାଉଛି।

ଆଜି ସୁବର୍ଣ୍ଣପୁର ଜିଲ୍ଲା ଅନ୍ତର୍ଗତ ସୋନପୁର ବ୍ଲକର ବିଶିମୁଣ୍ଡା ପଞ୍ଚାୟତର ଖମ୍ବେଶ୍ୱରୀପାଲି ଗାଁକୁ ମା' ମାହେଶ୍ୱରୀଙ୍କ ନବକଳେବର ପାଇଁ ମନ୍ଦିରକୁ ଦାରୁ ଅଣାଯାଇଛି।

ଢେଙ୍କାନାଳ ଜିଲ୍ଲାର ହିନ୍ଦୋଳ ବାଉଁଶପୋଖରୀ ଠାରେ ଆଜି ହିନ୍ଦୋଳ ବନସୁରକ୍ଷା ସମିତି ପକ୍ଷରୁ ଏକ ବନଜୀବ ଓ ଜୈବ୍ୟ ବିବିଧତା କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ହିନ୍ଦୋଳ ଉପଜିଲ୍ଲାପାଳ ପ୍ରଭାସ ଚନ୍ଦ୍ର ବେହୁରା ଯୋଗଦେଇ ନିଜର ପ୍ରତିକ୍ରିୟା ରଖିଥିଲେ।

ସୋନପୁରର କଲ୍ୟାଣ ମଣ୍ଡପରେ ପିଏମ ସ୍ୱନିଧି ମହୋତ୍ସବର ୬ ବର୍ଷ ଅନୁଷ୍ଠିତ ହୋଇଛି।

Post by Bighne Rana

ଗଞ୍ଜାମ ଜିଲ୍ଲାର ସାମ୍ବାଦିକମାନଙ୍କ ସମସ୍ୟା ଉପରେ ସରକାର ବିଚାର କରୁଛନ୍ତି ଏବଂ ଖୁବ୍ ଶୀଘ୍ର ଏ ଦିଗରେ ନିଷ୍ପତ୍ତି ନେବେ ବୋଲି ମତ୍ସ୍ୟ ଓ ପ୍ରାଣୀଧନ ବିକାଶ ତଥା ଏମଏସଏମଇ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ପ୍ରକାଶ କରିଛନ୍ତି। ପୋଲସରାରେ ୨୪/୦୬/୨୬ ରେ ଆୟୋଜିତ ଗଞ୍ଜାମ ଜିଲ୍ଲା ସାମ୍ବାଦିକ ୟୁନିୟନର ସାଧାରଣ ପରିଷଦ ବୈଠକ ଏବଂ ପୋଲସରା ପ୍ରେସ କ୍ଲବର ୧୯ତମ ବାର୍ଷିକ ଉତ୍ସବରେ ମଧୁବଶ୍ୟ ସମାଜ କଲ୍ୟାଣ ମଣ୍ଡପ ଠାରେ ଏହି ଘୋଷଣା କରାଯାଇଥିଲା। ଏହି ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇ ମନ୍ତ୍ରୀ ଶ୍ରୀ ମଲ୍ଲିକ କହିଥିଲେ ଯେ ସାମ୍ବାଦିକମାନେ କେବଳ ଗଣତନ୍ତ୍ରର ଚତୁର୍ଥ ସ୍ତମ୍ଭ ନୁହନ୍ତି, ସେମାନେ ମଧ୍ୟ ସମାଜର ଦର୍ପଣ ସଦୃଶ୍ୟ ଅଟନ୍ତି। ସେମାନେ ଗଣତନ୍ତ୍ରର ସୁରକ୍ଷା ସହିତ ସମାଜର ସମସ୍ୟାକୁ ଦର୍ପଣ ଭଳି ଦେଖାଇଥାନ୍ତି ଏବଂ ବର୍ତ୍ତମାନ ସରକାରଙ୍କର ସାମ୍ବାଦିକମାନଙ୍କ ପ୍ରତି ସହାନୁଭୂତି ରହିଛି ବୋଲି ସେ ଦୋହରାଇଥିଲେ। ଆସିକା ସାଂସଦ ଶ୍ରୀମତୀ ଅନୀତା ଶୁଭଦର୍ଶନୀ ପଟ୍ଟନାୟକ ଏହି ଅବସରରେ କହିଥିଲେ ଯେ ସାମ୍ବାଦିକମାନେ କେବଳ ନିଜ ପାଇଁ ନୁହେଁ, ଗଣତନ୍ତ୍ର ପାଇଁ ମଧ୍ୟ ବଞ୍ଚନ୍ତି। ତେଣୁ ସେ ସାମ୍ବାଦିକମାନଙ୍କ ସମସ୍ୟା ସମ୍ପର୍କରେ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ସହ ଆଲୋଚନା କରିବେ ବୋଲି ପ୍ରତିଶ୍ରୁତି ଦେଇଥିଲେ। ଓୟୁଜେ ରାଜ୍ୟ ସଭାପତି ପ୍ରସନ୍ନ କୁମାର ମହାନ୍ତି ଅନ୍ୟତମ ବରେଣ୍ୟ ଅତିଥି ଭାବେ ଯୋଗ ଦେଇ କହିଥିଲେ ଯେ ଦେଶର ୧୯ଟି ରାଜ୍ୟରେ ସାମ୍ବାଦିକମାନଙ୍କ ପାଇଁ ପେନସନ ବ୍ୟବସ୍ଥା ଥିବା ବେଳେ, ୨ଟି ରାଜ୍ୟ ସାମ୍ବାଦିକ ସୁରକ୍ଷା ଆଇନ ପ୍ରଣୟନ କରିସାରିଛନ୍ତି। ଏଣୁ ରାଜ୍ୟ ସରକାର ଶୀଘ୍ର ଏ ଦିଗରେ ପଦକ୍ଷେପ ନେବା ଆବଶ୍ୟକ। ଓୟୁଜେ ଗଞ୍ଜାମ ଜିଲ୍ଲା ସଭାପତି ସଦାଶିବ ପଣ୍ଡା ଏବଂ ପୋଲସରା ପ୍ରେସ କ୍ଲବର ସଭାପତି କେ. ସୁମିତା ପାତ୍ରଙ୍କ ମିଳିତ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଆଚାର୍ଯ୍ୟ ବିଶ୍ୱ ରଞ୍ଜନ, ପଞ୍ଚାୟତ ସମିତି ଅଧ୍ୟକ୍ଷା କଳ୍ପନା ପ୍ରଧାନ, ଅଶୋକ କୁମାର ମହାଙ୍କୁଡ, ରାଜୀବ ଲୋଚନ ମିଶ୍ର, ରବିନ୍ଦ୍ରନାଥ ମିଶ୍ର, ରବିନ୍ଦ୍ର କୁମାର ପଣ୍ଡା, ରାଜଗୋପାଳ ପାଢ଼ୀ, ମେଘନାଦ ଦାସ ଏବଂ ଶକ୍ତିଧର ରାଜଗୁରୁ ପ୍ରମୁଖ ନିଜ ନିଜର ମନ୍ତବ୍ୟ ରଖିଥିଲେ। ଯୁବ ସଂଗଠକ ସିମାଞ୍ଚଳ ସାହୁ ସ୍ୱାଗତ ଭାଷଣ ସହିତ ଅତିଥି ପରିଚୟ ପ୍ରଦାନ କରିଥିବା ବେଳେ, ସନ୍ତୋଷ କୁମାର ମିଶ୍ର ଓ ସନ୍ତୋଷ କୁମାର ପଣ୍ଡା ବିବରଣୀ ପାଠ କରିଥିଲେ। ସର୍ବ ନାରାୟଣ ସାହୁ, ଅକ୍ଷାନ୍ତ ମିଶ୍ର, କେ. ସନ୍ତୋଷ କୁମାର ପାତ୍ର, ସୁଶାନ୍ତ ମହାରଣା, ଟି. ଶରତ କୁମାର ସୁବୁଦ୍ଧି, ନୃସିଂହ ସ୍ୱାଇଁ, କାର୍ତ୍ତିକ ପାତ୍ର, ରବିନ୍ଦ୍ର ପ୍ରଧାନ, ପ୍ରଗତିବନ୍ଧୁ ଦାସ, ରୋହିତ ପ୍ରଧାନ, ପିଣ୍ଟୁ ବିଷୋୟୀ ଓ ହୃଷୀକେଶ ନାୟକ ଉତ୍ସବ ଆୟୋଜନ ଓ ପରିଚାଳନାରେ ପୂର୍ଣ୍ଣ ସହଯୋଗ କରିଥିଲେ। ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିରର ଛାତ୍ରଛାତ୍ରୀମାନେ ବନ୍ଦେ ମାତରମ ଗାନ କରିଥିବା ବେଳେ, ହରିହର ପାତ୍ର ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମ ସମ୍ପର୍କରେ ଗଣେଶ ପାଣିଗ୍ରାହୀ ରିପୋର୍ଟ ପ୍ରସ୍ତୁତ କରିଥିଲେ।

ମୟୂରଭଞ୍ଜ ସେବା ସଂଗଠନ ପକ୍ଷରୁ ଗତ ରବିବାର ଦିନ ପ୍ରତିଷ୍ଠାତା ତଥା ସଭାପତି ଶ୍ରୀ ଚିନ୍ମୟ ଦାସଙ୍କ ୨୩ତମ ଜନ୍ମଦିବସ ଅବସରରେ ବାରିପଦା, ମୟୂରଭଞ୍ଜଠାରେ ଏକ ବିଶାଳ ସ୍ୱେଚ୍ଛାକୃତ ରକ୍ତଦାନ ଶିବିର ସଫଳତାର ସହ ଆୟୋଜିତ ହୋଇଯାଇଛି। ରୋଟାରୀ କ୍ଲବ ପରିସରରେ ଆୟୋଜିତ ଏହି ମାନବସେବା କାର୍ଯ୍ୟକ୍ରମରେ 'ରକ୍ତ ଦାନ ଜୀବନ ଦାନ'ର ମହାମନ୍ତ୍ରକୁ ସାକାର କରି ତିରିଶି ଜଣ ସହୃଦୟ ରକ୍ତଦାତା ସ୍ୱଇଚ୍ଛାରେ ରକ୍ତଦାନ କରି ଅନେକ ଅମୂଲ୍ୟ ଜୀବନ ରକ୍ଷାରେ ସହଯୋଗ କରିଛନ୍ତି। ଏହି ଅବସରରେ ଶ୍ରୀ ଚିନ୍ମୟ ଦାସ ନିଜ ମତ ରଖି କହିଥିଲେ ଯେ, ଜନ୍ମଦିନ କେବଳ କେକ୍ କାଟିବାର ଦିନ ନୁହେଁ, ବରଂ କାହାର ଜୀବନରେ ଆଶାର ଆଲୋକ ଜଳାଇବାର ଏକ ସୁଯୋଗ। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବାରିପଦା ବିଡିଓ ଶ୍ରୀ ଦେବେନ୍ଦ୍ର ପ୍ରସାଦ ବଳ ଯୋଗଦେଇ ରକ୍ତଦାତାମାନଙ୍କୁ ପ୍ରଶଂସା କରିବା ସହ ଯୁବପୀଢ଼ିଙ୍କୁ ସମାଜସେବାରେ ଆଗେଇ ଆସିବାକୁ ଆହ୍ୱାନ ଦେଇଥିଲେ। ସମ୍ମାନିତ ଅତିଥି ଭାବେ ପୂର୍ବତନ ରୋଟାରୀ ସଭାପତି ଶ୍ରୀ ରାକେଶ ସିଂହ, ବାରିପଦା ବ୍ଲଡ଼ ବ୍ୟାଙ୍କ ଅଧିକାରୀ ଡ଼ା. ସୌମ୍ୟ ରଞ୍ଜନ ନାୟକ, ରୋଟାରୀ ସେକ୍ରେଟାରୀ ରୋଟାରିଆନ୍ ତିମିର କୁମାର ଘୋଷ, ଡ଼ା. ନିରୋଜ କୁମାର ପୋଥାଳ, ଶ୍ରୀ ସୋମନାଥ ସିଂହ, ଶ୍ରୀ ରିଙ୍କୁ ପାଲ, ଶ୍ରୀ ବିନୀତ ପୁରୀ, ଶ୍ରୀ ବିଶ୍ୱଜିତ ନାୟକ, ଶ୍ରୀ ରାଜୀବ, ଶ୍ରୀ ପ୍ରଦୀପ କୁମାର ମିସ୍ତ୍ରୀ, ଶ୍ରୀ ସୁଜିତ କୁମାର ସାହୁ, ଶ୍ରୀ ଚିତ୍ତରଞ୍ଜନ ସ୍ୱାଇଁ, ଓ ଶ୍ରୀ ହିମାଂଶୁ ଶେଖର ପ୍ରହରାଜ ପ୍ରମୁଖ ଉପସ୍ଥିତ ରହି ରକ୍ତଦାତାଙ୍କୁ ଉତ୍ସାହିତ କରିଥିଲେ। ଏହି ମହତ୍ କାର୍ଯ୍ୟକ୍ରମକୁ ସଫଳ କରିବାରେ ମୟୂରଭଞ୍ଜ ସେବା ସଂଗଠନର ପ୍ରତିଷ୍ଠାତା ତଥା ସଭାପତି ଶ୍ରୀ ଚିନ୍ମୟ ଦାସଙ୍କ ସମେତ ଉପସଭାପତି ଶ୍ରୀ ସନ୍ଦୀପ କୁମାର ନାଥ, ସମ୍ପାଦକ ଶ୍ରୀ ଭାରତ କୁମାର ପାତ୍ର, ଯୁଗ୍ମ ସମ୍ପାଦକ ଶ୍ରୀ ହରିଶ ଚନ୍ଦ୍ର ଲେଙ୍କା, କୋଷାଧ୍ୟକ୍ଷ ଶ୍ରୀମତୀ ତନୁଜା ପଟ୍ଟନାୟକ, ସାଂସ୍କୃତିକ ସମ୍ପାଦକ ଶ୍ରୀ ରାମେଶ୍ୱର ସିଂହ, ପରାମର୍ଶଦାତା ଶ୍ରୀ ଅରବିନ୍ଦ ମୁଖୀ, ବରିଷ୍ଠ ପରାମର୍ଶଦାତା ଶ୍ରୀ ତୃପ୍ତି ମୋହନ ମହାପାତ୍ର ଏବଂ ଅନ୍ୟାନ୍ୟ ସକ୍ରିୟ ସଦସ୍ୟ ଯଥା ଅଙ୍କିତ କୁମାର ସାହୁ, ରୁମା ବାରିକ, ଚିନ୍ମୟ କୁମାର ପ୍ରଧାନ, ବାପୁନ ସିଂହ, ରାହୁଲ ମହାପାତ୍ର, ସୁଭଦ୍ରା ପ୍ରଧାନ, ତନୁଶ୍ରୀ ଦାସ, ସତ୍ୟମ କୁମାର ବାରିକ, ମନୋଜ ବେହେରା, ମାନସରଞ୍ଜନ ସ୍ୱାଇଁ, ଉତ୍ତମ ରାଉତ ଓ ସମସ୍ତ ସଦସ୍ୟ ନିଷ୍ଠାର ସହ କାର୍ଯ୍ୟ କରିଥିଲେ। ଏଥିସହ ବିବେକାନନ୍ଦ ସେବା ଫାଉଣ୍ଡେସନ୍ (ଭୋଳାଘାଟି), ହେଲ୍ପିଂ ହ୍ୟାଣ୍ଡସ୍ (ଜଳେଶ୍ୱର), ରଶ୍ମି ଚାରିଟେବୁଲ୍ ଟ୍ରଷ୍ଟ (କେନ୍ଦ୍ରାପଡ଼ା), ମାନବଧର୍ମ ସେବା ଟ୍ରଷ୍ଟ (ବାରିପଦା), ରେଡ୍ ଗ୍ରୀନ୍ ଫାଉଣ୍ଡେସନ୍, ଶ୍ରୀଶକ୍ତି ମହାସଂଘ, ନାରାୟଣ ସେବା ଟ୍ରଷ୍ଟ, ସୋସିଆଲ୍ ୱେଲଫେୟାର ଫୋରମ୍, ମା ତୁଳସୀ ଫାଉଣ୍ଡେସନ୍ ଏବଂ ନନ୍ଦଲାଲା ସେବା ଟ୍ରଷ୍ଟର ସଦସ୍ୟମାନେ ମଧ୍ୟ ଏହି ଶିବିରରେ ସକ୍ରିୟ ଭାବେ ଅଂଶଗ୍ରହଣ କରିଥିଲେ। ନନ୍ଦଲାଲା ସେବା ଟ୍ରଷ୍ଟର ପ୍ରତିଷ୍ଠାତା ଶ୍ରୀ ଶିବପ୍ରସାଦ ନନ୍ଦ ଓ ସମ୍ପାଦିକା ଶ୍ରୀମତୀ ଅନୁପମା ନନ୍ଦ ରକ୍ତଦାତାଙ୍କୁ ପ୍ରେରଣା ଓ ଉତ୍ସାହ ପ୍ରଦାନ କରିଥିଲେ। ନିଜ ଜନ୍ମଦିନକୁ କେବଳ ଉତ୍ସବରେ ସୀମିତ ନ ରଖି ସମାଜ ପାଇଁ ରକ୍ତଦାନ ଭଳି ମହାନ କାର୍ଯ୍ୟକୁ ଉତ୍ସର୍ଗ କରିଥିବାରୁ ପ୍ରତିଷ୍ଠାତା ଶ୍ରୀ ଚିନ୍ମୟ ଦାସଙ୍କ ଏହି ପଦକ୍ଷେପକୁ ସମଗ୍ର ଓଡ଼ିଶାର ସାମାଜିକ କର୍ମୀ ଓ ସାମାଜିକ ଅନୁଷ୍ଠାନ ପକ୍ଷରୁ ପ୍ରଶଂସା କରାଯିବା ସହ ଅଶେଷ ଧନ୍ୟବାଦ ଜ୍ଞାପନ କରାଯାଇଛି। କାର୍ଯ୍ୟକ୍ରମ ଶେଷରେ ଶ୍ରୀ ଚିନ୍ମୟ ଦାସ ସମସ୍ତ ରକ୍ତଦାତା, ଅତିଥି, ସହଯୋଗୀ ସଂଗଠନ, ସ୍ୱେଚ୍ଛାସେବୀ ଓ ମୟୂରଭଞ୍ଜ ସେବା ସଂଗଠନର ସମସ୍ତ ସଦସ୍ୟଙ୍କୁ କୃତଜ୍ଞତା ଜଣାଇଥିଲେ ଏବଂ 'ରକ୍ତଦାନ ଜୀବନ ଦାନର ଆହ୍ୱାନ – ଆପଣଙ୍କ ଗୋଟିଏ ୟୁନିଟ୍ ରକ୍ତ, ଅନେକ ପରିବାରର ହସର କାରଣ। ଜନ୍ମଦିନର ସର୍ବଶ୍ରେଷ୍ଠ ଉପହାର ହେଉଛି ଜୀବନଦାନ' ବୋଲି ବାର୍ତ୍ତା ଦେଇଥିଲେ।

ଗଞ୍ଜାମ ଜିଲ୍ଲାର ଜାତୀୟ ରାଜପଥ ସମେତ ବିଭିନ୍ନ ଥାନା ଅଞ୍ଚଳରେ ଦିନକୁ ଦିନ ଦୁର୍ଘଟଣା ସଂଖ୍ୟା ଓ ମୃତ୍ୟୁହାର ବୃଦ୍ଧି ପାଉଛି। ଏହାକୁ ରୋକିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଉଥିବାବେଳେ ଜାତୀୟ ରାଜପଥ କର୍ତ୍ତୃପକ୍ଷଙ୍କ ଅବହେଳା କାରଣରୁ ଏପରି ପରିସ୍ଥିତି ଉପୁଜୁଥିବା ଦେଖିବାକୁ ମିଳିଛି। ବିଶେଷ କରି, ସହର ନିକଟ ଜାତୀୟ ରାଜପଥ ପାର୍ଶ୍ୱରେ ଲାଗିଥିବା ଲାଇଟଗୁଡ଼ିକ ଅଚଳ ହୋଇପଡ଼ିଥିବାରୁ ରାଜପଥ ଅନ୍ଧାରରେ ରହୁଛି, ଯାହା ଦୁର୍ଘଟଣା ବୃଦ୍ଧିର ମୁଖ୍ୟ କାରଣ ବୋଲି ଅଭିଯୋଗ ହୋଇଛି। ଏହି ସମସ୍ୟା ନେଇ ସ୍ଥାନୀୟ ବାସିନ୍ଦାମାନେ ପୂର୍ବରୁ ଅନେକ ଥର ଜାତୀୟ ରାଜପଥ କର୍ତ୍ତୃପକ୍ଷ, ଆଞ୍ଚଳିକ ପରିବହନ ବିଭାଗ ଏବଂ ଜିଲ୍ଲା ପ୍ରଶାସନ ନିକଟରେ ଅଭିଯୋଗ କରିଥିଲେ ମଧ୍ୟ କୌଣସି ଫଳ ମିଳିନାହିଁ। ଦୁର୍ଘଟଣାକୁ ରୋକିବା ଏବଂ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ଛତ୍ରପୁର ଜାତୀୟ ରାଜପଥ ପାର୍ଶ୍ୱରେ ଖରାପ ହୋଇ ରହିଥିବା ଷ୍ଟ୍ରିଟ୍ ଲାଇଟ୍ଗୁଡ଼ିକର ତୁରନ୍ତ ମରାମତି କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି। ଏହି ଦାବି ଉପରେ ସ୍ଥାନୀୟ କାଉନସିଲର ମଧ୍ୟ ପ୍ରତିକ୍ରିୟା ରଖିଛନ୍ତି।